ອັງກິດໃນນຶ່ງນາທີ

ພາສາອັງກິດ ໃນນຶ່ງນາທີ, “Third Time’s the Charm” ແປວ່າ “ຄັ້ງທີສາມ ມັກຈະດີ ຫຼື ສຳເລັດຜົນສະເໜີ”

ການເວົ້າວ່າ ຄັ້ງທີສາມ ມັກຈະດີ ຫຼື ປະສົບຜົນສຳເລັດສະເໜີ ໝາຍເຖິງຄົນຜູ້ນຶ່ງ ໃນທີ່ສຸດກໍປະສົບຜົນສຳເລັດ ໃນຄວາມພະຍາຍາມຄັ້ງທີສາມຂອງພວກເຂົາ. ພວກເຮົາໃຊ້ສຳນວນນີ້ ເພື່ອໃຫ້ກຳລັງໃຈໃຜຄົນນຶ່ງ ຜູ້ທີ່ຫຼົ້ມແຫຼວ ໃນການເຮັດສິ່ງ ໃດສິ່ງນຶ່ງ ມາສອງສາມເທື່ອແລ້ວ.

ພາສາອັງກິດ ໃນນຶ່ງນາທີ, “Forgive and Forget” ແປວ່າ “ໃຫ້ອະໄພ ແລະ ລືມມັນຊະ”

ການໃຫ້ອະໄພ ແລະ ລືມມັນໄປ ໝາຍເຖິງການຢຸດໃຈຮ້າຍໃຫ້ໃຜຄົນນຶ່ງ ສຳລັບສິ່ງທີ່ຄົນ ຜູ້ນັ້ນໄດ້ເຮັດ. ສຳນວນນີ້ ເຕືອນຄົນເຮົາໃຫ້ປ່ອຍແນວຄວາມຄິດທີ່ບໍ່ດີໄປ ແລະ ສຸມໃສ່ສິ່ງທີ່ດີກວ່າ.

ພາສາອັງກິດ ໃນນຶ່ງນາທີ, “At your fingertips” ແປວ່າ “ໃກ້ພຽງປາຍນິ້ວມື”

ຖ້າສິ່ງໃດສິ່ງນຶ່ງຢູ່ປາຍນິ້ວມືຂອງເຈົ້າ, ມັນກໍສາມາດຢິບ ແລະ ໃຊ້ງານໄດ້ງ່າຍດາຍ ຄືກັບວ່າມັນຢູ່ໃນມືຂອງພວກເຮົາເອງ. ໂດຍທົ່ວໄປແລ້ວ ພວກເຮົາມັກຈະໃຊ້ສຳນວນນີ້ ເມື່ອເວົ້າເຖິງຂໍ້ມູນ ຫຼື ຊັບພະຍາກອນຕ່າງໆ

ພາສາອັງກິດ ໃນນຶ່ງນາທີ, “A can of worms” ແປວ່າ “ການສ້າງບັນຫາ ຫຼື ການສ້າງຄວາມຫຍຸ້ງຍາກຫຼາຍຂຶ້ນ”

ສຳນວນທີ່ວ່າ To open “a can of worms” ໝາຍຄວາມວ່າ ການພະຍາຍາມຈັດການ ຫຼື ເຈລະຈາ ກ່ຽວກັບບັນຫາ ຫຼື ສະຖານະການໃດນຶ່ງ, ແຕ່​ຊ້ຳພັດຕ້ອງປະເຊີນກັບ ບັນຫາທີ່ເພີ້ມຫຼາຍຂຶ້ນ. ອານນາ ເລືອກທີ່ຈະບໍ່ເຮັດໃຫ້ມີບັນຫາ ຫຼື ຄວາມຫຍຸ້ງຍາກ ຫຼາຍຂຶ້ນກວ່າເກົ່າ ໂດຍການໂຕ້ຖຽງກ່ຽວກັບກົດການໃຊ້ເຄື່ອງໝາຍຈຸດ ກັບແດນ.

ພາສາອັງກິດ ໃນນຶ່ງນາທີ, “What makes someone tick” ແປວ່າ “ສິ່ງທີ່ເຮັດໃຫ້ໃຜຄົນນຶ່ງກ້າວໄປຂ້າງໜ້າ ຫຼື ມີແຮງຈູງໃຈ”

ສິ່ງທີ່ “make someone tick” ແມ່ນສິ່ງທີ່ ເຮັດໃຫ້ເຂົາເຈົ້າ ປະພຶດໂຕ ໄປໃນຮູບແບບໃດນຶ່ງ. ພວກມັນແມ່ນ ຄວາມຮູ້ສຶກ, ຄວາມຝັນ, ຄວາມຫວັງ, ຄວາມຄິດເຫັນ, ຄວາມຢ້ານກົວ ຂອງຄົນຜູ້ນຶ່ງ...ທຸກຢ່າງ!

ພາສາອັງກິດ ໃນນຶ່ງນາທີ, “Dropping like flies” ແປວ່າ “ຕົກລົງມາຕາຍເປັນຈຳນວນຫຼວງຫຼາຍຄືແມງວັນ/ຕົກຮອບເປັນຈຳນວນຫຼວງຫຼາຍ”

ຄຳວ່າ “To drop like flies” ໝາຍຄວາມວ່າ ພັງທະລາຍ, ເສຍຊີວິດ ຫຼື ຕົກລົງມາເປັນຈຳນວນຫຼາຍ ໃນຊ່ວງເວລາສັ້ນໆ. ຖ້າເຈົ້າຫາກເຄີິຍເຫັນແມງວັນຕາຍເປັນຈຳນວນຫຼາຍ ຢູ່ເທິງລະບຽງ ຫຼື ພື້ນເຮືອນ, ເຈົ້າຈະຮູ້ວ່າສຳນວນນີ້ ມີທີ່ມາ ມາຈາກໃສ.

ພາສາອັງກິດ ໃນນຶ່ງນາທີ, “Divide and conquer” ແປວ່າ “ການແບ່ງຄວາມຮັບຜິດຊອບ ເພື່ອແລ້ວແກ້ໄຂ ຫຼືດຳເນີນການ, ແຍກໜ້າທີ່ກັນເຮັດ”

ເວລາທີ່ທ່ານ divide and conquer, ທຸກຄົນມີສ່ວນຮ່ວມໃນການເຮັດໃຫ້ໂຄງການ ຫຼືຈຸດໝາຍທີ່ສັບສົນ ບັນລຸຜົນສຳເລັດ. ດ້ວຍວິທີນີ້, ສິ່ງຕ່າງໆ ຈະສຳເລັດຜົນໄວ້ຂຶ້ນ ແລະ ງ່າຍຂຶ້ນ. ແຕ່, ຂ້ອຍຂໍໂທດເດີ, ຂ້ອຍໄປມີສ່ວນຮ່ວມໃນການນຳສະເໜີບົດລາຍງານນີ້ ໄດ້ແນວໃດ?

ພາສາອັງກິດ ໃນນຶ່ງນາທີ, “Red Tape” ແປວ່າ “ຂັ້ນຕອນ/ຂໍ້ກຳນົດ/ກົດລະບຽບ ທີ່ເຂັ້ມງວດ”

ໃນບັນດາອົງການຈັດຕັ້ງທີ່ໃຫຍ່ໆ ເຊັ່ນ ລັດຖະບານ ແລະ ບໍລິສັດ ຕ່າງໆ, ມັນມີຂໍ້ກຳນົດກົດລະບຽບຢ່າງຫຼວງຫຼາຍ ທີ່ອາດຈະເຮັດໃຫ້ຮູ້ສຶກວ່າມັນບໍ່ຈຳເປັນ. ບັນດາກົດລະບຽບເຫຼົ່ານັ້ນ ອາດຂັດຂວາງ ບໍ່ໃຫ້ວຽກງານສຳເລັດທັນເວລາ ຫຼື ບໍ່ສຳເລັດເລີຍ. ພວກເຮົາເອີ້ນກົດເຫຼົ່ານີ້ວ່າ “red tape”.

ພາສາອັງກິດ ໃນນຶ່ງນາທີ, “Under the Hood” ແປວ່າ “ລະບົບການເຮັດວຽກຢູ່ທາງໃນຂອງສິ່ງໃດສິ່ງນຶ່ງ/ທາງໃນຂອງສິ່ງໃດສິ່ງນຶ່ງ”

ເມື່ອ ເຈົ້າເບິ່ງເຂົ້າໄປທາງໃນກະໂປງ ຫຼືຝາປິດຂອງສິ່ງໃດສິ່ງນຶ່ງ, ເຈ້າຈະໄດ້ຮຽນຮູ້ ຫຼືສຶກສາເບິ່ງວ່າ ມັນເຮັດວຽກແນວໃດ ແລະ ເບິ່ງວ່າມີສິ່ງໃດຜິດປົກະຕິ ຫຼືບໍ່. ພວກເຮົາໃຊ້ສຳນວນນີ້ ກ່ຽວກັບເຄື່ອງຈັກ ເຊ່ັນ ລົດ, ຄອມພິວເຕີ້. ແຕ່ ພວກເຮົາຍັງສາມາດໃຊ້ສຳນວນນີ້ ກ່ຽວກັບອົງການຈັດຕັ້ງ, ຂັ້ນຕອນ ຫຼື ແມ່ນແຕ່ຄົນ ໄດ້ເຊັ່ນກັນ.

ພາສາອັງກິດ ໃນນຶ່ງນາທີ, “Five o’clock shadow” ແປວ່າ “ໜວດເຄົາ ທີ່ກຳລັງເລີ້ມປົ່ງຂຶ້ນໃໝ່ຢູ່ໃບໜ້າ”

ສຳນວນທີ່ວ່າ “Five o’clock shadow” ຖືກໃຊ້ ເພື່ອພັນລະນາເຖິງການປົ່ງຂອງໜວດ ທີ່ເກີດຂຶ້ນລະຫວ່າງການແຖໜວດໃນຕອນເຊົ້າ ຫາຕອນທ້າຍໆຂອງມື້. ມັນເປັນເລື້ອງປົກກະຕິທີ່ໜວດຈະປົ່ງຄືນໃໝ່ ໃນລະຫວ່າງວັນ. ແຕ່ ໃນກໍລະນີຂອງແດນ, ລາວອາດຈະຕ້ອງໄດ້ກວດເບິ່ງສ່ວນປະສົມຢູ່ໃນນໍ້າຜັກຫົມຂອງລາວ

ພາສາອັງກິດ ໃນນຶ່ງນາທີ, “get your actions together” ແປວ່າ “ເຮັດ (ໂຕຂອງເຈົ້າ) ໃຫ້ເໝາະສົມ/ຖືກຕ້ອງ, ເຮັດໂຕໃຫ້ເຂົ້າຮູບເຂົ້າຮອຍ”

ພາສາອັງກິດ ໃນນຶ່ງນາທີ, “Pull punches” ແປວ່າ “ຖະໜອມນໍ້າໃຈ, ຢັ້ງມືໄວ້, ໄວ້ໜ້າ”

ຄົນທີ່ບໍ່ “ຢອມໝັດ ຫຼືກໍາປັ້ນໄວ້” ຈະເວົ້າ ແລະກະທຳແບບກົງໄປກົງມາ, ເຖິງແມ່ນວ່າ ການກະທຳ ຫຼື ຄຳເວົ້າຂອງພວກເຂົາອາດຈະເຮັດໃຫ້ບາງຄົນບໍ່ພໍໃຈກໍຕາມ. ສຳນວນນີ້ ມາຈາກກິລາຕີມວຍ. ເມື່ອນັກມວຍ ຢອມໝັດ, ພວກເຂົາບໍ່ຊົກແຮງເຕັມກຳລັງທີ່ພວກ ເຂົາຊົກໄດ້