ລິ້ງ ສຳຫລັບເຂົ້າຫາ

ນ.ຍ.ລາວ ກ່າວວ່າ ຄຸນນະພາບການສຶກສາລາວຕໍ່າ ຍ້ອນການຂາດຄວາມຮັບຜິດຊອບ ແລະແບບຢ່າງອັນບໍ່ດີຂອງຄູ

  • ຊົງຣິດ ໂພນເງິນ

ກອງປະຊຸມພັກຂອງກະຊວງສຶກສາ ທີ່ຈັດຂຶ້ນໃນທ້າຍປີ 2010 ທີ່ນະຄອນວຽງຈັນ ຊຶ່ງມີທ່ານພັນຄໍາ ວິພາວັນ (ຊ້າຍສຸດ) ລັດຖະ ມົນຕີແລະເລຂາພັກ ກະຊວງສຶກສາທິການ ແລະທ່ານທອງສິງ ທໍາ ມະວົງ (ທີ2, ຊ້າຍ), ນາຍົກລັດຖະມົນຕີລາວ

ນາຍົກລັດຖະມົນຕີລາວເນັ້ນຢໍ້າວ່າ ບັນຫາຄຸນນະພາບຕໍ່າທາງດ້ານການສຶກສາຂອງລາວ ມີສາເຫດທີ່ສໍາຄັນປະການນຶ່ງ ມາຈາກການຂາດຄວາມຮັບຜິດຊອບ ແລະການເປັນແບບຢ່າງ ທີ່ບໍ່ດີຂອງຄູທັງຫຼາຍ.

ທ່ານ ທອງສິງ ທໍາມະວົງ, ນາ
ຍົກລັດຖະມົນຕີລາວໄດ້ຖະແຫຼງ
ໃນໂອກາດເປັນປະທານໃນກອງ
ປະຊຸມຜູ້ບໍລິຫານການສຶກສາທົ່ວ
ປະເທດປະຈໍາປີ 2011 ເມື່ອບໍ່
ນານມານີ້ຢູ່ນະຄອນຫຼວງວຽງ
ຈັນວ່າ ເຖິງ​ແມ່ນ​ວ່າ​ໃນ​ປັດຈຸບັນ​
ນີ້ຈະມີ​ໂຮງຮຽນ​ປະຖົມ​ຢູ່​ໃນລາວ
94% ຂອງ​ຈໍານວນ​ໝູ່​ບ້ານທັງ
ໝົດ​ໃນ​ທົ່ວ​ປະເທດ ແລະໃນຂະ
ນະ​ດຽວ​ກັນ ​ກໍ​ເຮັດ​ໃຫ້ 94.1%
ຂອງເດັກ​ນ້ອຍໃນ​ໄວ​ຮຽນທັງ​ໝົດ
​ມີ​ໂອກາດ​ໄດ້​ຮຽນ​ໜັງສື​ໃນ​ລະດັບ​ປະ​ຖົມ. ສ່ວນ 62.9% ກໍ​ໄດ້ຮຽນ​ຈົນຈົບ​ມັດທະຍົມແລະ
33.5% ກໍ​ໄດ້​ຮຽນ​ຈົນຈົບມັດທະຍົມປາຍກໍ​ຕາມ ຫາກ​ແຕ່​ປາກົດວ່າ ຄຸນນະພາບໃນດ້ານ
ການສຶກສາຂອງລາວນັ້ນ ຍັງຈັດຢູ່ໃນລະດັບທີ່ຕໍ່າຫລາຍ ​ເມື່ອ​ທຽບກັບບັນດາປະ​ເທດ​ສະ
ມາຊິກ​ໃນ​ກຸ່ມ​ອາຊຽນ​ດ້ວຍ​ກັນ.

ເດັກນ້ອຍລາວຈໍານວນນຶ່ງຢູ່ໃນເຂດຊົນນະບົດທີ່ຢູ່ໃນເກນອາຍຸເຂົ້າໂຮງງຽນປະຖົມແລ້ວ
ເດັກນ້ອຍລາວຈໍານວນນຶ່ງຢູ່ໃນເຂດຊົນນະບົດທີ່ຢູ່ໃນເກນອາຍຸເຂົ້າໂຮງງຽນປະຖົມແລ້ວ

ທັ້ງນີ້ໂດຍສາເຫດທີ່ສໍາຄັນປະ
ການໜຶ່ງທີ່ເຮັດໃຫ້ເກີດສະພາບ
ດັ່ງກ່າວນີ້ໃນການສຶກສາຂອງ
ລາວນັ້ນ ທ່ານ ທອງສິງ ກໍໄດ້
ໃຫ້ການເນັ້ນຢໍ້າວ່າ ເປັນຍ້ອນ
ບັນດາຄູແລະອາຈານຈໍານວນ
ບໍ່ໜ້ອຍທີ່ບໍ່ມີຄຸນນະພາບ ທັງ
ຍັງຂາດຄວາມຮັບຜິດຊອບ
ແລະເປັນແບບຢ່າງທີ່ບໍ່ດີໃຫ້ກັບ
ນັກຮຽນອີກດ້ວຍ.

ແຕ່ຢ່າງໃດກໍຕາມທ່ານ ທອງ
ສິງກໍຍອມຮັບວ່າ ເງື່ອນໄຂທີ່
ສໍາຄັນປະການນຶ່ງທີ່ເຮັດໃຫ້ບັນດາຄູ ແລະອາຈານຈໍານວນບໍ່ໜ້ອຍຕ້ອງຕົກຢູ່ໃນສະພາບ
ການ ດັ່ງກ່າວນີ້ກໍ່ຄືການບໍ່ໄດ້ຮັບການເບິ່ງແຍງທີ່ດີ ທັງໃນດ້ານການຄອງຊີບ ແລະຄວາມ
ກ້າວໜ້າໃນອາຊີບ ຊຶ່ງເຮັດໃຫ້ພາກສ່ວນທີ່ຮັບຜິດຊອບ ໃນດ້ານນີ້ຈະຕ້ອງສຶກສາວິໄຈເພື່ອ
ແກ້ໄຂບັນຫາ ແລະພັດທະນາໃຫ້ດີຂຶ້ນ ດັ່ງທີ່ທ່ານ ທອງສິງ ໄດ້ຊີ້ແຈງວ່າ:

ສາເຫດຕົ້ນຕໍທີ່ພາໃຫ້ການສຶກສາບໍ່ມີຄຸນນະພາບ ອັນນີ້ມັນແມ່ນແທ້ບໍ່ ຍ້ອນຊີວິດ
ການເປັນຢູ່ຂອງຄູບໍ່ທັນດີ ຈຶ່ງບໍ່ເອົາໃຈໃສ່ຕໍ່ການສິດສອນ ຫຼືວ່າ
ແມ່ນແທ້ບໍ່ ຍ້ອນ
ຄວາມຮູ້ຄວາມສາມາດຂອງຄູຈໍາກັດ
ຍ້ອນຫຼັກສູດການຮຽນ ການສອນບໍ່ສອດຄ່ອງ
ແລະອື່ນໆ ອັນນີ້ພວກສະຫາຍຈົ່ງພ້ອມກັນຄົ້ນຄ້ວາ ຕີລາຄາເບິ່ງໃນສະພາບເປັນຈິງ
.

ກອງປະຊຸມວິທະຍາສາດຂອງບັນດາຄູຕ່າງໆ ທີ່ຈັດຂຶ້ນໃນເດືອນຕຸລາ ປີ 2010 ທີ່ນະຄອນວຽງຈັນ
ກອງປະຊຸມວິທະຍາສາດຂອງບັນດາຄູຕ່າງໆ ທີ່ຈັດຂຶ້ນໃນເດືອນຕຸລາ ປີ 2010 ທີ່ນະຄອນວຽງຈັນ

ຍິ່ງ​ໄປ​ກວ່າ​ນັ້ນ ການ​ທີ່​ທາງ​ການ
​ລາວ​ໄດ້​ດໍາ​ເນີນ​ການ​ປະຕິ​ຮູບ
ທາ​ງດ້ານ​ການ​ສຶກສາ​ດ້ວຍການ
ເພີ່ມ​ປີ​ຮຽນ​ສໍາລັບຂັ້ນມັດທະຍົມ
​ຕົ້ນ​ຂຶ້ນອີກ 1 ປີ ຊຶ່ງກໍ​ເປັນ​ຜົນ
​ເຮັດ​ໃຫ້ການ​ຮຽນໃນລະດັບ​ມັດ
ທະຍົມ​ຕົ້ນ​ ຈະ​ຕ້ອງ​ໃຊ້​ເວລາ​
ເພີ່ມ​ຂຶ້ນຈາກ​ເດີມ 3 ປີ ​ເປັນ 4
ປີ. ສ່ວນ​ການ​ຮຽນ​ໃນ​ລະດັບ​ປະ
​ຖົມ​ກໍ​ຍັງ​ຄົງຕ້ອງ​ໃຊ້​ເວລາ 5 ປີ
​ແລະ​ມັດທະຍົມປາຍ 3 ປີ ​ເຊັ່ນ
ເດີມນັ້ນ ກໍ​ຍັງມີ​ຄວາມແຕກ​ຕ່າງ​ກັບ​ປະ​ເທດ​ອື່ນໆ​ໃນ​ກຸ່ມ​ອາ​ຊ່ຽນດ້ວຍ​ກັນ​ ເພາະວ່າໃນ​ລະ
ດັບປະຖົມ​ນັ້ນ ປະ​ເທດ​ສ່ວນ​ໃຫຍ່ຈະ​ມີ​ການ​ຮຽນ​-ການ​ສອນ​ເປັນ​ເວລາ 6 ປີ ຫາກ​ແຕ່​ຢູ່​ໃນ
​ລາວ​ກໍ​ຍັງ​ຄົງ​ເປັນ 5 ປີ ​ເຊັ່ນເດີ​ມໂດຍ​ເຊື່ອ​ວ່າ​ມີ​ສາ​ເຫດ​ສໍາຄັນ ​ມາ​ຈາກ​ຂໍ້​ຈໍາ​ກັດ​ໃນ​ດ້ານ​ງົບ
ປະມານ​ລາຍ​ຈ່າຍຂອງລັດຖະບານ​ລາວນັ້ນ​ເອງ.

ການ​ຂາດ​ແຄນ​ທາງ​ດ້ານ​ງົບປະມານ​ດັ່ງກ່າວ ກໍ​ຍັງເຮັດ​ໃຫ້ການ​ພັດທະນາດ້ານການສຶກສາ
ມີ​ຄວາມ​ແຕກໂຕນ​ກັນ​ຢ່າງ​ຫລວງຫລາຍ ​ລະຫວ່າງ​ເຂດ​ໃນເມືອງ​ກັບ​ເຂດ​ຊົນນະບົດທັງນີ້ກໍ
ເພາະ​ວ່າ ​ງົບປະມານ​ສໍາລັບ​ພັດທະນາ​ການ​ສຶກສາ​ຍັງ​ຄົງ​ບໍ່​ຕົກ​ໄປ​ເຖິງ​ເຂ​ດຊົນນະບົດ​ຢ່າງ
​ແທ້​ຈິງ. ເຖິງແມ່ນວ່າ ໃນໄລຍະ 5 ປີທີ່ຜ່ານມາ ສະພາແຫ່ງຊາດຈຳໄດ້ອະນຸມັດງົບປະມານ
​ໃຫ້ແກ່​ການ​ພັດທະນາ​ການ​ສຶກສາ​ໃຫ້​ໃນອັດຕາສ່ວນ​ 18% ຂອງງົບປະມານ​ລາຍ​ຈ່າຍ​ທັງ
ໝົດໃນ​ແຕ່ລະ​ປີ ກໍຕາມ ແຕ່ ​ລັດຖະບານ​ລາວສາມາດ​ປະຕິບັດຕົວຈິງ​ໄດ້ພຽງ​ແຕ່ 15% ​
ເທົ່ານັ້ນ.

ເດັກນ້ອຍໃນເຂດຊົນນະບົດຂອງລາວພາກັນອ່ານໜັງສືໄດ້ພາຍໃຕ້ແສງຂອງດອກໄຟດອກນຶ່ງ
ເດັກນ້ອຍໃນເຂດຊົນນະບົດຂອງລາວພາກັນອ່ານໜັງສືໄດ້ພາຍໃຕ້ແສງຂອງດອກໄຟດອກນຶ່ງ

ແຕ່​ຢ່າງ​ໃດ​ກໍ​ຕາມ ທາງ​ການ​ລາວ​ກໍ​ຄາດ​ຫວັງ​ວ່າ​ດ້ວຍ​ການ
ພັດທະນາ​ທາງ​ເສ​ດຖະກິດ​ທີ່​ມີການ​ຂະ​ຫຍາ​ຍຕົວ​ເພີ່ມຂຶ້ນ
ຢ່າງ​ຕໍ່​ເນຶ່ອງນັ້ນ ກໍ​ຈະ​ເປັນ​ຜົນ​ເຮັດ​ໃຫ້​ລັດຖະບານ​ລາວ​ມີ​
ລາຍ​ຮັບ​ເຂົ້າງົບປະມານ​ລາຍ​ຈ່າຍ​ສໍາລັບ​ການ​ພັດທະ​ນາ​
ທາງດ້ານ​ການ​ສຶກສາ​ຫລາຍ​ຂຶ້ນ​ເຊັ່ນ​ກັນ ໂດຍ​ສໍາລັບ​ເປົ້າ
ໝາຍຂອງ​ລັດຖະບານ​ລາວ​ນັບ​ຈາກ​ປີນີ້ ໄປ​ຈົນເຖິງ​ປີ
2015 ກໍ​ຄືການ​ເພີ່ມງົບປະມານ​ ສໍາລັບ​ການ​ພັດທະນາ​
ການ​ສຶກສາ​ໃຫ້ເປັນ​ລະຫວ່າງ 18-20% ຂອງງົບປະມານ
​ລາຍ​ຈ່າຍ​ທັງໝົດໃນ​ແຕ່ລະ​ປີ ແລະຄາດ​ຫວັງອີກດ້ວຍ​ວ່າ
ຈະໄດ້ຮັບການຊ່ວຍເຫລືອ ຈາກຕ່າງປະເທດຫລາຍຂຶ້ນ
ບໍ່ຕໍ່າກວ່າ 50% ຂອງງົບປະມານດ້ານການສຶກສາ​ທັງ
ໝົດໃນ​ແຕ່ລະ​ປີ.

ໃນປັດຈຸບັນ ລັດຖະບານລາວໄດ້ປະກາດລົບລ້າງການບໍ່ຮູ້ໜັງສືຂອງປະຊາຊົນລາວທີ່ມີອາ
ຍຸຕັ້ງແຕ່ 15 ປີຂຶ້ນໄປໄດ້ຢ່າງສິ້ນເຊີງແລ້ວໃນ 94 ເມືອງ ຈາກທັງໝົດ 143 ເມືອງໃນທົ່ວ
ປະເທດ.

XS
SM
MD
LG