ທ່ານຈູມມະລີ ໄຊຍະສອນ ເລຂາທິການໃຫຍ່ຂອງພັກປະ
ຊາຊົນປະຕິວັດລາວ ແລະປະທານປະເທດລາວໄດ້ຖະ
ແຫລງຢືນຢັນໃນໂອກາດສະເຫລີມສະຫລອງບຸນປີໃໝ່ລາວ
ປະຈຳປີ 2554 ວ່າການດຳເນີນແຜນການ ແລະໂຄງ
ການພັດທະນາຕ່າງໆ ພາຍໃຕ້ການນຳພາຂອງພັກ ແລະ
ລັດໃນຮອບປີທີ່ຜ່ານມານັ້ນ ໄດ້ປະສົບຜົນສຳເລັດເປັນ
ຢ່າງດີໃນຫລາຍທດ້ານ ຊຶ່ງກໍໄດ້ເປັນຜົນເຮັດໃຫ້ປະເທດ
ຊາດມີຄວາມໝັ້ນຄົງ ແລະມີສະເຖຍລະພາບຢ່າງຄົບຖ້ວນ.
ຍິ່ງໄປກວ່ານັ້ນ ການສະເຫລີມສະຫລອງການສະຖາປະນາ
ນະຄອນວຽງຈັນ ຄົບຮອບ 450 ປີ ຢ່າງຍິ່ງໃຫຍ່ໃນປີທີ່
ຜ່ານມາ ແລະການຈັດກອງປະຊຸມໃຫຍ່ຄັ້ງທີ 9 ຂອງພັກ
ທີ່ໄດ້ເລີ້ມຂຶ້ນຢ່າງເປັນທາງການໃນວັນທີ 17 ມີນາ 2011
ທີ່ຜ່ານມານັ້ນ ກໍຍັງນັບເປັນເຫດການທີ່ມີຄວາມສຳຄັນ
ຢ່າງຍິ່ງສຳລັບປະຊາຊົນລາວທັງຊາດອີກດ້ວຍ.
ທ່ານ ຈູມມະລີ ໄຊຍະ ສອນ, ປະທານປະເທດ ລາວ
ພ້ອມກັນນີ້ ທ່ານຈູມມະລີ
ໄຊຍະສອນ ກ່າວວ່າເປົ້າ
ໝາຍທີ່ສຳຄັນສຳລັບ
ການພັດທະນາ ໃນຊຸມປີ
ຕໍ່ໜ້ານີ້ໂດຍສະເພາະແມ່ນ
ການພັດທະນາເສດຖະກິດ ແລະສັງຄົມແຫ່ງຊາດຂອງລາວ
ປະຈໍາປີ 2011-2015 ນີ້ກໍຄືການເຮັດໃຫ້ເສດຖະກິດໃນ
ອັດຕາສະເລ່ຍບໍ່ຫລຸດ 8% ຕໍ່ປີ. ຊຶ່ງກໍຈະເປັນພື້ນຖານອັນ
ສຳຄັນໃນການເຮັດໃຫ້ເປົ້າໝາຍຂອງພັກປາກົດເປັນຈິງ ກໍ
ຄືການນຳພາປະເທດລາວໃຫ້ຫລຸດພົ້ນຈາກສະພາບດ້ອຍ
ພັດທະນາ ໃນປີ 2020 ນັ້ນເອງ.
ການປະຕິບັດໃຫ້ໄດ້ເປົ້າໝາຍທີ່ວາງໄວ້ດັ່ງກ່າວ ນອກຈາກ
ຈະເປັນຜົນເຮັດໃຫ້ ຍອດຜະລິດຕະພັນລວມພາຍໃນ ຫລື
GDP ຂອງລາວມູນຄ່າ ລວມທີ່ສາມາດສະເລ່ຍເປັນລາຍຮັບ
ຂອງປະຊາກອນລາວໄດ້ ໃນລະດັບສູງຂຶ້ນເປັນ 1,700
ໂດລາຕໍ່ຄົນຕໍ່ປີ ໃນປີ 2015 ດັ່ງກ່າວແລ້ວ ກໍຍັງຈະເຮັດໃຫ້ອັດຕາຄວາມຍາກຈົນຂອງປະຊາຊົນລາວຫລຸດລົງເຫລືອຢູ່ບໍ່ເກີນ 10% ຂອງຈຳນວນປະຊາກອນທັງໝົດ ໃນປີ 2015 ອີກດ້ວຍ.
ທ່ານ ຈູມມະລີ ໄດ້ສະແດງຄວາມເຊື່ອໝັ້ນວ່າ ດ້ວຍການນຳພາຂອງພັກ ຈະເຮັດໃຫ້ສາມາດບັນລຸຜົນຕາມເປົ້າໝາຍທີ່ວາງເອົາໄວ້ໄດ້ຢ່າງຄົບຖ້ວນ ເນື່ອງຈາກວ່າໃນໄລຍະ 5 ປີທີ່ຜ່ານມາກໍຄືໃນຊ່ວງປີ 2006-2010 ນັ້ນພັກກໍສາມາດເຮັດໃຫ້ບັນລຸເປົ້າໝາຍທີ່ວາງໄວ້ໃນຫລາຍໆດ້ານ ດັ່ງທີ່ທ່ານ ຈູມມະລີ ໄດ້ຖະແຫຼງຊີ້ແຈງໃນຕອນນຶ່ງວ່າ:
“ຈັງຫວະການເຕີບໂຕທາງເສດຖະກິດແຫ່ງຊາດໂດຍສະເລ່ຍ 5 ປີ ກໍແມ່ນ 7.9% ຕໍ່ປີ ລວມຍອດມູນຄ່າຜະຫລິດຕະພັນພາຍໃນສົກງົບປະມານ 2009-2010 ສະເລ່ຍຕໍ່ພົນລະເມືອງ ບັນລຸໄດ້ 8.7 ລ້ານກີບຕໍ່ຄົນ. ຄອບຄົວທຸກຍາກໃນທົ່ວປະເທດກໍໃຫ້ຫລຸດລົງມາເປັນ 20.4% ໃນປີ 2009-2010.”
ການຂະຫຍາຍຕາໜ່າງໄຟຟ້າ ຢູ່ເຂດຊົນນະບົດລາວ
ຊຶ່ງສະພາບການດັ່ງກ່າວ ກໍຍັງ
ເຮັດໃຫ້ຜູ້ນໍາຂອງລາວມີຄວາມ
ເຊື່ອໝັ້ນວ່າ ການພັດທະນາ
ທາງເສດຖະກິດ ສັງຄົມຂອງ
ລາວ ໃນໄລຍະ 5ປີຕໍ່ໜ້ານີ້
ກໍຄືໃນຊ່ວງປີ 2011-2015
ລັດຖະບານລາວມີຄວາມເຊື່ອ
ໝັ້ນວ່າ ຈະສາມາດແກ້ໄຂບັນ
ຫາຄວາມທຸກຈົນຂອງປະຊາ
ຊົົນໄດ້ໂດຍພື້ນຖານຊຶ່ງກໍເປັນ
ໄປຕາມເປົ້າໝາຍສະຫັດສະ
ວັດຂອງສະຫະປະຊາຊາດນັ້ນເອງ.
ສໍາລັບໃນໄລຍະ 5 ປີຕໍ່ໜ້ານີ້ລັດຖະບານລາວກໍໄດ້ວາງແຜນການທີ່ຈະດຶງດູດເອົາການລົງ
ທຶນຈາກຕ່າງປະເທດໃຫ້ໄດ້ ລັດຖະບານລາວກໍໄດ້ວາງແຜນການທີ່ຈະດຶງເອົາການລົງທຶນ
ຈາກຕ່າງປະເທດໃຫ້ໄດ້ເຖິງ 4 ໝື່ນລ້ານໂດລາ ສຳລັບໂຄງການຂະໜາດໃຫຍ່ ຫລື
Mega Projects ຈໍານວນຫລາຍກວ່າ 200 ໂຄງການ.
ສະພາບການໃຊ້ນໍ້າທີ່ເຂດ ຊົນນະບົດຂອງລາວທີ່ຄົນ ສ່ວນໃຫຍ່ຍັງທຸກຍາກຫຼາຍ
ສ່ວນໃນໄລຍະແຜນການ ປີ 2011-2011 ນີ້ລັດຖະບານລາວກໍໄດ້ວາງເປົ້າໝາຍທີ່ຈະເຮັດ
ໃຫ້ຍອດຜະລິດຕະພັນລວມພາຍໃນ ຫລື GDP ຂະຫຍາຍຕົວເພີ່ມຂຶ້ນບໍ່ຕໍ່າກວ່າ 8%.