ສືບເນື່ອງຈາກການທີ່ທ່ານ ນາມ ວິຍະເກດ, ລັດຖະມົນຕີ
ກະຊວງອຸດສະຫະກໍາ ແລະການຄ້າຂອງລາວ ໄດ້ອະນຸ
ມັດໃຫ້ມີການປັບຂຶ້ນລາຄານໍ້າມັນເຊື້ອໄຟທຸກຊະນິດ ໃນ
ປະເທດລາວຢ່າງເປັນທາງການ ເມື່ອວັນທີ 7 ເມສາ ທີ່
ຜ່ານມານີ້ ຊຶ່ງກໍ່ນັບເປັນການປັບຂຶ້ນລາຄາຈໍາໜ່າຍນໍ້າ
ມັນພາຍໃນລາວເປັນຄັ້ງທີ 7 ແລ້ວໃນປີ 2011 ນີ້ ຊຶ່ງກໍ
ໄດ້ເປັນຜົນເຮັດໃຫ້ປະຊາຊົນລາວຕ້ອງປະເຊີນກັບບັນຫາ
ສິນຄ້າລາຄາແພງຫຼາຍຂຶ້ນຕື່ມອີກໃນຂະນະນີ້.
ໂດຍສະເພາະແມ່ນສິນຄ້າອຸປະໂພກ, ບໍລິໂພກນັ້ນ ໄດ້ມີ
ການປັບລາຄາສູງຂຶ້ນໃນອັດຕາສະເລ່ຍທີ່ເກີນກ່ວາ 10%
ເມື່ອທຽບກັບໃນໄລຍະຕົ້ນປີນີ້ ເນື່ອງຈາກວ່າ ການປັບ
ຂຶ້ນລາຄານ້ຳມັນດັ່ງກ່າວໄດ້ເປັນຜົນເຮັດໃຫ້ຕົ້ນທຶນການ
ຜະລິດ ແລະການຂົນສົ່ງສິນຄ້າໃນລາວນັ້ນໄດ້ປັບຕົວສູງ
ຂຶ້ນອີກດ້ວຍເຊັ່ນກັນ ຈຶ່ງເຮັດໃຫ້ທາງການລາວຕ້ອງຍອມ
ອະນຸຍາດໃຫ້ມີການປັບຂຶ້ນລາຄາຈຳໜ່າຍສິນຄ້າໃນປະເທດອີກດ້ວຍນັ້ນເອງ.
ປໍ້ານໍ້າມັນແຫ່ງນຶ່ງໃນ ນະຄອນວຽງຈັນ
ທັ້ງນີ້ ໂດຍອີງຕາມການລາຍງານຂອງແຜນການຄ້າພາຍໃນ
ເຂດນະຄອນຫຼວງວຽງຈັນກໍ່ພົບວ່າ ສິນຄ້າທີ່ມີລາຄາສູງຂຶ້ນ
ຫຼາຍທີ່ສຸດນັ້ນກໍແມ່ນ ສິນຄ້າໃນໝວດວັດສະດຸກໍ່ສ້າງເຊັ່ນ:
ປູນຊີມັງ ກໍໄດ້ປັບລາຄາສູງຂຶ້ນລະຫວ່າງ 30,000–50,000
ກີບຕໍ່ເປົາ. ສ່ວນນ້ຳມັນພືດທີ່ເຄີຍຈຳໜ່າຍໃນລາຄາທີ່ບໍ່
ເກີນ 2 ແສນກີບຕໍ່ປິບ ຂະໜາດ 18 ລິດນັ້ນ ກໍໄດ້ປັບຂຶ້ນ
ເປັນ 250,000 ກີບຕໍ່ປິບ ເປັນຕົ້ນ.
ແຕ່ຢ່າງໃດກໍ່ຕາມ ນາຍົກລັດຖະມົນຕີລາວກໍໄດ້ອອກດຳ
ລັດວ່າດ້ວຍການຄຸ້ມຄອງລາຄາສິນຄ້າ ແລະ ຄ່າທຳນຽມບໍລິການຢ່າງເປັນທາງການໃນ
ໝໍ່ໆ ມານີ້ ໂດຍໄດ້ກຳນົດໃຫ້ຜູ້ປະກອບການຄ້ານັ້ນຈະຕ້ອງຕິດປ້າຍລາຄາສິນຄ້າຢ່າງ
ຊັດເຈນ ແລະຈະຕ້ອງຂໍອະນຸຍາດຈາກທາງການລາວທຸກໆ ຄັ້ງທີ່ຈະມີການປັບຂຶ້ນລາຄາ
ສິນຄ້າ, ທັງຍັງຈະຕ້ອງບໍ່ມີການກັກຕຸນສິນຄ້າ ແລະບໍ່ໃຫ້ແຈ້ງຂໍມູນປອມກ່ຽວກັບປະລິ
ມານສິນຄ້າທີ່ເກັບມ້ຽນໄວ້ອີກດ້ວຍ. ຫາກບໍ່ສະນັ້ນແລ້ວ ກໍຈະຖືກປັບໄໝຕັ້ງແຕ່ 5 ແສນ
ກີບເຖິງ 5 ລ້ານກີບ.
ທາງດ້ານເຈົ້າໜ້າທີ່ໃນກະຊວງອຸດສະຫະກຳ ແລະການຄ້າ ກໍຍອມຮັບວ່າ ການກວດກາ
ລາຄາສິນຄ້າ ແລະການດຳເນີນມາດຕະການ ຕໍ່ຜູ້ປະກອບການຮ້ານຄ້າທີ່ຝ່າຝືນດຳລັດ
ຂອງນາຍົກລັດຖະມົນ ຕີດັ່ງກ່າວນີ້ ຍັງບໍ່ມີຄວາມເຂັ້ມງວດໃນພາກປະຕິບັດຕົວຈິງ ເນື່ອງ
ຈາກວ່າ ຍັງຖືເປັນໄລຍະເລີ່ມ ຕົ້ນການປະຕິບັດເທົ່ານັ້ນ, ຈຶ່ງໄດ້ເນັ້ນໜັກໃນດ້ານການຕັກ
ເຕືອນເປັນຫຼັກ ດັ່ງທີ່ເຈົ້າໜ້າທີ່ຄົນດັ່ງກ່າວນີ້ໄດ້ຊີ້ແຈງວ່າ:
ນໍ້າມັນຂຶນລາຄາກໍພາ ໃຫ້ສິນຄ້າອື່ນໆຂຶ້ນລາ ຄາໄປຕາມໆກັນ
“ຖ້າວ່າບຸກຄົນໃດ, ພາກສ່ວນໃດຂາຍສິນຄ້າເກີນສະ
ພາບຄວາມເປັນຈິງພວກເຮົາກໍ່ຈະໄດ້ໃຊ້ມາດຕະການ
ຕັກເຕືອນ ຫຼືວ່າປັບໄໝ, ຈຸດໜັກນີ້ກໍແມ່ນປະເພດ
ອາຫານນີ້ ພວກເຮົາກໍ່ໄດ້ຄຸ້ມຄອງໂດຍກົງເລີຍ. ສ່ວນ
ສິນຄ້າທີ່ວ່າປອມແປງ, ສິນຄ້າທີ່ໝົດຄຸນ, ເຊື່ອ ມຄຸນ
ນັ້ນ ພວກເຮົາກໍ່ໄດ້ແຈ້ງໃຫ້ຂະແໜງການທີ່ກ່ຽວຂ້ອງ
ລົງໄປສົມທົບນຳກັນ”.
ນອກຈາກນີ້ ສິນຄ້າຢ່າງໜຶ່ງທີ່ທາງການລາວບໍ່ມີນະໂຍບາຍ
ຈະຄວບຄຸມລາຄາເລີຍນັ້ນກໍຄືເຂົ້າກິນ, ເນື່ອງຈາກວ່າ ການ
ຄວບຄຸມລາຄາຈະເຮັດໃຫ້ຊາວນາລາວແກ້ໄຂບັນຫາດ້ວຍການພາກັນສົ່ງເຂົ້າໄປຂາຍຕ່າງ
ປະເທດຫຼາຍກ່ວາການຂາຍໃນປະເທດ, ເຊິ່ງກໍ່ຈະເຮັດໃຫ້ເກີດເປັນບັນຫາຂາດແຄນເຂົ້າ
ກິນພາຍໃນປະເທດລາວໄດ້ໃນໄລຍະຕໍ່ໄປ.
ສໍາລັບການອະນຸມັດໃຫ້ປັບຂຶ້ນລາຄາຈໍາໜ່າຍນໍ້າມັນເຊື້ອໄຟໃນລາວໃນຄັ້ງຫລ້າສຸດນີ້ ກໍມີ
ສາເຫດ ອັນດຽວກັນກັບການປັບຂຶ້ນລາຄານໍ້າມັນໃນ 6 ຄັ້ງກ່ອນໜ້ານີ້ ຊຶ່ງກໍຄືເປັນການປັບ
ລາຄາຈໍາໜ່າຍນໍ້າມັນ ຕາມລາຄານໍ້າມັນໃນຕະຫລາດໂລກ ທີ່ເພີ້ມສູງຂຶ້ນຢ່າງຕໍ່ເນື່ອງ. ດ້ວຍ
ເຫດນີ້ ຈຶ່ງເຮັດໃຫ້ລາຄາຈໍາໜ່າຍນໍ້າມັນເຊື້ອໄຟໃນລາວໄດ້ປັບຕົວສູງຂຶ້ນໃນລະຫວ່າງ 140-
310 ກີບຕໍ່ລິດ ໂດຍຂຶ້ນຢູ່ກັບໄລຍະທາງຂອງການຂົນສົ່ງເປັນສໍາຄັນ.
ຊຶ່ງກໍຄືໃນຂະນະທີ່ລາຄາຈໍາໜ່າຍຢູ່ພາຍໃນເຂດນະຄອນວຽງຈັນໄດ້ ໄດ້ປັບຂຶ້ນເປັນ 11,810
ກີບ ຕໍ່ລິດ ສໍາລັບນໍ້າມັນແອັດຊັງພິເສດ ກັບ 10,640 ກີບ ແລະ 9,670 ກີບຕໍ່ລິດ ສໍາ
ລັບນໍ້າມັນແອັດຊັງທຳມະດາ ແລະນໍ້າມັນກາຊວນຕາມລໍາດັບນັ້ນ ກໍປາກົດວ່າ ປະຊາຊົນ
ລາວຢູ່ແຂວງຊຽງຂວາງຕ້ອງຊື້ນໍ້າມັນແອັດຊັງຊະນິດພິເສດໃນລາຄາສູງເຖິງ 11,950 ກີບ
ຕໍ່ລິດ. ສ່ວນນໍ້າມັນແອັດຊັງທໍາມະດາແລະນໍ້າມັນກາຊວນກໍມີລາຄາຈໍາໜ່າຍ 10,990ກີບ
ແລະ 9,9850 ກີບຕໍ່ລິດຕາມລຳດັບ.