ລິ້ງ ສຳຫລັບເຂົ້າຫາ

logo-print

ສະ​ຫະ​ລັດ ພິ​ຈາ​ລະ​ນາ ການ​ອອກ​ວີ​ຊາ​ ນັກ​ສຶກ​ສາ ທີ່ບໍ່​ເປັນ​ທຳ ໃຫ້​ລູກຫຼານ ​ເຈົ້າ​ໜ້າ​ທີ່ ອີ​ຣ່ານ


​ທູດ​ພິ​ເສດ ສະ​ຫະ​ລັດ ສຳ​ລັບ ອີ​ຣ່ານ, ທ່ານ ບ​ຣາຍ​ອັນ ຮຸກ ໃຫ້​ສຳ​ພາດ​ຕໍ່​ວີ​ໂອ​ເອພະ​ແນກ​ພາ​ສາ ເປີ​ເຊຍ. 13 ທັນ​ວາ, 2018.

ກະ​ຊວງ​ການ​ຕ່າງ​ປະ​ເທດ ສະ​ຫະ​ລັດ ແມ່ນ​ກຳ​ລັງສຶກ​ສາ​ເບິ່ງ​ການ​ຮ້ອງ​ທຸກ​ຈາກ​ຊາວ
ອີຣ່ານ ຜູ້ທີ່ເວົ້າວ່າ ເຂົາເຈົ້າບໍ່ໄດ້ຮັບການເຂົ້າເຖິງວີຊານັກສຶກສາຂອງ ສະຫະລັດ ຄື
ກັນກັບສະມາຊິກຄອບຄົວຂອງບັນດາເຈົ້າໜ້າທີ່ ອີຣ່ານ. ໃນການສຳພາດພິເສດກັບ
ວີໂອເອ ພະແນກພາສາເປີເຊຍ ຢູ່ກະຊວງການຕ່າງປະເທດນັ້ນ, ທູດພິເສດ ສະຫະ
ລັດ ປະຈຳ ອີຣ່ານ ທ່ານ ບຣາຍອັນ ຮຸກ ໄດ້ກ່າວວ່າ ລັດຖະບານ ວໍຊິງຕັນ ແມ່ນກຳລັງ
ພິຈາລະນາການອອກວີຊາຂອງບັນດາສະມາຊິກຄອບຄົວຂອງເຈົ້າໜ້າທີ່ ອີຣ່ານ. ຕໍ່
ໄປ ພຸດທະສອນ ນຳລາຍລະອຽດມານສະເໜີທ່ານ.

ທ່ານ ຮຸກ ໄດ້​ກ່າວ​ວ່າ ສະ​ຫະ​ລັດ ເຫັນ​ວ່າມັນ​ບໍ່​ຍຸ​ຕິ​ທຳ​ສຳ​ລັບ​ຊາວ ອີ​ຣ່ານ ຄົນ​ອື່ນໆ ຜູ້
ທີ່ຖືກຫ້າມຈາກການເດີນທາງເຂົ້າ ສະຫະລັດ ຍ້ອນວ່າລັດຖະບານ ວໍຊິງຕັນ ພິຈາລະ
ນາວ່າ ອີຣ່ານ ເປັນຜູ້ສົ່ງອອກ ການກໍ່ການຮ້າຍທົ່ວໂລກ. ອີຣ່ານ ແມ່ນນຶ່ງໃນ 7 ປະ
ເທດທີ່ປະຊາຊົນຂອງເຂົາເຈົ້າ ຖືກຈຳກັດໃນການເດີນທາງມາ ສະຫະລັດ, ຫຼັງຈາກ
ປະທານາທິບໍດີ ດໍໂນລ ທຣຳ ໄດ້ປະກາດການຫ້າມຜູ້ຍົກຍ້າຍຖິ່ນຖານໃນລະດູບານ
ໃໝ່ເມື່ອປີກາຍນີ້ ທີ່ໄດ້ຖືກຕັດສິນໃຫ້ພ້ອມ ໂດຍ​ສານ​ສູງ​ສຸດ​ຂອງ​ສະ​ຫະ​ລັດ ​ໃນ​ເດືອນ​
ມິຖຸນາທີ່ຜ່ານມາ.

ແນວ​ໃດ​ກໍ​ຕາມ, ພວກ​ນັກ​ສຶກ​ສາແມ່ນ​ໄດ້​ຮັບ​ກາ​ນ​ຍົກ​ເວັ້ນ​ພິ​ເສດ​ຈາກ​ການ​ຫ້າມ​ເດີນ
ທາງນັ້ນ. ນັກສຶກສາ ອີຣ່ານ 12,783 ຄົນໄດ້ຮຽນຢູ່ໃນ ສະຫະລັດ ໃນສົກ​ປີ 2017-
2018. ແຕ່ໃນຕົ້ນເດືອນນີ້, ຜູ້ໃຊ້ທວິດເຕີຊາວ ອີຣ່ານ ໄດ້ຕຳໜິການ ອອກວີຊາໃຫ້
ພວກນັກສຶກສາຜູ້ທີ່ມີສາຍພົວພັນກັບບັນດາເຈົ້າໜ້າທີ່ ອີຣ່ານ ໃນຂະນະທີ່ຜູ້ຍື່ນສະ
ໝັກຄົນອື່ນໆໄດ້ຖືກມອງຂ້າມ.

ໃນ​ການ​ຕອບຄຳ​ຖາມນີ້, ທ່ານ ​ຮຸກ ໄດ້​ເປີດ​ເຜີຍ​ວິ​ດີ​ໂອໃສ່ບັນ​ຊີ ທວິດ​ເຕີ​ ພາ​ສາ
ຟາຊີ (Farsi) ຂອງກະຊວງການຕ່າງປະເທດ ສະຫະລັດ ໃນວັນທີ 11 ທັນວາທີ່ຜ່ານ
ມາ, ໂດຍຍົກເອົາເລື່ອງການຖອນວີຊາ ສະຫະລັດ ທີ່ໄດ້ອອກໃຫ້ພວກນັກສຶກສາ ທີ່
ມີສາຍພົວພັນກັບພວກຜູ້ນຳ ອີຣ່ານ. ທ່ານ ຮຸກ ໄດ້ກ່າວວ່າ ລັດຖະບານທ່ານ ທຣຳ
ແມ່ນກຳລັງເຮັດວຽກ ເພື່ອຕອບຄຳຖາມຈາກຜູ້ໃຊ້ທວິດເຕີຊາວ ອີຣ່ານ.

ທ່ານ ຮຸກ ໄດ້​ກ່າວ​ຕໍ່​ວີ​ໂອ​ເອ​ພະ​ແນກ​ພາ​ສາ ເປີ​ເຊຍ ​ໃນ​ການ​ສຳ​ພາດ​ເມື່ອ​ວັນ​ທີ 12
ທັນວາ ເຊິ່ງໄດ້ອອກອາກາດ ໃນວັນຈັນທີ່ຜ່ານມາ ໃນລາຍການຂ່າວຕອນ 9 ໂມງວ່າ
“ນຶ່ງໃນຜົນທີ່ຕາມມາຂອງ ອີຣ່ານ ໃນການເປັນຜູ້ສະໜັບສະໜູນອັນດັບນຶ່ງ ຂອງລັດ
ທິກໍ່ການຮ້າຍໃນໂລກນັ້ນກໍແມ່ນວ່າ ມັນເຮັດໃຫ້ ສະຫະລັດ ແລະ ປະເທດອື່ນໆຕ້ອງ
ໄດ້ວາງມາດຕະການຫ້າມອອກວີຊາ.”

ທ່ານ ຮຸກ ໄດ້​ກ່າວ​ວ່າ ລັດ​ຖະ​ບານ ເຕ​ຫະ​ຣ່ານ ບໍ່​ໄດ້​ແບ່ງ​ປັນ​ຂໍ້​ມູນ “ຢ່າງ​ພຽງ​ພໍ” ກ່ຽວ
ກັບ ຊາວ ອີຣ່ານ ຜູ້ທີ່ໄດ້ສະໝັກຂໍວີຊາ ສະຫະລັດ. ທ່ານ ໄດ້ກ່າວເພີ່ມເຕີມວ່າ ອຳ
ນາດການປົກຄອງ ອີຣ່ານ “ຮູ້ວ່າເຂົາເຈົ້າຕ້ອງເຮັດຫຍັງ ແລະ ການປະພຶດທີ່ເຂົາເຈົ້າ
ຕ້ອງປ່ຽນແປງ.” ທ່ານ ຮຸກ ໄດ້ເວົ້າວ່າ ການປະພຶດຂອງ ລັດຖະບານ ອີຣ່ານ ແມ່ນບໍ່
ເປັນທຳຕໍ່ປະຊາຊົນຂອງເຂົາເຈົ້າ. ທ່ານກ່າວວ່າ “ປະຊາຊົນ ອີຣ່ານ ເຂົ້າໃຈວ່າ ມັນ
ບໍ່ຍຸຕິທຳທີ່ລະບອບການປົກຄອງໄດ້ເອົາລູກຂອງເຂົາເຈົ້າມາຢູ່ທີ່ນີ້ ແລະ ວ່າລະບອບ
ການປົກຄອງດຽວກັນ ໄດ້ພະຍາຍາມຢ່າງໜັກ ເພື່ອໃຫ້ຄົນຂອງເຂົາເຈົ້າເອງໄດ້ຮັບ
ວີຊາ ສະຫະລັດ.” ທ່ານ ຮຸກ ຍັງໄດ້ກ່າວຢ້ຳເຖິງການຢືນຢັນຂອງທ່ານ ໃນວີດີໂອທີ່
ເປີດເຜີຍໃນທວິດເຕີ ເມື່ອວັນທີ 11 ທັນວາທີ່ຜ່ານມາວ່າ, ມັນເປັນ “ການຫຼອກລວງ”
ສຳລັບພວກຜູ້ນຳຂອງລັດຖະບານ ອີຣ່ານ ທີ່ສະໜັບສະໜູນໃຫ້ສາທາລະນະຮຽກ
ຮ້ອງ “ໃຫ້ ອາເມຣິກາ ໄປຕາຍ” ເພື່ອສົ່ງພວກລູກຂອງເຂົາເຈົ້າມາ ສະຫະລັດ ສຳລັບ
ຈຸດປະສົງການສຶກສາ.

ທ່ານ ​ຮຸກ ໄດ້​ກ່າວ​ຕໍ່​ວີ​ໂອ​ເອ​ພະ​ແນກ​ພາ​ສາ ເປີ​ເຊຍ​ ວ່າ “ພວກນີ້​ແມ່ນ​ບາງ​ຢ່າງ​ທີ່​ພວກ
ເຮົາຫວັງຈະປ່ຽນ, ໃນການເຮັດໃຫ້ມັນເປັນບ່ອນທີ່ດີກວ່າເກົ່າ ເພື່ອອະນາຄົດທີ່ດີກວ່າ
ເກົ່າສຳລັບປະຊາຊົນ ອີຣ່ານ.”

ພາຍ​ໃຕ້​ການ​ຫ້າມ​ເດີນ​ທາງ​ນັ້ນ, ບັນ​ດາ​ເຈົ້າ​ໜ້າ​ທີ່ ສະ​ຫະ​ລັດ ໄດ້​ກ່າວ​ວ່າ ເຂົາ​ເຈົ້າ​ຈະ​
ສືບຕໍ່ ການອອກວີຊາໃຫ້ນັກສຶກສາ ອີຣ່ານ, ໃຫ້ປະຕິບັດຕາມຂະບວນການຄັດເລືອກ
ແລະ ການກວດສອບ.

ເຄືອ​ຂ່າຍ​ໂທ​ລະ​ພາບ NBC ຂອງ ສະ​ຫະ​ລັດ ໄດ້​ລາຍ​ງານ​ໃນ​ຕົ້ນ​ເດືອນນີ້​ວ່າ ຄອບ​
ຄົວຊາວ ອາເມຣິກັນ ທີ່ຖືກຄວບຄຸມຕົວໃນ ອີຣ່ານ ໄດ້ຮຽກຮ້ອງບັນດາເຈົ້າໜ້າທີ່
ສະຫະລັດ ໃຫ້ປະຕິເສດການອອກວີຊາໃຫ້ລູກຂອງເຈົ້າໜ້າທີ່ ອີຣ່ານ ເພື່ອທີ່ຈະກົດ
ດັນພວກເຈົ້າໜ້າທີ່ດັ່ງກ່າວນັ້ນ ໃນການປ່ອຍຕົວຊາວ ອາເມຣິກັນ.

ໂທ​ລະ​ພາບ NBC ໄດ້​ກ່າວ​ວ່າ ຄອ​ບ​ຄົວ​ຕ່າງໆ​ໄດ້​ມອ​ບ​ລາຍ​ຊື່​ຂອງ​ຄົນ ອີ​ຣ່ານ ທີ່​ຖືກ​
ກ່າວຫາວ່າເປັນລູກຫຼານຂອງເຈົ້າໜ້າທີ່ ອີຣ່ານ ລວມທັງປະທານາທິບໍດີ ຮາຊານ
ຣູຮານີ ທີ່ອາໄສຢູ່ໃນ ສະຫະລັດ ໃຫ້ລັດຖະບານທ່ານ ທຣຳ ແລະ ບັນດາສະມາຊິກ
ສະພາ ສະຫະລັດ ຫຼາຍຄົນ.

ໂທ​ລະ​ພາບ NBC ໄດ້​ລາຍ​ງານ​ວ່າ ຄົນ​ອື່ນໆ​ທີ່​ຢູ່​ໃນ​ລາຍ​ຊື່​ລວມ​ມີ​ລູກ​ຊາຍ​ຂອງ​ຮອງ​
ປະທານຂອງກະຊວງຄອບຄົວ ແລະ ແມ່ຍິງ, ທ່ານນາງ ມາຊູເມ ເອັບເຕກາ
(Masumeh Ebtekar), ແລະ ລູກສາວຂອງໂຄສົກສະພາແຫ່ງຊາດ ອີຣ່ານ ທ່ານ
ອາລີ ລາຣີຈານີ. ລາຍງານໄດ້ກ່າວວ່າ ລາຍຊື່ດັ່ງກ່າວນັ້ນ ໄດ້ມາຈາກພີ່ນ້ອງບາງຄົນ
ຂອງຊາວ ອາເມຣິກັນ 4 ຄົນ ແລະ ຜູ້ອາໄສຢູ່ໃນ ສະຫະລັດ ທີ່ຖືກຕ້ອງຕາມກົດໝາຍ
ຄົນນຶ່ງ ທີ່ຖືກກັກຂັງໃນ ອີຣ່ານ ກ່ຽວກັບ ຂໍ້ກ່າວຫາການສອດແນມ ເຊິ່ງພີ່ນ້ອງພວກ
ນັ້ນ ແລະ ບັນດາເຈົ້າໜ້າທີ່ ສະຫະລັດ ໄດ້ປະຕິເສດວ່າ ບໍ່ແມ່ນຄວາມຈິງ.

ໃນ​ຄຳ​ເຫັນ​ຕ່າງໆ​ທີ່​ຖືກ​ເຜີຍ​ແຜ່​ໃນ​ເດືອນ​ແລ້ວນີ້ ໂດຍ​ເວັບ​ໄຊ​ຂ່າວ​ອອນ​ໄລ​ນ໌ ຄາ​ບາ
(Khabar) ທີ່ສະໜັບສະໜູນທ່ານ ລາຣີຈານີ ນັ້ນ, ທ່ານນາງ ເອັບເຕກາ ໄດ້ກ່າວວ່າ
ການຕັດສິນໃຈຂອງຊາວ ອີຣ່ານ ຫຼາຍຄົນທີ່ຈະມາສຶກສາໃນ ອາເມຣິກາ ເມື່ອທົດສະ
ວັດທີ່ຜ່ານມາ “ບໍ່ໄດ້ສະແດງເຖິງການຮັບຮອງຢ່າງຈຳເປັນ ກ່ຽວກັບ ຄວາມເປັນເຈົ້າ
ໂລກຂອງ ສະຫະລັດ ແລະ ນະໂຍບາຍລັດຖະບານຂອງເຂົາເຈົ້າ.”

ຜູ້​ອ່ານ​ສ່ວນຫຼາຍ​ທີ່​ໄດ້​ໃຫ້​ຄຳ​ເຫັນ​ໃນ​ບົດ​ລາຍ​ງານ​ດັ່ງ​ກ່າວ ແມ່ນບໍ່​ປະ​ທັບ​ໃຈ​ກັບ​ການ
ໃຫ້ຄຳເຫັນ ແລະ ໃຫ້ທັດສະນະຄະຕິດ ກ່ຽວກັບ ການສຶກສາໃນ ສະຫະລັດ ຂອງລູກ
ຊາຍຂອງລາວວ່າ ຂັດແຍ້ງກັບບົດບາດທີ່ສຳຄັນຂອງລາວໃນການປະຕິວັດ ອິສລາມ
ເມື່ອປີ 1979 ທີ່ໄດ້ສ້າງຄວາມແຕກແຍກ ໃນສາຍພົວພັນກັບ ວໍຊິງຕັນ ຂອງ ອີຣ່ານ.

The U.S. State Department is looking into complaints from Iranians who say they do not have the same access to U.S. student visas as family members of Iranian officials.

In an exclusive interview with VOA Persian at the State Department, U.S. Special Representative for Iran Brian Hook said Washington is reconsidering the student visas of family members of Iranian officials.

Hook said the U.S. sees it unfair to other Iranians who are barred from entering the U.S. because Washington considers Iran an exporter of global terrorism. Iran is one of seven countries whose citizens are limited in travel to the U.S. after President Donald Trump declared an immigration ban last spring that was upheld by the U.S. Supreme Court in June.

Students, however, have a special exemption from the travel ban — 12,783 Iranians studied in the U.S. in2017 and 2018. But earlier this month, Iranian Twitter users complained about visas going to students who were related to Iranian officials while other applications languished.
In response, Hook posted a video on the U.S. State Department's Farsi Twitter account Dec. 11, raising the prospect of revoking U.S. visas issued to students related to Iranian leaders. Hook said the Trump administration was working to respond to questions from Iranian Twitter users.
"One of the consequences of (Iran) being the No. 1 state sponsor of terrorism in the world is that it causes the U.S. and other countries to have to impose visa restrictions," Hook told VOA Persian in an interview Dec. 13 that was broadcast Monday on VOA Persian's News at Nine program.
Tehran does not share "sufficient" information about Iranians who apply for U.S. visas, Hook said. Iranian authorities "know what they need to do (and) the behaviors that they need to change," he added. Hook said the Iranian government's behaviors are unfair to its citizens.
"The Iranian people understand that it is unfair for the regime to have its children here, and that same regime makes it very hard for its own people to get (U.S.) visas," he said.
Hook also repeated his assertion, made in the Dec. 11 Twitter video, that it is "hypocrisy" for the leaders of an Iranian government that encourages public chants of "Death to America" to also send their children to the U.S. for study purposes.
"These are some of the things that we are looking to change, in getting into a much better place for a better future with the Iranian people," Hook told VOA Persian.
Under the travel ban, U.S. officials said they would continue to issue visas to Iranian students, subject to enhanced screening and vetting requirements.
U.S. TV networkNBCreported earlier this month that families of Americans detained in Iran were urging U.S. authorities to deny visas to Iranian officials' children in order to pressure those officials into releasing the Americans.

NBC said the families provided the Trump administration and several U.S. lawmakers with a list of U.S.-based Iranian nationals alleged to be the children or relatives of senior Iranian officials, including President Hassan Rouhani.

The NBC report said other people on the list include the son of Iranian Vice President for Family and Women's Affairs Masumeh Ebetekar, and the daughter of Iranian Parliament Speaker Ali Larijani. The report said the list came from relatives of some of the four Americans and one U.S. legal resident being detained in Iran on espionage charges that those relatives and U.S. authorities have rejected as bogus.

In comments published last month by pro-Larijani Iranian news siteKhabar Online, Ebetekar said the decision of many Iranians to study in America in past decades "does not necessarily denote an approval of the hegemonic nature of the U.S. and its administrative policies."

Most readers who commented on the article were unimpressed by the comment and viewed her son's study in the U.S. as contradicting her active role in the 1979 Islamic Revolution that ruptured Iran's relations with Washington.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG