ລັດຖະບານ ລາວ ໄດ້ເພີ່ມຄວາມເຂັ້ມງວດເຂົ້າໃນການກວດກາທຸກການເຄື່ອນໄຫວທາງສັງຄົມໃນທົ່ວປະເທດ ໂດຍສະເພາະການເຄື່ອນໄຫວໂຈມຕີລັດຖະບານລາວ ໃນຖານະປະທານອາຊຽນປີ 2024.
ທ່ານ ສະເຫຼີມໄຊ ກົມມະສິດ ຮອງນາຍົກລັດຖະມົນຕີ ແລະ ລັດຖະມົນຕີວ່າການຕ່າງປະເທດ ຖະແຫຼງຢືນຢັນວ່າລັດຖະບານລາວ ໄດ້ເພີ່ມຄວາມເຂັ້ມງວດໃນການຮັກສາຄວາມປອດໄພ ແລະ ກວດກາທຸກການເຄື່ອນໄຫວໃນທົ່ວປະເທດໃນໂອກາດທີ່ລັດຖະບານ ລາວ ເປັນປະທານຂອງອາຊຽນໃນປີ 2024 ນີ້ ໂດຍລວມເຖິງການກວດການການເຜີຍແຜ່ຂໍ້ມູນ-ຂ່າວສານໃນສື່ສັງຄົມທັງໃນລາວ ແລະ ຕ່າງປະເທດຢ່າງໃກ້ຊິດ ທັງຍັງຈະຕອບໂຕ້ທັນທີໃນກໍລະນີທີ່ສື່ສັງຄົມໄດ້ມີການນຳສະເໜີຂໍ້ມູນ-ຂ່າວສາວທີ່ເປັນການໂຈມຕີລັດຖະບານໃນຖານະປະທານອາຊຽນ ທີ່ຈະຕ້ອງຈັດກອງປະຊຸມສຸດຍອດຜູ້ອາຊຽນຄັ້ງທີ 44 ແລະ 45 ໃນຊ່ວງວັນທີ 6-12 ຕຸລາ 2024 ລວມເຖິງກນາຈັດກອງປະຊຸມລະດັບລັດຖະມົນຕີວ່າການຕ່າງປະເທດອາຊຽນຄັ້ງທີ 57 ໃນວັນທີ 21-27 ກໍລະກົດ 2024 ນີ້ທີ່ນະຄອນຫຼວງວຽງຈັນ ຈຶ່ງຕ້ອງມີກຳລັງເຈົ້າໜ້າທີ່ໃນການຮັກສາຄວາມສະຫງົບຮຽບຮ້ອຍໃຫ້ຫຼາຍຂຶ້ນເປັນກໍລະນີພິເສດ.
ຟັງຄລິບສຽງສຳລັບລາຍງານເຕັມ
ຟໍຣັມສະແດງຄວາມຄິດເຫັນ