ກອງປະຊຸມສຸດຍອດ ກ່ຽວກັບດິນຟ້າອາກາດ ຂອງສະຫະປະ
ຊາຊາດ ເມື່ອວັນອັງຄານແລ້ວນີ້ ທີ່ນະຄອນນິວຢອກ ໄດ້ນຳ
ເອົາປະມຸກລັດ ກັບຜູ້ນຳພາກສ່ວນເອກະຊົນ ແລະສັງຄົມພົນ
ລະເມືອງ ມາໂຮມກັນ ເພື່ອຫາທາງແກ້ໄຂວິກິດການດ້ານອາ
ກາດຂອງໂລກ. ຜູ້ສື່ຂ່າວວີໂອເອ Rosanne Skirble ລາຍ
ງານວ່າ ໃນຂະນະທີ່ກອງປະຊຸມນີ້ ບໍ່ແມ່ນກອງປະຊຸມເຈລະ
ຈາຕໍ່ລອງກັນ ຜົນຂອງມັນກໍສາມາດສ້າງແຮງກະຕຸ້ນໃຫ້ມີ
ການເຄື່ອນໄຫວ ໄປສູ່ການເຮັດສົນທິສັນຍາສະບັບໃໝ່ ກ່ຽວ
ກັບດິນຟ້າອາກາດ ໃນປີ 2015 ຊຶ່ງກິ່ງສະຫວັນ ມີລາຍລະ
ອຽດມາ ສະເໜີທ່ານ.
ເບິ່ງວີດີໂອ ພາສາລາວ ກ່ຽວກັບລາຍງານນີ້:
ເລຂາທິການໃຫຍ່ສະຫະປະຊາຊາດ ທ່ານ Ban Ki-moon ໄດ້ຮຽກກອງປະຊຸມສຸດຍອດນີ້
ຂຶ້ນ ເພື່ອຍົກລະດັບຄວາມຕັ້ງໃຈທາງການເມືອງ ແລະກະຕຸ້ນໃຫ້ມີການເອົາບາດກ້າວ
ຕ້ານການປ່ຽນແປງຂອງດິນຟ້າອາກາດ. ຫລັງຈາກນຶ່ງມື້ຂອງການປະຊຸມ ທີ່ເຕັມໄປດ້ວຍ
ການວາງແຜນການໃໝ່ໆ ແລະໃຫ້ຄວາມໝາຍໝັ້ນທີ່ຈະຫລຸດຜ່ອນການປ່ອຍແກັສເຮືອນ
ແກ້ວ ກໍຄືຄາບອນ ໄດອອ໊ກໄຊ ທີ່ເປັນອັນຕະລາຍ ພາໃຫ້ມີດິນຟ້າອາກາດປ່ຽນແປງນັ້ນ
ທ່ານ Ban ໄດ້ກ່າວຕໍ່ກອງປະຊຸມວ່າ ທຸກໆການເຄື່ອນໄຫວ ແມ່ນມີຄວາມສຳຄັນ. ທ່ານ
Ban Ki-moon ກ່າວວ່າ :
"ມື້ນີ້ໄດ້ເປັນມື້ທີ່ຍິ່ງໃຫຍ່ ເປັນວັນປະຫວັດສາດ. ຂ້າພະເຈົ້າໄດ້ຮ້ອງຂໍ ຄຳປະກາດ
ທີ່ກ້າຫານຈາກ ບັນດາລັດຖະບານ ພາກສ່ວນທຸລະກິດ ພາກສ່ວນການເງິນ ແລະສັງຄົມພົນລະເຮືອນ ໃນຫ້າດ້ານທີ່ສຳຄັນ ຊຶ່ງກອງປະຊຸມກໍໄດ້ມອບໃຫ້.”
ການປ່ອຍແກັສເຮືອນແກ້ວອອກ ໃນທົ່ວໂລກ ຍັງສືບຕໍ່ຖີບສູງຂຶ້ນ ໂດຍມີການສູງຂຶ້ນ 2.3
ເປີເຊັນ ໃນປີ 2013 ອີງຕາມລາຍງານໃນ ວາລະສານ Nature GeoScience. ອັດຕາ
ດັ່ງກ່າວນີ້ ແມ່ນຈະເຮັດໃຫ້ໂລກ ຢູ່ໃນເສັ້ນທາງໄປສູ່ ສະພາວະຮ້ອນເອົ້າຂຶ້ນ ຫລາຍກ່ວາ
2 ອົງສາ ແຊລຊຽສ ເກີນລະດັບກ່ອນຢຸກອຸດສາຫະກຳ. ນີ້ແມ່ນຂີດຈຳກັດທີ່ບັນດານັກວິທະ
ຍາສາດ ກ່າວວ່າ ອາດສາມາດເຮັດໃຫ້ໂລກມະນຸດ ຖືກເຜີຍແບໃສ່ຜົນກະທົບ ທີ່ເປັນອັນ
ຕະລາຍທີ່ສຸດຈາກການປ່ຽນແປງຂອງດີນຟ້າອາກາດ ກໍຄື ນຳ້ທະເລທີ່ສູງຂື້ນ ແຜ່ນນໍ້າ
ກ້ອນຢູ່ຂວັ້ນໂລກເປື່ອຍ ແລະພາຍຸຮ້າຍແຮງ ແລະໄພແຫ້ງແລ້ງທີ່ຮຸນແຮງຫລາຍຂຶ້ນ. ໃນ
ຖານະເປັນປະເທດ ທີ່ສ້າງມົນລະພິດອາກາດຫລາຍທີ່ສຸດອັນດັບສອງຂອງໂລກ ຕໍ່ຈາກ
ຈີນ ສະຫະລັດ ກໍກຳລັງປະຕິບັດຕາມຄຳໝັ້ນໝາຍຂອງຕົນຕໍ່ນາໆຊາດ ທີ່ຈະຫລຸດຜ່ອນ
ແກັສເຮືອນແກ້ວລົງນັ້ນ. ປະທານາທິບໍດີ Barack Obama ກ່າວວ່າ ສະຫະລັດກຳລັງ
ປະຕິບັດພາກສ່ວນຂອງຕົນ ໂດຍການຮັບເອົານະໂຍບາຍໃໝ່ຢູ່ໃນທຸກໆພາກສ່ວນຂອງ ເສດຖະກິດ. ທ່ານໄດ້ຊັກຊວນໃຫ້ປະເທດອຶ່ນໆ ກ້າວອອກມາຂ້າງໜ້າເຊັ່ນກັນ.
ປະທານາທິບໍດີ ໂອບາມາ ກ່າວວ່າ :
“ພວກເຮົາສຳນຶກດີວ່າ ພວກເຮົາມີບົດບາດໃນການສ້າງບັນຫານີ້. ພວກເຮົາຮັບເອົາ
ຄວາມຮັບຜິດຊອບຂອງເຮົາ ໃນການຕໍ່ສູ້ກັບມັນ. ພວກເຮົາຈະປະຕິບັດພາກສ່ວນ
ຂອງພວກເຮົາ. ແລະພວກເຮົາຈະຊ່ວຍ ບັນດາປະເທດພວມພັດທະນາປະຕິບັດ
ພາກສ່ວນຂອງເຂົາເຈົ້າ. ແຕ່ວ່າ ພວກເຮົາຈະສາມາດປະສົບຄວາມສຳເລັດ ໃນການຕໍ່ສູ້ກັບການປ່ຽນແປງຂອງດິນຟ້າອາກາດນີ້ໄດ້ ກໍຕໍ່ເມື່ອທຸກໆປະເທດເຂົ້າ
ຮ່ວມກັບພວກເຮົາ ໃນຄວາມພະຍາຍາມດັ່ງກ່າວນີ້ ບໍ່ວ່າປະເທດທີ່ພັດທະນາແລ້ວ
ຫລືພວມພັດທະນາ. ບໍ່ມີປະເທດໃດຂ້າມຜ່ານໄປໄດ້.”
ຮອງປະທານປະເທດຈີນ ທ່ານ Zhang Gaoli ໄດ້ຮັບຮູ້ ໃນຄວາມຮັບຜິດຊອບຂອງຈີນ
ໃນຖານະເປັນປະເທດປ່ອຍແກັສເຮືອນແກ້ວ ຫລາຍທີ່ສຸດຂອງໂລກ. ໃນຄຳຕອບກ່ຽວກັບ
ເລື້ອງການປ່ອຍແກັສເຮືອນແກ້ວອອກມາ ໃນອັດຕາສູງຂຶ້ນເລື້ອຍໆ ໃນໄລຍະສິບປີທີ່
ຜ່ານມານັ້ນ ທ່ານໄດ້ກ່າວປ້ອງກັນປະເທດຂອງທ່ານ ໂດຍເວົ້າວ່າ ຈີນເປັນຜູ້ນຳໂລກໃນ
ການໝຸນໃຊ້ພະລັງງານຄືນໃໝ່ ແລະກຳລັງເຄື່ອນໄຫວໄປສູ່ການຄວບຄຸມ ຄາບອນ ໄດ
ອອ໊ກໄຊ ພ້ອມທັງກຳລັງພັດທະນາຕະຫລາດຄ້າຄາ ບອນແຫ່ງຊາດ. ທ່ານໄດ້ໃຫ້ຄຳໝັ້ນ
ສັນຍາວ່າ ຈີນຈະເຮັດຫລາຍກ່ວານັ້ນອີກ.
ທ່ານ Zhang Gaoli ກ່າວວ່າ :
“ພວກເຮົາຈະປະກາດ ແຜນປະຕິບັດງານ ຕ້ານການປ່ຽນແປງຂອງດິນຟ້າອາກາດ
ທີ່ພວກເຮົາຈະເຮັດຫລັງຈາກ ປີ 2020 ນັ້ນໃຫ້ຮູ້ ໃນທັນທີທີ່ພວກເຮົາສາມາດຫລຸດຜ່ອນຄວາມໜາຂອງຄາບອນລົງຢ່າງເຫັນໄດ້ຈະແຈ້ງ ເພີ້ມສ່ວນແບ່ງຂອງການຜະລິດເຊື້ອໄຟ ຈາກຊາກຫີນຂອງສັດ ແລະພືດດຶກດຳບັນ ແລະເພີ້ມການປູກປ່າໄມ້.”
ກອງປະຊຸມສຸດຍອດ ຍັງໄດ້ເຄື່ອນໄຫວ ເພື່ອລະດົມທຶນຮອນໃນຈຳນວນ 200 ພັນລ້ານ
ໂດລາ ໃຫ້ແກ່ບັນດາເມືອງ ຟາມ ປ່າໄມ້ ແລະອຸດສາຫະກຳ ພາຍໃນທ້າຍປີ 2015 ຮວມ
ທັງ 9 ພັນລ້ານໂດລາ ທີ່ເປັນຄຳໝັ້ນສັນຍາໃໝ່ ໃຫ້ແກ່ກອງທຶນອາກາດຂຽວ ຫລື Green
Climate Fund ເພື່ອຊ່ວຍບັນດາປະເທດທີ່ທຸກຍາກ. ນອກນັ້ນ ພວກຜູ້ນຳຍັງໄດ້ປະກາດ
ຈະຈັດຕັ້ງເຂດພະລັງງານໝຸນໃຊ້ຄືນໃໝ່ຜ່ານທະວີບອາຟຣິກາ ອັນເປັນຂໍ້ຕົກລົງຮ່ວມກັນ
ລະຫວ່າງ 2.000 ຫົວເມືອງ ເພື່ອຫລຸດຜ່ອນການປ່ອຍແກັສຄາບອນ ແລະປະກາດການ
ຈັດຕັ້ງພັນທະມິດທົ່ວໂລກ ເພື່ອສະໜັບສະໜູນການຂົນສົ່ງຄາບອນ ໃນລະດັບຕໍ່າ.
ກອງປະຊຸມສຸດຍອດຄັ້ງນີ້ ໄດ້ເຮັດໃຫ້ມີຄວາມຫວັງຂຶ້ນມາວ່າ ສົນທິສັນຍາດິນຟ້າອາກາດຂອງໂລກ ຈະຖືກຮັບເອົາ ໃນກອງປະຊຸມ ທີ່ ນະຄອນຫລວງປາຣີ ປີໜ້າ.
