ໄທສ້າງລາຍຮັບເຂົ້າປະເທດ ຫຼາຍກວ່າ 7 ຕື້ດອນລາໃນແຕ່
ລະປີ ໃນຖານະເປັນປະເທດສົ່ງອອກອາຫານທະເລ ລາຍໃຫຍ່
ອັນດັບສາມຂອງໂລກ. ແຕ່ອຸດສາຫະກຳດັ່ງກ່າວໄດ້ມີຊື່ສຽງບໍ່ດີ
ຍ້ອນຖືກເອົາໄປເຊື່ອມໂຍງກັບການລັກລອບຄ້າຂາຍມະນຸດ.
ບັນດາຜູ້ນຳອຸດສາຫະ ກຳສົ່ງອອກ ກຸ້ງແລະປາທູນາ ກ່າວວ່າ
ພວກເຂົາເຈົ້າໄດ້ຖືກໃສ່ຮ້າຍຢ່າງບໍ່ຍຸດຕິທຳ ຊຶ່ງໄດ້ສ້າງຄວາມ
ເສຍຫາຍໃຫ້ແກ່ທຸລະກິດຂອງເຂົາເຈົ້າ ທີ່ວ່າຈ້າງແຮງງານຫຼາຍ
ແສນຄົນນັ້ນ. ສິງມີລາຍລະອຽດມາສະເໜີທ່ານ ຈາກລາຍງານ
ຂອງ Steve Herman ຜູ້ສື່ຂ່າວວີໂອເອ ປະຈຳບາງກອກ.
ເບິ່ງວີດີໂອ ພາສາລາວ ກ່ຽວກັບລາຍງານນີ້:
ອຸດສາຫະກຳການປະມົງຂອງໄທ ແມ່ນອາໄສກາງຕໍ່ພວກແຮງງານຕ່າງດ້າວ. ບັນດາ
ກຸ່ມປົກປ້ອງສິດທິມະນຸດ ແລະສື່ມວນຊົນຕາເວັນຕົກ ໄດ້ພົບເຫັນຫຼັກຖານຂອງລະບົບ
ຂ້າທາດອັນໂຫດຮ້າຍທາລຸນ ທີ່ໃຊ້ພວກແຮງງານທີ່ຖືກລັກລອບມາຂາຍນັ້ນ.
ທ້າວ ມິນມິນ ຈັນ ຈາກມຽນມາ ກ່າວອ້າງວ່າ ເມື່ອ 8 ປີກ່ອນນີ້ ຊຶ່ງເວລານັ້ນລາວມີອາຍຸ
17 ປີ ລາວໄດ້ຖືກຜູ້ຈັດຫາແຮງງານຄົນນຶ່ງຫລອກ ມາຂາຍໃຫ້ເຈົ້າຂອງເຮືອປະມົງລຳ
ນຶ່ງ ໃນລາຄາຫຼາຍກວ່າ 600 ດອນລາໜ້ອຍນຶ່ງ.
ທ້າວມິນມິນ ຈັນ ເວົ້າວ່າ ລາວໄດ້ເຮັດວຽກໜັກຢູ່ໃນເຮືອ ເປັນເວລາຫຼາຍປີ ໂດຍໄດ້
ຫຼັບນອນແຕ່ພຽງໜ້ອຍດຽວ ໄດ້ກິນນ້ຳແລະເຂົ້າປາ ພຽງໜ້ອຍດຽວ ແລະເວລາລາວ
ລົ້ມປ່ວຍຢ່າງໜັກ ກັບຕັນເຮືອກໍບໍ່ໃຫ້ ລາວຢຸດເຮັດວຽກ.
ທ້າວມິນມິນ ຈັນ ກ່າວວ່າ “ໃນຕອນນັ້ນຂ້ອຍຄຶດວ່າ ຖ້າຂ້ອຍໂຕນນ້ຳຕາຍ ກໍຄົງຈະ
ດີກວ່າຕາຍຍ້ອນການຖືກທໍລະມານ ໂດຍພວກບຸກຄົນເຫຼົ່ານີ້. ເວລາຂ້ອຍກຳລັງຊິ
ໂຕນນ້ຳຕາຍ ເພື່ອນຂ້ອຍຄົນນຶ່ງໄດ້ດຶງຈ່ອງຂ້ອຍໄວ້ຢູ່ທາງຫຼັງ ແລະຊ່ອຍຊີວິດ
ຂ້ອຍໄວ້.”
ລາວຫລົບໜີອອກມາໄດ້ໃນເວລາຕໍ່ມາ ແລະໄປລີ້ຊ່ອນຢູ່ເທິງເກາະ Ambon ຂອງອິນໂດ
ເນເຊຍ ຈົນມາຮອດປີນີ້ ເວລາພວກອົງການອົບພະຍົບນາໆຊາດ ຈັດສົ່ງລາວຄືນປະເທດ.
ຄຳໃຫ້ການເຊັ່ນນີ້ ໄດ້ເຮັດໃຫ້ປະເທດໄທຖືກຈັດເຂົ້າໃນບັນຊີພວກປະເທດທີ່ີລະເມີດກົດ
ໝາຍການລັກລອບຄ້າຂາຍມະນຸດທີ່ຮ້າຍແຮງທີ່ສຸດ.
ຢູ່ໃນລາຍງານປະຈຳປີທີ່ນຳອອກເປີດເຜີຍ ເມື່ອກາງເດືອນມິຖຸນານັ້ນ ກະຊວງການຕ່າງ
ປະເທດສະຫະລັດ ໄດ້ອ້າງເຖິງການສຳຫຼວດ ຕ່າງໆ ທີ່ຢືນຢັນວ່າ ລະຫວ່າງ 17 ຫາ 57
ເປີເຊັນຂອງພວກແຮງງານທີ່ເຮັດວຽກຢູ່ໃນວົງການອາຫານທະເລຂອງໄທ ເປັນແຮງງານທີ່ຖືກບັງຄັບ.
ສະຖິຕິເຫຼົ່ານີ້ໄດ້ຖືກປະຕິເສດໂດຍພວກເຈົ້າໜ້າທີ່ໃນວົງການອຸດສາຫະກຳດັ່ງກ່າວຂອງ
ໄທ ທີ່ຕັ້ງຂໍ້ສົງໄສກ່ຽວກັບແຫຼ່ງທີ່ມາ ແລະຄວາມໜ້າເຊື່ອຖືໄດ້ຂອງຂໍ້ມູນດັ່ງກ່າວ.
ສະມາຄົມອຸດສາຫະກຳ ປາທູນາໄທ ທີ່ຈັດຕັ້ງຂຶ້ນໃນປີແລ້ວນີ້ ກ່າວວ່າຕົນອະນຸມັດໃຫ້ມີການກວດສອບຫາຄວາມຈິງ ເພື່ອຮັບປະກັນວ່າພວກແຮງງານ ໄດ້ຮັບການປະຕິບັດຕໍ່ ຕາມຫຼັກຈັນຍາ.
ທີ່ ກອງປະຊຸມຖະແຫຼງຂ່າວ ຫຼັງການເປີດເຜີຍລາຍງານຂອງກະຊວງການຕ່າງປະເທດສະຫະລັດນັ້ນ ບັນດາບໍລິສັດກຸ້ງແຊ່ເຢັນຂອງໄທ ກ່າວວ່າ “ບໍ່ມີການໃຊ້ແຮງງານ
ແບບຂ້າທາດ ພົວພັນຢູ່ໃນເຄືອບໍລິສັດສົ່ງອອກກຸ້ງ.”
ທ່ານປານີສວນ ຈຳນານເວດ ຜູ້ນຳອຸດສາຫະກຳ ກ່າວຢືນຢັນວ່າອຸດສາຫະກຳກຸ້ງຂອງ
ໄທ ແມ່ນຂາວສະອາດ ປາດສະຈາກການສວຍເອົາປະໂຫຍດຈາກແຮງງານຕ່າງດ້າວ
ມາເປັນເວລາຫຼາຍປີແລ້ວ.
ທ່ານປານີສວນ ຊຶ່ງເປັນອະດີດປະທານ ສະມາຄົມກຸ້ງແຊ່ເຢັນໄທ ກ່າວວ່າ ອຸດສາຫະ
ກຳນີ້ ບໍ່ສາມາດທີ່ຈະສ່ຽງຕໍ່ການປົກປິດຂ່າວສານທີ່ສ້າງຄວາມເສຍຫາຍນັ້ນໄດ້.
ທ່ານປານີສວນ ກ່າວວ່າ “ຄວາມເຂົ້າໃຈຂອງຜູ້ບໍລິໂພກອຸບປະໂພກ ພວກເຮົາຕ້ອງ
ເຮັດໃຫ້ຖືກຕ້ອງ ພວກເຮົາຕ້ອງໃຫ້ຄວາມຈິງ ຖ້າພວກເຮົາຂີ້ຕົວະຕໍ່ໄປ ມື້ໃດມື້ນຶ່ງ
ບໍ່ໄວກໍຊ້າ ພວກເຂົາເຈົ້າກໍຈະພົບເຫັນຄວາມຕົວະລ່າຍນີ້ ແລະເວລານັ້ນ ມັນຍິ່ງຈະ
ຮ້າຍກາດກວ່າສິ່ງ ທີ່ກຳລັງເກີດຂຶ້ນຢູ່ໃນເວລານີ້.”
ຂ່າວກ່ຽວກັບເລື້ອງນີ້ ກຳລັງສົ່ງຜົນກະທົບ. ພວກບໍລິສັດຮັບຊື້ກຸ້ງນາໆຊາດລາຍໃຫຍ່ໆ
ຈຳນວນນຶ່ງ ໄດ້ຢຸດເຊົາບໍ່ຮັບຊື້ກຸ້ງຈາກພວກບໍລິສັດສົ່ງອອກກຸ້ງໄທ ທີ່ຖືກກ່າວຫາວ່າໃຊ້
ແຮງ ງານແບບຂ້າທາດນັ້ນ. ພວກຊື້ກຸ້ງໃນຕ່າງປະເທດ ກຳລັງວາງແຜນດຳເນີນງານກັບພວກອົງການ ຕ່າງໆທີ່ບໍ່ຂຶ້ນກັບລັດຖະບານ ເພື່ອພະຍາຍາມຮັບປະກັນວ່າ ບໍ່ມີການໃຊ້ແຮງງານແບບບັງຄັບ ຢູ່ໃນພວກບໍລິສັດສົ່ງອອກກຸ້ງນັ້ນ.
ເບິ່ງລາຍງານວີດີໂອ ພາສາລາວອີກເລື້ອງນຶ່ງ ກ່ຽວກັບການຄ້າມະນຸດໃນໄທ:
English text of the above report:
Thailand reels in more than $7 billion annually as the world’s third largest exporter of seafood, but the industry has been tainted by links to human trafficking.
Leaders of Thailand’s shrimp and tuna suppliers say they are being unfairly maligned, causing damage to their businesses which employ hundreds of thousands of people.
Thailand’s fishing industry relies on migrant labor. Rights groups and Western media have uncovered evidence of a brutal system of slavery utilizing trafficked workers.
Min Min Chan, from Myanmar, claims that eight years ago, at the age of 17, he was tricked by a recruiter and sold to a Thai fishing boat for little more than $600.
He says for several years he toiled on the ship with little sleep, water or food. And when he became seriously ill, the captain told him not to stop working.
“I thought it was better to die by jumping into the water than to die by being tortured by these people," the former seafood worker said. "When I was about to jump, my friend grabbed me from behind and saved my life.”
He later escaped and hid out on Indonesia’s Ambon island until this year when he was repatriated by the International Organization For Migration.
Such testimony has led to Thailand being listed among the worst violators of trafficking in persons.
In an annual report released Friday, the U.S. State Department cites surveys that show between 17 and 57 percent of those in Thailand’s seafood industry work against their will.
Those statistics are rejected by industry officials here, who question the sources and reliability of the data.
The Thai Tuna Industry Association, formed last year, says it allows external verification to ensure workers are treated ethically.
At a news conference Tuesday, a coalition of Thailand’s frozen shrimp industry said, “There is no slavery involved in the shrimp supply chain.”
Industry leader Panisuan Jamnarnwej says Thailand’s prawns have been clean of exploitive labor for years.
The former president of the Thai Frozen Foods Association says the industry cannot risk concealing damaging information.
“Consumer perception, we have to work on. We have to provide the truth," said Panisuan Jamnarnwej. "If we keep lying, sooner or later, they’ll discover it and it’ll be even worse than what’s happening at the moment.”
The publicity is having an impact.
Some major international retailers are dropping suppliers linked to the allegations of slavery and overseas buyers plan to work with non-governmental organizations to try to ensure that there is no forced labor in the supply chain.
