ຜູ້ມີສິດປ່ອນບັດໃນໄທ ໄດ້ສະແດງຄວາມບໍ່ຢ້ານກົວ ຫລືຫວາດ
ຫວັ່ນຕໍ່ການນາບຂູ່ ແລະໄພຂົ່ມຂູ່ຈາກຄວາມຮຸນແຮງ ແລະພາ
ກັນອອກໄປປ່ອນບັດ ໃນການເລືອກຕັ້ງທົ່ວປະເທດ ໃນວັນອາ
ທິດວານນີ້. ພວກປະທ້ວງໄດ້ບີບບັງຄັບໃຫ້ມີການຍົກເລີກການ
ເລືອກຕັ້ງ ໃນ 9 ຈັງຫວັດ ຂອງ 76ຈັງຫວັດຂອງໄທ ແລະ 4 ໃນ
50 ອໍາເພີຂອງບາງກອກ ແຕ່ບ່ອນປ່ອນບັດໂດຍສ່ວນໃຫຍ່ ກໍ
ແມ່ນເປີດໃຫ້ພວກຄົນໄປປ່ອນບັດໄດ້. ຜູ້ສື່ຂ່າວວີໂອເອ ມີລາຍ
ງານເລື້ອງນີ້ມາຈາກບາງກອກ ຊຶ່ງດາຣາຈະມາສະເໜີທ່ານ.
ພວກປ່ອນບັດທີ່ໂກດແຄ້ນຫຼາຍໆຄົນ ພາກັນສັ່ນປະຕູເຫລັກ ທາງເຂົ້າສູ່ຫ້ອງການເມືອງແຫ່ງນຶ່ງຂອງບາງກອກ ຮຽກຮ້ອງໃຫ້ໄຂປະຕູໃຫ້ພວກເຂົາເຈົ້າເຂົ້າໄປປ່ອນບັດ.
ກ່ອນໜ້ານັ້ນ ພວກປະທ້ວງຕໍ່ຕ້ານລັດຖະບານໄດ້ມາທີ່ນີ້ ແລະໄດ້ຂັດຂວາງ ບໍ່ໃຫ້ເຈົ້າໜ້າ
ທີ່ກໍາກັບການປ່ອນບັດ ນໍາເອົາໃບປ່ອນບັດເລືອກຕັ້ງ ໄປແຈກຢາຍໃຫ້ບ່ອນປ່ອນບັດ ທີ່ຢູ່ໃກ້ໆນັ້ນ.
ນາງ ທິບພະວັນ ແຊ່ລາວ ຜູ້ປ່ອນບັດຄົນນຶ່ງ ໄດ້ຕໍາໜິຕິຕຽນພວກເຈົ້າໜ້າທີ່ຈັດການເລືອກ
ຕັ້ງ ທີ່ບໍ່ສາມາດປົກປັກຮັກສາສິດທິປະຊາທິປະໄຕຂອງນາງໄດ້.
ນາງ ທິບພະວັນ ເວົ້າວ່າ: “ຂ້ອຍຮູ້ສຶກຜິດຫວັງ ຄືແທ້ໆແລ້ວ ເຂົາເຈົ້າກໍໄດ້
ປະກາດແລ້ວວ່າ ໃຫ້ລົງເລືອກຕັ້ງໄດ້ ເພາະສະນັ້ນ ກໍໜ້າຈະມີການກຽມ
ພ້ອມ ເພາະວ່າເຖິງຢ່າງໃດ ປະຊາຊົນກໍຕ້ອງອອກມາປ່ອນປັດຢູ່ແລ້ວ.”
ນັກຂ່າວວີໂອເອ Daniel Schearf ລາຍງານວ່າ ເຖິງແມ່ນການປ່ອນບັດໄດ້ດໍາເນີນໄປ
ຢ່າງລາບລື່ນໃນຫຼາຍເຂດຂອງບາງກອກກໍຕາມ ແຕ່ຢູ່ທີ່ສະຖານປ່ອນບັດໃນເຂດດິນແດງ
ທີ່ລາວໄປເບິ່ງນັ້ນ ບໍ່ມີພວກປ່ອນບັດຈັກຄົນເລີຍ ເພາະວ່າບໍ່ມີໃບປ່ອນບັດ. ພວກປະທ້ວງ
ຕໍ່ຕ້ານລັດຖະບານ ໄດ້ຢຸດພວກລົດບັນທຸກ ບໍ່ໃຫ້ເອົາໃບປ່ອນບັດ ມາສົ່ງຢູ່ສະຖານປ່ອນບັດ
ຫຼາຍໆແຫ່ງ. ແລະເຖິງແມ່ນວ່າ ໄດ້ມີພວກປ່ອນບັດຈໍານວນນຶ່ງພາກັນໄປຍັງບ່ອນປ່ອນບັດ
ແຫ່ງນີ້ ເມື່ອຕອນເຊົ້າໆ ເພື່ອອອກປາກອອກສຽງສະແດງຄວາມຜິດຫວັງແລະໂມໂຫຂອງ
ພວກເຂົາເຈົ້າກໍຕາມ ແຕ່ພວກເຂົາເຈົ້າກໍບໍ່ສາມາດປ່ອນບັດໄດ້.
2006: ກອງທັບໂຄ່ນລົ້ມ ນາຍົກລັດຖະມົນຕີ
ທັກສິນ ຊິນນະວັດ
2007: ພັກພະລັງປະຊາຊົນ ທີ່ນິຍົມທັກສິນ
ຊະນະການເລືອກຕັ້ງ
2008: ພວກປະທ້ວງຕໍ່ຕ້ານທັກສິນທີ່ເອີ້ນວ່າ
ພວກ “ເສື້ອເຫຼືອງ” ທໍາການເດີນຂະບວນປະ
ທ້ວງ ເປັນເວລາຫຼາຍໆເດືອນ ແລະໄດ້ເຂົ້າ
ຄວບຄຸມສະໜາມບິນເປັນເວລາສັ້ນໆ. ທ່ານ
ອະພິສິດ ເວດຊາຊີວະ ຂຶ້ນມາເປັນນາຍົກລັດ
ຖະມົນຕີ.
2010: ພວກປະທ້ວງ “ເສື້ອແດງ” ທີ່ນິຍົມ
ທັກສິນ ພາກັນເດີນຂະບວນປະທ້ວງ ຢ່າງ
ຂະໜານໃຫຍ່ໃນບາງກອກ. ມີຫຼາຍສິບຄົນ
ເສຍຊີວິດ ໃນການປະທະກັນຢ່າງຮຸນແຮງ
ກັບທະຫານ.
2011: ທ່ານນາງ ຍິ່ງລັກ ຊິນນະວັດ ນ້ອງ
ສາວຂອງທັກສິນ ຖືກເລືອກເປັນນາຍົກລັດ
ຖະມົນຕີ.
2013: ພວກປະທ້ວງຕໍ່ຕ້ານລັດຖະບານ
ທໍາການໂຮມຊຸມນຸມປະທ້ວງ ຢ່າງໃຫຍ່
ແລະບໍ່ຍອມຢຸດ. ທ່ານນາງ ຍິ່ງລັກ ຮຽກ
ການເລືອກຕັ້ງໃໝ່.
2014: ພວກປະທ້ວງພາກັນຕັ້ງ ຄ້າຍພັກ
ແຮມຂຶ້ນເພື່ອ shut down ບາງກອກ. ພວກ
ປະທ້ວງບໍ່ຮັບຮູ້ການເລືອກຕັ້ງ ທີ່ຈັດຂຶ້ນເມື່ອ
ວັນທີ 2 ກຸມພາ.
ຊູວິດ ກະມົນວິສິດ ນັກການເມືອງອິດສະຫຼະທີ່ມີຊື່ສຽງ ໄດ້
ຖືກໂຈມຕີ ເວລາຜູ້ກ່ຽວໄປເຖິງບ່ອນປ່ອນບັດທີ່ວ່າງເປົ່າ
ຢູ່ໃນເຂດຄຸ້ມຂອງລາວ. ຊູວິດ ເວົ້າວ່າ:
“ພວກເຂົາເຈົ້າມີຂໍ້ຂັດແຍ້ງກັນໃນເວລານີ້ ແລະປີໜ້າ ກໍຈະ
ມີຂໍ້ຂັດແຍ້ງໃໝ່ກັນອີກ ຈົນກວ່າເຂົາເຈົ້າຮຽນຮູ້ວ່າ ຂໍ້ຂັດ
ແຍ້ງຈະຕ້ອງຖືກແກ້ໄຂໄດ້ ດ້ວຍການປານີປານອມກັນ.
ມັນແມ່ນເລື້ອງການເມືອງ ການເມືອງກໍຄືການປານີປາ
ນອມກັນ ຖ້າເຮັດບໍ່ໄດ້ ກໍເກີດສົງຄາມ.”
ແຕ່ພວກປະທ້ວງກໍບໍ່ສາມາດຢຸດການປ່ອນບັດໄດ້ໂດຍທັງໝົດ.
ໃນທົ່ວສ່ວນໃຫຍ່ຂອງບາງກອກ ແລະເຂດອື່ນໆຂອງໄທ ໃບ
ປ່ອນບັດໄດ້ຖືກນໍາໄປສົ່ງເຖິງທີ່ ແລະການປ່ອນບັດກໍດໍາເນີນ
ໄປໄດ້ສະດວກດີ ໂດຍມີເຫດການກໍ່ຄວາມຮຸນແຮງ ພຽງເລັກໆ
ນ້ອຍໆ.
ຢ່າງໃດກໍຕາມ ພວກປະທ້ວງ ທີ່ຢາກໃຫ້ສະພາປະຊາຊົນ ທີ່ບໍ່
ໄດ້ຖືກເລືອກຕັ້ງເອົາ ເຂົ້າມາກໍາອໍານາດແທນລັດຖະບານ ເພື່ອ
ຈັດຕັ້ງປະຕິບັດ ການປະຕິຮູບທີ່ບໍ່ໄດ້ບົ່ງອອກມາຢ່າງສະເພາະ
ເຈາະຈົງນັ້ນ ກໍມີທ່າທີແລະອາລົມມ່ວນຊື່ນ ສະເຫຼີມສະຫຼອງ
ແລະທ້າທາຍ.
ນາງສາວ ແພງພອນ ກູ່ນອກ ຜູ້ປະທ້ວງຄົນນຶ່ງ ເວົ້າວ່າ ພວກເຂົາ
ເຈົ້າຕ້ອງການໃຫ້ນາຍົກລັດຖະມົນຕີ ຍິ່ງລັກ ຊິນນະວັດ ແລະຄອບ
ຄົວຂອງທ່ານນາງ ທີ່ພວກເຂົາເຈົ້າເວົ້າວ່າ ສໍ້ລາດບັງຫຼວງນັ້ນ
ອອກຈາກການເມືອງຂອງໄທ. ນາງແພງພອນ ເວົ້າວ່າ:
“ພວກເຮົາສະຫຼອງກັນ ຍ້ອນວ່າພວກເຮົາໄດ້ຮັບໄຊຊະນະ ໄປເທື່ອລະກ້າວ
ແຕ່ເປົ້າໝາຍສຸດທ້າຍຂອງພວກເຮົາ ກໍຄືບັງຄັບໃຫ້ນາຍົກລັດຖະມົນຕີທໍາ
ການປະຕິຮູບ ແລະຕໍ່ຈາກນັ້ນ ພວກເຮົາກໍຈະສາມາດເລີ່ມປະຕິຮູບປະເທດ
ຊາດໄດ້.”
ຫຼັງຈາກການປ່ອນບັດເລຶອກຕັ້ງໃນວັນອາທິດຜ່ານພົ້ນໄປ ຄວາມສົນໃຈກໍຈະຫັນໄປໃສ່
ການທ້າທາຍຕ່າງໆທາງກົດໝາຍ ຕໍ່ພັກທີ່ປົກຄອງປະເທດໃນຂະນະນີ້ ຢູ່ໃນສານ ໃນອີກ
ບໍ່ເທົ່າໃດອາທິດຕໍ່ໜ້ານີ້ ແລະການເລືອກຕັ້ງບັ້ນພິເສດ ໃນບໍ່ເທົ່າໃດເດືອນຈະມາເຖິງນີ້.
ເຖິງແມ່ນຄວາມວຸ້ນວາຍທາງການເມືອງຂອງໄທ ໄດ້ມີມາເປັນເວລາຫຼາຍເດືອນແລ້ວກໍ
ຕາມ ການປະເຊີນໜ້າກັນທາງການເມືອງຂອງໄທ ກໍຍັງບໍ່ມີຮ່ອງຮອຍໃດໆ ໃກ້ຈະຍຸຕິລົງ
ແຕ່ຢ່າງໃດເລີຍ.
![Soldiers hold their shields as officials leave a government office where Prime Minster Yingluck Shinawatra had been holding a meeting as anti-government protesters gather outside in Bangkok, Feb. 3, 2014.]()
![An anti-government protester carrying a national flag, a guitar and a "No Vote" sign follows others moving from one protest camp to another in Bangkok Feb. 3, 2014.]()
![Voters hold their identification cards and the chains that held the gate of the polling station closed, as they demand the right to vote during general elections in Bangkok, Feb. 2, 2014.]()
![Anti-government protest leader Suthep Thaugsuban waves to supporters during a march through Bangkok, Feb. 3, 2014.]()
![Thai Prime Minister and Pheu Thai party leader Yingluck Shinawatra poses before casting her ballot in Bangkok, Feb. 2, 2014.]()
![Thai soldiers pose with their identity cards as they wait in a line to vote at a polling station in Bangkok, Feb. 2, 2014.]()
![Empty ballot boxes are shown before voting in Bangkok, Feb. 2, 2014.]()
![Anti-government protesters check voting ballots they seized to disrupt elections before handing the papers back to officials after the general election in Hat Yai district, Songkhla province, southern Thailand, Feb. 2, 2014.]()
ຫວັ່ນຕໍ່ການນາບຂູ່ ແລະໄພຂົ່ມຂູ່ຈາກຄວາມຮຸນແຮງ ແລະພາ
ກັນອອກໄປປ່ອນບັດ ໃນການເລືອກຕັ້ງທົ່ວປະເທດ ໃນວັນອາ
ທິດວານນີ້. ພວກປະທ້ວງໄດ້ບີບບັງຄັບໃຫ້ມີການຍົກເລີກການ
ເລືອກຕັ້ງ ໃນ 9 ຈັງຫວັດ ຂອງ 76ຈັງຫວັດຂອງໄທ ແລະ 4 ໃນ
50 ອໍາເພີຂອງບາງກອກ ແຕ່ບ່ອນປ່ອນບັດໂດຍສ່ວນໃຫຍ່ ກໍ
ແມ່ນເປີດໃຫ້ພວກຄົນໄປປ່ອນບັດໄດ້. ຜູ້ສື່ຂ່າວວີໂອເອ ມີລາຍ
ງານເລື້ອງນີ້ມາຈາກບາງກອກ ຊຶ່ງດາຣາຈະມາສະເໜີທ່ານ.
ພວກປ່ອນບັດທີ່ໂກດແຄ້ນຫຼາຍໆຄົນ ພາກັນສັ່ນປະຕູເຫລັກ ທາງເຂົ້າສູ່ຫ້ອງການເມືອງແຫ່ງນຶ່ງຂອງບາງກອກ ຮຽກຮ້ອງໃຫ້ໄຂປະຕູໃຫ້ພວກເຂົາເຈົ້າເຂົ້າໄປປ່ອນບັດ.
ກ່ອນໜ້ານັ້ນ ພວກປະທ້ວງຕໍ່ຕ້ານລັດຖະບານໄດ້ມາທີ່ນີ້ ແລະໄດ້ຂັດຂວາງ ບໍ່ໃຫ້ເຈົ້າໜ້າ
ທີ່ກໍາກັບການປ່ອນບັດ ນໍາເອົາໃບປ່ອນບັດເລືອກຕັ້ງ ໄປແຈກຢາຍໃຫ້ບ່ອນປ່ອນບັດ ທີ່ຢູ່ໃກ້ໆນັ້ນ.
ນາງ ທິບພະວັນ ແຊ່ລາວ ຜູ້ປ່ອນບັດຄົນນຶ່ງ ໄດ້ຕໍາໜິຕິຕຽນພວກເຈົ້າໜ້າທີ່ຈັດການເລືອກ
ຕັ້ງ ທີ່ບໍ່ສາມາດປົກປັກຮັກສາສິດທິປະຊາທິປະໄຕຂອງນາງໄດ້.
ນາງ ທິບພະວັນ ເວົ້າວ່າ: “ຂ້ອຍຮູ້ສຶກຜິດຫວັງ ຄືແທ້ໆແລ້ວ ເຂົາເຈົ້າກໍໄດ້
ປະກາດແລ້ວວ່າ ໃຫ້ລົງເລືອກຕັ້ງໄດ້ ເພາະສະນັ້ນ ກໍໜ້າຈະມີການກຽມ
ພ້ອມ ເພາະວ່າເຖິງຢ່າງໃດ ປະຊາຊົນກໍຕ້ອງອອກມາປ່ອນປັດຢູ່ແລ້ວ.”
ນັກຂ່າວວີໂອເອ Daniel Schearf ລາຍງານວ່າ ເຖິງແມ່ນການປ່ອນບັດໄດ້ດໍາເນີນໄປ
ຢ່າງລາບລື່ນໃນຫຼາຍເຂດຂອງບາງກອກກໍຕາມ ແຕ່ຢູ່ທີ່ສະຖານປ່ອນບັດໃນເຂດດິນແດງ
ທີ່ລາວໄປເບິ່ງນັ້ນ ບໍ່ມີພວກປ່ອນບັດຈັກຄົນເລີຍ ເພາະວ່າບໍ່ມີໃບປ່ອນບັດ. ພວກປະທ້ວງ
ຕໍ່ຕ້ານລັດຖະບານ ໄດ້ຢຸດພວກລົດບັນທຸກ ບໍ່ໃຫ້ເອົາໃບປ່ອນບັດ ມາສົ່ງຢູ່ສະຖານປ່ອນບັດ
ຫຼາຍໆແຫ່ງ. ແລະເຖິງແມ່ນວ່າ ໄດ້ມີພວກປ່ອນບັດຈໍານວນນຶ່ງພາກັນໄປຍັງບ່ອນປ່ອນບັດ
ແຫ່ງນີ້ ເມື່ອຕອນເຊົ້າໆ ເພື່ອອອກປາກອອກສຽງສະແດງຄວາມຜິດຫວັງແລະໂມໂຫຂອງ
ພວກເຂົາເຈົ້າກໍຕາມ ແຕ່ພວກເຂົາເຈົ້າກໍບໍ່ສາມາດປ່ອນບັດໄດ້.
ເຫດການສໍາຄັນໆ ທາງການເມືອງ ໃນປະເທດໄທ:
ເຫດການສໍາຄັນໆ ທາງການເມືອງ ໃນປະເທດໄທ:2006: ກອງທັບໂຄ່ນລົ້ມ ນາຍົກລັດຖະມົນຕີ
ທັກສິນ ຊິນນະວັດ
2007: ພັກພະລັງປະຊາຊົນ ທີ່ນິຍົມທັກສິນ
ຊະນະການເລືອກຕັ້ງ
2008: ພວກປະທ້ວງຕໍ່ຕ້ານທັກສິນທີ່ເອີ້ນວ່າ
ພວກ “ເສື້ອເຫຼືອງ” ທໍາການເດີນຂະບວນປະ
ທ້ວງ ເປັນເວລາຫຼາຍໆເດືອນ ແລະໄດ້ເຂົ້າ
ຄວບຄຸມສະໜາມບິນເປັນເວລາສັ້ນໆ. ທ່ານ
ອະພິສິດ ເວດຊາຊີວະ ຂຶ້ນມາເປັນນາຍົກລັດ
ຖະມົນຕີ.
2010: ພວກປະທ້ວງ “ເສື້ອແດງ” ທີ່ນິຍົມ
ທັກສິນ ພາກັນເດີນຂະບວນປະທ້ວງ ຢ່າງ
ຂະໜານໃຫຍ່ໃນບາງກອກ. ມີຫຼາຍສິບຄົນ
ເສຍຊີວິດ ໃນການປະທະກັນຢ່າງຮຸນແຮງ
ກັບທະຫານ.
2011: ທ່ານນາງ ຍິ່ງລັກ ຊິນນະວັດ ນ້ອງ
ສາວຂອງທັກສິນ ຖືກເລືອກເປັນນາຍົກລັດ
ຖະມົນຕີ.
2013: ພວກປະທ້ວງຕໍ່ຕ້ານລັດຖະບານ
ທໍາການໂຮມຊຸມນຸມປະທ້ວງ ຢ່າງໃຫຍ່
ແລະບໍ່ຍອມຢຸດ. ທ່ານນາງ ຍິ່ງລັກ ຮຽກ
ການເລືອກຕັ້ງໃໝ່.
2014: ພວກປະທ້ວງພາກັນຕັ້ງ ຄ້າຍພັກ
ແຮມຂຶ້ນເພື່ອ shut down ບາງກອກ. ພວກ
ປະທ້ວງບໍ່ຮັບຮູ້ການເລືອກຕັ້ງ ທີ່ຈັດຂຶ້ນເມື່ອ
ວັນທີ 2 ກຸມພາ.
ຊູວິດ ກະມົນວິສິດ ນັກການເມືອງອິດສະຫຼະທີ່ມີຊື່ສຽງ ໄດ້
ຖືກໂຈມຕີ ເວລາຜູ້ກ່ຽວໄປເຖິງບ່ອນປ່ອນບັດທີ່ວ່າງເປົ່າ
ຢູ່ໃນເຂດຄຸ້ມຂອງລາວ. ຊູວິດ ເວົ້າວ່າ:
“ພວກເຂົາເຈົ້າມີຂໍ້ຂັດແຍ້ງກັນໃນເວລານີ້ ແລະປີໜ້າ ກໍຈະ
ມີຂໍ້ຂັດແຍ້ງໃໝ່ກັນອີກ ຈົນກວ່າເຂົາເຈົ້າຮຽນຮູ້ວ່າ ຂໍ້ຂັດ
ແຍ້ງຈະຕ້ອງຖືກແກ້ໄຂໄດ້ ດ້ວຍການປານີປານອມກັນ.
ມັນແມ່ນເລື້ອງການເມືອງ ການເມືອງກໍຄືການປານີປາ
ນອມກັນ ຖ້າເຮັດບໍ່ໄດ້ ກໍເກີດສົງຄາມ.”
ແຕ່ພວກປະທ້ວງກໍບໍ່ສາມາດຢຸດການປ່ອນບັດໄດ້ໂດຍທັງໝົດ.
ໃນທົ່ວສ່ວນໃຫຍ່ຂອງບາງກອກ ແລະເຂດອື່ນໆຂອງໄທ ໃບ
ປ່ອນບັດໄດ້ຖືກນໍາໄປສົ່ງເຖິງທີ່ ແລະການປ່ອນບັດກໍດໍາເນີນ
ໄປໄດ້ສະດວກດີ ໂດຍມີເຫດການກໍ່ຄວາມຮຸນແຮງ ພຽງເລັກໆ
ນ້ອຍໆ.
ຢ່າງໃດກໍຕາມ ພວກປະທ້ວງ ທີ່ຢາກໃຫ້ສະພາປະຊາຊົນ ທີ່ບໍ່
ໄດ້ຖືກເລືອກຕັ້ງເອົາ ເຂົ້າມາກໍາອໍານາດແທນລັດຖະບານ ເພື່ອ
ຈັດຕັ້ງປະຕິບັດ ການປະຕິຮູບທີ່ບໍ່ໄດ້ບົ່ງອອກມາຢ່າງສະເພາະ
ເຈາະຈົງນັ້ນ ກໍມີທ່າທີແລະອາລົມມ່ວນຊື່ນ ສະເຫຼີມສະຫຼອງ
ແລະທ້າທາຍ.
ນາງສາວ ແພງພອນ ກູ່ນອກ ຜູ້ປະທ້ວງຄົນນຶ່ງ ເວົ້າວ່າ ພວກເຂົາ
ເຈົ້າຕ້ອງການໃຫ້ນາຍົກລັດຖະມົນຕີ ຍິ່ງລັກ ຊິນນະວັດ ແລະຄອບ
ຄົວຂອງທ່ານນາງ ທີ່ພວກເຂົາເຈົ້າເວົ້າວ່າ ສໍ້ລາດບັງຫຼວງນັ້ນ
ອອກຈາກການເມືອງຂອງໄທ. ນາງແພງພອນ ເວົ້າວ່າ:
“ພວກເຮົາສະຫຼອງກັນ ຍ້ອນວ່າພວກເຮົາໄດ້ຮັບໄຊຊະນະ ໄປເທື່ອລະກ້າວ
ແຕ່ເປົ້າໝາຍສຸດທ້າຍຂອງພວກເຮົາ ກໍຄືບັງຄັບໃຫ້ນາຍົກລັດຖະມົນຕີທໍາ
ການປະຕິຮູບ ແລະຕໍ່ຈາກນັ້ນ ພວກເຮົາກໍຈະສາມາດເລີ່ມປະຕິຮູບປະເທດ
ຊາດໄດ້.”
ຫຼັງຈາກການປ່ອນບັດເລຶອກຕັ້ງໃນວັນອາທິດຜ່ານພົ້ນໄປ ຄວາມສົນໃຈກໍຈະຫັນໄປໃສ່
ການທ້າທາຍຕ່າງໆທາງກົດໝາຍ ຕໍ່ພັກທີ່ປົກຄອງປະເທດໃນຂະນະນີ້ ຢູ່ໃນສານ ໃນອີກ
ບໍ່ເທົ່າໃດອາທິດຕໍ່ໜ້ານີ້ ແລະການເລືອກຕັ້ງບັ້ນພິເສດ ໃນບໍ່ເທົ່າໃດເດືອນຈະມາເຖິງນີ້.
ເຖິງແມ່ນຄວາມວຸ້ນວາຍທາງການເມືອງຂອງໄທ ໄດ້ມີມາເປັນເວລາຫຼາຍເດືອນແລ້ວກໍ
ຕາມ ການປະເຊີນໜ້າກັນທາງການເມືອງຂອງໄທ ກໍຍັງບໍ່ມີຮ່ອງຮອຍໃດໆ ໃກ້ຈະຍຸຕິລົງ
ແຕ່ຢ່າງໃດເລີຍ.
ພາບຫຼ້າສຸດຈາກ ການເລືອກຕັ້ງ ໃນໄທ