ກາຍເປັນທຳນຽມປະຕິບັດໃນຊ່ວງຄຣິສມາສທົ່ວໂລກໄປແລ້ວ ທີ່ເດັກນ້ອຍ ຈາກທົ່ວທຸກມຸມໂລກ ຈະຕິດຕາມການເດີນທາງຂອງແຊນຕ້າ ຄລອດສ໌ ທີ່ມຸ້ງໜ້າສົ່ງຂອງຂວັນໃຫ້ເດັກໆໄປຮອບໂລກ 24 ຊົ່ວໂມງສຸດທ້າຍກ່ອນວັນ ຄຣິສມາສ ອີງຕາມລາຍງານຂອງອົງການຂ່າວເອພີ.
ໃນແຕ່ລະປີ ຈະມີເດັກນ້ອຍຢ່າງໜ້ອຍ 100,000 ຄົນທີ່ຕໍ່ສານໄປຍັງສູນບັນຊາ ການປ້ອງກັນອະວະກາດແຫ່ງທະວີບອາເມຣິກາເໜືອ ຫຼື NORAD (North American Aerospace Defense Command) ເພື່ອຖາມໄລຍະທີ່ ແຊນຕ້າ ຄລອດສ໌ ຢູ່ໃນເວລານັ້ນ ໂດຍມີເຈົ້າໜ້້າທີີ່ລໍຖ້າໃຫ້ຂໍ້ມູນອອນໄລນ໌ ໃນ 9 ພາສາ ຕັ້ງແຕ່ພາສາອັງກິດ ໄປຈົນເຖິງພາສາຍີ່ປຸ່ນ.
ຊ່ວງເວລາອື່ນໆ ຂອງປີ NORAD ຈະກວດການ່ານຟ້າໃຫ້ປອດໄພຈາກໄພ ຄຸກຄາມທີ່ເກີດຂຶ້ນໄດ້ເຊັ່ນ ເຫດການບາລລູນສອດແນມເມື່ອປີກາຍນີ້ ແຕ່ພໍເຖິງ ວັນກ່ອນຄຣິສມາສ ອາສາສະໝັກຈາກເມືອງໂຄໂລຣາໂດ ສປຣິງສ໌ ຈະກຽມຊຸດ ຄຳຕອບສຳລັບຄຳຖາມເຊັ່ນວ່າ “ເມື່ອໃດແຊນຕ້າ ຈະມາເຖິງບ້ານເດັກນ້ອຍ? ຫຼືຄຳຖາມທີ່ວ່າ “ຕອນນີ້ຂ້ອຍຢູ່ໃນລາຍການເດັກຂີ້ດື້ຫຼືເດັກດີບໍ່?”
ທ່ານ ບອບ ຊອມເມີສ໌ ເຈົ້າໜ້າທີ່ອາສາສະໝັກຂອງ NORAD ໃນຊ່ວງ ຄຣິສມາສ ບອກວ່າ “ໄດ້ຍິນທັງສຽງຮ້ອງດັງກີດແລະສຽງຫົວແບບຖືກໃຈ” ໃນຊ່ວງເວລານີ້ ແລະເຂົາມັກບອກໃຫ້ເດັກໆຕ້ອງນອນຫລັບກ່ອນແຊນຕ້າ ມາເຖິງ ກ່ອນທີ່ຈະມີສຽງຂອງພໍ່ແມ່ບອກວ່າ “ໄດ້ຍິນສຽງທີ່ເຂົາເວົ້າບໍ່? ເຮົາຕ້ອງນອນແຕ່ຫົວຄ່ຳໃດ.”
ສູນຕິດຕາມ ແຊນຕ້າຂອງ NORAD ໄດ້ເລີ້ມຕົ້ນຕັ້ງແຕ່ຍຸກສົງຄາມເຢັນ ຈົນກາຍເປັນນຶ່ງໃນສັນຍາລັກວັນຄຣິສມາສ ນອກເໜືອຈາກເສື້ອໄໝພົມ ທີມຄຣິສມາສ, ຊຸດເຊຍ ແລະເພງຄຣິສມາສ ຂອງນາງ ມາຣາຍ ແຄຣີ ທີ່ຕ້ອງຟັງທຸກປີ ອັນເປັນລາຍໄດ້ຈາກວຽກງານທີ່ງ່າຍ ຫຼື passive income ແລະປະເພນີຕິດຕາມ ແຊນຕ້າ ນີ້ຍັງຢືນຢັດຢູ່ ເຖິງແມ່ນຈະປະເຊີນກັບການ ປິດສຳນັກງານຂອງລັດຖະບານ ຫຼື government shutdown ຫຼາຍຄັ້ງ ກໍຕາມ.
ຈຸດເລີ້ມຕົ້ນຂອງສູນຕິດຕາມ ແຊນຕ້າ ມາຈາກການຕໍ່ສາຍໂທລະສັບຜິດ ເມື່ອປີ 1955, ໜັງສືພິມໃນເມືອງ ໂຄໂລຣາໂດ ສປຣິງສ໌ ໄດ້ຕິດປ້າຍໂຄ ສະນາຂອງຮ້ານ Sears ທີີ່ຊວນພວກເດັກນ້ອຍໃຫ້ ໂທຫາ ແຊນຕ້າ ພ້ອມໃຫ້ເບີໂທເອົ້າໄວ້ ແຕ່ປະກົດວ່າ ເດັກຊາຍຄົນນຶ່ງໂທຜິດມາທີ່ໜ່ວຍງານ ດ້ານຄວາມໝັ້ນຄົງຮ່ວມ ສະຫະລັດ ແລະ ການາດາ NORAD ເຊິ່ງມີບົດ ບາດສຳຄັນໃນຊ່ວງສົງຄາເຢັນ.
ແລະຜູ້ທີີ່ຮັບສາຍເດັກຊາຍຄົນນັ້ນ ກໍຄື ພັນອາກາດເອກ ແຮຣີ ຊຸປ ເຊິ່ງເຂົ້າເວນໃນຕອນກາງຄືນເພື່ອຖ້າຮັບ “ສາຍດ່ວນສຸກເສີນ” ແຕ່ກັບໄດ້ຍິນສຽງປາຍສາຍເປັນສຽງຄ່ອຍໆ ຂອງເດັກຊາຍທີ່ເລົ່າເຖິງ ລາຍການຂອງຂວັນທີ່ຢາກໄດ້ໃນວັນຄຣິສມາສ ເຊິ່ງກ່ອນທີ່ເດັກຊາຍຄົນນີ້ ຈະຈັບໄດ້ ລາວກໍໄດ້ສົມມຸດອ້າງເປັນ ແຊນຕ້າ ຄລອດສ໌ ເປັນທີ່ຮຽບຮ້ອຍ ອີກທັງລາວຍັງຕ້ອງຮັບສາຍແບບດຽວກັນນີ້ ອີກ 50 ເທື່ອ ແລະທ້າຍທີ່ສຸດ ສິ່ງນີ້ຈຶ່ງໄດ້ກາຍເປັນທຳນຽມປະຕິບັດກັນມາ 69 ປີໃນປັດຈຸບັນນີ້.
ຜູ້ປົກຄອງແລະເດັກນ້ອຍ ສາມາດຕິດຕາມເສັ້ນທາງຂອງ ແຊນຕ້າ ຄລອດສ໌ ໄດ້ຜ່ານສາຍດ່ວນໃນອາເມຣິກາ 1-877-HI-NORAD ຕັ້ງແຕ່ 6 ໂມງເຊົ້າ ເຖິງທ່ຽງຄືນຂອງວັນທີ 24 ທັນວາ ຂອງທຸກປີ ແລະທີ່ເວັບໄຊ້ noradsanta.org ຕິດຕາມແຮສແທກ #NORADTracksSanta ແລະບັນຊີ @NoradSanta ທາງ X ຫຼືໃຊ້ແອປພລີເຄຊັ້ນອື່ນໆ ທີ່ຮອງຮັບ ລວມເຖິງຕິດຕາມທາງອີເມລ noradtrackssanta@outlook.com ໄດ້ເຊັ່ນກັນ.
ຟໍຣັມສະແດງຄວາມຄິດເຫັນ