ລິ້ງ ສຳຫລັບເຂົ້າຫາ

logo-print

ຊີວະປະຫວັດຫຍໍ້ຂອງ ທ່ານ Nelson Mandela (ສະໄລດ໌/ວີດີໂອ)


Nelson Mandela 1918-2013
ທ່ານ Nelson Mandela ອະດີດປະທານາທິບໍດີປະເທດ
ອາຟຣິກາໃຕ້ ໄດ້ເຖິງແກ່ອະສັນຍະກໍາ ລວມອາຍຸໄດ້ 95 ປີ.
ປະຊາຊົນທົ່ວໂລກ ພາກັນໄວ້ອາໄລ ນໍາປະທານາທິບໍດີ​ຜິວດໍາຜູ້ທໍາອິດຂອງປະເທດດັ່ງກ່າວ. Deborah Block
ຜູ້ສື່ຂ່າວວີໂອເອ ມີລາຍງານ ເພີ່ມຕື່ມ ກ່ຽວກັບເລຶ່ອງນີ້ ຊຶ່ງທອງປານຈະນໍາສະເໜີທ່ານໃນ ອັນດັບຕໍ່ໄປ.

ລິງໂດຍກົງ

ສໍາລັບຫຼາຍໆຄົນແລ້ວ ຈະເຫັນວ່າ ທ່ານ Nelson Mandela
ເປັນວີລະບຸລຸດ ​ເປັນ​ຜູ້ ພິລາດອາດຫານ ມີຄວາມໝັ້ນໃຈ​ໃນ​ສິ່ງ
​ທີ່​ຕົນ​ເຊື່ອ ແລະມີວິໄສທັດ. ​ແລະທ່ານມັກຈະຖືກປະຊາຊົນກ່າວ
ຂານຢູ່ຕະຫຼອດວ່າ ເປັນຜູ້ມີຄວາມນອບນ້ອມຖ່ອມຕົວ ມີສະເໜ່ ມີຄວາມຈົ່ງຮັກພັກດີແລະ
ເປັນບຸລຸດຜູ້ມີຄວາມເປັນຫ່ວງເປັນໄຍນໍາສຸກ​ທຸກ​ຂອງຄົນອື່ນໆ ຢູ່ສະເໝີ.

ທ່ານ Herman Cohen ລັດຖະມົນຕີຊ່ວຍວ່າການຕ່າງປະເທດສະຫະລັດ ຮັບຜິດຊອບ
ກິດຈະການ ບັນດາລັດອາຟຣິກາ ຈາກປີ 1989 ຫາປີ 1991 ມີຄວາມ​ເຫັນ​ດັ່ງ​ນີ້ກ່ຽວກັບ
ທ່ານ Mandela:

“ເບິ່ງຄືວ່າ ທ່ານແມນເດລາເປັນຄົນທີ່ມີລັກສະນະດຶງດູດໃຈຄົນທີ່ພິເສດແລະ
ທ່ານກາຍເປັນສັນຍາລັກຂອງການຕໍ່ຕ້ານລັດທິແບ່ງແຍກເຊື້ອຊາດຜິວພັນ
Apartheid.”


Remembering Nelson Mandela
please wait

No media source currently available

0:00 0:05:28 0:00
ລິງໂດຍກົງ

ທ່ານ ແມນເດລາ ເກີດເມື່ອວັນທີ 18 ເດືອນກໍລະກົດ ປີ 1918. ເວລາເປັນຊາຍໜຸ່ມ ທ່ານ
ໄດ້ມີບົດບາດຫ້າວຫັນໃນການເຄື່ອນໄຫວ ຕໍ່ຕ້ານການແບ່ງແຍກ​ເຊື້ອຊາດຜິວພັນແລະ
ໄດ້ເຂົ້າຮ່ວມກັບກຸ່ມ ສະພາຄອງແກຣສແຫ່ງຊາດອາຟຣິກາ ຫຼື ANC ​ໃນ​ຊຸມ​ປີ 1940.

ລັດຖະບານ​ທີ່​ນໍາພາ​ໂດຍ​ຊົນ​ຜິວ​ຂາວ ​ໄດ້​ສັ່ງ​ຫ້າມ​ພັກ ANC ​ໃນ​ປີ 1960 ​ແຕ່​ກຸ່ມ​ດັ່ງກ່າວ
​ກໍ​ບໍ່​ໄດ້​ທໍ້ຖອຍ ​ແລະ​ສືບ​ຕໍ່​ທໍ​າ​ການເຄື່ອນ​ໄຫວ​ຢ່າງ​ລັບໆ. ທ່ານແມນ​ເດລາໄດ້​ກາຍເປັນ
​ຫົວໜ້າໜ່ວຍກອງທັບ​ໃໝ່​ຂອງ​ກຸ່ມ ທໍາ​ການປະສານ​ງານໃນ​ການ​ປຸກລະດົມ​ກໍ່​ວິນາດສະ
​ກໍາ ຕໍ່​ເປົ້າໝາຍຕ່າງໆຂອງ​ກອງທັບ​ແລະ​ລັດຖະບານ​ອາ​ຟຣິກາ​ໃຕ້.

​ໃນ​ປີ 1962 ທ່ານໄດ້​ຖືກ​ຈັບ​ກຸມ ​ແລະ​ດໍາ​ເນີນ​ຄະດີ​ຍ້ອນ​ພຶດຕິ​ກໍາ​ຂອງທ່ານ ​ແລະຖືກ​
ຕັດສິນ​ຈໍາ​ຄຸກ​ຕະຫຼອດ​ຊີວິດຢູ່ຄຸກ​ທີ່​ເກາະ Robben ນອກຝັ່ງ​ທະ​ເລ​ເມືອງ Cape Town.

ທ່ານ​ໄດ້​ໃຊ້​ໂທດ​ຈໍາ​ຄຸກ​ຢູ່​ທີ່​ນັ້ນ ​ເປັນ​ເວລາ 18 ປີ ​ໂດຍ​ປະຕິ​ເສດ​ຄໍາ​ສະ​ເໜີ ຂອງ​ລັດ​ຖະ
ບານ​ທີ່​ຈະ​ປ່ອຍ​ຕົວ​ທ່ານ​ອອກຈາກ​ຄຸກ ຖ້າ​ຫາກ​ທ່ານ​ຍົກ​ເລີກ​ການ​ເຄື່ອນ​ໄຫວ​ຕໍ່ສູ້​ດ້ວຍ
ອາ​ວຸດ​ຂອງ​ກຸ່ມ ANC. ​ແຕ່​ທ່ານ​ແມນ​ເດລາ ກໍ​ໄດ້​ຖືກ​ປ່ອຍ​ຕົວ​ໃຫ້​ໄດ້​ຮັບອິດສະຫຼະພາບ ​
ໃນ​ປີ 1990 ຫຼັງ​ຈາກທີ່ປະທານາທິບໍດີອາ​ຟຣິກາ​ໃຕ້ ທ່ານ Frederik de Klerk ປະກາດ
ມອບ​ສະຖານະ​ພາບ​ທີ່​ຖືກຕ້ອງ​ຕາມ​ກົດໝາຍໃຫ້​ໝົດ​ທຸກ​ພັກ​ການ​ເມືອງ​ ພ້ອມທັງ​ປ່ອຍ​ຕົວພວກ
​ນັກ​ໂທດ​ການ​ເມືອງ​ສ່ວນ​ຫຼາຍ.


ບໍ່​ດົນ​ຫຼັງ​ຈາກ​ເປັນ​ອິດ​ສະລະ ທ່ານ​ແມນ​ເດລາ ກໍ​ໄດ້​ຖືກ​ເລືອກຕັ້ງ​ໃຫ້​ເປັນ​ປະທານ​ຂອງ​ພັກ ​ຄອງ​ແກຣສ​ແຫ່ງ​ຊາດ​ອາ​ຟຣິກາ ຫຼື ANC ແລະຕໍ່​ມາ ​ໃນ​ປີ 1994 ​ເວລາ​ພັກ ANC ຊະນະ
​ການ​ເລືອກ​ຕັ້ງ ທີ່​ມີໝົດທຸກເຊື້ອ​ຊາດ ເຂົ້າ​ປະກອບສ່ວນ​ເປັນ​ເທື່ອ​ທໍາ​ອິດ​ຂອງ​ປະ​ເທດ​ອາ​ຟຣິ
ກາ​ໃຕ້ ທ່ານ​ແມນ​ເດລາ ກໍ​ໄດ້ສາບານ​ຕົວ​ເຂົ້າຮັບ​ຕໍາ​ແໜ່​ງປະທານາທິບໍດີ​ຜິວ​ດໍາ​ຄົນ​ທໍາ​ອິດ​
ຂອງ​ປະ​ເທດ​ ເວລາ​ທ່ານ​ອາຍຸ​ໄດ້ 75​ ປີ.

ທ່ານ ​ແມນເດລລາ ​ເຄີຍ​ກ່າວ​ໃນ​ຕອນ​ນຶ່ງ​ວ່າ:ຈະບໍ່​ມີ​ວັນ ບໍ່​ມີ​ວັນ ​ແລະ​ບໍ່​ມີວັນ​
ອີກແລ້ວ​
ທີ່​ຜືນ​ແຜ່ນດິນ​ອັນ​ງົດ​ງາມ​ແຫ່ງ​ນີ້ ຈະ​ໄດ້​ເຫັນ​ການກົດ​ຂີ່​ປາປປາມ
ຜູ້​ໃດ​ຜູ້​ນຶ່ງ​
ໂດຍ​ຄົນ​ອີກ​ກຸ່ມ​ນຶ່ງ.”

ປະທານາທິບໍດີ ​ແມນ​ເດລາ ​ເວົ້າ​ວ່າ ທ່ານ​ຈະ​ຮັບ​ຕໍາ​ແໜ່​ງປະທານາ​ທິບໍດີ​ພຽງ​ນຶ່ງ​ສະ​ໄໝ
ທີ່​ມີຫ້າ​ປີ ​ເທົ່າ​ນັ້ນ. ທ່ານ​ໂຄ​ເຮັນ​ ​ເວົ້າ​ວ່າ​ ທ່ານ ​ແມນ​ເດລາ ​ໄດ້​ຮັບ​ຄວາມ​ເຄົາລົບ​ນັບຖືໃນ
​ລະດັບ​ນານາ​ຊາດ ສໍາລັບ​ການ​ປອງ​ດອງຊາດ​ຂອງ​ອາ​ຟຣິກາ​ໃຕ້​ນັ້ນ.

ທ່ານ​ໂຄ​ເຮັນ ​ເວົ້າ​ອີກ​ວ່າ: “ທ່ານແມນ​ເດລາ ​ໄດ້​ອຸທິດ​ຕົວ​ທ່ານ​ເອງໂດຍສ່ວນ​ໃຫຍ່​ໃສ່​
ການ​
ປຸກລະດົມຊາວ​ອາ​ຟຣິກາ​ທັງຫຼາຍ ໃຫ້​ເຂົ້າສູ່ຍຸກໄໝ່ນີ້ ​ເພື່ອ​ເຮັດ​ວຽກພັດທະນາ​
ເສດຖະກິດ ມີ​ການ​ສຶກສາ​ດີ ​ແລະ​ທ່ານຍັງ​
ປະຕິບັດ​ຕົນເປັນໂຄສົກ​ກ່ຽວ​ກັບ​ເລື້ອງ​ນີ້
ໃນ​ເວທີ​ສາກົນ
ນໍາ​ອີກ.

ລໍາດັບພາບກ່ຽວກັບຊີວິດຂອງທ່ານແມນເດລາ. ຄລິກບ່ອນລູກສອນເພື່ອເບິ່ງຕໍ່.
Loading...
ໃນ​ປີ 1993 ທ່ານ​ແມນ​ເດລາ ​ໄດ້​ຮັບ​ລາງ​ວັນ​ໂນ​ເບ​ລຂະ​ແໜງ​ສັນຕິພາບ​ຮ່ວມກັນ​ກັບ
ທ່ານ de Klerk ​ຊຶ່ງ​ຄັ້ງ​ນຶ່ງ​ເຄີຍ​ເປັນ​ສັດຕູ​ກັນ​ຢ່າງ​ຮຸນແຮງ​ນັ້ນ ສໍາລັບ​ຜົນງານຂອງ​ພວກ​ທ່ານ ທີ່ໃຫ້ການ​ສະໜັບສະໜຸນ​ຂັ້ນ​ຕອນ​ສ້າງສັນຕິ ພາບ​ໃນ​ອາ​ຟຣິກາ​ໃຕ້. ຫຼັງ​ຈາກ​ໄດ້​ຮັບ​ລາງວັນ​ດັ່ງກ່າວ​ແລ້ວ ທ່ານແມນ​ເດລາ ກໍ​ໄດ້​ສັນລະ​ເສີນ​ຍ້ອງຍໍ​ປະຊາຊົນ​ອາ​ຟຣິກາ​ໃຕ້.

ທ່ານ​ແມນເດລາ ​ກ່າວວ່າ: “ໝົດ​ທຸກ​ຄົນແມ່ນ​ໄດ້​ສ້າງສັນ​ສັງຄົມ​ນຶ່ງຂຶ້ນມາ ທີ່​ຮັບ​ຮູ້​
ວ່າ​
ປະຊາຊົນ​ທັງ​ໝົດ​ເກີດ​ມາ​ ມີ​ຄວາມ​ເທົ່າ​ທຽມ​ກັນ.”

​ໃນ​ລະຫວ່າງ​ການ​ດໍາລົງ​ຕໍາ​ແໜ່​ງປະທານາທິບໍດີຂອງ​ທ່ານນັ້ນ ທ່ານ​ແມນ​ເດ​ລາໄດ້​ຖືກ
ໂຈມ​ຕີ​ຢ່າງ​ໃຫຍ່​ທີ່​ບໍ່​ໄດ້​ຕໍ່ສູ້​ກັບການ​ແຜ່​ລະບາດ​ຂອງ​ໂຣກ​ເອດ​ສ໌ຂອງ​ອາຟຣິກາໃຕ້. ​ແຕ່​
ແນວ​ໃດ​ກໍ​ດີ ​ໃນ​ຊຸມປີ​ສຸດ​ທ້າຍ​ຂອງ​ທ່ານ ​ທ່ານ​ໄດ້​ກາຍ​ເປັນ​ຜູ້​ສະໜັບສະໜຸນທີ່​ອອກໜ້າ​
ອອກ​ຕາ​ຜູ້​ນຶ່ງ ​ໃນ​ການ​ຕໍ່ສູ້​ກັບ​ໂຣກ​ເອດ​ສ໌.

ທ່ານ ​ແມນ​ເດລາ ກ່າວວ່າ: “​ພ້ອມ​ກັນ ພວກ​ເຮົາ​ແມ່ນ​ຈະສາມາດ​ຕໍ່ສູ້​ກັບໂຣກ​
ເອດ​ສ໌​ໄດ້ ​ແລະ​ຮັບ
ປະກັນໃຫ້​ມີ​ອະນາຄົດ​ທີ່​ໝັ້ນຄົງຫຼາຍ​ຂຶ້ນ ສໍາລັບ​ທຸກໆ​ຄົນ.”

ນອກ​ນັ້ນ ທ່ານ​ຍັງ​ສືບ​ຕໍ່​ວຽກ​ງານ​ຂອງ​ທ່ານ ​ໃນ​ຖານະ​ເປັນ​ຜູ້​ສະໜັບ​ສະ​ໜຸນຕໍ່​ສູ້ ​ເພື່ອ
ສິດທິ​ເດັກນ້ອຍ​ນໍາ.

ໃນ​ປະ​ເທດ​ນຶ່ງທີ່​ຖືກ​ແຕກ​ແຍກ ​ຍ້ອນ​ຂໍ້​ຂັດ​ແຍ້​ງ​ດ້ານເຊື້ອຊາດ​ມາ​ເປັນເວລາຫຼາຍ​ປີນັ້ນ
ທ່ານ Nelson Mandela ຈຶ່ງ​ໄດ້​ຮັບ​ພິຈາລະນາວ່າ ​ເປັນຜູຸ້ນໍາທີ່ໂດດ​ເດ່​ນຍອດ​ຍ້ຽມ​ຄົນ
ນຶ່ງເປັນ​ບຸລຸດ ຜູ້ທີ່​ໄດ້​ດຶງ​ເອົາ​ອາ​ຟຣິກາ​ໃຕ້​ໃຫ້​ພົ້ນ​ຈາກຄວາມ​ຮຸນ​ແຮງ​ແລະ​ຄວາມອາຄາດ
ແຄ້ນ​ກັນ ​ໄປ​ສູ່​ການເປັນປະ​ເທດ​ນຶ່ງ ​ທີ່​ມີ​ສັນຕິພາບ​ແລະ​ຄວາມ​ເຂົ້າ​ໃຈ​ກັນອັນໃຫຍ່ຫຼວງ ​
ກວ່າ​ເກົ່າ​.

ວີດີໂອ: ບັນດາຜູ້ນໍາເອເຊຍ ລະນຶກເຖິງທ່ານ ແມນເດລາ:

Asia Mourns Mandela
please wait
Embed

No media source currently available

0:00 0:02:23 0:00
ລິງໂດຍກົງ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG