ທ່ານສຸໄພວັນ ກຸມພົນ ຫົວໜ້າຫ້ອງການປະສານງານ
ສ້າງທາງລົດໄຟຄວາມໄວສູງປະຈໍາແຂວງວຽງຈັນ ຖະ
ແຫຼງຢືນຢັນວ່າ ການສໍາຫຼວດພື້ນທີ່ສໍາລັບຮອງຮັບໂຄງ
ການກໍ່ສ້າງທາງລົດໄຟຄວາມໄວສູງທີ່ເຊື່ອມຕໍ່ລະຫວ່າງ
ຈີນກັບລາວ ທີ່ຈະຜ່ານເຂດແຂວງວຽງຈັນທີ່ຄິດເປັນໄລ
ຍະທາງປະມານ 140 ກິໂລແມັດນັ້ນໄດ້ເລີ່ມຂຶ້ນແລ້ວ
ໃນຂະນະນີ້.
ການດໍາເນີນງານດັ່ງກ່າວ ນອກຈາກຈະມີເປົ້າໝາຍເພື່ອການຈັດຕຽມພື້ນທີ່ໃຫ້ພ້ອມສໍາລັບ
ຮອງຮັບການກໍ່ສ້າງທີ່ຈະເລີ່ມລົງມືພາກຕົວຈິງພາຍໃນເດືອນເມສາປີນີ້ແລ້ວ ກໍຍັງມີເປົ້າໝາຍ ໃນການສໍາຫຼວດເພື່ອໃຫ້ຮູ້ວ່າ ຈະຕ້ອງມີການເວນຄືນທີ່ດິນ ແລະຈະຕ້ອງຊົດເຊີຍຄ່າທີ່ດິນ ໃຫ້ກັບປະຊາຊົນທີ່ໄດ້ຮັບຜົນກະທົບຈາກໂຄງການ ໃນມູນຄ່າເທົ່າໃດອີກດ້ວຍ ດັ່ງທີ່ທ່ານ
ສຸໄພວັນໄດ້ຖະແຫຼງຊີ້ແຈງວ່າ:
“ຄືຜົນກະທົບນັ້ນ ກະໄດ້ແຕ່ງກໍາມະການໄປສໍາຫຼວດເບິ່ງ ແລ້ວກະໄດ້ຂຽນບົດ
ບັນທຶກປະເມີນຜົນວ່າ ມັນສູງຫຼືມັນຖຶກ ຫຼືສິຕົກເປັນລາຄາເທົ່າໃດ. ຫຼັງຈາກນັ້ນ
ຄະນະກໍາມະການທັງແຂວງ ທັງເມືອງ ແລະກໍທັງກະຊວງກໍຈະໄດ້ລົງໄປຕີລາຄາ
ອີກເທື່ອໃໝ່ວ່າເໝາະສົມທີ່ຈະໃຫ້ການທົດແທນທຶນເທົ່າໃດ ຊຶ່ງຕົວເລກກໍຍັງບໍ່
ລະອຽດເທື່ອ ຈຶ່ງຈະໄດ້ປະເມີນລາຄານໍາກັນ ແຕ່ສ່ວນຫຼາຍ ກະຖືກດິນໄຮ່ດິນນາ ແລະເມື່ອໄດ້ປະເມີນວ່າເ ທົ່າໃດເໝາະສົມ ແລະລາຄາເທົ່າໃດແລ້ວ ກະສິທົດ
ແທນໄປຕາມນັ້ນ.”
ທັງນີ້ໂດຍທາງລົດໄຟຄວາມໄວສູງສະເພາະ
ທີ່ຜ່ານເຂດແຂວງວຽງຈັນທີ່ມີໄລຍະທາງຍາວ
ປະມານ140 ກິໂລແມັດດັ່ງກ່າວຈະເປັນການ
ກໍ່ສ້າງຄູ່ຂະໜານກັບນະຄອນຫຼວງແຫ່ງຊາດ
ເລກ 13 ເໜືອ ຊຶ່ງຈະຜ່ານພື້ນທີ່ໃນເຂດ 4
ເມືອງຂອງແຂວງວຽງຈີນ ກໍຄືເມືອງກາສີ,
ວັງວຽງ, ຫີນເຫີບ, ແລະໂພນໂຮງ ໂດຍຈະ
ມີສະຖານີໃຫຍ່ຕັ້ງຢູ່ເມືອງວັງວຽງ ເນື່ອງຈາກ
ຖືວ່າເປັນເມືອງທີ່ມີຄວາມສໍາຄັນໃນດ້ານການ
ທ່ອງທ່ຽວຂອງແຂວງນັ້ນເອງ.
ທາງດ້ານທ່ານສົມພົງ ມົງຄົນວິໄລ ລັດຖະມົນຕີປະຈໍາສໍານັກງານນາຍົກລັດຖະມົນຕີ ແລະ
ປະທານອົງການທ່ອງທ່ຽວແຫ່ງຊາດລາວໄດ້ສະແດງຄວາມເຊື່ອໝັ້ນວ່າ ໂຄງການກໍ່ສ້າງ
ທາງລົດໄຟຄວາມໄວສູງ ລະຫວ່າງຈີນກັບລາວ ແລ້ວເຊື່ອມຕໍ່ໄປຍັງປະເທດໄທ-ມາເລເຊຍ
ແລະສິງກະໂປ ຫຼືທີ່ເອີ້ນວ່າໂຄງການເຊື່ອມຕໍ່ທາງລົດໄຟອາເຊຍ-ຈີນນັ້ນ ຈະສົ່ງຜົນດີຕໍ່ການ ພັດທະນາໃນດ້ານການທ່ອງທ່ຽວຂອງລາວໃນອານາຄົດ.
ທັງນີ້ກໍ່ເນື່ອງຈາກວ່າການເດີນທາງດ້ວຍລົດໄຟທີ່ມີຄວາມສະດວກແລະວ່ອງໄວນັ້ນ ຈະເຮັດ
ໃຫ້ນັກທ່ອງທ່ຽວຊາວຕ່າງຊາດ ພາກັນເດີນທາງເຂົ້າມາທ່ອງທ່ຽວໃນລາວ ເພີ່ມຫຼາຍຂຶ້ນ
ຢ່າງຕໍ່ເນື່ອງ ໂດຍສະເພາະແມ່ນນັກທ່ອງທ່ຽວຊາວຈີນນັ້ນ ກໍ່ເຊື່ອວ່າຈະເດີນທາງເຂົ້າມາ
ທ່ອງທ່ຽວໃນລາວຫຼາຍກວ່າທຸກປະເທດ ເມື່ອການກໍ່ສ້າງທາງລົດໄຟຄວາມໄວສູງດັ່ງກ່່າວນີ້ ໄດ້ດໍາເນີນການເສັດສົມບູນແລ້ວນັ້ນ.
ກ່ອນໜ້ານີ້ທ່ານ ສົມສະຫວາດ
ຮອງນາຍົກລັດຖະມົນຕີ ຜູ້ປະ
ຈໍາການຄະນະລັດຖະບານລາວ
ໄດ້ຖະແຫຼງຊີ້ແຈງວ່າທາງການ
ລາວແລະຈີນໄດ້ຕົກລົງໃນບົດ
ບັນທຶກຄວາມເຂົ້າໃຈຮ່ວມກັນ
ຢ່າງຈະແຈ້ງແລ້ວວ່າຈະຮ່ວມກັນ
ຈັດຕັ້ງບໍລິສັດຮ່ວມທຶນຂຶ້ນມາ
ເພື່ອຮັບຜິດຊອບໃນການກໍ່ສ້າງ
ທາງລົດໄຟຄວາມໄວສູງທີ່ເຊື່ອມ
ຕໍ່ຈາກຈີນມາຍັງລາວ ໂດຍລັດ
ຖະບານລາວຈະຖືຫຸ້ນລົງທຶນໃນ
ສັດສ່ວນ 30% ໃນຂະນະທີ່ລັດ
ຖະບານຈີນຈະຖືຫຸ້ນໃນສັດສ່ວນ 70% ຂອງມູນຄ່າການລົງທຶນທັງໝົດ 7,000 ລ້ານໂດລາ
ໂດຍເຊື່ອວ່າທາງການລາວຈະໄດ້ມາ ຈາກການກູ້ຢືມຈາກທາງການຈີນນັ້ນເອງ.
ການກໍ່ສ້າງທາງລົດໄຟສະເພາະໃນເຂດລາວຈະເລີ່ມລົງມືໃນພາກຕົວຈິງນັບຈາກເດືອນເມສາ
2011 ເປັນຕົ້ນໄປ ແລະຖ້າຫາກວ່າການດໍາເນີນງານເປັນໄປຕາມແຜນການທີ່ວາງໄວ້ ກໍ
ຄາດວ່າ ການກໍ່ສ້າງທາງລົດໄຟສະເພາະໃນເຂດລາວ ທີ່ມີໄລຍະທາງຍາວເຖິງ 421 ກິໂລ
ແມັດນັ້ນ ຈະແລ້ວສໍາເລັດຕະຫຼອດເສັ້ນທາງພາຍໃນປີ 2015 ຊຶ່ງເປັນໂອກາດຄົບຮອບ
40 ປີ ຂອງການສະຖາປະນາສາທາລະນະລັດປະຊາທິປະໄຕປະຊາຊົນລາວ ພໍດີ.
