ເມື່ອວັນສຸກທີ 19 ເມສາ ຜ່ານມານີ້ ກະຊວງຕ່າງປະເທດ
ສະຫະລັດໄດ້ນໍາອອກເຜີຍແຜ່ ລາຍງານປະຈໍາປີຂອງຕົນ
ວ່າດ້ວຍສະພາບການດ້ານສິດທິມະນຸດຢູ່ໃນທົ່ວໂລກ.
Scott Stearns ຜູ້ສື່ຂ່າວວີໂອເອ ປະຈໍາກະຊວງຕ່າງປະ
ເທດ ລາຍງານວ່າ ທ່ານຈອນແຄຣີ ລັດຖະມົນຕີຕ່າງປະ
ເທດສະຫະລັດ ເວົ້າວ່າ ລັດຖະບານປະທານາທິບໍດີໂອບາ
ມາ ຮຽກຮ້ອງໃຫ້ທຸກໆປະເທດ ພິທັກປົກປ້ອງສິດທິມະນຸດ
ໂດຍທີ່ບໍ່ຈໍາກັດ ຊົນຊາດຊົນເຜົ່າ ເພດ ເຊື້ອຊາດ ສາສະໜາ
ຄວາມມັກທາງເພດສໍາພັນ ຫລືຄວາມພິການ. ທອງປານມີ
ເລຶ່ອງນີ້ມາສະເໜີທ່ານ.
ເບິ່ງວີດິໂອລາຍງານນີ້ ເປັນພາສາລາວ:
ໃນຄໍາຖະແຫລງຕອນນໍາເອົາລາຍງານສິດທິມະນຸດຂອງປີນີ້ອອກເຜີຍແຜ່ນັ້ນ ທ່ານລັດ
ຖະມົນຕີ ຈອນ ແຄຣີ ເວົ້າວ່າຈຸດນຶ່ງທີ່ພົ້ນເດັ່ນກ່ຽວກັບເລຶ່ອງນີ້ແມ່ນຢູ່ໃນມຽນມາ ບ່ອນທີ່
ມີການປະຕິຮູບໄປສູ່ປະຊາທິປະໄຕ ແລະ ມີການພິທັກປົກປ້ອງດ້ານສິດທິມະນຸດດີຂຶ້ນ
ກວ່າເກົ່າ ຊຶ່ງກໍາລັງເຮັດໃຫ້ການຢູ່ໂດດດ່ຽວມາເປັນເວລາຫຼາຍປີຂອງມຽນມາສິ້ນສຸດລົງ.
ທ່ານ ແຄຣີ ເວົ້າວ່າ: “ມັນໄດ້ມາເຖິງຈຸດທີ່ພວກເຮົາຕ້ອງການນັ້ນແລ້ວຫຼືບໍ່?
ບໍ່-ຍັງເທື່ອ ແຕ່ມັນຢູ່ໃນເສັ້ນທາງແລ້ວ ຊຶ່ງກໍາລັງເຄຶ່ອນໄຫວໄປໜ້າ. ແລະ
ໂດຍ ການເລີ່ມຕົ້ນນ້ອມຮັບເອົາສິດທິສາກົນນັ້ນ ລັດຖະບານມຽນມາແມ່ນ
ໄດ້ເປີດ ປະຕູໃນຫລາຍໆດ້ານ ໄປສູ່ການເປັນພາຄີທີ່ເຂັ້ມແຂງກວ່າເກົ່າ
ກັບບັນດາປະເທດເພື່ອນບ້ານຂອງຕົນ ແລະກັບປະເທດອື່ນໆໃນທົ່ວໂລກ.”
ລາຍງານຂອງກະຊວງການຕ່າງປະເທດເວົ້າວ່າ ມຽນມາຍັງປະເຊີນກັບສິ່ງທ້າທາຍຫຼາຍໆ
ຢ່າງຢູ່ ໂຮມທັງບັນຫາການສໍ້ລາດບັງຫຼວງ ແລະບັນດານັກໂທດການເມືອງ ທີ່ຍັງຖືກຄຸມຂັງຢູ່.
ທ່ານຈອນ ແຄຣີ ເວົ້າຕື່ມວ່າ: “ແຕ່ຖ້າຫາກວ່າ ບັນດາຜູ້ນໍາມຽນມາສືບຕໍ່ສຸມໃສ່
ການສົ່ງເສີມ ແລະພິທັກປົກປ້ອງສິດທິຕ່າງໆຂອງປະຊາຊົນທັງໝົດ ຢູ່ໃນປະ
ເທດຂອງພວກເຂົາເຈົ້າແລ້ວ ກໍມີທາງວ່າ ມຽນມາຈະສືບຕໍ່ເດີນໄປຕາມເສັ້ນ
ທາງທີ່ໃຫ້ຄວາມຫວັງ ແກ່ການຟື້ນຟູໂຕເອງຄືນມາໃໝ່.”
ສໍາລັບຂົງເຂດຕາເວັນອອກກາງແລະອາຟຣິກາເໜືອນັ້ນ ລາຍງານເວົ້າວ່າ ຄວາມຫວັງຈາກ
ໄລຍະຕົ້ນໆຂອງການຕື່ນຕົວຂອງຊາວອາຫຣັບ ທີ່ລຸກຂຶ້ນມາຕໍ່ຕ້ານການປົກຄອງແບບຜະ
ເດັດການນັ້ນ ໄດ້ປະເຊີນກັບຄວາມເປັນຈິງ ທີ່ຮຸນແຮງຂອງການຜັນປ່ຽນທີ່ບໍ່ສົມບູນ ແລະມີການ
ໂຕ້ແຍ້ງແຂ່ງຂັນກັນ.
ທ່ານ ແຄຣີ ເວົ້າວ່າ: “ຢູ່ໃນບ່ອນທີ່ ລັດຖະບານທີ່ຍຶດຄອງອໍານາດມາເປັນເວລາ
ດົນນານ ໄດ້ຖືກໂຄ່ນລົ້ມລົງ ແລະລັດຖະບານຊຸດໃໝ່ ໄດ້ຊັກຊ້າໃນການຮັບປະ
ກັນສິດທິເຫຼົ່ານັ້ນ ແລະໃນການພິທັກປົກປ້ອງພວກທີ່ອ່ອນແອທີ່ສຸດ ແລະໃນ
ການສ້າງສາບັນດາສະຖາບັນປະຊາທິປະໄຕ ທີ່ມີຄວາມຮັບຜິດຊອບນັ້ນ ພວກ
ເຮົາຍັງເຫັນການຕ້ານຢັນກັນ ຢູ່ໃນພາກສ່ວນນັ້ນຂອງໂລກ.”
ໂຮມທັງຊີເຣຍ ບ່ອນທີ່ສະຫະລັດກໍາລັງໃຫ້ການສະໜັບສະໜຸນແກ່ຝ່າຍທີ່ຄັດຄ້ານ ປະທາ
ນາທິບໍດີ Bashar al-Assad ນັ້ນ.
ທ່ານ ແຄຣີ ເວົ້າວ່າ: “ຢູ່ໃນຊີເຣຍນັ້ນ ທ່ານອັດຊັດຍັງພະຍາຍາມຍຶດອໍານາດໄວ້
ຢ່າງສຸດຂີດ ໂດຍທໍາການຕອບສະໜອງຕໍ່ສຽງຮຽກຮ້ອງເພື່ອເສລີພາບ ດ້ວຍ
ການຄາດຕະກໍາ ສ້າງຄວາມປັ່ນປ່ວນ ແລະເຂັ່ນຂ້າຫຼາຍຂຶ້ນ. ວິໄສທັດຂອງ
ຫຼາຍໆຄົນຜູ້ທີ່ໄດ້ທໍາການຕໍ່ສູ້ແລະຍອມເສຍສະຫຼະຢູ່ໃນທົ່ວຂົງເຂດ ແມ່ນຈະ
ບໍ່ມີວັນເປັນຈິງຂຶ້ນມາ ຖ້າຫາກວ່າສິດທິມະນຸດຂອງເຂົາເຈົ້າຖືກປະຕິເສດ ຫຼື
ບໍ່ເອົາຫົວຊານໍາ.”
ສ່ວນໃນທິເບດ ລາຍງານເລຶ່ອງສິດທິມະນຸດຂອງສະຫະລັດເວົ້າວ່າ ຈໍານວນຂອງຊາວພຸດ
ທີ່ຈູດເຜົາຕົນເອງເມື່ອປີຜ່ານມາ ໄດ້ເພີ່ມທະວີຂຶ້ນເປັນ ຫົກເທົ່າຕົວ ທຽບໃສ່ສະຖິຕິຂອງ
ປີ 2011. ລາຍງານເວົ້າອີກວ່າ ພວກເຈົ້າໜ້າທີ່ຈີນໄດ້ກົດຂີ່ປາປປາມມູນເຊື້ອທາງສາສະ
ໜາແລະວັດທະນະທໍາທີ່ ເປັນເອກກະລັກຂອງທິເບດ ໂດຍການຈໍາກັດສິດທິພົລະເຮືອນ
ຂອງຊົນເຜົ່າທິເບດຢ່າງເຄ່ງຄັດ.
ໃນອິຣ່ານນັ້ນ ລາຍງານເວົ້າວ່າ ລັດຖະບານຍັງສືບຕໍ່ການກວດລ້າງຕໍ່ສັງຄົມພົນລະເຮືອນ
ດ້ວຍການຈັບກຸມພວກນັກຂ່າວ ນັກສຶກສາ ທະນາຍຄວາມ ນັກສິນລະປິນ ແລະພວກນັກ
ເຄຶ່ອນໄຫວດ້ານສາສະໜາແລະຊົນເຜົ່າ ໂດຍມີກໍາລັງຮັກສາຄວາມປອດໄພ ກະທໍາການ
ກໍ່ຄວາມຮຸນແຮງ ແລະກົດຂີ່ປາບປາມ ທີ່ມີສາເຫດທາງການເມືອງ ອັນໂຮມທັງການທໍລະ
ມານ ທຸບຕີ ແລະຂົ່ມຂືນ.
ທ່ານ ແຄຣີ ເວົ້າວ່າ ສະຫະລັດຊຸກຍູ້ສົ່ງເສີມສິດທິມະນຸດ ບໍ່ແມ່ນພຽງເພາະວ່າມັນເປັນການ
ກະທໍາທີ່ຖືກຕ້ອງເທົ່ານັ້ນ ແຕ່ມັນກ່ຽວພັນກັບຄວາມໝັ້ນຄົງນໍາ.
ທ່ານ ແຄຣີ ເວົ້າວ່າ: “ປະເທດຕ່າງໆ ບ່ອນທີ່ມີສິດທິມະນຸດທີ່ເຂັ້ມແຂງນັ້ນ
ຄືບັນດາປະເທດທີ່ປະຊາຊົນມີສະພາບຄວາມເປັນຢູ່ດີຂຶ້ນ ມີເສດຖະກິດ
ເຕີບໂຕ ມີຕົວບົດກົດໝາຍທີ່ເຂັ້ມແຂງກວ່າ ລັດຖະບານມີປະສິດທິພາບ
ສູງກ່ວາ ແລະຕອບສະໜອງຕໍ່ຄວາມຮຽກຮ້ອງຕ້ອງການຂອງປະຊາຊົນ
ໄດ້ຫຼາຍກວ່າ ແລະເປັນປະເທດທີ່ນໍາພາໃນເວທີໂລກ ແລະແຜ່ສະຖຽນ
ລະພາບໄປທົ່ວຂົງເຂດ ຂອງພວກເຂົາເຈົ້າ.”
ລາຍງານເລື້ອງສິດທິມະນຸດຂອງສະຫະລັດຍັງໃຫ້ຂໍ້ສັງເກດອີກວ່າ ມີພື້ນທີ່ແຄບເຂົ້າ ສໍາລັບ
ການເຄື່ອນໄຫວຂອງສັງຄົມພົນລະເຮືອນຢູ່ໃນທົ່ວໂລກ ໂດຍສະເພາະໃນຣັດເຊຍ ບ່ອນທີ່
ມີກົດໝາຍອອກໃໝ່ ທີ່ຂຶ້ນຄ່າປັບໃໝ ສໍາລັບການປະທ້ວງທີ່ບໍ່ໄດ້ຮັບອະນຸຍາດ ແລະວາງ
ຂໍ້ຈໍາກັດຮັດແຄບຕໍ່ເສລີພາບໃນການຊົມໃຊ້ອິນເຕີເເນັດ ແລະຂະຫຍາຍຄວາມໝາຍຂອງ
ການທໍລະຍົດຕໍ່ຊາດ ອອກໄປຢ່າງຫລວງຫລາຍ.
ວີດິໂອ ພາສາອັງກິດ:
ສະຫະລັດໄດ້ນໍາອອກເຜີຍແຜ່ ລາຍງານປະຈໍາປີຂອງຕົນ
ວ່າດ້ວຍສະພາບການດ້ານສິດທິມະນຸດຢູ່ໃນທົ່ວໂລກ.
Scott Stearns ຜູ້ສື່ຂ່າວວີໂອເອ ປະຈໍາກະຊວງຕ່າງປະ
ເທດ ລາຍງານວ່າ ທ່ານຈອນແຄຣີ ລັດຖະມົນຕີຕ່າງປະ
ເທດສະຫະລັດ ເວົ້າວ່າ ລັດຖະບານປະທານາທິບໍດີໂອບາ
ມາ ຮຽກຮ້ອງໃຫ້ທຸກໆປະເທດ ພິທັກປົກປ້ອງສິດທິມະນຸດ
ໂດຍທີ່ບໍ່ຈໍາກັດ ຊົນຊາດຊົນເຜົ່າ ເພດ ເຊື້ອຊາດ ສາສະໜາ
ຄວາມມັກທາງເພດສໍາພັນ ຫລືຄວາມພິການ. ທອງປານມີ
ເລຶ່ອງນີ້ມາສະເໜີທ່ານ.
ເບິ່ງວີດິໂອລາຍງານນີ້ ເປັນພາສາລາວ:
ໃນຄໍາຖະແຫລງຕອນນໍາເອົາລາຍງານສິດທິມະນຸດຂອງປີນີ້ອອກເຜີຍແຜ່ນັ້ນ ທ່ານລັດ
ຖະມົນຕີ ຈອນ ແຄຣີ ເວົ້າວ່າຈຸດນຶ່ງທີ່ພົ້ນເດັ່ນກ່ຽວກັບເລຶ່ອງນີ້ແມ່ນຢູ່ໃນມຽນມາ ບ່ອນທີ່
ມີການປະຕິຮູບໄປສູ່ປະຊາທິປະໄຕ ແລະ ມີການພິທັກປົກປ້ອງດ້ານສິດທິມະນຸດດີຂຶ້ນ
ກວ່າເກົ່າ ຊຶ່ງກໍາລັງເຮັດໃຫ້ການຢູ່ໂດດດ່ຽວມາເປັນເວລາຫຼາຍປີຂອງມຽນມາສິ້ນສຸດລົງ.
ທ່ານ ແຄຣີ ເວົ້າວ່າ: “ມັນໄດ້ມາເຖິງຈຸດທີ່ພວກເຮົາຕ້ອງການນັ້ນແລ້ວຫຼືບໍ່?
ບໍ່-ຍັງເທື່ອ ແຕ່ມັນຢູ່ໃນເສັ້ນທາງແລ້ວ ຊຶ່ງກໍາລັງເຄຶ່ອນໄຫວໄປໜ້າ. ແລະ
ໂດຍ ການເລີ່ມຕົ້ນນ້ອມຮັບເອົາສິດທິສາກົນນັ້ນ ລັດຖະບານມຽນມາແມ່ນ
ໄດ້ເປີດ ປະຕູໃນຫລາຍໆດ້ານ ໄປສູ່ການເປັນພາຄີທີ່ເຂັ້ມແຂງກວ່າເກົ່າ
ກັບບັນດາປະເທດເພື່ອນບ້ານຂອງຕົນ ແລະກັບປະເທດອື່ນໆໃນທົ່ວໂລກ.”
ລາຍງານຂອງກະຊວງການຕ່າງປະເທດເວົ້າວ່າ ມຽນມາຍັງປະເຊີນກັບສິ່ງທ້າທາຍຫຼາຍໆ
ຢ່າງຢູ່ ໂຮມທັງບັນຫາການສໍ້ລາດບັງຫຼວງ ແລະບັນດານັກໂທດການເມືອງ ທີ່ຍັງຖືກຄຸມຂັງຢູ່.
ທ່ານຈອນ ແຄຣີ ເວົ້າຕື່ມວ່າ: “ແຕ່ຖ້າຫາກວ່າ ບັນດາຜູ້ນໍາມຽນມາສືບຕໍ່ສຸມໃສ່
ການສົ່ງເສີມ ແລະພິທັກປົກປ້ອງສິດທິຕ່າງໆຂອງປະຊາຊົນທັງໝົດ ຢູ່ໃນປະ
ເທດຂອງພວກເຂົາເຈົ້າແລ້ວ ກໍມີທາງວ່າ ມຽນມາຈະສືບຕໍ່ເດີນໄປຕາມເສັ້ນ
ທາງທີ່ໃຫ້ຄວາມຫວັງ ແກ່ການຟື້ນຟູໂຕເອງຄືນມາໃໝ່.”
ສໍາລັບຂົງເຂດຕາເວັນອອກກາງແລະອາຟຣິກາເໜືອນັ້ນ ລາຍງານເວົ້າວ່າ ຄວາມຫວັງຈາກ
ໄລຍະຕົ້ນໆຂອງການຕື່ນຕົວຂອງຊາວອາຫຣັບ ທີ່ລຸກຂຶ້ນມາຕໍ່ຕ້ານການປົກຄອງແບບຜະ
ເດັດການນັ້ນ ໄດ້ປະເຊີນກັບຄວາມເປັນຈິງ ທີ່ຮຸນແຮງຂອງການຜັນປ່ຽນທີ່ບໍ່ສົມບູນ ແລະມີການ
ໂຕ້ແຍ້ງແຂ່ງຂັນກັນ.
ທ່ານ ແຄຣີ ເວົ້າວ່າ: “ຢູ່ໃນບ່ອນທີ່ ລັດຖະບານທີ່ຍຶດຄອງອໍານາດມາເປັນເວລາ
ດົນນານ ໄດ້ຖືກໂຄ່ນລົ້ມລົງ ແລະລັດຖະບານຊຸດໃໝ່ ໄດ້ຊັກຊ້າໃນການຮັບປະ
ກັນສິດທິເຫຼົ່ານັ້ນ ແລະໃນການພິທັກປົກປ້ອງພວກທີ່ອ່ອນແອທີ່ສຸດ ແລະໃນ
ການສ້າງສາບັນດາສະຖາບັນປະຊາທິປະໄຕ ທີ່ມີຄວາມຮັບຜິດຊອບນັ້ນ ພວກ
ເຮົາຍັງເຫັນການຕ້ານຢັນກັນ ຢູ່ໃນພາກສ່ວນນັ້ນຂອງໂລກ.”
ໂຮມທັງຊີເຣຍ ບ່ອນທີ່ສະຫະລັດກໍາລັງໃຫ້ການສະໜັບສະໜຸນແກ່ຝ່າຍທີ່ຄັດຄ້ານ ປະທາ
ນາທິບໍດີ Bashar al-Assad ນັ້ນ.
ທ່ານ ແຄຣີ ເວົ້າວ່າ: “ຢູ່ໃນຊີເຣຍນັ້ນ ທ່ານອັດຊັດຍັງພະຍາຍາມຍຶດອໍານາດໄວ້
ຢ່າງສຸດຂີດ ໂດຍທໍາການຕອບສະໜອງຕໍ່ສຽງຮຽກຮ້ອງເພື່ອເສລີພາບ ດ້ວຍ
ການຄາດຕະກໍາ ສ້າງຄວາມປັ່ນປ່ວນ ແລະເຂັ່ນຂ້າຫຼາຍຂຶ້ນ. ວິໄສທັດຂອງ
ຫຼາຍໆຄົນຜູ້ທີ່ໄດ້ທໍາການຕໍ່ສູ້ແລະຍອມເສຍສະຫຼະຢູ່ໃນທົ່ວຂົງເຂດ ແມ່ນຈະ
ບໍ່ມີວັນເປັນຈິງຂຶ້ນມາ ຖ້າຫາກວ່າສິດທິມະນຸດຂອງເຂົາເຈົ້າຖືກປະຕິເສດ ຫຼື
ບໍ່ເອົາຫົວຊານໍາ.”
ສ່ວນໃນທິເບດ ລາຍງານເລຶ່ອງສິດທິມະນຸດຂອງສະຫະລັດເວົ້າວ່າ ຈໍານວນຂອງຊາວພຸດ
ທີ່ຈູດເຜົາຕົນເອງເມື່ອປີຜ່ານມາ ໄດ້ເພີ່ມທະວີຂຶ້ນເປັນ ຫົກເທົ່າຕົວ ທຽບໃສ່ສະຖິຕິຂອງ
ປີ 2011. ລາຍງານເວົ້າອີກວ່າ ພວກເຈົ້າໜ້າທີ່ຈີນໄດ້ກົດຂີ່ປາປປາມມູນເຊື້ອທາງສາສະ
ໜາແລະວັດທະນະທໍາທີ່ ເປັນເອກກະລັກຂອງທິເບດ ໂດຍການຈໍາກັດສິດທິພົລະເຮືອນ
ຂອງຊົນເຜົ່າທິເບດຢ່າງເຄ່ງຄັດ.
ໃນອິຣ່ານນັ້ນ ລາຍງານເວົ້າວ່າ ລັດຖະບານຍັງສືບຕໍ່ການກວດລ້າງຕໍ່ສັງຄົມພົນລະເຮືອນ
ດ້ວຍການຈັບກຸມພວກນັກຂ່າວ ນັກສຶກສາ ທະນາຍຄວາມ ນັກສິນລະປິນ ແລະພວກນັກ
ເຄຶ່ອນໄຫວດ້ານສາສະໜາແລະຊົນເຜົ່າ ໂດຍມີກໍາລັງຮັກສາຄວາມປອດໄພ ກະທໍາການ
ກໍ່ຄວາມຮຸນແຮງ ແລະກົດຂີ່ປາບປາມ ທີ່ມີສາເຫດທາງການເມືອງ ອັນໂຮມທັງການທໍລະ
ມານ ທຸບຕີ ແລະຂົ່ມຂືນ.
ທ່ານ ແຄຣີ ເວົ້າວ່າ ສະຫະລັດຊຸກຍູ້ສົ່ງເສີມສິດທິມະນຸດ ບໍ່ແມ່ນພຽງເພາະວ່າມັນເປັນການ
ກະທໍາທີ່ຖືກຕ້ອງເທົ່ານັ້ນ ແຕ່ມັນກ່ຽວພັນກັບຄວາມໝັ້ນຄົງນໍາ.
ທ່ານ ແຄຣີ ເວົ້າວ່າ: “ປະເທດຕ່າງໆ ບ່ອນທີ່ມີສິດທິມະນຸດທີ່ເຂັ້ມແຂງນັ້ນ
ຄືບັນດາປະເທດທີ່ປະຊາຊົນມີສະພາບຄວາມເປັນຢູ່ດີຂຶ້ນ ມີເສດຖະກິດ
ເຕີບໂຕ ມີຕົວບົດກົດໝາຍທີ່ເຂັ້ມແຂງກວ່າ ລັດຖະບານມີປະສິດທິພາບ
ສູງກ່ວາ ແລະຕອບສະໜອງຕໍ່ຄວາມຮຽກຮ້ອງຕ້ອງການຂອງປະຊາຊົນ
ໄດ້ຫຼາຍກວ່າ ແລະເປັນປະເທດທີ່ນໍາພາໃນເວທີໂລກ ແລະແຜ່ສະຖຽນ
ລະພາບໄປທົ່ວຂົງເຂດ ຂອງພວກເຂົາເຈົ້າ.”
ລາຍງານເລື້ອງສິດທິມະນຸດຂອງສະຫະລັດຍັງໃຫ້ຂໍ້ສັງເກດອີກວ່າ ມີພື້ນທີ່ແຄບເຂົ້າ ສໍາລັບ
ການເຄື່ອນໄຫວຂອງສັງຄົມພົນລະເຮືອນຢູ່ໃນທົ່ວໂລກ ໂດຍສະເພາະໃນຣັດເຊຍ ບ່ອນທີ່
ມີກົດໝາຍອອກໃໝ່ ທີ່ຂຶ້ນຄ່າປັບໃໝ ສໍາລັບການປະທ້ວງທີ່ບໍ່ໄດ້ຮັບອະນຸຍາດ ແລະວາງ
ຂໍ້ຈໍາກັດຮັດແຄບຕໍ່ເສລີພາບໃນການຊົມໃຊ້ອິນເຕີເເນັດ ແລະຂະຫຍາຍຄວາມໝາຍຂອງ
ການທໍລະຍົດຕໍ່ຊາດ ອອກໄປຢ່າງຫລວງຫລາຍ.
ວີດິໂອ ພາສາອັງກິດ:
