ທ່ານນາງ ຄາມາລາ ແຮຣີສ ເປັນຜູ້ຖືກສະເໜີຊື່ຊິງຕຳ ແໜ່ງປະທານາທິບໍດີ ຈາກພັກເດໂມແຄຣັດ ແລະຈະປະເຊີນໜ້າກັບ ທ່ານ ດໍໂນລ ທຣຳ ໃນລະດູໃບໄມ້ຫຼົ່ນນີ້

ຮອງປະທານາທິບໍດີ ຄາມາລາ ແຮຣີສ, ລູກສາວຂອງຜູ້ຍົກຍ້າຍຖິ່ນຖານ ທີ່ກ້າວຂຶ້ນມາຈາກຕໍາແໜ່ງທາງການເມືອງ ແລະການບັງຄັບໃຊ້ກົດຫມາຍ ຂອງ ລັດຄາລິຟໍເນຍ ຈົນກາຍມາເປັນຮອງປະທານາທິບໍດີທີ່ເປັນແມ່ຍິງຄົນ ທໍາອິດໃນປະຫວັດສາດຂອງສະຫະລັດ, ໄດ້ຮັບການສະເໜີຊື່ລົງແຂ່ງຂັນເອົາ ຕໍາແໜ່ງປະທານາທິບໍດີ ຈາກພັກເດໂມແຄຣັດຢ່າງເປັນທາງການໃນວັນຈັນ ວານນີ້ - ເຊິ່ງເຮັດໃຫ້ທ່ານນາງ ໄດ້ກາຍເປັນແມ່ຍິງຜິວສີຄົນທໍາອິດທີ່ໄດ້ຖືກ ເລືອກໃຫ້ເປັນຕົວແທນຂອງພັກການເມືອງຫຼັກ, ອີງຕາມອົງການຂ່າວ AP.

ຫຼາຍກວ່າ 4 ປີ ຫຼັງຈາກຄວາມພະຍາຍາມຄັ້ງທໍາອິດຂອງທ່ານນາງ ໃນການແຂ່ງຂັນເອົາຕໍາແໜ່ງປະທານາທິບໍດີໄດ້ຫຼົ້ມແຫຼວ, ການຖືກ ເລືອກໃຫ້ເປັນຜູ້ນໍາພັກຂອງທ່ານນາງ ແຮຣີສ ໄດ້ເຮັດໃຫ້ຊ່ວງເວລາທີ່ວຸ້ນ ວາຍ ແລະ ຂຸ້ນຂ້ຽວ ສໍາລັບພັກເດໂມແຄຣັດ ທີ່ເກີດຈາກຜົນງານໃນການ ໂຕ້ວາທີທີ່​ຫາ​ຍະ​ນະໃນເດືອນມິຖຸນາຂອງປະທານາທິບໍດີ ໂຈ ໄບເດັນ ທີ່ທໍາລາຍຄວາມເຊື່ອຫມັ້ນຂອງຜູ້ສະຫນັບສະຫນູນຂອງທ່ານ ຕໍ່ໂອກາດໃນ ການໄດ້ຮັບການເລືອກຕັ້ງຄືນອີກຄັ້ງຂອງທ່ານ ​ແລະ​ໄດ້​ກະຕຸ້ນ​ໃຫ້​ເກີດ​ສົງຄາມ​ພາຍ​ໃນ​ພັກຢ່າງຮຸນແຮງ ​ກ່ຽວ​ກັບ​ວ່າ​ທ່ານ​ຄວນ​ຈະຢູ່​ໃນ​ການ​ແຂ່ງຂັນ ຕໍ່ໄປ ຫຼືບໍ່.

ທັນທີທີ່ ທ່ານ ໄບເດັນ ຢຸດຕິການສະເໜີຊື່ຂອງທ່ານ ຢ່າງກະທັນຫັນ, ທ່ານນາງ ແຮຣີສ ແລະທີມງານຂອງທ່ານນາງ ກໍໄດ້ເຮັດວຽກຢ່າງວ່ອງໄວ ເພື່ອໃຫ້ໄດ້ຮັບການສະຫນັບສະຫນຸນຈາກຜູ້ແທນຂອງພັກ 1,976 ຄົນທີ່ ຈໍາເປັນໃນການໄດ້ຮັບການແຕ່ງຕັ້ງໃນການລົງຄະແນນສຽງຢ່າງເປັນທາງ ການ. ທ່ານນາງໄດ້ບັນລຸຈຸດຫມາຍດັ່ງກ່າວຢ່າງໄວວາ, ໂດຍການສໍາຫຼວດ ຂອງ ອົງການຂ່າວ AP ສະແດງໃຫ້ເຫັນວ່າ ທ່ານນາງ ໄດ້ບັນລຸຂໍ້ຕົກລົງທີ່ ຈຳເປັນ ໃນເວລາພຽງແຕ່ 32 ຊົ່ວໂມງ ຫຼັງຈາກການປະກາດຂອງ ທ່ານ ໄບເດັນ.

ການສະເໜີຊື່ຂອງທ່ານນາງ ແຮຣີສ ແມ່ນເປັນທາງການແລ້ວ ຫລັງຈາກ ການປ່ອນບັດຮອບ 5 ມື້ ທາງອອນລາຍ ຂອງບັນດາຜູ້ແທນຢູ່ທີ່ກອງ ປະຊຸມໃຫຍ່ແຫ່ງຊາດຂອງພັກເດໂມແຄຣັດ ທີ່ໄດ້ສິ້ນສຸດລົງໃນຄືນວັນຈັນ ວານນີ້, ໂດຍພັກ ໄດ້ກ່າວໃນຖະແຫຼງການສະບັບນຶ່ງ ທີ່ໄດ້ຖືກເຜີຍ ແຜ່ອອກກ່ອນທ່ຽງຄືນວ່າ 99 ເປີເຊັນ ຂອງບັນດາຜູ້ແທນ ໄດ້ລົງຄະແນນ ສຽງໃຫ້ກັບທ່ານ ນາງ ແຮຣີສ ແລ້ວ. ພັກ​ໄດ້​ພິຈາລະນາການລົງຄະແນນ ສຽງທາງອອນລາຍລ່ວງໜ້າມາ​ເປັນ​ເວລາ​ດົນ​ນານ​ແລ້ວ ເພື່ອ​ໃຫ້​ແນ່​ໃຈ​ວ່າ ທ່ານ ໄບເດັນ ຈະ​ປະກົດ​ຕົວ​ໃນ​ບັດ​ເລືອກ​ຕັ້ງ​ໃນ​ທຸກ​ໆລັດ. ພັກໄດ້​ກ່າວ​ວ່າ ​ຈະ​ຮັບຮອງ​ການ​ລົງ​ຄະ​ແນນ​ສຽງ​ຢ່າງ​ເປັນ​ທາງ​ການ​ ກ່ອນ​ທີ່​ຈະ​ຈັດ​ການ​ປະກາດຊື່ຢ່າງເປັນທາງການ ໃນ​ກອງ​ປະ​ຊຸມ​ໃຫຍ່ຂອງ​ພັກ ​ໃນ​ທ້າຍ​ເດືອນ​ນີ້ ຢູ່​ທີ່ນະ​ຄອນ ຊິຄາໂກ​, ລັດອີ​ລີ​ນອຍ.

ອ່ານຂ່າວເປັນພາສາອັງກິດລຸ່ມນີ້:

WASHINGTON (AP) — Vice President Kamala Harris, a daughter of immigrants who rose through the California political and law enforcement ranks to become the first female vice president in U.S. history, formally secured the Democratic presidential nomination on Monday — becoming the first woman of color to lead a major party ticket.

More than four years after her first attempt at the presidency collapsed, Harris' coronation as her party's standard-bearer caps a tumultuous and frenetic period for Democrats prompted by President Joe Biden's disastrous June debate performance that shattered his own supporters' confidence in his reelection prospects and spurred extraordinary intraparty warfare about whether he should stay in the race.

Just as soon as Biden abruptly ended his candidacy, Harris and her team worked rapidly to secure backing from the 1,976 party delegates needed to clinch the nomination in a formal roll call vote. She reached that marker at warp speed, with an Associated Press survey of delegates nationwide showing she locked down the necessary commitments a mere 32 hours after Biden's announcement.

Harris' nomination became official after a five-day round of online balloting by Democratic National Convention delegates ended Monday night, with the party saying in a statement released just before midnight that 99% of delegates had cast their ballots for Harris. The party had long contemplated the early virtual roll call to ensure Biden would appear on the ballot in every state. It said it would next formally certify the vote before holding a celebratory roll call at the party's convention later this month in Chicago.