ທ່ານສາດສະດາຈານ Links ໄດ້ໃຫ້ຄໍາເຫັນວ່າ ມີແຕ່ພວກ
ທີ່ເຮັດວຽກຢູ່ໃນໂຮງງານນີວເຄລຍເທົ່ານັ້ນ ທີ່ມີຄວາມສ່ຽງ
ຕໍ່ການໄດ້ຮັບໄພອັນຕະລາຍຈາກທາດກໍາມັນຕະພາບລັງສີ
ທີ່ມີຄວາມຮ້າຍແຮງໃນລະດັບສູງ.
ທ່ານ Jonathan Links ກ່າວວ່າ:“ ແນ່ນ່ອນ ພວກ
ເຮົາບໍ່ຮູ້ໄດ້ວ່າ ພວກເຂົາເຈົ້າໄດ້ຮັບກໍາມັນຕະພາບລັງ
ສີ ໃນຂະໜາດຮ້າຍແຮງປານໃດ ແຕ່ພວກທີ່ຕົກຢູ່
ໃນສະພາບສ່ຽງຕໍ່ການໄດ້ຮັບຜົນກະທົບຈາກທາດກໍາມັນຕະພາບລັງສີທີ່ຮ້າຍ
ແຮງຫລາຍທີ່ສຸດ ກໍມີແຕ່ພວກທີ່ເຮັດວຽກຢູ່ໂຮງໄຟຟ້ານີວເຄລຍເທົ່ານັ້ນ.”
ສຳລັບຄົນອື່ນໆນັ້ນ ທ່ານເວົ້າວ່າ ອາດຈະມີບັນຫາທີ່ໜ້າເປັນຫ່ວງ ໃນໄລຍະຍາວ. ຄືພວກທີ່ຖືກເຜີຍແບໃສ່ ອາດຈະເປັນໂຣກມະເຮັງໄດ້ ຈາກການຖືກຝຸ່ນລະອອງຂອງກໍາມັນຕະພາບລັງສີຂະໜາດຕໍ່າ, ປະເພດທີ່ຖືກປ່ອຍອອກມາຈາກອຸບັດຕິເຫດນີວເຄລຍນັ້ນ.
ສາດສະດາຈານ Links ໃຫ້ຄໍາເຫັນເພີ້ມອີກວ່າ ພວກນັກວິທະຍາສາດສາມາດໃຊ້ຄອມພີວ
ເຕີ ເພື່ອກວດເບິ່ງບ່ອນທີ່ວັດຖຸກໍາມັນຕະພາບລັງສີໄດ້ປີວໄປຕົກໃສ່ ແລະຕິດຢູ່ນັ້ນ ໄດ້ໂດຍ
ໄວ. ແລະຈາກນັ້ນ ພວກເຂົາເຈົ້າກໍຈະວັດແທກເບິ່ງວ່າ ບ່ອນທີ່ໄດ້ຖືກແປດເປື້ອນໄປດ້ວຍ
ກໍາມັນຕະພາບລັງສີນັ້ນ ມີເນື້ອທີ່ກວ້າງຫລາຍປານໃດ. ຖ້າຫາກສະພາບການມັນຮ້າຍແຮງ
ອີ່ຫລີ ພວກເຈົ້າໜ້າທີ່ກໍຈະໃຊ້ມາດຕະການຕໍ່ໄປ ເຊັ່ນວ່າບອກປະຊາຊົນ ບໍ່ໃຫ້ກິນອາຫານ
ທີ່ປູກຢູ່ໃນທ້ອງຖິ່ນນັ້ນ ຫລື ບໍ່ໃຫ້ດື່ມນໍ້າຈາກເຂດນັ້ນ.
ທ່ານ Links ຊີ້ແຈງວ່າ “ແຕ່ນັ້ນຈະເປັນ ໃນກໍລະນີທີ່ວ່າ ຖ້າຫາກມີການປ່ອຍທາດ
ກໍາມັນຕະພາບລັງສີຢ່າງຫລວງຫລາຍ ແລະຖ້າຫາກມັນປາກົດໃຫ້ເຫັນວ່າ ຝຸ່ນລະ
ອອງຂອງກໍາມັນຕະພາບລັງສີໄດ້ປີວໄປຕົກໃສ່ເນື້ອທີ່ເຂດນັ້ນ ຍ້ອນທິດທາງຂອງ
ລົມ ແລ້ວກໍຕົກຈາກອາກາດ ລົງໄປປົນຢູ່ນຳໍານໍ້າ ຫລືຢູ່ເທິງໜ້ານໍ້າ, ກົກໄມ້,
ໝາກໄມ້ ແລະຜັກ ເປັນຕົ້ນ.”
ເຕົາແຍກປາລະມະນູທີ່ໂຮງໄຟຟ້ານີວເຄລຍ
Fukushima ແມ່ນຕັ້ງຢູ່ແຄມຝັ່ງມະຫາສະ
ມຸດປາຊີຟິກ. ແຕ່ ສາດສະດາຈານ Links
ເວົ້າວ່າ ຜູ້ຄົນບໍ່ຄວນວິຕົກກັງວົນ ກ່ຽວກັບ
ວັດຖຸທາດກໍາມັນຕະພາບລັງສີ ທີ່ອາດຈະຮົ່ວ
ໄຫລໄປໃສ່ມະຫາສະມຸດນັ້ນ.
ທ່ານ Jonathan Links ອະທິບາຍວ່າ
“ແມ່ນແຕ່ໃນກໍລະນີທີ່ເກີດອຸບັດຕິເຫດ
ຮ້າຍແຮງທີ່ສຸດນັ້ນ ນໍ້າທະເລກໍສາມາດ
ເຮັດໃຫ້ທາດກໍາມະພາບລັງສີຈາງໄປໄດ້
ຫລາຍ. ສະນັ້ນ ລະດັບຂອງກໍາມັນຕະ
ພາບລັງສີທີ່ເກາະກຸ່ມກັນ ຢູ່ໃນນໍ້າທະເລ ນັ້ນ ກໍຈະຍັງຕໍ່າຫລາຍຢູ່.”
ປະເທດຍີ່ປຸ່ນເປັນປະເທດດຽວເທົ່ານັ້ນ ທີ່ຖືກລະເບີດປະລາມະນູຖິ້ມໃສ່. ສະນັ້ນ ທ່ານສາດສະດາຈານ Links ເວົ້າວ່າ ຄວາມຊົງຈໍາທີ່ມີມາແຕ່ສົງຄາມໂລກຄັ້ງທີ 2 ນັ້ນ ຈະກໍ່ໃຫ້ເກີດ “ຄວາມຮູ້ສຶກອ່ອນໄຫວທາງຈິດຕະສາດ” ຢ່າງແຮງ ຕໍ່ການຖືກເຜີຍແບໃສ່ ກຳມັນຕະພາບລັງສີ.
ເດືອນໜ້າຍີ້ກໍຈະຮອດວັນຄົບຮອບ 25 ປີແຫ່ງການລະເບີດແລະໄຟໄໝ້ ທີ່ໄດ້ທຳລາຍເຕົາແຍກປາລະມະນູແຫ່ງນື່ງ ທີ່ໂຮງໄຟຟ້ານີວເຄລຍ Chernobyl ຢູ່ ຢູເຄຣນ. ເຫດ ການດັ່ງກ່າວທີ່ເກີດຂຶ້ນໃນປີ 1986 ນັ້ນແມ່ນເປັນອຸບັດຕິເຫດທີ່ຮ້າຍແຮງທີ່ສຸດ ຢູ່ໃນອຸດສາຫະກໍາພະລັງງານນີວເຄລຍຂອງໂລກ.
ລາຍງານໃໝ່ສະບັບນຶ່ງຂອງອົງການສະຫະປະຊາຊາດແຈ້ງໃຫ້ຊາບວ່າ ໄດ້ມີການກວດພົບເຫັນກໍລະນີຄົນເປັນໂຣກມະເຮັງຕ່ອມໄທຣອຍ ຫລາຍກວ່າ 6 ພັນຄົນ. ພວກຄົນເຫລົ່ານີ້ ແມ່ນເປັນພວກທີ່ຍັງເປັນເດັກເລັກເດັກນ້ອຍຢູ່ ໃນເວລານັ້ນ ຢູ່ໃນເຂດທີ່ໄດ້ຮັບ ຜົນກະທົບຈາກທາດກຳມະພາບລັງສີ ຢູ່ໃນ ປະເທດ ເບລາຣຸສ, ຣັດເຊຍ ແລະຢູເຄຣນ. ລາຍງານຍັງກ່າວອີກວ່າ ມາຮອດປີ 2005 ນັ້ນ ພວກຄົນທີ່ເປັນໂຣກມະເຮັງດັ່ງກ່າວ ໄດ້ເສຍຊີວິດໄປ 15 ຄົນ.
ການເປັນໂຣກມະເຮັງຂອງຄົນພວກນັ້ນ ສ່ວນໃຫຍ່ແມ່ນມີສາ ເຫດມາຈາກການດື່ມນົມ ທີ່ຖືກແປດເປື້ອນໄປດ້ວຍທາດກໍາມັນ ຕະພາບລັງສີ ຊຶ່ງບີບອອກມາຈາກງົວທີ່ກິນຫຍ້າທີ່ເກີດຢູ່ບ່ອນທີ່ວັດຖຸທາດກຳມັນຕະພາບລັງສີ ຕົກໃສ່.
ນີ້ຄືລາຍງານຂ່າວສຸຂະພາບ ຂອງພະແນກວີໂອເອ ພາສາ ອັງກິດພິເສດ ຫລື VOA Special English Health Report ທີ່ຂຽນໂດຍ Caty Weaver. ທ່ານສາມາດຊອກອ່ານ ຂ່າວຄືບໜ້າຫລ້າສຸດ ກ່ຽວກັບເລື້ອງນີ້ໄດ້ ທີ່ເວັບໄຊ໌ທ໌ voaspecialenglish.com.
