ຫົວໜ້າກອງເລຂາຂອງລັດຖະບານຍີ່ປຸ່ນກ່າວໃນວັນເສົາ
ມື້ນີ້ວ່າລະດັບກຳມັນຕະພາບລັງສີທີ່ເພີ່ມຂຶ້ນໄດ້ພົບເຫັນ
ຢູ່ໃນນໍ້ານົມແລະຜັກຫົມໃກ້ໆໂຮງໄຟຟ້ານິວເຄລຍທີ່ໄດ້
ຮັບຄວາມເສຍຫາຍໃນແຂວງ Fukushima.
ທ່ານ Yukio Edano ກ່າວຕໍ່ກອງປະຊຸມຖະແຫຼງຂ່າວ
ວ່າ ເຖິງແມ່ນລະດັບກຳມັນຕະພາບລັງສີໄດ້ກາຍຂີດມາດ
ຕະຖານທີ່ລັດຖະບານກຳນົດໄວ້ກໍຈິງ ແຕ່ອາຫານທີ່ຖືກ
ກວດສອບນີ້ ບໍ່ໄດ້ເປັນໄພອັນຕະລາຍຕໍ່ສຸຂະພາບໃນທັນ
ທີ. ນີ້ແມ່ນເທື່ອທຳອິດທີ່ໄດ້ມີການພົບເຫັນກຳມັນຕະພາບ
ລັງສີຢູ່ໃນອາຫານ ນັບແຕ່ໄດ້ເກີດແຜ່ນດິນໄຫວແລະຟອງ
ຍັກສຸນາມິ ໃນວັນທີ 11 ມີນາຜ່ານມາຊຶ່ງໄດ້ກໍ່ໃຫ້ເກີດວິ ກິດການນິວເຄລຍນັ້ນ.
ຂະນະດຽວກັນ ໜ່ວຍດັບໄຟ
ຂອງຍີ່ປຸ່ນເລີ່ມທຳການຊີດນໍ້າ
ເຂົ້າໃສ່ເຕົາແຍກໜ່ວຍທີ 3 ຄືນ
ອີກ ໃນຕອນບ່າຍຂອງວັນເສົາ
ມື້ນີ້ ຫຼັງຈາກໄດ້ໂຈະການປະຕິ
ບັດງານມາຊົ່ວໄລຍະນຶ່ງ ເພື່ອ
ໃຫ້ພວກນາຍຊ່າງຕໍ່ສາຍໄຟຟ້າ
ໄປຍັງໂຮງໄຟຟ້ານິວເຄລຍ ທີ່
ໄດ້ຮັບຄວາມເສຍຫາຍຈາກໄພສຸ
ນາມິ ໃນຄວາມພະຍາຍາມເພື່ອ
ຢາກໃຫ້ປໍ້ານໍ້າທີ່ຢຸດທໍາງານນັ້ນ
ສາມາດແລ່ນໄດ້ອີກເພື່ອຈະເຮັດ
ໃຫ້ທ່ອນເຊື້ອໄຟທີ່ຮ້ອນເກີນຂີດ ນັ້ນ ເຢັນລົງ.
ເຈົ້າໜ້າທີ່ກ່າວວ່າ ອາດຈະໃຊ້ເວລາໄປຈົນຮອດມື້ອື່ນ ໄຟຟ້າຈຶ່ງຈະສາມາດແລ່ນເຂົ້າໄປເຖິງ
ໂຮງໄຟຟ້ານິວເຄລຍ ທີ່ໄດ້ຮັບຄວາມເສຍຫາຍນັ້ນ.
