ລິ້ງ ສຳຫລັບເຂົ້າຫາ

logo-print

ໄວລຸ່ນອາເມຣິກັນ ຊະນະ ການແຂ່ງຂັນ ວິທະຍາສາດ ນາໆຊາດ (ວີດິໂອລາວ/ອັງກິດ)


ທ້າວ Jack Andraka ນັກວິທະຍາສາດໄວລຸ່ນ ອາຍຸ 16 ປີ ໄດ້ຮັບລາງວັນຊະນະເລີດ ການແຂ່ງຂັນວິທະຍາສາດໂລກ ປີ 2012 ລະດັບມັດທະຍົມຂອງບໍລິສັດ Intel ຢູ່ສະຫະລັດ ໂດຍໄດ້ເງິນລາງວັນ ຈໍານວນ 75.000 ໂດລາ.
ມະເຮັງມ້າມ ຖືວ່າເປັນນຶ່ງ​ໃນບັນດາ​ໂຣກມະເຮັງທີ່ຮ້າຍ​ແຮງທີ່​
ສຸດ. ເມື່ອປີ ຜ່ານມາ ມີຄົນໃນທົ່ວໂລກ ຫຼາຍກວ່າ 250.000 ຄົນເສຍຊີວິດຍ້ອນໂຣກມະເຮັງມ້າມ ແລະ​ໂຕ​ເລກ​ນີ້​ກໍ​ກໍາລັງ
ເພີ່ມຂຶ້ນໄປອີກ. ແຕ່ເມື່ອບໍ່ດົນມານີ້ ນັກຮຽນອາຍຸ 16 ປີຈາກ
ລັດ Maryland ໄດ້ປະດິດຄິດສ້າງວິທີກວດແບບງ່າຍໆຂຶ້ນມາ ທີ່ສາມາດກວດເຫັນມະເຮັງມ້າມ​ໃນຂັ້ນເລີ່ມຕົ້ນໄດ້ ຊຶ່ງເປັນ
ຄວາມ​ກ້າວ​ໜ້າ​ອັນ​ສໍາຄັນ ທີ່​ຈະ​ພາ​ໃຫ້​ມີ​ການ​ວິນິດ​ໄສແລະ
ການປິ່ນ ປົວພະຍາດ​ນີ້ ຢ່າງມີປະສິດທິຜົນ. ນັກວິທະຍາສາດ
ໜຸ່ມນ້ອຍທີ່ມີພອນ ສະຫວັນຄົນນີ້ ໄດ້ເປັນແຂກຮັບເຊີນຂອງ
ສະຕຣີ ໝາຍເລກນຶ່ງ ທ່ານນາງ Michelle Obama ​ໃຫ້​ໄປ​
ຮ່ວມ​ຮັບ​ຟັງຄໍາ​ປາ​ໄສ​ກ່ຽວ​ກັບສະພາບ​ການ​ຂອງປະເທດຊາດ
ຂອງປະທານາທິບໍດີ​ໂອ​ບາ​ມາ ຢູ່​ຫໍ​ລັດຖະສະພາ​ສະຫະລັດ
ເມື່ອວັນທີ 12 ກຸມພາ ​ຜ່ານ​ມາ​ນີ້.

ເບິ່ງວີດິໂອລາຍງານນີ້ເປັນພາສາລາວ:



ທ້າວ ແຈ໊ກ ອັນເດຣກາ ​ໄດ້​ຮັບລາງວັນຊະນະ​ເລີດ ຢູ່ງານເທດສະການ ວິທະຍາສາດແລະ
ວິສະວະກໍານານາຊາດ Intel ອັນເປັນການແຂ່ງຂັນວິທະຍາສາດລະດັບມັທະຍົມປາຍທີ່
ໃຫຍ່ທີ່ສຸດໃນໂລກ ຊຶ່ງໄດ້ຈັດຂື້ນເມື່ອປີຜ່ານມາ ທີ່ເມືອງ Pittsburgh ລັດ Pennsylvania.

ຄວາມຕື່ນເຕັ້ນຂອງທ້າວແຈ໊ກ ອັນເດຣກາ ​ແມ່ນເປັນທີ່ເຂົ້າໃຈ​ໄດ້ດີ. ຊາວລັດແມຣີແລນດ໌
ໄວ 16 ປີຄົນນີ້ ເປັນຜູ້ໄດ້ຮັບລາງວັນເງິນຈໍານວນ 75.000 ໂດລາ ທີ່ໜຸ່ມນ້ອຍທີ່ສຸດທີ່ເຄີຍ
ມີມາ ​ໂດຍ​ໄດ້ເອົາຊະນະນັກຮຽນທີ່ເຂົ້າແຂ່ງຂັນ ຫຼາຍກວ່າ 1.500 ຄົນ ຈາກ 70 ປະເທດ.

ໄຊຊະນະຂອງທ້າວແຈ໊ກ ຄັ້ງນີ້ ເປັນຜົນມາຈາກຄວາມມຸ້ງໝັ້ນສົນໃຈໃນວິຊາວິທະຍາສາດ
ມາຕະຫຼອດຊີວິດ ທີ່​ໄດ້​ຮັບ​ການຊຸກຍູ້ຈາກພໍ່ແມ່ຂອງລາວ ດົນໃຈໂດຍອ້າຍຂອງລາວ ທີ່​ໄດ້
​ຮັບ​ລາງວັນຊະນະ​ເລີດ​ໃນງານ​ເທດສະການວິທະຍາສາດ Intel ດຽວ​ກັນ​ນີ້ເມື່ອປີ 2010 ແລະໄດ້ຮັບການສະໜັບສະໜຸນອຸ້ມຊູ ຢູ່ທີ່ໂຮງຮຽນມັທະຍົມ Glen Burnie ຂອງລາວ.

ທ້າວແຈ໊ກ ຊະນະການແຂ່ງຂັນ ຍ້ອນຜົນງານການປະດິດສ້າງວິທີກວດຫາພະຍາດແບບ
ງ່າຍໆແລະຖືກໆຂຶ້ນມາ ທີ່ສາມາດກວດຫາເຊື້ອມະເຮັງມ້າມ ຂັ້ນເລີ່ມຕົ້ນແຕ່ຫົວທີໄດ້ ຊຶ່ງ​
ເປັນສິ່ງນຶ່ງທີ່ທ້າວແຈ໊ກ ເກີດຄວາມສົນໃຈຂຶ້ນ​ມາ ຫຼັງຈາກສູນເສຍເພື່ອນຄອບຄົວທີ່ໃກ້ຊິດ
ຄົນນຶ່ງ​ໄປ ຍ້ອນ​ໂຣກມະເຮັງນີ້.

ແຈ໊ກ ເວົ້າວ່າ “ຂ້ອຍເຂົ້າໄປຊອກ​ອ່ານເບິ່ງຢູ່ອິນ​ເຕີ​ແນັດ ແລະພົບວ່າ 85 ເປີເຊັນ
ຂອງຜູ້ເປັນມະເຮັງມ້າມທັງໝົດ
​ໄດ້​ກວດເຫັນພະຍາດ ກໍ​ເມື່ອ​ຮອດ​ຂັ້ນສຸດທ້າຍ​ແລ້ວ ຊຶ່ງເປັນຂັ້ນທີ່ອັດຕາ​ການ​ລອດ​ຊີວິດ​ຍັງ​ເຫຼືອຢູ່ ພຽງສອງເປີເຊັນ​ເທົ່ານັ້ນ ແລະຂ້ອຍ
ກໍຄິດວ່າ
ມັນບໍ່ຖືກຕ້ອງເລີຍ ພວກເຮົາໜ້າຈະສາມາດເຮັດ ສິ່ງໃດສິ່ງນຶ່ງໄດ້.”

​ແລະ​ທ້າວແຈ໊ກກໍໄດ້ລົງມືເຮັດສິ່ງນຶ່ງແທ້. ແຈ໊ກເຂົ້າໄປຊອກ​ອ່ານ​ໃນອິນ​ເຕີ​ແນັດ​ອີກ ​ແລະ​
ກໍ​ໄດ້​ຮຽນຮູ້ວ່າ ພວກຄົນທີ່ເປັນມະເຮັງມ້າມ ຈະມີລະດັບທາດໂປຣທີນ ຊະນິດທີ່ເອີ້ນວ່າ
mesothelin ນັ້ນ ​ໃນ​ລະດັບທີ່​ສູງ​ຂຶ້ນ ຢູ່ໃນເລືອດ.

ທ້າວ Jack Andraka, ອາຍຸ 16 ປີ, ກັບແຜ່ນເຊັນເຊີກວດ ພະຍາດມະເຮັງມ້າມ ທີ່ຫ້ອງແລບ ອຂງມະຫາວິທະຍາໄລ Johns Hopkins ທີ່ເມືອງ Baltimore ລັດ Maryland.(ຄລິກເພື່ອຂະຫຍາຍຮູບໃຫ້ໃຫຍ່) (VOA/J. Taboh)
ທ້າວ Jack Andraka, ອາຍຸ 16 ປີ, ກັບແຜ່ນເຊັນເຊີກວດ ພະຍາດມະເຮັງມ້າມ ທີ່ຫ້ອງແລບ ອຂງມະຫາວິທະຍາໄລ Johns Hopkins ທີ່ເມືອງ Baltimore ລັດ Maryland.(ຄລິກເພື່ອຂະຫຍາຍຮູບໃຫ້ໃຫຍ່) (VOA/J. Taboh)

​ທ້າວ​ແຈ໊ກ​ໄດ້​ໄປຂໍ​ໃຊ້ຫ້ອງ​ແລບ​ຫຼືຫ້ອງ​ທົດ​ລອງ ທີ່ມະຫາ
ວິທະຍາໄລ Johns Hop kins ​ໃນເມືອງບອລຕິມໍ ລັດແມຣີ
ແລນດ໌ ເພື່ອ​ທໍາ​ການ​ຄົ້ນ​ຄ້ວາ​ຂອງ​ລາວ ຊຶ່ງ​ລາວ​ໄດ້ເລີ່ມຕົ້ນ
ປະດິດແຜ່ນກະດາດກວດ​ທີ່​ມີ ເຊັນເຊີ ແບບງ່າຍໆທີ່ສາມາດ
ພົບເຫັນທາດໂປຣທີນ mesothelin ຈາກຕົວຢ່າງ ເລືອດຫຼື
ນໍ້າປັດສະວະ ພຽງຢົດດຽວເທົ່ານັ້ນ ຊຶ່ງ​ເປັນສັນຍານບອກ​ໃຫ້
​ຮູ້ຈັກ​ວ່າ​ມີ​ເຊື້ອມະເຮັງມ້າມ ໄດ້​ໄວກວ່າ ວິທີກວດແບບ​ເກົ່າ​ທີ່
​ເຄີຍ​ໃຊ້​ກັນມາກ່ອນ.

ວິທີກວດຂອງແຈ໊ກ ປາກົດວ່າ ມີຄວາມແມ່ນຍໍາ 90 ເປີເຊັນ.

ແຈ໊ກ ເວົ້າວ່າ: “ກະດາດ​ກວດ​ທີ່​ມີເຊັນເຊີນີ້ ຈະມີລະດັບຄວາມ​ສາມາດ​ໃນ​ການ​
ຈັບ​ເຊື້ອ​ມະ​ເຮັງ​ໄດ້
ເພີ່ມຂຶ້ນເຖິງ 400 ເທົ່າ ຄືໄວກວ່າ 168 ເທົ່າ ແລະມີລາຄາຖືກ
ກວ່າ 26
.000 ເທົ່າ. ການກວດແຕ່ລະເທື່ອ ຄິດເປັນຄ່າໃຊ້ຈ່າຍ ພຽງສາມເຊັນຫຼື
ປະມານ
240 ກີບ​ເທົ່າ​ນັ້ນ ແລະ ໃຊ້ເວລາພຽງຫ້ານາທີ.”

Dr. Anirban Maitra ທີ່ມະຫາວິທະຍາໄລ John Hopkins ເປັນພຽງຜູ້ດຽວໃນບັນດາ
ນັກຄົ້ນຄວ້າ 200 ຄົນ ທີ່ຕອບສະໜອງຢ່າງຊື່ນຊົມ ຕໍ່ອີເມລທີ່ທ້າວ​ແຈ໊ກສົ່ງໄປເພື່ອອະທິ
ບາຍໂຄງການຂອງລາວ.

ດຣ. ເມຕຣາ ເວົ້າວ່າ: “ຂ້າພະເຈົ້າຕ້ອງຍອມຮັບ ຄືໃນເບື້ອງຕົ້ນ ຂ້າພະເຈົ້າປະຫຼາດ
ໃຈຫຼາຍ ທີ່ຮູ້ວ່າ
​ແມ່ນເດັກອາຍຸພຽງ 15 ປີ ທີ່ຂຽນເລຶ່ອງນີ້. ຂ້າພະເຈົ້າກໍ​ເລີຍຢາກ
ຈະພົບ
​ເດັກໜຸ່ມ ທີ່ ​ແນ່ນອນວ່າ ມີພອນສະຫວັນຄົນນີ້ ແລະເບິ່ງວ່າ ລາວຈະເວົ້າ
ເລຶ່ອງຫຍັງ
. ສະນັ້ນ ຂ້າພະເຈົ້າຈຶ່ງເອີ້ນແຈ໊ກມາສໍາພາດ. ປາກົດວ່າ ແຈ໊ກເປັນທີ່
ໜ້າປະທັບໃຈຫຼາຍ.”


ດຣ. ເມຕຣາ ​ໄດ້​ກາຍ​ມາ​ເປັນ​ທີ່​ປຶກສາ​ໃຫ້​ທ້າວ​ແຈ໊ກ ​ແລະໃນປີ 2011 ໄດ້ມອບແຈນຶ່ງ
ຂອງຫ້ອງແລ໊ບຂອງ​ທ່ານ ໃຫ້ແຈ໊ກ​ໃຊ້​ທໍາ​ການ​ຄົ້ນ​ຄ້ວາ ຊຶ່ງລາວ​ໃຊ້ເວລາພຽງ 7 ເດືອນ
ກໍເສັດ​ສິ້ນໂຄງການຄົ້ນ​ຄ້ວາ ທີ່​ນໍາ​ລາງວັນ ຊະນະ​ເລີດດັ່ງກ່າວ ມາ​ໃຫ້​ລາວ.

ນັບຕັ້ງແຕ່ນັ້ນມາ ແຈ໊ກກໍໄດ້ຈົດທະບຽນສິດທິບັດ ແຜ່ນກະດາດເຊັນ​ເຊີກວດເຊື້ອມະເຮັງ
ມ້າມ ຂອງລາວໄວ້ ແລະກໍກໍາລັງພັດທະນາ​ເພິ່ມຕື່ມ ​ເພື່ອ​ຜະລິດ​ອອກເປັນເຄຶ່ອງກວດ
ແບບ ງ່າຍໆ ສໍາລັບ​ນໍາ​ອອກວາງຂາຍຢູ່ຕາມຮ້ານຄ້າທົ່ວໄປ.

​ແລະແຈ໊ກກໍ​ໄດ້​ຖືກ​ເຊີນ​ໃຫ້ໄປເວົ້າຢູ່ຕາມກອງປະຊຸມດ້ານເທັກໂນໂລຈີ່ ຢູ່ໃນທົ່ວໂລກ ເຊັ່ນກອງປະຊຸມ TED ທີ່ມີຊື່ສຽງ ​ແລະໄດ້ຖືກເຊື້ອເຊີນ ໂດຍອະດີດປະທານາທິ Bill
Clinton ​ໃຫ້​ເຂົ້າ​ຮ່ວມກອງປະຊຸມ​ຂອງ​ອົງການ Clinton Global Inititiative ​ເມື່ອປີ
ຜ່ານມາ.

ດຣ. ເມຕຣາ ຜູ້ໃຫ້ຄໍາແນະນໍາແຈ໊ກ ບໍ່ແປກໃຈຫຍັງເລີຍ ທີ່​ເດັກໜຸ່ມ ຄົນນີ້ ໄດ້ຮັບຊື່​ສຽງ​
ໂດ່​ງດັງ​ແບບ​ນັ້ນ.

ດຣ. ເມຕຣາ ເວົ້າວ່າ: “Jack Andraka ຈະເປັນຊື່ທີ່ພວກເຮົາຈະໄດ້ຍິນ ແລະ
ຊ່າລືກັນ ໃນ
10 ຫາ 20 ປີ ຕໍ່ໜ້ານີ້. ຖ້າຜູ້ກ່ຽວສາມາດ​ເຮັດ​ໄດ້​ໃນ​ສິ່ງທີ່ລາວເຮັດ ເວລາມີອາຍຸພຽງ 15 ປີ ​ແລ້ວໃຜຮູ້ໄດ້ວ່າ ລາວຈະບໍ່​ສາມາດປະດິດຄິດສ້າງສິ່ງ
ໃດ ຂຶ້ນມາໄດ້ອີກ
ເວລາລາວມີອາຍຸ 25 ຫຼື 35 ປີ?

ຫຼືຮູ້​ວ່າ ຈະມີຈັກຊີວິດທີ່ອາດຖືກຊ່ວຍໄວ້ໄດ້ ຍ້ອນ​ແຜ່ນກະດາດ​ເຊັນ​ເຊີກວດຫາມະເຮັງ
ມ້າມຂັ້ນເລີ່ມຕົ້ນ ທີ່ປະດິດຂຶ້ນໂດຍໄວລຸ່ນໂຮງຮຽນມັດທະຍົມ Jack Andraka ຄົນນີ້.

ເບິ່ງວີດິໂອລາຍງານນີ້ ເປັນພາສາອັງກິດ:

ລິງໂດຍກົງ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG