ລິ້ງ ສຳຫລັບເຂົ້າຫາ

logo-print

ຍານ Cassini ຈະຢຸດ ການປະຕິບັດງານ ຄັ້ງສຸດທ້າຍ ດ້ວຍການບິນດິ່ງ ລົງໃສ່ດາວເສົາ


ເຊີນຊົມວິດີໂອ ກ່ຽວກັບ ລາຍງານນີ້.

ຫຼັງຈາກການປະຕິບັດພາລະກິດ ໄດ້ 20 ປີ, ຍານອະວະກາດ Cassini ແມ່ນກຳລັງ
ກຽມພ້ອມບິນດິ່ງລົງໃສ່ດາວເສົາ ຫລື Saturn ເປັນຄັ້ງສຸດທ້າຍ. ບັນດານັກວິທະຍາ
ສາດ ແລະ ນັກວິສະວະກອນ ທັງຫຼາຍທີ່ຫ້ອງວິໄຈແຮງຂັບເຄື່ອນຈະຫຼວດຂອງອົງ
ການ NASA ໄດ້ ກ່າວວ່າ ການຕັດສິນໃຈ ທີ່ຈະປິດຊີວິດຂອງຍານອະວະກາດໃນວິທີ
ນີ້ ແມ່ນຍ້ອນສິ່ງທີ່ເຂົາເຈົ້າໄດ້ຄົ້ນພົບ ໃນລະຫວ່າງ ການປະຕິບັດພາລະ ກິດ ທີ່ເປັນສ່ວນປະກອບຂອງສິ່ງທີ່ມີຊີວິດ ໃນເດືອນບາງໜ່ວຍ ຂອງ ດາວເສົານັ້ນ. ນັກຂ່າວວີໂອ
ເອ Elizabeth Lee ມີລາຍງານຈາກ ຫ້ອງວິໄຈແຮງຂັບເຄື່ອນຈະຫຼວດໃກ້ກັບນະຄອນ
Los Angeles. ໃນອັນດັບຕໍ່ໄປ ພຸດທະສອນ ຈະນຳລາຍລະອຽດມາສະເໜີທ່ານ.

ການປະຕິບັດພາລະກິດຂອງຍາອະວະກາດ Cassini ຢູ່​ທີ່ດາວ ເສົາ ແລະ ການສຶກສາ
ກ່ຽວກັບ ລະບົບວົງແຫວນ ແລະເດືອນຂອງດາວດັ່ງກ່າວ ໄດ້ນຳເອົາສິ່ງທີ່ພວກເຮົາບໍ່
ຄາດຄິດ ມາເປີດເຜີຍໃຫ້ຮູ້.

ທ່ານນາງ Morgan Cable ຜູ້ຊ່ວຍວິສະວະກອນ ໂຄງການລະບົບວິທະຍາສາດກ່າວ
ວ່າ “ໃນເວລາທີ່ມີການອອກແບບນັ້ນ, ພວກເຮົາບໍ່ໄດ້ຮູ້ເລີຍວ່າ ມະຫາສະໝຸດຕ່າງໆ
ແມ່ນມີຢູ່ແທ້ຢູ່ນອກອອກໄປ ຂອງລະບົບສຸລິຍະຈັກກະວານ.”

ມະຫາສະໝຸດພວກນີ້ ອາດໝາຍເຖິງສິ່ງທີ່ມີຊີວິດກໍເປັນໄດ້. ການຄົ້ນພົບທີ່ບໍ່ຄາດຄິດ
ແມ່ນມີຂຶ້ນ ໃນເຂດຂົ້ວໃຕ້ຂອງເດືອນ Enceladus, ເຊິ່ງເປັນໜຶ່ງໃນວົງແຫວນຂອງ
ດາວເສົາ.

ທ່ານນາງ Molly Bittner ນັກວິສະວະກອນລະບົບປະຕິບັດການຍານອະວະກາດ ໄດ້
ກ່າວວ່າ “ມັນມີມະຫະສະໝຸດນໍ້າແຫຼວຢູ່ທາງກ້ອງແລະ ມັນສົ່ງນໍ້າພຸຮ້ອນ ແລະ ຮອຍ
ແຕກພວກນີ້ ກໍເປີດອອກ ແລະ ສົ່ງນໍ້າພຸຮ້ອນຂຶ້ນມາ.”

ເຄື່ອງມືຂອງຍານ Cassini ສາມາດຈັບໄດ້ອາຍແກັສທີ່ອອກມາຈາກອາຍນໍ້າພຸຮ້ອນ
ດັ່ງກ່າວນັ້ນ.

ທ່ານນາງ Morgan Cable ກ່າວວ່າ “ພວກເຮົາຮູ້ວ່າມັນມີເກືອ. ​ເວລານີ້ມັນມີຄວາມ
ສຳຄັນສຳລັບສິ່ງທີ່ມີຊີວິດ ເພາະວ່າຊີວິດຕ້ອງການແຮ່ທາດ ແລະ ເກືອບາງ​ຢ່າງ. ພວກ
ເຮົາມີຫຼັກຖານທີ່ໜັກແໜ້ນວ່າ ມັນມີຊ່ອງນໍ້າຮ້ອນລົງໄປໃນກົ້ນຂອງມະຫາສະໝຸດ,
ເຊິ່ງເປັນອາຫານຂອງມະຫາສະໝຸດ. ປັດຈຸບັນນີ້ ທຸກໆເທື່ອເຈົ້າເຫັນຊ່ອງນໍ້າຮ້ອນຢູ່
ເທິງໂລກເຮົານີ້, ເຈົ້າກໍຈະພົບເຫັນຊຸມຊົນຂອງສິ່ງທີ່ມີຊີວິດຈຳນວນຫຼາຍ.”

ຍານ Cassini ຍັງໄດ້ເກັບກຳຂໍ້ມູນຈາກເດືອນທີ່ໃຫຍ່ທີ່ສຸດຂອງດາວເສົາຊື່ວ່າ Titan
ອີກດ້ວຍ ເຊິ່ງມີໜອງ ແລະ ທະເລທີ່ເປັນທາດ Methane ແລະ Ethane ທີ່ເປັນຂອງ
ແຫຼວແທນທີ່ຈະແມ່ນນໍ້າ. ມັນຍັງມີຫຼັກຖານ ກ່ຽວກັບ ມະຫາສະໝຸດຂອງແຫຼວຢູ່ກ້ອງ
ພື້ນດິນ ທີ່ອາດຈະມີສານ Ammonia ແລະ ນໍ້າ. ບັນດານັກວິທະຍາສາດ ແລະ ວິສະ
ວະກອນກ່າວວ່າ ສິ່ງແວດລ້ອມດັ່ງກ່າວ ອາດປະຄອງສິ່ງທີ່ມີຊີວິດໄດ້.

ທ່ານ Morgan Cable ກ່າວວ່າ “ພວກເຮົາຍັງມີໂອກາດທີ່ຈະພະຍາຍາມຊອກຫາສິ່ງ
ທີ່ມີຊີວິດທີ່ແປກໃນສະຖານທີ່ຄືແນວນີ້ ແລະ ພວກເຮົາໄດ້ຄົ້ນພົບສະຖານທີ່ໆແປກຢູ່
ບ່ອນນີ້ ໃນລະບົບສຸລິຍະຈັກກະວານ ຂອງພວກເຮົາ.”

ສຳລັບວິທີທີ່ຈະທຳລາຍຍານ Cassini ນັ້ນ, ເຊິ່ງຕອນນີ້ມັນກຳລັງຈະໝົດ​ເຊື້ອ​ໄຟ
ແມ່ນສິ່ງໜຶ່ງທີ່ບັນດານັກວິທະຍາສາດ ແລະ ນັກວິສະວະກອນທັງຫຼາຍກຳລັງພະຍາ
ຍາມທີ່ຈະຄົ້ນຄິດ. ໃນເມື່ອເຂົາເຈົ້າບໍ່ຢາກໃຫ້ສິ່ງທີ່ມີຊີວິດໃດໆຈາກໂລກທີ່ອາດຕິດ
ຢູ່ຍານ Cassini ໄປປົນເປື້ອນຢູ່ເດືອນທີ່ອາດມີສິ່ງທີ່ມີຊີວິດນັ້ນ.

ທ່ານ Morgan Cable ກ່າວວ່າ “ຂ້າພະເຈົ້າຢາກຊອກຫາສິ່ງທີ່ມີຊີ ວິດຢູ່ບ່ອນອື່ນ ຄື
ເດືອນ Enceladus ແຕ່ຂ້າພະເຈົ້າບໍ່ຢາກຮູ້ພາຍຫຼັງ ກ່ຽວກັບ ສິ່ງທີ່ເຮົາໄດ້ເອົາໄປປະ
ໄວ້ທີ່ນັ້ນ.”

ບັນດານັກວິທະຍາສາດ ແລະ ນັກວິສະວະກອນ ໄດ້ວາດພາບ ກ່ຽວກັບ ການກັບໄປປະ
ຕິບັດພາລະກິດຢູ່ທີ່ດາວເສົາ ແລະ ເດືອນຂອງມັນໃນອະນາຄົດ ເພື່ອທຳການຄົ້ນຫາ
ສິ່ງທີ່ອາດມີຊີິວິດລົງເລິກກວ່າເກົ່າ.

ທ່ານນາງ Morgan Cable ກ່າວວ່າ “ຂ້າພະເຈົ້າຄິດວ່າ ການໃຊ້ເຄື່ອງມືຂອງທຸກມື້ນີ້,
ແລະ ສິ່ງຕ່າງໆທີ່ເຮົາສາມາດເອົາຂຶ້ນໄປໃນຍານ ອະວະກາດໃນຕອນນີ້, ພວກເຮົາ
ແມ່ນສາມາດທີ່ຈະຄົ້ນພົບສິ່ງທີ່ມີຊີວິດນັ້ນ ດ້ວຍເຄື່ອງມືຂອງພວກເຮົາໃນປັດຈຸບັນນີ້.”

ເບິ່ງຄືວ່າ ຈຸດຈົບຂອງຍານ Cassini ຈະເປັນການບິນ​ດິ່ງລົງໄປ ໃນຊັ້ນບັນຍາກາດ
ຂອງດາວເສົາ ແລະ ສົ່ງຂໍ້ມູນທີ່ສຳຄັນກັບສູ່ໂລກຈົນເຖິງວິນາທີສຸດທ້າຍ. ຂໍ້ມູນຂອງ
ມັນຈະຖືກນຳມາສຶກສາ ແລະ ວິເຄາະ ໂດຍບັນດານັກວິທະຍາສາດເປັນເວລາດົນ
ນານຫຼັງຈາກຍານ Cassini ໄດ້ສິ້ນສຸດພາລະກິດຂອງມັນ.

After a 20-year mission, the spacecraft Cassini is preparing to make a final death dive into the planet Saturn.Scientists and engineers at NASA's Jet Propulsion Laboratory said their decision to end the life of the spacecraft in this way is because of what they found during the missionthe ingredients for life are present in some of Saturn's moons.VOA's Elizabeth Lee reports from the Jet Propulsion Laboratory near Los Angeles.


The Cassini spacecraft's mission to Saturn and its study of the system of rings and moons brought many surprises.


((MORGAN CABLE, ASSISTANT PROJECT SCIENCE SYSTEMS ENGINEER))
"At the time of its design, we had no idea that ocean worlds existed in the outer solar system."


These ocean worlds could mean life.One unexpected discovery came from the south pole of Enceladus, a moon embedded in one of Saturn's rings.


((MOLLY BITTNER, SPACECRAFT OPERATIONS SYSTEMS ENGINEER))
"It has a liquid water ocean underneath and it shoots geysers and these cracks open up and these geysers shoot up."

Instruments on Cassini have been able to detect the gas coming from that geyser plume.


((MORGAN CABLE, ASSISTANT PROJECT SCIENCE SYSTEMS ENGINEER))
"We know that there are salts. Now this is important for life because life needs certain minerals and salts to exist.We have very strong evidence that there are hydro-thermal vents down at that base of that ocean, the ocean flood. Now any time you find hydro-thermal vents here on Earth, you find rich communities of organisms."


Cassini was also able to gather data from the Saturn's largest moon, Titan, which has lakes and seas of liquid methane and ethane instead of water.There is also evidence of a liquid ocean beneath the surface that probably contains ammonia and water.Scientists and engineers say the environment could still hold life.


((MORGAN CABLE, ASSISTANT PROJECT SCIENCE SYSTEMS ENGINEER))
"We're still open to trying to look for weird life in places like this and we found a strange place right here in our solar system."


How to dispose of Cassini, now that it's running out of fuel is something scientists and engineers are trying to figure out since they don't want any earthly organisms that may be on Cassini to contaminate a moon that may have life.


((MORGAN CABLE, ASSISTANT PROJECT SCIENCE SYSTEMS ENGINEER))
"I want to find life elsewhere in a place like Enceladus but I don't want to realize later on that we put it there."


((NARRATOR))
Scientists and engineers are already envisioning future missions back to Saturn and its moons to look deeper into the possibility of life.


((MORGAN CABLE, ASSISTANT PROJECT SCIENCE SYSTEMS ENGINEER))
"And I think with today's instrumentation, things that we could put on a spacecraft right now, we could find that life with our instruments of today."


It looks like the end of Cassini will be a death dive into Saturn's atmosphere, sending critical data to Earth until the very end.It's information that will be studied and analyzed by scientists long after the end of Cassini.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG