ລິ້ງ ສຳຫລັບເຂົ້າຫາ

ມະຫາອໍານາດ ແລະ ອີຣ່ານ ປະຊຸມກັນ ເລື່ອງອາວຸດນິວເຄລຍ


ບັນດາສະມາຊິກຜູ້ແທນອີຣ່ານ ນໍາໂດຍ ເລຂາທິການໃຫຍ່ ດ້ານຄວາມປອດໄພຂອງປະເທດ ແລະຫົວໜ້າເຈລະຈາ ອາວຸດນິວເຄລຍ ທ່ານ Saeed Jalili (ທີ່ສອງຈາກຂວາມື)
ບັນດາ​ເຈົ້າ​ໜ້າ​ທີ່​ຈາກ 6 ປະ​ເທດ​ມະຫາ​ອໍານາດຂອງ​ໂລກ ​ແລະ​
ອີ​ຣ່ານ ກຳລັງປະຊຸມ​ກັນ ​ເພື່ອ​ສົນທະນາ​ກ່ຽວ​ກັບໂຄງການ​ນິວ
​ເຄລຍທີ່​ເປັນ​ບັນ ຫາ​ຖົກ​ຖຽງ​ໂຕ້​ແຍ້​ງຂອງ​ອີຣ່ານ ​ໃນ​ການ​ເຈລະ
ຈາຄັ້ງ​ຫລ້າ​ສຸດ ​ເພື່ອ​ແກ້​ໄຂ ຄວາມ​ເປັນ​ຫ່ວງ​ທີ່​ມີ​ມາ​ເປັນ​ທົດ
​ສະ​ວັດນຶ່ງ​ທົດ​ສະ​ວັດທີ່​ວ່າອີຣ່ານກໍາ ​ລັງ​ປະຕິບັດ​ງານ​ເພື່ອ​ສ້າງ
ອາວຸດ​ນິວ​ເຄລຍ.

ການ​ປະຊຸ​ມ​ໃນ​ວັນ​ອັງຄານມື້​ນີ້ ​ທີ່​ນະຄອນ Almaty ປະ​ເທດ Kazakhstan ​ແມ່ນ​ທັງ​ອັນ​ທີ່​ຮ້ອງ​ວ່າ ກຸ່ມ​ປະ​ເທດ P5+1 ປະກອບ​ມີ ສະຫະລັດ ອັງກິດ ຝຣັ່ງ ຣັດ​ເຊຍ ຈີນ ​ແລະ​ເຢຍຣະມັນ ​ແລະ​ຄາດ​ວ່າ​ຈະ​ບໍ່​ມີ​ຄວາມ​ກ້າວໜ້າ​ທີ່ສໍາຄັນ​ແຕ່​ຢ່າງ​ໃດ.

ບັນດາ​ປະ​ເທດ​ມະຫາ​ອໍານາດ ຄາດ​ວ່າ​ ຈະ​ສະ​ເໜີ​ໃຫ້​ມີ​ການ​ຜ່ອນຜັນ​ການ​ລົງ​ໂທດ​ຕໍ່ອີຣ່ານ ຖ້າ​ຫາກ​ວ່າລັດຖະບານປະ​ເທດ​ດັ່ງກ່າວ​ຕົກລົງ ທີ່ຍຸຕິການ​ກັ່ນ​ທາດ​ຢູເຣນຽມ​ຈຳນວນ​ນຶ່ງ.

ອີຣ່ານກ່າວ​ວ່າ​ ​ໂຄງການ​ນິວ​ເຄລຍຂອງຕົນ ມີ​ຈຸດປະສົງ​ໃນ​ທາງ​ສັນຕິ ​ແຕ່​ຫລາຍໆ​ປະ​ເທດ​ທົ່ວ​ໂລກພາກັນ​ເປັນ​ຫ່ວງ​ວ່າທີ່​ຈິງ​ແລ້ວ​ແມ່ນແນ​ໃສ່​ການ​ສ້າງ​ລູກ​ລະ​ເບີດນິວ​ເຄລຍ.

​ໃນ​ການ​ຖະ​ແຫຼງຢູ່​ທີ່​ກຸງ​ລອນ​ດອນ​ໃນ​ວັນ​ຈັນ​ວານ​ນີ້ ລັດຖະມົນຕີ​ການ​ຕ່າງປະ​ເທດ
ສະຫະລັດ ທ່ານ John Kerry ກ່າວ​ວ່າ “ອີຣ່ານ ທີ່​ມີ​ອາວຸດ​ນິວ​ເຄລຍຢູ່​ໃນ​ຂົງເຂດ ​ແລະພ້ອມ​ກັບ​ສິ່ງຕ່າງໆ ​ທີ່​ເກີດ​ຂຶ້ນນັ້ນ ມັນ​ເປັນ​ທີ່​ຮັບ​ເອົາ​ບໍ່​ໄດ້.”
XS
SM
MD
LG