ກອງທັບສະຫະລັດ ກ່າວວ່າ ພວກເຂົາເຈົ້າໄດ້ສັງຫານໜ່ວຍປະຕິບັດງານ al-Qaida ສາມຄົນໃນການໂຈມຕີປາບປາມພວກກໍ່ການຮ້າຍໃນ ເຢເມນ.
ກອງບັນຊາການທະຫານ ສະຫະລັດ ໃນພາກຕາເວັນອອກກາງ ບໍ່ໄດ້ກ່າວວ່າການປະຕິ ບັດການໂຈມຕີໄດ້ຖືກດຳເນີນຂຶ້ນແນວໃດ ແລະ ບໍ່ໄດ້ເປີດເຜີຍວ່າພວກທີ່ຖືກສັງຫານນັ້ນແມ່ນໃຜ.
ຢູ່ໃນຖະແຫລງການໃນວັນສຸກວານນີ້ ກອງບັນຊາການທະຫານ ສະຫະລັດ ກ່າວວ່າ ການໂຈມຕີໄດ້ເກີດຂຶ້ນຢູ່ແຂວງ Shabwa ໃນພາກກາງຂອງ ເຢເມັນ ຕໍ່ກັບພວກນັກລົບ al-Qaida ຢູ່ໃນແຫລມ ອາຣາເບຍ ຫລື (AQAP)
ກອງທັບ ສະຫະລັດ ກ່ອນໜ້ານີ້ໄດ້ປະຕິບັດການໂຈມຕີດ້ວຍເຮືອບິນທີ່ບໍ່ມີຄົນຂັບຫລາຍຄັ້ງໃນ ເຢເມນ ຕໍ່ຕ້ານພວກຫົວຮຸນແຮງອິສລາມ.
ຖະແຫລງການຂອງກອງບັນຊາການ ໄດ້ກ່າວວ່າ "ພວກນັກຮົບ AQAP ຍັງຄົງເປັນໄພ ຂົ່ມຂູ່ທີ່ສຳຄັນຢູ່ໃນຂົງເຂດ, ໃນ ສະຫະລັດ ແລະ ແຫ່ງອຶ່ນໆ. ການມີໜ້າຂອງກຸ່ມ al-Qaida ໄດ້ສົ່ງຜົນກະທົບທີ່ບໍ່ໝັ້ນຄົງໃນ ເຢເມນ, ເຊິ່ງພວກ ເຂົາໄດ້ໃຊ້ຄວາມບໍ່ສະ ຫງົບຢູ່ໃນ ເຢເມນ ເປັນບ່ອນລີ້ໄພເພື່ອວາງແຜນການ ໂຈມຕີໃນອານາຄົດຕໍ່ກັບພັນທະມິດຂອງພວກເຮົາພ້ອມກັບ ສະຫະລັດ ແລະຜົນປະໂຫຍດຂອງພວກເຂົາ.”