ລິ້ງ ສຳຫລັບເຂົ້າຫາ

ກິລາໂອ​ລິມປິກລະດູ​ຮ້ອນ ທີ່ກຸງ​ລອນ​ດອນ ໄດ້ເລີ້ມ​ມອບ​ຫລຽນ​ຕ່າງໆໃຫ້​ຜູ້​ຊະນະ​ການ
​ແຂ່ງຂັນ​ແລ້ວໃນ​ວັນ​ເສົາ​ມື້ນີ້ ຫລັງ​ຈາກ​ພິທີເປີດງານ​ຢ່າງ​ຕື່ນ​ຕາ​ຕື່ນ​ໃຈ​ໃນ​ວັນ​ສຸກ ທີ່​ມີ​ຜູ້​ຊົມ​
ກວ່ານຶ່ງພັນ​ລ້ານ​ຄົນ​ ຢູ່ໃນທົ່ວ​ໂລກ.

ນາງ Yi Siling ຈາກປະເທດຈີນ (ທາງໜ້າ) ຍາດໄດ້ ຫລຽນຄໍາອັນທໍາອິດມາ ໂດຍໄດ້ຊະນະການຍິງປີນລົມ ໄກ 10 ແມັດ, ວັນເສົາ ທີ 28 ກໍລະກົດ 2012. (AP Photo/Rebecca Blackwell)

ນາງ Yi Siling ຈາກປະເທດຈີນ (ທາງໜ້າ) ຍາດໄດ້ ຫລຽນຄໍາອັນທໍາອິດມາ ໂດຍໄດ້ຊະນະການຍິງປີນລົມ ໄກ 10 ແມັດ, ວັນເສົາ ທີ 28 ກໍລະກົດ 2012. (AP Photo/Rebecca Blackwell)

ຈີນ​ເປັນ​ຜູ້​ຍາດ​ເອົາ​ຫລຽນ​ຄໍາ​ອັນທໍາ​ອິດ​ມາ​
ໄດ້ ຫລັງ​ຈາກ​ທີ່​ນາງ Yi Siling ​ໄດ້ຊະນະ​
ການ​ແຂ່ງຂັນ​ຍິງ​ປືນ​ລົມ​ ​ໄລຍະ 10 ​ແມັດ
ຂອງ​ແມ່​ຍິງ.

ຈະ​ມີ​ການ​ມອບ​ຫລຽນຄໍາ 10 ກວ່າ​ຫລຽນ
ໃນ​ວັນ​ເສົາມື້​ນີ້. ​ການ​ແຂ່ງຂັນ​ທີ່​ເດ່​ນໆໃນ
ມື້​ນີ້ ກໍ​ມີການ​ແຂ່ງ​ລົດຖີບ​ແລະ​ລອຍ​ນໍ້າ ຊຶ່ງ
ຈະ​ມີນັກ​ກິລາ​ອາເມຣິກັນ ຊື່​ດັງ ສອງ​ຄົນ
ຄື Michael Phelps ​ກັບ Ryan Lochte
​ປະ​ເຊີນ​ໜ້າ​ກັນທີ່ສະ​ລອຍ​ນໍ້າ.

ນາຍ Michael Phelps ພະຍາຍາມຈະຍາດເອົາຫລຽນໂອລິມປິກໃຫ້ໄດ້ອີກ 3 ຫລຽນ
ເພື່ອຈະໄດ້ສ້າງປະຫວັດສາດເປັນນັກກິລາໂອລິມປິກ ທີ່ໄດ້ຫລຽນຫລາຍທີ່ສຸດ:

​ປະມຸກ​ປະ​ເທດ​ອັງກິດ ພະລາ​ຊີ​ນີ Elizabeth ​ຊຶ່ງ​ມີ​ພະ​ຊົນມາຍຸ 86 ປີ ໄດ້​ຊົງປະກາດ​ເປີດ
ການ​ແຂ່ງ​ຂັນ​ກິລາ​ໃນ​ວັນ​ສຸກວານ​ນີ້ ສອງ​ຊົ່ວ​ໂມງ​ຫລັງ​ຈາກການ ສະ​ແດງ​ຕ່າງໆ​ເລີ່​ມຕົ້ນ​
ຂຶ້ນ ຊຶ່ງມີ​ໂຮມ​ທັງລາ​ຊີ​ນີ​ໂຕ​ປອມ ໂດດ​ຈ້ອງ​ລົງ​ມາສູ່ເດີ່ນ​ກິລາໂອ​ລິ​ມປິກ ທີ່ໜາ​ແໜ້ນ​ໄປ​ດ້ວຍ​
ຜູ້ຄົນນັ້ນ ​ໂດຍ​ໄດ້ຮັບການ​ຊ່ວຍ​ເຫລືອຈາກ​ດາລາຮູບ​ເງົາ ຜູ້​ທີ່​ສະ​ແດງ​ເປັນ James Bond​
ສາຍ​ລັບ​ອັງກິດ. ຫລັງ​ຈາກ​ລາຊິນີ​ໂຕ​ປອມ​ໂດດ​ຈ້ອງ​ລົງ​ມາ​ໄດ້​ບໍ່​ເທົ່າ​ໃດ​ນາ​ທີ່ ພະ​ລາຊະ​ນີ
Elizabeth ກໍ​ຊົງປາກົດຕົວອອກ​ມາ ຢືນຢູ່ຢ່າງ​ງຽບໆ ​ໃນ​ຂະນະ​ທີ່ພວກ​ເດັກນ້ອຍ​ພາກັນ​
ຮ້ອງ​ເພງ​ສະດຸ​ດີ​ພະນາ​ງ ດ້ວຍ​ສຽງ​ເພງ “God Save the Queen.”

ການສະ​ແດງ​ໃນພິທີ​ເປີດ ​ມີໂຮມ​ທັງ​ເຮືອບິນລົບ​ ບິ​ນຜ່ານກາຍ​ໄປ ການຈູດ​ບັ້ງ​ໄຟ​ດອກ
​ແລະສະ​ແດງ​ຢຸກຕ່າງໆໃນ​ປະວັດ​ສາດຂອງ​ອັງກິດ ນັບ​ແຕ່​ປີ 1896 ຊຶ່ງ​ເປັນປີ​ເລີ້ມການ​ແ​ຂ່ງ
ຂັນ​ກິລາໂອ​ລິ​ມປິກ​ສະ​ໄໝ​ໃໝ່​ນັ້ນ ມາ​ຈົນ​ເຖິງ​ປັດ​ຈຸບັນ.

ການ​ແຂ່ງຂັນ​ເປັນ​ເວລາ 17 ​ມື້ ໃນກິລາ 26 ປະ​ເພດ ຈະ​ດໍາ​ເນີນ​ໄປ​ຈົນເຖິງ​ວັນ​ທີ 12
​ເດືອນສິງຫາ.

ນັກ​ກິລາຍິງ​ທະນູເກົາຫ​ລີ​ໃຕ້ ທີ່​ເປັນ​ຄົນ​ຕາບອດ ​ໄດ້​ສ້າງ​ສະຖິຕິ​ໂລກ​ແລ້ວ​ທີ່ ງານ​ແຂ່ງ​ຂັນ
ກິລາໂອ​ລິ​ມປິກ ປີ​ນີ້.

ນາຍ Im Dong-hyun ເປັນ​ຜູ້​ສ້າງ​ສະຖິຕິ​ໂລກຄົນ​ທໍາ​ອິດ ​ໃນ​ການ​ແຂ່ງ​ຍິງ​ທະນູ​ຮອບ​ທໍາ
​ອິດ ທີ່ງານ​ແ​ຂ່ງຂັນ​ໂອ​ລິ​ປິກໃນ​ກຸງ​ລອນ​ດອນນັ້ນ ຫລາຍ​ຊົ່ວ​ໂມງ​ກ່ອນ​ພິທີເປີດການ​ແຂ່ງຂັນ
​ໂດຍ​ໄດ້​ທໍາລາຍ​ສະຖິຕິ​ຂອງ​ລາວ​ເອງ ທີ່​ໄດ້​ສ້າງ​ຂຶ້ນ​ ຢູ່​ປະ​ເທດເທິ​ກີ ​ໃນ​ເດືອນ​ພຶດສະພາຜ່ານ​
ມາ ຄື​ທໍາຄະ​ແນນ​ໄດ້​ຕື່ມສາມ​ຄະ​ແນ​ນ ຮວມ​ເປັນທັງ​ໝົດ 699 ຄະ​ແນນ.

ເບິ່ງວີດີໂອລາຍງານກ່ຽວກັບມື້ທໍາອິດຂອງການແຂ່ງຂັນ ຊຶ່ງມີທັງການສະຫລອງ
ແລະການປະທ້ວງ:

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG