ຄວາມເຄັ່ງຕຶງກຳລັງເພີ້ມທະວີຂຶ້ນ ລະຫວ່າງຈີນ ແລະບັນດາ
ປະເທດເພື່ອນບ້ານ ຫລັງຈາກປັກກິ່ງໄດ້ທົດລອງໃຊ້ ທາງແລ່ນ
ຂອງເດີ່ນບິນທີ່ເກາະດອນທຽມແຫ່ງນຶ່ງ ໃນເຂດທະເລຈີນໃຕ້.
ເຮືອບິນພົນລະເຮືອນລຳນຶ່ງໄດ້ລົງຈອດທີ່ທາງແລ່ນຂອງເດີ່ນ
ບິນຢູ່ເກາະ Fiery Cross ຊຶ່ງຕັ້ງຢູ່ໃນເຂດໝູ່ເກາະ Spratly
ຊຶ່ງເປັນນຶ່ງໃນຫລາຍໆເກາະດອນ ແລະເກາະຫີນປະກາລັງຢູ່
ທະເລຈີນໃຕ້ ທີ່ຈີນແລະປະເທດອື່ນໆໃນເຂດເອເຊຍ ປາຊີຟິກ
ຮວມທັງໃຕ້ຫວັນ ຫວຽດນາມ ແລະຟີລິບປິນ ໄດ້ອ້າງເອົາກຳ
ມະສິດ. ຫວຽດນາມໄດ້ທຳການປະທ້ວງທາງການທູດຢ່າງເປັນ
ທາງການຕໍ່ຈີນ ກ່ຽວກັບ ການເຄື່ອນໄຫວດັ່ງກ່າວ ໃນຂະນະທີ່
ໂຄສົກຂອງລັດຖະມົນຕີກະຊວງການຕ່າງ ປະເທດຟີລິບປິນກ່າວໃນວັນຈັນວານນີ້ວ່າ ຕົນ
ກໍມີແຜນການທີ່ຈະເອົາບາດກ້າວ ແບບດຽວກັນນີ້.
ໂຄສົກກະຊວງການຕ່າງປະເທດຈີນ ກ່າວວ່າ ເຮືອບິນໄດ້ຖືກສົ່ງໄປຍັງເກາະດັ່ງ ກ່າວເພື່ອ
ທົດສອບເບິ່ງວ່າ ທາງແລ່ນໄດ້ມາດຕະຖານ ຂອງສະໜາມບິນພົນລະເຮືອນຈີນຫລືບໍ່.
ປັກກິ່ງໄດ້ລິເລີ້ມໂຄງການຂະໜາດໃຫຍ່ໃນປີກາຍນີ້ ເພື່ອຫັນ ປ່ຽນໃຫ້ເກາະຫີນປະກາລັງ
ທີ່ຍັງຈົມນ້ຳຢູ່ ກາຍເປັນເກາະດອນທີ່ສາມາດມີເດີ່ນ ບິນແລະສະຖານທີ່ສະໜັບສະໜຸນ
ອື່ນໆ.
ໂຄສົກກະຊວງການຕ່າງປະເທດສະຫະລັດ ທ່ານ John Kirby ກ່າວໃນວັນຈັນວານນີ້ວ່າ
ການທົດລອງບິນຂອງຈີນຢູ່ເກາະ Fiery Cross ໄດ້ສ້າງຄວາມ ເຄັ່ງຕຶງແລະຂົ່ມຂູ່ຕໍ່
ສະຖຽນລະພາບຂອງພູມີພາກ. ວໍຊິງຕັນໄດ້ສົ່ງເຮືອພິຄາດ ຕິດລູກສອນໄຟ ເຂົ້າໄປໃນ
ລັດສະໝີ 22 ກິໂລແມັດ ຫ່າງຈາກເກາະ Subi ໃນເຂດໝູ່ເກາະ Spratly ເມື່ອເດືອນ
ຕຸລາປີກາຍນີ້ ໃນການປະຕິບັດງານທີ່ ແນໃສ່ເພື່ອສ້າງຕັ້ງກົດລະບຽບ ກ່ຽວກັບອິດສະ
ຫຼະພາບໃນການເດີນເຮືອ ຢູ່ໃນ ເຂດນ່ານນ້ຳສາກົນ.