ທ່ານນາມ ວິຍາເກດ ລັດຖະມົນຕີວ່າການກະຊວງອຸດ
ສະຫະກຳແລະການຄ້າກໍໄດ້ຖະແຫລງຍອມຮັບວ່າ
ການທີ່ລາວຈະໄດ້ເຂົ້າໄປເປັນສະມາຊິກຂອງອົງການ
ການຄ້າໂລກ (WTO) ເມື່ອໃດນັ້ນ ນັບວ່າເປັນການ
ຍາກທີ່ຈະສາມາດກຳໜົດໄລຍະເວລາທີ່ແນ່ນອນໄດ້ ເຖິງ
ແມ່ນວ່າ ຫລາຍປະເທດຈະສະແດງທ່າທີສະໜັບສະໜູນ
ໃຫ້ລາວໄດ້ເຂົ້າໄປເປັນສະມາຊິກຂອງ WTO ໃຫ້ໄວທີ່ສຸດ
ກໍຕາມ ຫາກແຕ່ເງື່ອນໄຂສຳຄັນນັ້ນ ກໍຢູ່ທີ່ລາວເອງວ່າ
ຈະສາມາດພັດທະນາປັບປຸງລະບົບກົດໝາຍ ແລະການ
ບັງຄັບໃຊ້ກົດໝາຍຕ່າງໆ ໄດ້ຕາມມາດຕະຖານຂອງອົງ
ການການຄ້າໂລກ ຢ່າງແທ້ຈິງຫລືບໍ່.
ທ່ານນາມ ວິຍາເກດ ລັດຖະມົນຕີກະ ຊວງອຸດສະຫະກຳແລະ ການຄ້າ
ທັງນີ້ ທ່ານນາມ ວິຍາເກດ ໄດ້ຖະແຫລງ
ຍອມຮັບວ່າເງື່ອນໄຂສຳຄັນທີ່ສຸດປະການ
ໜຶ່ງທີ່ຈະເປັນປັດໃຈຕັດສິນວ່າ ລາວຈະໄດ້
ຮັບການຮັບຮອງໃຫ້ເຂົ້າໄປເປັນສະມາຊິກ
WTO ເມື່ອໃດນັ້ນ ກໍຄືການທີ່ຈະຕ້ອງພິ
ສູດໃຫ້ສະມາຊິກເຫັນຢ່າງຈະແຈ້ງວ່່າ ລາວ
ໄດ້ບັງຄັບໃຊ້ກົດໝາຍຄຸ້ມຄອງຊັບສິນທາງ
ປັນຍາ ຢ່າງມີປະສິດທິຜົນຢ່າງແທ້ຈິງ ແລະ
ໄດ້ມາດຕະຖານສາກົນອີກດ້ວຍ ດັ່ງທີ່ທ່ານ
ນາມໄດ້ຖະແຫລງຊີ້ແຈງວ່າ:
“ບັນຫາເລື້ອງຊັບສິນທາງປັນຍາເປັນຂໍ້ສົນໃຈຂອງບັນດາປະເທດສະມາຊິກອົງການ ການຄ້າໂລກ ສະນັ້ນ ການທີ່ພວກເຮົາມີກົດໝາຍແລ້ວ ພວກເຮົາກໍຍັງຕ້ອງການມີດໍາລັດເພື່ອເຮັດແນວໃດໃຫ້ມັນເປັນທີ່
ຮອງຮັບໄດ້ ໂດຍສະເພາະແມ່ນການເຊື່ອມໂຍງກັບສາກົນນັ້ນ ເຂົາກໍຍັງເຫັນວ່າມີ
ບາງຈຸດທີ່ພວກເຮົາຄວນຈະໄດ້ປັບປຸງຕື່ມ ຊຶ່ງບາງຈຸດດັ່ງກ່າວນັ້ນ ໃນກົດໝາຍ
ຂອງພວກເຮົາກະໄດ້ເວົ້າຢູ່ ແຕ່ມັນບໍ່ທັນລະອຽດ ຊຶ່ງພວກເຂົາເຈົ້າຢາກໃຫ້ພວກ
ເຮົາຊີ້ແຈງແລະຄວນປັບປຸງໃຫ້ມັນລະອຽດ”
ຄະນະຜູ້ແທນຂອງລາວທີ່ໄດ້ທຳການ ເຈລະຈາຄັ້ງທີ 6 ຮ່ວມກັບຄະນະຜູ້ຕາງ ໜ້າຖາວອນປະຈໍາ WTO ທີ່ກຸງເຈນີ ວາ, ສະວິດເສີແລນ (ກັນຍາ 2010)
ຄະນະຜູ້ແທນຂອງລາວພາຍໃຕ້ການນໍາຂອງ
ທ່ານນາມ ໄດ້ທຳການເຈລະຈາຄັ້ງທີ 6
ຮ່ວມກັບຄະນະຜູ້ຕາງໜ້າຖາວອນປະຈຳອົງ
ການການຄ້າໂລກທີ່ກຸງເຈນີວາ, ປະເທດເສີ
ວິດເສີແລນ ເມື່ອທ້າຍເດືອນກັນຍາ ປີທີ່ຜ່ານ
ມາຊຶ່ງທ່ານນາມກໍໄດ້ໃຫ້ການຢືນຢັນວ່າ ໄດ້
ຮັບຜົນທີ່ຄືບໜ້າເປັນຢ່າງດີໃນຫຼາຍດ້ານ
ໂດຍສະເພາະແມ່ນການພັດທະນາລະບົບກົດ
ໝາຍດ້ານການຄ້າແລະ ພາສີໃນລາວນັ້ນຖື
ເປັນພາກສ່ວນສຳຄັນທີ່ຄະນະຜູ້ແທນຂອງ
ລັດຖະບານລາວສາມາດເສີມສ້າງຄວາມເຂົ້າ
ໃຈ ແລະກໍເຮັດໃຫ້ບັນດາປະເທດສະມາຊິກ
ໃນອົງການການຄ້າໂລກໃຫ້ການຍອມຮັບ
ຫຼາຍຂຶ້ນ. ຫາກແຕ່ກໍຍັງບໍ່ພຽງພໍທີ່ຈະເຮັດໃຫ້ລາວໄດ້ຮັບການຮັບຮອງຈາກນາໆຊາດໃຫ້ເຂົ້າໄປເປັນປະເທດສະມາຊິກຂອງອົງການການຄ້າໂລກ ເຖິງແມ່ນວ່າທາງການລາວ ໄດ້ຢືນຢັນຄຳຮ້ອງເພື່ອຂໍເຂົ້າໄປເປັນສະມາຊິກຂອງ WTO ນັບຕັ້ງແຕ່ປີ 1997 ເປັນຕົ້ນມາ.
ທ່ານທອງລຸນ ສີສຸລິດ, ຮອງນາຍົກລັດຖະມົນຕີລາວ ຈັບມືກັບຄະນຜູ້ແທນທາງການຈີນປະຈໍາ WTO
ທາງດ້ານ ທ່ານຈາງ ຊຽງເສິນ
ຜູ້ແທນຖາວອນຂອງທາງການຈີນ
ໃນອົງການການຄ້າໂລກ ແລະ
ປະທານຄະນະປະຕິບັດງານເພື່ອ
ການພິຈາລະນາກ່ຽວກັບການຂໍ
ເຂົ້າໄປເປັນສະມາຊິກ WTO
ຂອງລາວນັ້ນ ກໍໄດ້ຖະແຫລງຢືນ
ຢັນໃນໂອກາດທີ່ໄດ້ພົບປະເຈລະ
ຈາຮ່ວມກັນກັບທ່ານທອງລຸນ
ສີສຸລິດ ຮອງນາຍົກລັດຖະມົນຕີ
ແລະລັດຖະມົນຕີວ່າການຕ່າງປະ
ເທດຢູ່ນະຄອນວຽງຈັນເມື່ອບໍ່
ນານມານີ້ວ່າ ໃນຖານະຜູ້ແທນ
ຂອງລັດຖະບານຈີນນັ້ນ ຈະໃຫ້ການສະໜັບສະໜຸນ ແລະຊ່ວຍເຫລືອລາວຢ່າງສຸດກຳລັງ ເພື່ອໃຫ້ເຂົ້າໄປເປັນສະມາຊິກຂອງ WTO ໃຫ້ໄວທີ່ສຸດເທົ່າທີ່ຈະເປັນໄປໄດ້.
ສ່ວນໃນຖານະປະທານຄະນະປະຕິບັດງານທີ່ຮັບຜິດຊອບກ່ຽວກັບການພິຈາລະນາຄໍາຮ້ອງ
ຂອງລັດຖະບານລາວ ໃນການຂໍເຂົ້າໄປເປັນສະມາຊິກຂອງ WTO ນັ້ນ ທ່ານຈາງ ກໍເນັ້ນ
ຢ້ຳວ່າ ການປະສານງານຮ່ວມກັບຄະນະຜູ້ຕາງໜ້າຂອງລັດຖະບານລາວໃນໄລຍະທີ່ຜ່ານ
ມານັ້ນ ກໍປາກົດວ່າ ມີຄວາມຄືບໜ້າເປັນຢ່າງດີໃນຫຼາຍດ້ານ ໂດຍສະເພາະແມ່ນການພັດ ທະນາ-ປັບປູງທາງດ້ານກົດໝາຍຂອງລາວນັ້ນ ຄືວ່າໄດ້ຮັບການຍອມຮັບຈາກບັນດາປະ
ເທດສະມາຊິກຂອງ WTO ຫຼາຍຂຶ້ນນັບມື້.
ຊຶ່ງຈະເຫັນໄດ້ຈາກຄ້າ ແບບວິພາຄີ ຫລື ສອງຝ່າຍຮ່ວມກັບ ຍີ່ປຸ່ນ, ເກົາຫລີໃຕ້
ແຄນາດາ ແລະ ຈີນ ສ່ວນໃນປັດຈຸບັນ ກໍຍັງຢູ່ໃນລະຫວ່າງ ການເຈລະຈາຮ່ວມກັບສະ
ຫະພາບຢຸໂຣບ ແລະສະຫະລັດອາເມຣິກາ ອີກດ້ວຍ.