ລິ້ງ ສຳຫລັບເຂົ້າຫາ

logo-print

ອໍາໄພ, ນັກທຸລະກິດລາວ- ອາເມຣິກັນ ຍັງຈ່າຍເງິນເດືອນ ໃຫ້ພະນັກງານຢູ່ ຂະນະທີ່ລໍຖ້າ ເງິນຊ່ວຍເຫລືອ ຈາກລັດຖະບານ


ທ.ນ. ອໍາໄພ ສີວິໄຊ, ເຈົ້າຂອງບໍລິສັດສະໜອງຊຸດເຟີນີເຈີໃຫ້ແກ່ໂຮງແຮມຕ່າງໆ ທົ່ວສະຫະລັດ

ທ້າມກາງການລະບາດຢ່າງໜັກ ຂອງໄວຣັສໂຄໂຣນາ ທີ່ກໍາລັງທໍາລາຍ ເສດຖະກິດຂອງສະຫະລັດຢູ່ນີ້ ທຸລະກິດຂະໜາດນ້ອຍຫລາຍບໍລິສັດ ຈະຕ້ອງໄດ້ເພິ່ງພາລັດຖະບານ ເພື່ອຈ່າຍຄ່າທີ່ຈໍາເປັນໂດຍສະເພາະ ແມ່ນເງິນເດືອນ ຂອງພະນັກງານ ຫລືບໍ່ກໍອາດຕ້ອງໄດ້ໃຫ້ພະນັກງານອອກການເລີຍ ໃນຊ່ວງທີ່ ລັດຕ່າງໆປິດຢູ່ນີ້. ແຕ່ວ່າ ນັກທຸລະກິດອາເມຣິກັນທີ່ເປັນຍິງໜຸ່ມເຊື້ອສາຍລາວ ຄົນນຶ່ງ ໃນນະຄອນລອສແອນເຈລີສ ພະຍາຍາມສືບຕໍ່ຈ່າຍເງິນເດືອນໃຫ້ພະ ນັກງານເຕັມຕາມປົກກະຕິມາໄດ້ເດືອນກວ່າແລ້ວ ໃນຂະນທີ່ລໍຄອຍໄດ້ຮັບເງິນ ຊ່ວຍເຫລືອຈາກລັດຖະບານຢູ່ນີ້. ລາຍລະອຽດຈະເປັນແນວໃດນັ້ນຂໍເຊີນທ່ານ ໄປຮັບຟັງເລື້ອງນີ້ ຈາກບົວສະຫວັນໄດ້ເລີຍ.

ທ້າມກາງການລະບາດຢ່າງໜັກຂອງໄວຣັສໂຄໂຣນາຢູ່ນີ້ ຫລາຍໆ ທ່ານທີ່ເປັນ ເຈົ້າຂອງບັນດາໂຮງຈັກ ໂຮງງານ ແລະທຸລະກິດທີ່ໄດ້ປິດໄວ້ ຕ່າງກໍຄົງຈະທໍາ ການຕັດສິນໃຈລໍາບາກເນາະວ່າ ຈະເອົາຄົນອອກການ ຫລືຫລຸດເງິນເດືອນພະ ນັກງານລົງດີບໍ່ ໃນຂະນະທີ່ບໍ່ມີວຽກຫລື ມີວຽກພຽງໜ້ອຍດຽວໃຫ້ເຂົາເຈົ້າເຮັດຢູ່ ນີ້ ເພື່ອຄວາມຢູ່ລອດຂອງທຸລະກິດຕົນ. ແຕ່ວ່າ ທ່ານນາງອໍາໄພ ສີວິໄຊ, ນັກ ທຸລະກິດຍິງ ໄວ 40 ກວ່າປີທີ່ນໍາເຂົ້າຊຸດເຟີນີເຈີ້ຈາກຈີນແລະຫວຽດນາມເພື່ອ ສະໜອງໃຫ້ແກ່ໂຮງແຮມຕ່າງໆ ຊຶ່ງເອີ້ນວ່າ Hospitality Furniture Supply ທີ່ມີຫ້ອງການຕັ້ງຢູ່ນະຄອນລອສແອນເຈີລີສ ຢູ່ໃນລັດຄາລິຟໍເນຍນັ້ນ ຍັງສືບ ຕໍ່ຮັກສາພະນັກງານທັງໝົດ 13 ຄົນໄວ້ ແລະຈ່າຍເງິນເດືອນໃຫ້ເຂົາເຈົ້າຕາມ ປົກກະຕິ ເຖິງແມ່ນວ່າຈະມີວຽກໃຫ້ພະນັກງານເຮັດໜ້ອຍດຽວກໍຕາມໃນຂະນະ ທີ່ກໍາລັງເຮັດຄໍາຮ້ອງຂໍເອົາການຊ່ວຍເຫລືອຈາກລັດຖະບານພາຍໃຕ້ໂຄງການ ປົກປ້ອງການຈ່າຍເງິນເດືອນຫລື Paycheck Protection Program (PPP) ຢູ່ໃນເວລານີ້. ນັກທຸລະກິດຍິງທີ່ໃຈດີຄົນນີ້ເລົ່າສູ່ຟັງວ່າ:

ຕົວຢ່າງບາງອັນຂອງເຟີນີເຈີທີ່ຜະລິດໂດຍບໍລິສັດຂອງ ທ.ນ. ອໍາໄພ ສີວິໄຊ
ຕົວຢ່າງບາງອັນຂອງເຟີນີເຈີທີ່ຜະລິດໂດຍບໍລິສັດຂອງ ທ.ນ. ອໍາໄພ ສີວິໄຊ

ໂຄງການ PPP ນີ້ ແມ່ນນອນຢູ່ໃນຮ່ວງເງິນປະມານ 2 ພັນ 200 ຕື້ໂດລາທີ່ລັດຖະສະພາສະຫະລັດໄດ້ຮັບຜ່ານ ຢູ່ພາຍໃຕ້ກົດໝາຍທີ່ຊື່ວ່າ Coronavirus Aid, Relief and
Economic Security ຫລື CARES ໃນທ້າຍເດືອນມີນາຜ່ານມາ. ມັນຖືກສ້າງຕັ້ງຂຶ້ນມາ
ເພື່ອຈັດເອົາເງິນຈໍານວນ 350 ຕື້ ໂດລາ ໄວ້ຊ່ວຍເຫລືອທຸລະກິດຂະໜາດນ້ອຍ ທີ່ມີພະ
ນັກງານ 500 ຄົນລົງມາ ເພື່ອ ໃຫ້ເຂົາເຈົ້າສາມາດຈ່າຍເງິນເດືອນພະນັກງານໄດ້ຄືເກົ່າ
ຫລື ຈ້າງພະນັກງານໃໝ່ເພີ້ມ ແລະຈ່າຍຄ່າ ອື່ນໆ ທີ່ຈໍາເປັນໄດ້. ພ້ອມກັນນັ້ນ ກໍຍັງຊ່ວຍ
ເຫລືອ ພວກທີ່ເຮັດວຽກແລະຜູ້ຮັບເໝົາ ຫລືສັນຍາຈ້າງແບບອິດສະຫລະອີກດ້ວຍນັບແຕ່
ວັນທີ 3 ເມສາເປັນຕົ້ນມາ.

ແຕ່ວ່າ ກ່ອນຈະຂໍເງິນຊ່ວຍເຫລືອບັນເທົາທຸກນີ້ໄດ້ ບໍລິສັດຕ້ອງໄດ້ມີບັນຊີທະນາຄານສະ
ເພາະຂອງບໍລິສັດ ແລະຍື່ນເອກະສານທາງອອນລາຍໄປຫາທະນາຄານທີ່ບໍລິສັດຕົນເອງ
ມີບັນຊີທະນາຄານຢູ່ນັ້ນ ແລະຕ້ອງໃຫ້ຂໍ້ມູນ ດັ່ງທີ່ ທ່ານນາງອໍາໄພເລົ່າສູ່ຟັງດັ່ງນີ້:

ອີງຕາມລະບຽບການແລ້ວ ເຈົ້າຂອງທຸລະກິດສາມາດຂໍເອົາເງິນຊ່ວຍເຫລືອປະເພດນີ້ໃນຈໍານວນເທົ່າກັບຈໍານວນເງິນ ຂອງເງິນເດືອນພະນັກງານ 1 ເດືອນທີ່ ບັນທຶກຢູ່ໃນຟອມແຈ້ງພາສີ ຄູນໃຫ້ 2.5 ເພາະວ່າ ທຸລະກິດສາມາດຂໍເອົາເງິນ ຊ່ວຍເຫລືອໃນການຈ່າຍຄ່າແຮງງໄດ້ສໍາລັບ 2 ເດືອນທີ່ມີການປິດເມືອງໄວ້ຍ້ອນ ໄວຣັສໂຄໂຣນາເທົ່ານັ້ນ. ສ່ວນເງິນອີກ 0.5 ຂອງຈໍານວນເງິນເດືອນທັງໝົດນັ້ນ ແມ່ນໃຫ້ໄວ້ໃຊ້ຈ່າຍຄ່ານໍ້າ, ຄ່າໄຟ ແລະຄ່າເຊົ່າຫ້ອງການ ຫລື ຫ້າງຮ້ານຕ່າງໆ. ເງິນທີວ່ານີ້ ແມ່ນເອົາໃຫ້ແຕ່ບໍລິສັດທີ່ຈ່າຍເງິນເດືອນພະນັກງານ ຫລື ກໍາມະກອນ ລວມທັງໝົດບໍ່ເກີນ 1 ແສນໂດລາ ຕໍ່ເດືອນເທົ່ານັ້ນ ຊຶ່ງທ່ານນາງອໍາໄພ ເວົ້າສູ່ ຟັງວ່າເງິນນີ້ກໍບໍ່ພໍຄ່າໃຊ້ຈ່າຍ ຂອງບໍລິສັດໃນປັດຈຸບັນເລີຍ ແຕ່ມັນກໍຍັງດີເພາະ ເງິນ ທີ່ລັດຖະບານຊ່ວຍນີ້ເອີ້ນວ່າ Forgivable loan ຊຶ່ງເຈົ້າຂອງທຸລະກິດ ບໍ່ຕ້ອງ ໄດ້ໃຊ້ໜີ້້ໃຫ້ລັດຖະບານຄືນເລີຍ.

ທ.ນ. ອໍາໄພ ສີວິໄຊ, ເຈົ້າຂອງບໍລິສັດສະໜອງຊຸດເຟີນີເຈີໃຫ້ແກ່ໂຮງແຮມຕ່າງໆ ແລະແມ່
ທ.ນ. ອໍາໄພ ສີວິໄຊ, ເຈົ້າຂອງບໍລິສັດສະໜອງຊຸດເຟີນີເຈີໃຫ້ແກ່ໂຮງແຮມຕ່າງໆ ແລະແມ່

ແຕ່ໃນະຂະນະດຽວກັນມັນກໍມີການປັບໃໝເປັນເງິນຫລາຍເຖິງ 1 ລ້ານໂດລາ, ຖ້າຫາກມີການໃຫ້ຂໍ້ມູນທີ່ບໍ່ເປັນຈິງ ຫລືເອົາເງິນໄປໃຊ້ໃນທາງທີ່ຜິດ ກໍຄືບໍ່ເອົາ ໄປຈ່າຍເງິນເດືອນພະນັກງານແລະຄ່າໃຊ້ຈ່າຍທີ່ຈໍາເປັນດັ່ງທີ່ກ່າວໄວ້ຂ້າງເທິງ ນັ້ນ, ອີງຕາມເວັບໄຊທ໌ຂອງອົງການຄຸ້ມຄອງທຸລະກິດຂະໜາດນ້ອຍຫລື SBA ທີ່ຫຍໍ້ມາຈາກ ຄໍາວ່າ Small Business Administration ຂອງສະຫະລັດ.

ສອງອາທິດກ່ອນທີ່ຈະຍື່ນຂໍເອົາເງິນຊ່ວຍເຫລືອທີ່ວ່ານີ້ ທ່ານນາງອໍາໄພນັກທຸ ລະກິດເຊື້ອສາຍລາວ ທີ່ສະໜອງຊຸດເຟີນິເຈີໃຫ້ແກ່ໂຮງແຮມຕ່າງໆ ຢູ່ທົ່ວສະ ຫະລັດນີ້ກໍເວົ້າວ່າ ທ່ານນາງກໍໄດ້ຮັບເງິນຊ່ວຍເຫຼືອຢູ່ພາຍໃຕ້ໂຄງການ PPP ນີ້ ເຊັ່ນກັນແຕ່ວ່າມັນກໍຍັງບໍ່ພໍຄ່າໃຊ້ຈ່າຍຍ້ອນວ່າບໍ່ໄດ້ຂາຍສິນຄ້າໃນໄລຍະນີ້ ດັ່ງທີ່ທ່ານນາງເລົ່າສູ່ຟັງວ່າ:

ເງິນ 10,000 ໂດລາທີ່ວ່ານີ້ ເປັນເງິນຢູ່ໃນບ້ວງເງິນ 10 ລ້ານໂດລາທີ່ເອີ້ນວ່າ ເງິນຊ່ວຍເຫລືອບັນເທົາທຸກ ແບບສຸກເສີນ ຫລື Emergency Grant ທີ່ທາງ ລັດຖະສະພາສະຫະລັດ ໄດ້ຈັດໄວ້ໃຫ້ຈ່າຍແກ່ ບັນດາທຸລະກິດ ທີ່ມີເງື່ອນໄຂ ເໝາະສົມພາຍໃນບໍ່ເທົ່າໃດວັນ ຫລັງຈາກມັນໄດ້ຮັບອານຸມັດໃນທ້າຍເດືອນມີນາ ຜ່ານມານັ້ນ. ອີງຕາມລາຍງານຂອງ SBA ແລ້ວແມ່ນມີເກືອບຮອດ 1.7 ລ້ານ ບໍລິສັດ ທີ່ໄດ້ຂໍເອົາເງິນຊ່ວຍເຫລືອປະເພດນີ້ ແລະເງິນນີ້ກໍໄດ້ໝົດໄປແລ້ວ ຊຶ່ງ ເວລານີ້ ທາງສະພາສູງຂອງສະຫະລັດກໍໄດ້ຮັບຜ່ານຮ່າງນິຕິກໍາທີ່ຈະຈັດເອົາເງິນ 60 ຕື້ໂດລາທີ່ນອນຢູ່ໃນບ້ວງເງິນສະເໜີໄປອີກ 250 ຕື້ສໍາລັບໂຄງການ PPP ມາໄວ້ສໍາລັບເງິນບ້ວງຊ່ວຍເຫລືອສຸກເສີນນີ້. ປັດຈຸບັນນີ້ ຮ່າງຊຸດ ການໃຫ້ເງິນ ຊ່ວຍເຫລືອບັນເທົາທຸກຈາກຜົນກະທົບຂອງການລະບາດຂອງໄວຣັສໂຄໂຣນານີ້ ກໍາລັງລໍຖ້າການຮັບຮອງຂອງສະພາຕໍ່າຢູ່ກ່ອນ ຈະເອົາໄປໃຫ້ປະທານາທິດບໍດີ ດໍໂນລ ທຣໍາ ເຊັນອະນຸມັດອອກມາ. ຊຶ່ງມັນກໍເປັນການສ້າງຄວາມຫວັງໃຫ້ແກ່ ນັກທຸລະກິດຂະໜາດນ້ອຍຊາວອາເມຣິກັນເຊັ່ນທ່ານນາງອໍາໄພນັ້ນຢູ່.

ຢູ່ໃນລັດຄາລິຟໍເນຍ ຊຶ່ງເປັນລັດທີ່ມີພົນລະເມືອງຫລາຍທີ່ສຸດຂອງສະຫະລັດນັ້ນ ມີຄົນຕິດເຊື້ອນັບມື້ນັບເພີ້ມຂຶ້ນ ແລະເປັນລັດທີ່ມີການຕິດເຊື້ອ ແລະເສຍຊີວິດ ຍ້ອນພະຍາດນີ້ ເປັນອັນດັບສອງຂອງປະເທດ. ໃນລັດດັ່ງກ່າວທີ່ໄດ້ເລີ້ມປິດລັດ ໃນວັນທີ 20 ມີນາເປັນຕົ້ນມາ ປັດຈຸບັນນີ້ ມີຄົນຕິດເຊື້ອຫລາຍ ກວ່າ 45,100 ຄົນ, ເສຍຊີວິດໄປ 1,780 ກວ່າຄົນແລ້ວ. ສະນັ້ນ ເງິນຊ່ວຍເຫລືອທີ່ເອົາໄວ້ ຊ່ວຍ ທຸລະກິດຂະໜາດນ້ອຍໃນລັດດັ່ງກ່າວ ກໍຄືໃນທົ່ວປະເທດ ແມ່ນວິທີການອັນນຶ່ງ ໃນການດໍາເນີນຄວາມພະຍາຍາມຂອງລັດຖະບານເພື່ອຊ່ວຍບັນເທົາຜົນກະທົບ ຂອງການແຜ່ລະບາດຂອງພະຍາດໂຄວິດທີ່ກໍາລັງເຮັດໃຫ້ເສດ ຖະກິດຂອງສະ ຫະລັດ ທີ່ເປັນເສດຖະກິດທີ່ໃຫຍ່ທີ່ສຸດຂອງໂລກບຊຸດໂຊມລົງຢູ່ນີ້.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG