ຄາດວ່າ ບັນດາຜູ້ນໍາໂລກ ແລະ ຜູ້ທີ່ເຫຼື້ອມໃສສັດທາ ຈະເຂົ້າຮ່ວມການເປີດ ພະວິຫານນອດເທຼີດາມ ຄືນອີກຄັ້ງ

ພະວິຫານນອດເທຼີດາມ (Notre Dame) ຈະເປີດຄືນໃໝ່ໃນທ້າຍອາທິດນີ້, ເປັນເວລາ 5 ປີ ຫຼັງຈາກເຫດການໄຟໄຫມ້ຄັ້ງໃຫຍ່ ທີ່ໄດ້ທໍາລາຍສະຖານທີ່ສໍາຄັນອັນເປັນສັນຍາລັກຂອງນະຄອນຫຼວງປາຣີ. ຄາດ​ວ່າ ​ບັນດາ​ຜູ້​ນຳ​ທາງ​ການ​ເມືອງ ​ແລະ ຜູ້ນໍາທາງສາສະໜາ ​ພ້ອມດ້ວຍບັນດາຜູ້ມາຢ້ຽມຢາມທົ່ວໄປ ຈະ​ເຂົ້າ​ຮ່ວມງານ​ດັ່ງກ່າວນີ້, ​ເຊິ່ງ​ຖືເປັນ​ຈຸດ​ເດັ່ນ​ໃນ​ປີ​ທີ່​ເຕັມໄປດ້ວຍຄວາມວຸ້ນວາຍ. ລີຊາ ໄບຣແອນຕ໌ (Lisa Bryant) ມີລາຍງານຈາກນະຄອນຫຼວງຂອງປະເທດຝຣັ່ງ, ແລະພວກເຮົາມີລາຍລະອຽດມາສະເໜີທ່ານ ໃນອັນດັບຕໍ່ໄປ.

ການກໍ່ສ້າງຍັງຄົງດໍາເນີນຢູ່, ພຽງບໍ່ເທົ່າໃດມື້ກ່ອນທີ່ ນອດເທຼີດາມ (Notre Dame) ຈະເປີດຄືນໃໝ່.

ມັນໃຊ້ເວລາ 5 ປີ, ໃຊ້ຊ່າງຝີມື ແລະ ຄົນງານ 2,000 ຄົນ, ແລະງົບປະມານຫຼາຍກວ່າ 700 ລ້ານໂດລາສະຫະລັດ ໃນການປະຕິສັງຂອນຜົນງານທີ່ສຳຄັນຂອງຮູບແບບສິນລະປະກໍທິກ ທີ່ປະກົດຂຶ້ນໃນຢູໂຣບໃນຍຸກກາງ.

ສໍາລັບຫຼາຍໆຄົນທີ່ຢູ່ທີ່ນີ້, ຄວາມພະຍາຍາມນັ້ນແມ່ນຄຸ້ມຄ່າ.

ທ້າວ ດາງ ຈຣານ (Dang Tran), ປະຊາຊົນທີ່ອາໃສຢູ່ໃນເຂດ ນະຄອນຫຼວງ ​ປາ​ຣີ ໄດ້ກ່າວ​ເປັນ​ພາ​ສາ​ຝຣັ່ງ​ວ່າ:

"ຂ້ອຍມີຄວາມພາກພູມໃຈທີ່ພວກເຮົາສາມາດສ້າງ ພະວິຫານ ນອດເທຼີດາມ (Notre Dame) ຄືນໃໝ່ໄດ້ພາຍໃນຫ້າປີ, ໂດຍການໃຊ້ເທັກນິກແບບດັ່ງເດີມ ແລະເຄົາລົບມໍລະດົກດ້ານວັດທະນະທໍາທີ່ບໍ່ພຽງແຕ່ເປັນຂອງປະເທດຝຣັ່ງ ເທົ່ານັ້ນ ແຕ່ຍັງເປັນຂອງຄົນໃນທົ່ວໂລກ."

ໃນເດືອນເມສາ ປີ 2019, ຫຼາຍຄົນຢ້ານວ່າພວກເຂົາຈະສູນເສຍ ພະວິຫານ ນອດເທຼີດາມ (Notre Dame) ໄປ ໃນເຫດການໄຟໄຫມ້ທີ່ລາມຢ່າງໄວວາໃນພະວິຫານດັ່ງກ່າວ.

ປະທານາທິບໍດີ ເອັມມານູເອລ ມາກຣົງ (Emmanuel Macron) ຂອງຝຣັ່ງ ໃຫ້ຄໍາໝັ້ນສັນຍາວ່າພະວິຫານດັ່ງກ່າວ ຈະໄດ້ຮັບການປະຕິສັງຂອນຄືນໃຫມ່ໃຫ້ໄດ້ພາຍໃນຫ້າປີ.

ເງິນບໍລິຈາກໄດ້ຫຼັ່ງໄຫຼເຂົ້າມາ ເປັນຈຳນວນຫຼາຍລ້ານໂດລາ. ຊ່າງຝີມືຈາກທົ່ວໂລກໄດ້ເຂົ້າຮ່ວມພາລະກິດອັນຍິ່ງໃຫຍ່ນີ້.

ຄຸນພໍ່ ຈີລສ໌ ດຣູແອັງ (Gilles Drouin), ຜູ້ອຳນວຍການສະຖາບັນສູງສຸດດ້ານພິທິກຳ ຢູ່ສະຖາບັນກາໂຕລິກ ແຫ່ງນະຄອນຫຼວງ ປາຣີ ຜູ້ໄດ້ມີສ່ວນຮ່ວມໃນການປັບປຸງພາຍໃນຂອງພະວິຫານ ກ່າວເປັນພາສາຝຣັ່ງວ່າ:

"ຂ້າພະເຈົ້າຫວັງວ່າ [ການເປີດຄືໃໝ່] ຈະເປັນຄືກັນກັບຊ່ວງເວລາທີ່ເກີດໄຟໄຫມ້ - ກໍຄືຊ່ວງເວລາຂອງຄວາມສາມັກຄີໃນຊາດ, ເຊິ່ງຂ້ອນຂ້າງຫາຍາກຫຼາຍໃນປະເທດທີ່ມີການແບ່ງເປັນຫຼາຍຂົ້ວ. ຂ້າ​ພະ​ເຈົ້າ​ຫວັງ​ວ່າ​ມັນ​ຈະ​ເຮັດ​ໃຫ້​ປະ​ຊາ​ຊົນ​ມາ​ເຕົ້າ​ໂຮມ​ກັນ, ເພາະ​ວ່າ​ພວກ​ເຮົາ​ຈະ​ໄດ້​ພະວິຫານຂອງ​ພວກ​ເຮົາ​ກັບ​ຄືນ​ມາ. ມັນແມ່ນພະວິຫານຂອງຊາວຝຣັ່ງໝົດທຸກຄົນ - ບໍ່ແມ່ນພຽງແຕ່ຂອງຊຸມຊົນຊາວກາໂຕລິກເທົ່ານັ້ນ.”

ໃນເດືອນຕຸລາ, ສຽງລະຄັງຂອງ ນອດເທຼີດາມ (Notre Dame) ໄດ້ດັງຂຶ້ນເປັນຄັ້ງທໍາອິດໃນຮອບຫ້າປີ.

ພິທີ​ເປີດ​ຄືນ​ໃໝ່ ​ແລະ​ພິທີມິດຊາ ​ຈະ​ຈັດ​ຂຶ້ນ​ຢູ່ທີ່ ພະວິຫານ ນອດເທຼີ ດາມ (Notre Dame) ​ໃນ​ວັນ​ເສົາ​ແລະ​ວັນ​ອາທິດ​ໜ້າ. ບັນດາບຸກຄົນສຳຄັນຈາກຕ່າງປະເທດໄດ້ຖືກຮັບເຊີນ.

ແຕ່ ພະສັນຕະປາປາ ຟຣານຊິສ (Pope Francis) ກ່າວ​ວ່າ​ພຣະ​ອົງ​ຈະ​ບໍ່​ເຂົ້າ​ຮ່ວມ.

ຄຸນພໍ່ ຈີລສ໌ ດຣູແອັງ (Gilles Drouin), ຈາກສະຖາບັນກາໂຕລິກ ແຫ່ງນະຄອນຫຼວງ ປາຣີ:

"ນອດເທຼີ ດາມ (Notre Dame) ແມ່ນພະວິຫານຂອງພະສັງຄະລາດ - ພະອົງແມ່ນຜູ້ທີ່ເປີດພະວິຫານຄືນໃໝ່. ສະນັ້ນ, ຈາກທັດສະນະທາງສາສະໜາແລ້ວ, ຂ້າພະເຈົ້າຄິດວ່າມັນສົມເຫດສົມຜົນຢ່າງຍິ່ງທີ່ພະສັງຄະລາດ ແຫ່ງນະຄອນຫຼວງ ປາຣີ ຈະເປັນປະທານໃນພິທີສະເຫຼີມສະຫຼອງການເປີດຄືນໃໝ່ດັ່ງກ່າວ.”

ຄາດວ່າຈະມີປະຊາຊົນ ໄປຢ້ຽມຢາມ ນອດເທຼີ ດາມ (Notre Dame) ຫຼາຍເຖິງ 15 ລ້ານຄົນ ຕໍ່ປີ. ເຖິງແມ່ນວ່າຈະມີໂຄງເຫຼັກກັ້ນ, ແຕ່ມັນກໍຍັງສ້າງໃຫ້ເກີດແຮງສັດທາ.

ນາງ ມາຕີນາ ເຟລີຈີ (Martina Felici), ນັກ​ທ່ອງ​ທ່ຽວ​ຊາວ​ອີ​ຕາ​ລີ​ ກ່າວ​ວ່າ:

“ຂ້ອຍຮູ້ກ່ຽວກັບພະວິຫານນີ້ຈາກກາຕູນ ຕັ້ງແຕ່ຂ້ອຍຍັງເປັນເດັກນ້ອຍ. ມັນແປກຫຼາຍທີ່ໄດ້ເຫັນມັນໃນຕົວຈິງ. ຂ້ອຍຄິດວ່າມັນນ້ອຍກວ່າ.”

ທ້າວ ນີໂກລາສ ພີເດຍ (Nicolas Pidia), ຄູສອນປະຫວັດສາດຊາວແບນຊິກ ກ່າວເປັນພາສາຝຣັ່ງວ່າ:

“ຫີນທົນທານກວ່າມະນຸດສະເໝີ. ຂ້ອຍຄິດວ່າ ນອດເທຼີ ດາມ (Notre Dame) ກ້າວໜ້າໄປກວ່ານັ້ນ ຫຼາຍສັດຕະວັດ.”

ບັນດາຜູ້ທີ່ຫຼົງໄຫຼ ນອດເທຼີ ດາມ (Notre Dame) ຫຼາຍຄົນ ຫວັງວ່າລາວຈະເວົ້າຖືກ. ແລະ​ຄວາມ​ສາ​ມັກ​ຄີ​ທີ່​ໄດ້​ຊ່ວຍໃນການ​ສ້າງ​ພະ​ວິ​ຫານຂື້ນມາໃໝ່ນີ້ ​ຈະຍັງຢູ່ຕະຫຼອດໄປ​.

ອ່ານບົດລາຍງານດ້ານລຸ່ມນີ້ເປັນພາສາອັງກິດ

Notre Dame cathedral reopens this weekend (Dec 7/8) five years after a massive fire devastated the iconic Paris landmark. Political and religious leaders and ordinary visitors are expected to attend the events, which mark a bright spot in an otherwise turbulent year. Lisa Bryant reports from the French capital.

Construction is still underway just days before Notre Dame’s reopening.

It has taken five years, 2,000 artisans and workers, and more than $700-million to restore the medieval Gothic masterpiece.

For many here, that effort is worth it.

Dang Tran, Paris Area Resident.

“I’m proud that we were able to reconstruct Notre Dame in five years, following the old techniques and respecting a cultural heritage that belong not only to France but the entire world.”

In April 2019, many feared they had lost Notre Dame in a blaze that raced through the cathedral.

French President Emmanuel Macron vowed it would be restored within five years.

Millions of dollars in donations poured in. Craftsmen from around the world joined the monumental task.

Father Gilles Drouin was involved in the cathedral’s interior refurbishment.

Gilles Drouin, Catholic Institute of Paris.

“I hope [the reopening] will be like during the fire — a moment of national unity, which is pretty rare in a country that’s so polarized. I hope it will bring people together, because we’re going to get our cathedral back. It’s the cathedral of all the French — not just the Catholic community.”

In October, Notre Dame’s bells rang out for the first time in five years.

Reopening ceremonies and Mass will be held at Notre Dame next Saturday and Sunday. Foreign dignitaries have been invited.

Pope Francis says he will not attend.

Gilles Drouin, Catholic Institute of Paris.

“Notre Dame is the cathedral of the bishop — he’s the one who reopens the cathedral. So, from the religious standpoint, I think it’s completely logical that it’s the archbishop of Paris who presides over the reopening celebrations.”

Up to 15 million people are expected to visit Notre Dame yearly. Even with scaffolding, it inspires awe.

Martina Felici, Italian Tourist.

“I’ve known about it since I was a young girl from the cartoon. It’s so strange to see it for real. I thought it was smaller.”

Nicolas Pidia, Belgian History Teacher.

“Stone is always more resistant than humans. I think Notre Dame has centuries ahead of it.”

Notre Dame’s many fans hope he’s right. And that the solidarity that helped to rebuild the cathedral will last.