ລິ້ງ ສຳຫລັບເຂົ້າຫາ

logo-print

​ປາ​ກົດ​ວ່າ ລາງວັນແກ​ຣມມີ ແມ່ນມອບ​ໃຫ້​ແກ່ ​ນັກ​ຮ້ອງຍິງ ຫລາຍ​ທີ່​ສຸດ ໃນປີນີ້​ ​


​ນາງ Cardi B (ຊ້າຍ) ໄດ້ຮັບ​ລາງວັນປະ​ເພດເພັງ​ແບບ​ແຣັບ ສຳລັບ​ເພັງ​ໃນ​ຊຸດ "Invasion of Privacy" ໃນ​ງານມອບ​ລາງວັນ ແກ​ຣມ​ມີ (Grammy) ປະ​ຈຳ​ປີຄັ້ງ​ທີ 61 ໃນ​ວັນ​ອາ​ທິດ​, ​ທີ 10 ກຸມ​ພາ, 2019, ຢູ່​ນະ​ຄອນ ​ລັອ​ສ ແອນ​ເຈີ​ແລັ​ສດ, ລັດ​ຄາ​ລິ​ຟໍ​ເນຍ

​ການ​ມອບ​ລາງວັນແກ​ຣມ​ມີ (Grammy) ແກ່​ເພັງ​ທີ່​ດີ​ເດັ່ນ​ໃນປີນີ້​ປາ​ກົດ​ວ່າ ເປັນ​ເລື້ອງ​ທີ່​ກ່ຽວ​ຂ້ອງ​ກັບພວກ​ຜູ້​ຍິງ​ທັງ​ນັ້ນ.

ຢູ່​ໃນ​ງານມອບ​ລາງວັນ​ດີ​ເດັ່ນ ແກ​ຣມ​ມີ (Grammy) ປີ​ກາຍນີ້ ຫົວ​ໜ້າ​ບໍ​ລິ​ຫານ ຫລື CEO ຂອງ​ອົງ​ການ​ໃຫ້​ລາງວັນ​ດ້ານ​ການ​ບັນ​ທຶກສຽງ​ເພັງ, ທ່ານ ນີ​ລ ພອດ​ນາວ (Neil Portnow) ກ່າ​ວ​ວ່າ ຜູ້​ຍິງ​ຕ້ອງ​ໄດ້ "ກ້າວ​ຂຶ້ນ​ໄປ" ເມື່ອ​ທ່ານ​ຖືກ​ຖາມ​ວ່າ ເປັນ​ຫຍັງບໍ່​ມີ​ຜູ້​ຍິງຖືກ​ແຕ່ງ​ຕັ້ງ​ໃຫ້​ໄດ້​ຮັບ​ລາງວັນ​ປະ​ເພດ​ສູງ​ສຸດນີ້. ໃນ​ເວ​ລາ​ຕໍ່​ມາ ທ່ານກໍ​ຕ້ອງ​ໄດ້​ຮັບ​ຮູ້ວ່າ ທ່ານ​ໃຊ້​ຄຳ​ເວົ້າ​ບໍ່​ຖືກຕ້ອງ.

ໃນ​ຕອນຄ່ຳ​ຄືນທີ່​ນະ​ຄອນລອ​ສ ແອນ​ເຈີ​ແລັ​ສ (Los Angeles) ຂອງ​ວັນ​ອາ​ທິດ​ວານນີ້ ແມ່ນເລີ້ມ​ຕົ້ນ​ຂຶ້ນ​ໂດຍ​ການ​ໄປ​ປາ​ກົດ​ໂຕຂອງ​ທ່ານ​ນາງ ມີ​ແຊ​ລ ໂອ​ບາ​ມາ ແບບບໍ່​ຄາດ​ຝັນ.

​ນັກ​ຮ້ອງ Lady Gaga (ຂວາ) ແລະ Mark Ronson ສະ​ແດງເພັງ "Shallow" ຢູ່​ງານມອບ​ລາງວັນແກ​ຣມ​ມີ ປະ​ຈຳ​ປີ ຄັ້ງ​ທີ 61 ໃນ​ວັນ​ທີ 10 ກຸມ​ພາ, 2019
​ນັກ​ຮ້ອງ Lady Gaga (ຂວາ) ແລະ Mark Ronson ສະ​ແດງເພັງ "Shallow" ຢູ່​ງານມອບ​ລາງວັນແກ​ຣມ​ມີ ປະ​ຈຳ​ປີ ຄັ້ງ​ທີ 61 ໃນ​ວັນ​ທີ 10 ກຸມ​ພາ, 2019

ໂດຍ​ທີ່​ຢືນ​ຢູ່​ກັບ​ນາງ Jennifer Lopez, Lady Gaga, Jada Pinkett Smith ແລະ ນາງ Alicia Keyes, ອະ​ດີດ​ສະ​ຕີ​ໝາຍ​ເລກ​ນຶ່ງ ໄດ້​ກ່າວ​ຕໍ່​ບັນ​ດາ​ທ່ານ​ຜູ້​ຊົມ​ໃຫ້​ຮູ້​ວ່າ ດົນ​ຕີ​ມີ​ຄວາມ​ໝາຍ​ແນວ​ໃດ​ຕໍ່​ທ່ານ​ນາງ.

ທ່ານ​ນາງໂອ​ບາ​ມາ​ເວົ້າ​ວ່າ "ນັບ​ແຕ່​ແ​ຜ່ນສຽງ​ໂມ​ທາວ (Motown) ທີ່​ຂ້າ​ພະ​ເຈົ້າຫລິ້ນ​ຈົນ​ເກົ່າ ຢູ່​ເຂດ​ພາກ​ໃຕ້ຈົນ​ເຖິງ​ເພັງ 'Who Run the World' ທີ່​ໄດ້​ເຮັດ​ໃຫ້​ຂ້າ​ພະ​ເຈົ້າ​ຮູ້​ສຶກ​ລື້ນ​ເລີງ​ຢູ່​ຕະ​ຫລອດ​ທົດ​ສະ​ວັດ​ຜ່ານ​ມານີ້, ສຽງ​ເພງ​ລ້ວນ​ແລ້ວແຕ່​ໄດ້​ຊ່ວຍ​ຂ້າ​ພະ​ເຈົ້າໃຫ້ສາ​ມາດ​ເລົ່າ​ເລື້ອງ​ລາວ​ຂອງ​ຕົນໄດ້.” ​ທ່ານ​ນາງ​ກ່າວ​ຕໍ່​ໄປ​ວ່າ “ບໍ່​ວ່າພວກ​ເຮົາ​ ຈະ​ມັກ​ເພງ​ປະ​ເທດ​ລູກ​ທົ່ງ ຫລື ແບບ​ແຣບ ຫລື​ແບບ​ຣັອກກໍ​ຕາມ, ສຽງ​ເພງ​ລ້ວນ​ແຕ່​ຊ່ວຍ​ໃຫ້​ພວກ​ເຮົາ​ມີ​ຄວາມ​ຮູ້​ສຶກ​ຕໍ່​ຕົນ​ເອງ​, ມີ​ກຽດ​ສັກ​ສີ, ແລະ​ມີ​ຄວາມ​ເສຍ​ໃຈ ແລະ​ມີ​ຄວາມ​ຫວັງ ແລະ​ມ່ວນ​ຊື່ນ​ນຳ​ກັນ."

ສ່ວນ​ນາງ Keyes ທີ່​ປາ​ກົດ​ວ່າຍັງ​ສືບ​ຕໍ່​ເຮັດ​ຕາມ​ຄຳ​ຕັດ​ສິນ​ໃຈ​ຂອງ​ຕົນບໍ່ໃຊ້​ເຄື່ອງ​ສຳ​ອາງແຕ່ງ​ໜ້າຕໍ່​ໄປ ເປັນ​ໂຄ​ສົກ​ຈັດ​ລາຍ​ການ​ຂອງ​ງານມອບ​ລາງວັນ ແກ​ຣມ​ມີ (Grammy) ປະ​ຈຳ​ປີຄັ້ງ​ທີ 61 ໃນ​ວັນ​ອາ​ທິດ​ວານນີ້, ທີ່ຈັດ​ເພື່ອ​ເປັນ​ການ​ໃຫ້​ກຽດ​ແກ່​ເພງ​ທີ່​ດີ​ເດັ່ນ​ທີ່​ສຸດນີ້.

​ນາງ Camilo Cabello ໄດ້​ເລີ້ມ​ຕົ້ນ​ການ​ສະ​ແດງ​ຂອງ​ຕົນ​ດ້ວຍ​ເພງ​ທີ່​ກຳ​ລັງ​ໂດ່ງ​ດັງ​ທີ່​ຊື່ວ່າ "Havana." ທ້າວ Ricky Martin, Young Thug ແລະ
J Balvin ກໍ​ໄດ້​ຂຶ້ນ​ສະ​ແດງ​ຮ່ວມ​ກັບ​ນາງ​ຢູ່​ເທິງ​ເວ​ທີເຊັ່ນ​ກັນ.​

ທ່ານນາງ Ross ອາ​ຍຸ 75 ປີ​ ສະ​ແດງທີ່​ງານ​ມອບ​ລາງ​ວັນ ແກ​ຣມມີ້ ໃນ​ວັນ​ທີ 10 ກຸມ​ພາ, 2019
ທ່ານນາງ Ross ອາ​ຍຸ 75 ປີ​ ສະ​ແດງທີ່​ງານ​ມອບ​ລາງ​ວັນ ແກ​ຣມມີ້ ໃນ​ວັນ​ທີ 10 ກຸມ​ພາ, 2019

​ງານມອບ​ລາງວັນ Grammys ປີ​ນີ້ ​ຍັງ​ໄດ້​ໃຫ້​ກຽດ​ແກ່ນັກ​ຮ້ອງ​ເພງ​ອາ​ເມ​ຣິ​ກັນ​ອຳ​ມະ​ຕະທີ່ດີ​ເດັ່ນ​ ຊຶ່ງ​ກໍ​ຄື ​ທ່ານນາງ Diana Ross ແລະ​ທ່ານນາງ Dolly Parton ອີກ​ດ້ວຍ.

ທ່ານນາງ Ross ໄດ້​ຖືກ​ນຳ​ສະເໜີ​ໂດຍ​ຫລານ​ຊາຍ​ອາ​ຍຸ 9 ປີ​ຂອງ​ເພິ່ນ. ໂດຍ​ທີ່​ຢູ່​ໃນ​ຊຸດສີ​ແດງ​ຍາວ ແລະໃຫຍ່ ທ່ານ​ນາງ Ross ໄດ້​ຮ້ອງ​ເພງ​ຂອງ​ຕົນ​ຫລາຍໆ​ເພງ, ຮ້ອງ​ບາງ​ເພງ​ໃນ​ຂະ​ນະ​ທີ່​ນາງ​ຍ່າງ​ຜ່ານ​ບັນ​ດາ​ຜູ້​ຊົມ​ໄປ. ໃນ​ເວ​ລາ​ຕໍ່​ມາ ຕອນ​ທີ່ທ່ານ​ນາງ​ສະ​ແດງ​ຢູ່ນັ້ນ, ນັກ​ຮ້ອງ​ທີ່​ໂດ່ງ​ດັງທ່ານ​ນີ້​ເວົ້າ​ວ່າ "ຂອບໃຈ​ບັນ​ດາ​ທ່ານ​ຫລາຍໆ ທີ່​ມີ​ຮ່ວມ​ງານນີ້ ແລະ​ມາຮ່ວມ​ສະ​ຫລອງວັນ​ເກີດ​ຄົບ​ຮອບ 75 ປີ​ຂອງ​ຂ້າ​ພະ​ເຈົ້າ."

ອ່ານ​ຂ່າວນີ້​ເພີ້ມເປັນ​ພາ​ສາ​ອັງ​ກິດຢູ່​ຂ້າງ​ລຸ່ມນີ້

This year's Grammys seemed to be all about women.

At last year's Grammys, Recording Academy CEO Neil Portnow said women need to "step up" when asked about the lack of women nominated in the top categories. He was later forced to acknowledge his poor choice of words.

The evening in Los Angeles began Sunday with a surprise appearance by Michelle Obama.

Along with Jennifer Lopez, Lady Gaga, Jada Pinkett Smith and Alicia Keyes, the former first lady told the audience what music meant to her.

"From the Motown records I wore out on the Southside to the 'Who Run the World' songs that fueled me through this last decade, music has always helped me tell my story" Obama said. Whether we like country or rap or rock, music helps us share ourselves, our dignity and sorrows, our hopes and joys."

Keyes, who seemed to remain true to her decision to stop wearing makeup, was the host of Sunday's 61st annual Grammy Awards, honoring the year's best music.

Camilo Cabello kicked the show off with her hit "Havana." Ricky Martin, Young Thug and and J Balvin joined her on stage.

This year the Grammys also honored two legendary American music icons -- Diana Ross and Dolly Parton.

Ross was introduced by her nine-year-old grandson. Dressed in a voluminous red gown, Ross sang several of her songs, some of them as she walked through the audience. Later during her performance, the iconic singer said, "Thank you for being here and celebrating my 75th birthday."

Miley Cyrus sang to her godmother Dolly Parton as part of the tribute to the country music superstar. Cyrus was joined by Kacey Musgraves and Katy Perry to sing Parton's "Here You Come Again." Parton and Cyrus also sang "Jolene."

Musgraves' "Golden Hour" won Album of the year.

The brash Cardi B. was in tears when she accepted the Grammy for best rap album for her "Invasion of Privacy." It was the first time a woman has won the category.

Lady Gaga won best pop solo for "Joanne (Where Do You Think You're Goin'?). Gaga and Bradley Cooper won best pop duo/group performance for "Shallow."

Ariana Grande won best pop vocal album, for "Sweetener," but she was not in attendance after a public disagreement with the show's producer about performing Sunday night.

Dua Lipa earned best new artist prize.

H.E.R. took home the best rhythm and blues album award for H.E.R.

H.E.R. and Daniel Caesar won best rhythm and blues performance for "Best Part."

"Butterflies" by Musgraves won best country solo.


ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG