ລິ້ງ ສຳຫລັບເຂົ້າຫາ

logo-print

ເມືອງ ​ວິນ​ລຽມ​ສ໌​ເບີກ ຂອງ ສ​ຫລ ເຮັດ​ໃຫ້​ຄົນ​ໄປ​ທ່ຽວ ບຸນຄ​ຣິ​ສ​ມັ​ສ ຕົກ​ຕະ​ລຶງ​ກັບ​ບັນ​ຍາ​ກາດ​ຄຶກ​ຄື້ນຂອງງານ ແລະ ​ຄວາມ​ງາມ​ຂອງ​ເມືອງ ​


American Town Wows Christmas Visitors
please wait

No media source currently available

0:00 0:02:57 0:00

ເມືອງ​ປະ​ຫວັດ​ສາດ ເມືອງວິນ​ລຽມ​ສ໌​ເບີກ (Williamsburg) ໃນລັດ​ເວີ​ຈີ​ເນຍ ຂອງ​ ສະ​ຫະ​ລັດ ເຮັດ​ໃຫ້​ຄົນ​ໄປ​ທ່ຽວ​ບຸນ Christmas ຕົກ​ຕະ​ລຶງ​ກັບຄວາມ​ງາມຂອງ​ເມືອງ ແລະ​ບັນ​ຍາ​ກາດ​ຂອງ​ງານ

ບັນ​ຍາ​ກາດ​ແຫ່ງ​ການ​ສະ​ຫລອງ​ບຸນ​ຄ​ຣິ​ສ​ມາສເຕັມ​ໄປ​ດ້ວຍຄວາມ​ຮູ້​ສຶກ ທີ່ມີ​ຊີ​ວິດ​ຊີ​ວາ​ຂອງຄົນ​ໃນຍຸກ​ເກົ່າ ແລະຍຸກ​ໃໝ່​ ຢູ່​ທົ່ວທັງເມືອງປະ​ຫວັດ​ສາດວິນ​ລຽມ​ສ໌​ເບີກ (Williamsburg) ໃນລັດ​ເວີ​ຈີ​ເນຍ. ຕົ​ວເມືອງ​ສະ​ໄໝອາ​ນາ​ນິ​ຄົມ ແຫ່ງນັ້ນ ແມ່ນມີ​ຂຶ້ນ​ຕັ້ງ​ແຕ່ຊຸມ​ປີ 1600 ພຸ້ນ ແຕ່​ວ່າ ສວນສະ​ໜຸກບຸ​ສກາ​ເດັນ​ສ໌ (Busch Gardens) ໄດ້​ເລີ້ມ​ເປີດ​ຂຶ້ນ​ໃນ​ຊຸມ​ປີ 1970. ສະ​ຖານ​ທີ່ທັງ​ສອງ​ແຫ່ງ ດັ່ງ​ກ່າວ ສະ​ແດງ​ໃຫ້​ເຫັນ​ຄວາມ​ແຕກ​ຕ່າງ​ກັນ ແຕ່​ວ່າ ກໍມີ​ການ​ປະ​ດັບ​ປະ​ດາ​ໃນ​ຍາມ​ບຸນ​ເທດ​ສະ​ການ​ ທີ່​ເປັນ​ເອ​ກະ​ລັກ​ຂອງ​ຕົນເອງ ຊຶ່ງ​ເຮັດ​ໃຫ້ເມືອງປະ​ຫວັດ​ສາດວິນ​ລຽມ​ສ໌​ເບີກ (Williamsburg) ກ​າຍ​ເປັນ​ບ່ອນ​ທ່ອງ​ທ່ຽວ​ ທີ່​ດີ​ທີ່​ສຸດແຫ່ງ​ນຶ່ງ ຂອງ​ສະ​ຫະ​ລັດ​ໃນ​ລະ​ດູ​ສະ​ຫລອງ​ບຸນ​ຄ​ຣິ​ສ​ມາສ. Deborah Block, ນັກ​ຂ່າວ​ຂອງວີ​ໂອ​ເອ ຈະ​ພາ​ພວກ​ເຮົາ​ໄປ​ທ່ຽວ​ຊົມ ແລະ​ຮູ້​ຈັກ​ກັບ​ສະ​ຖານ​ທີ່ແຫ່ງນັ້ນ ຊຶ່ງ​ບົວ​ສະ​ຫວັນຈະ​ນຳ​ມາ​ສະ​ເໜີ​ທ່ານ​ໃນ​ອັນ​ດັບ​ຕໍ່​ໄປ.

ວັນ​ຄ​ຣິ​ສ​ມາ​ສໄດ້ກ້າວ​ເຂົ້າ​ມາ​ພ້ອມ​ກັບຄວາມ​ສະ​ໜຸກ​ສະ​ໜານ ​ຢູ່​ໃນເມືອງ​ສະ​ໄໝອາ​ນາ​ນິ​ຄົມວິນ​ລຽມ​ສ໌​ເບີກ (Williamsburg) ໃນລັດ​ເວີ​ຈີ​ເນຍບ່ອນ​ທີ່​ຂະ ບວນຄົນ​ເປົ່າຂຸ່ຍ ແລະ​ຕີກອງ​ນຳ​ເອົາ​ບັນ​ຍາ​ກາດ​ຂອງການ​ສະ​ຫລອງງານບຸນ ມາບັນ​ເທີງ​ແກ່​ຄົນໄປ​ທີ່ນັ້ນ.

ແລະ​ຢູ່​ໃນ​ເມືອງ​ແຫ່ງຄ​ຣິ​ສ​ມາ​ສ ບຸ​ສ​ກາ​ເດັນ​ສ໌ (Busch Gardens) ນັ້ນ ແສງ​ໄຟ​ລະ​ຍິບລະ​ຍັບ ໄດ້​ເຮັດ​ໃຫ້​ບ້ານເຢຍ​ຣະ​ມັນ ຫລື German village​ ທີ່​ຕັ້ງຢູ່​ໃກ້ໆກັນ​ນັ້ນ ສະ​ຫວ່າງສະ​ໄຫວຂຶ້ນ. ໃນ​ຊ່ວ​ງລະ​ດູ​ການຂອງວັນ​ບຸນດັ່ງ​ກ່າວ ສວນ​ສະ​ໜຸກກໍ​ໄດ້​ກັບ​ກາຍ​ເປັນ​ດິນ​ແດນມະ​ຫັດ​ສະ​ຈັນ​ໃນລະ​ດູ​ໜາວ ໂດຍ​ທີ່ມີ​ດອກ​ໄຟ​ປະ​ດັບ​ປະ​ດາ​ຢູ່ 11 ລ້ານດອກ ຊຶ່ງເຮັດ​ໃຫ້​ມັນ​ກາຍ​ເປັນ​ສະ​ຖານ​ທີ່ ​ທີ່​ມີ​ການ​ສະ​ແດງການ​ຕົບ​ແຕ່ງ​ປະ​ດັບ​ປະ​ດາ​ໃນ​ວັນ​ຄ​ຣິ​ສມ​າ​ສ ທີ່​ໃຫຍ່​ທີ່​ສຸດ​ແຫ່ງ​ນຶ່ງ ​ໃຂ​ເຂດ​ພາກ​ເໜືອ​ຂອງ​ທະ​ວີບ​ອາ​ເມ​ຣິ​ກາ.

ແມ່ ແລະ​ລູກສາວ​ຄູ່ນີ້​ເວົ້າ​ວ່າ ເມືອງ​ແຫ່ງຄ​ຣິ​ສ​ມາ​ສ ຫລື Christmas Town ໄດ້ເຮັດ​ໃຫ້​ມີ​ຄວາມ​ສະ​ໜຸກສະ​ໜານ​ຫລາຍ ຊຶ່ງ​ຜູ້​ເປັນ​ແມ່​ເວົ້າ​ວ່າ:
"ທຸກ​ສິ່ງ​ທຸກ​ຢ່າງແມ່ນ​ມີ​ດອກໄຟ​ຕິດ​ໃສ່​ໃຫ້​ສະ​ຫວ່າງ​ສະ​ໄຫວໄປ​ໝົດ ແລະເຮັດ​ໃຫ້​ຮູ້​ສຶກຄຶກ​ຄື້ນ ແລະ​ຮຸ່ງ​ໄປ​ທົ່ວ ແລະ​ກໍ​ມີ​ແຕ່​ເຮັດ​ໃຫ້​ເຈົ້າ​ຮູ້​ສຶກ​ມີ​ຄວາມ​ສຸກທັງ​ນັ້ນ."

​ລູກ​ສາວ​ຂອງ​ລາວ​ກໍ​ບອກວ່າ:
"ມັນ​ງາມ ແລະ​ມ່ວນ​ຫລາຍ. ມີ​ຫລາຍ​ສິ່ງ​ຫລາຍ​ຢ່າງ​ໃຫ້​ເຮັດ. ຢູ່​ເທິງ​ລົດ​ໄຟ​ນັ້ນ ເບິ່ງ​ແສງ​ໄຟຢູ່​ຫັ້ນ​ແມ໋, ແລະແສງ​ໄຟພວກນັ້ນ​ ​ງາມ​ຫລາຍອີ່​ຫລີໄດ໋."

​ນັກ​ທ່ອງ​ທ່ຽວ​ຄົນ​ນີ້ ແມ່ນ​ມັກບັນ​ດາໝູ່​ບ້ານ​ທີ່​ຖືກ​ຕົບ​ແຕ່ງ​ແບບ​ຢູ​ໂຣບຢູ່ໃນ​ເມືອງ ແຫ່ງ​ຄ​ຣິ​ສ​ມາ​ສແຫ່ງ​ນັ້ນ.

​ນາງ​ເຄດ ວິດ​ເທີ​ສ໌ (Kate Withers) ເວົ້າ​ວ່າ:
"ການ​ໄດ້​ສຳ​ພັດ​ກັບ​ວັດ​ທະ​ນະ​ທຳ​ຫລາຍ​ອັນ​ແຕກ​ຕ່າງ​ກັນ, ເຖິງ​ແມ່ນ​ວ່າ ​ທ່ານ​ຈະ​ບໍ່​ໄດ້​ໄປ​ຢູ່​ທີ່ນັ້ນກໍ​ຕາມ ແຕ່​ທ່ານ​ກໍ​ຮູ້​ສຶກ​ຄ້າຍ​ກັບ​ວ່າທ່ານໄດ້​ຢູ່​ທີ່ນັ້ນ. ສະ​ຖາ​ປະ​ນິກ​ທີ່​ແຕກ​ຕ່າງ​ກັນ ແລະ​ອາ​ຫານ​ກໍເປັນ​ເຊັ່ນ​ນັ້ນ ຄື​ກັນ."

​ຢູ່​ໃນ​ຮ້ານ​ກິນ​ດື່ມ​ຂອງ​ຊາວ​ໄອ​ຣ໌ແລນ​ແຫ່ງນີ້ ບັນ​ດາ​ແຂກ​ທີ່ມາ​ທ່ຽວ​ພາ​ກັນ​ໄປ​ດື່ມ​ເບຍ​ດຳ ທີ່​ເອີ້ນ​ວ່າເບຍ​ດຳ​ຊະ​ນິດ​ປຸກ. ແລະ ຢູ່​ໃນ​ບ້ານ​ເຢຍ​ຣະ​ມັນອັນ​ເກົ່າແກ່ ແຫ່ງນີ້ ກິ່ນ​ຫອມ​ຫວານ​ຂອງ​ເຂົ້າ​ຈີ່​ໃສ່​ຂີງກໍໄດ້​ດຶງ​ດູດ​ໃຈ​ໃຫ້​ຄົນ​ເຂົ້າ​ໄປ​ຫາ​ຮ້ານ ​ຂ​າຍ​ເຂົ້າ​ໜົມປັງແຫ່ງ​ນຶ່ງ.

​ນອກນັ້ນ​ແລ້ວ ເມືອງ​ສະ​ໄໝອາ​ນາ​ນິ​ຄົມວິນ​ລຽມ​ສ໌​ເບີກ (Williamsburg) ຍັງ​ເຮັດ​ໃຫ້ຄົນ​ຮູ້​ສຶກ​ຄ້າຍ​ກັບ​ວ່າ ໄດ້​ໄປ​ຢູ່​ໃນ​ສະ​ຖານ​ທີ່ ແລະ​ຫ້ວງ​ເວ​ລາ​ອີກອັນ​ນຶ່ງ​ຕ່າງ​ອອກ​ໄປ. ​ເມືອງ​ວິນ​ລຽມ​ສ໌​ເບີກ (Williamsburg) ໄດ້​ກາຍ​ເປັນ​ເມືອງ​ຫລວງຂອງ​ອາ​ນາ​ນິ​ຄົມ​ເວີ​ຈີ​ເນຍໃນ​ປີ 1699. ຕຶກ​ອາ​ຄານ​ທີ່ສ້າງ​ໃນ​ສະ​ໄໝສັດ​ຕະ​ວັດ​ທີ 18 ໄດ້​ຖືກບູ​ລະ​ນະຟື້ນ​ຟູ​ຄືນ ໃນ​ຂະ​ນະ​ທີ່​ຕຶກ​ອື່ນໆໄດ້​ຖືກ​ສ້າງ​ຄືນ​ໃໝ່ຢູ່​ບ່ອນ​ເກົ່າ​ຂອງ​ຕຶກ​ເຫລົ່າ​ນັ້ນ. ທຸກມື້ນີ້ ຕົວ​ເມືອງນີ້ ແມ່ນເປັນ​ພິ​ພິດ​ທະ​ພັນ​ທາງ​ປະ​ຫວັດ​ສາດ​ທີ່​ຍັງ​ມີ​ຊີ​ວິດຊີ​ວາ​ຢູ່.

ນັກ​ທ່ອງ​ທ່ຽວ​ຄົນ​ນຶ່ງ​ເວົ້າ​ວ່າ: "Merry Christmas ຊຶ່ງ​ແປ​ວ່າ ສຸກ​ສັນ​ວັນ​ ຄ​ຣິ​ສ​ມາ​ສ." ຄົນ​ທີ່​ອາ​ໄສ​ຢູ່​ໃນ​ເມືອງນັ້ນກໍຕອບ​ຄືນ​ວ່າ-- "ສຸກ​ສັນ​ວັນ​ຄ​ຣິ​ສ​ມາເດີ້ ເພື່ອນໆ."

ການ​ສະ​ຫລອງວັນຄ​ຣິ​ສ​ມາ​ສໃນອາ​ນາ​ນິ​ຄົມວິນ​ລຽມ​ສ໌​ເບີກ ແມ່ນ​ງ່າຍ​ດາຍກວ່າ​ການ​ສະ​ຫລອງ​ໃນ​ທຸກມື້ນີ້​ຫລາຍ.

ທ່ານ​ນາງ ໂລ​ຣາ ວຽນ​ເຄີ (Laura Viancour), ອຳ​ນວຍ​ການ​ດ້ານ​ການ​ຈັດ​ວາງສະ​ຖານ​ທີ່ ​ໃນຫໍ​ພິ​ພິດ​ທະ​ພັນ​ດ້ານ​ສິນ​ລະ​ປະ​ຂອງເມືອງ​ສະ​ໄໝອາ​ນາ​ນິ​ຄົມວິນ​ລຽມ​ສ໌​ເບີກເວົ້າ​ວ່າ:
"ບຸນ​ຄ​ຣິ​ສ​ມາ​ສ​ເປັນ​ການ​ສະ​ຫລອງ​ທີ່​ຜູ້​ຄົນພາ​ກັນ​ໄປ​ໂບດ, ກິນ​ເຂົ້າຊຸມ​ກັນ, ​ຈັດ​ງານ​ລ້ຽງ ແລະ​ເຕັ້ນ​ລຳ​ນຳ​ກັນ. ເຂົາ​ເຈົ້າ​ຈະ​ເອົາ​ງ່າ​ໄມ້ສັກ​ສິດ ຫລື​ພວງ​ໃບ​ໄມ້​ຂຽວໆ​ ຫ້ອຍ​ໃສ່​ບານປ່ອງ​ຢ້ຽມ."

ໃນ​ປີ 1842 ເມືອງວິນ​ລຽມ​ສ໌​ເບີກ (Williamsburg) ໄດ້​ກາຍ​ເປັນເມືອງ​ແຫ່ງ​ທຳ​ອິດ ​ໃນ​ເຂດ​ອາ​ນາ​ນິ​ຄົມ​ຢູ່ອາ​ເມ​ຣິ​ກາ ​ທີ່​ໄດ້​ປະ​ດັບ​ປະ​ດາ​ຕົ້ນ​ຄ​ຣິ​ສ​ມາ​ສ.

ທ່ານ​ນາງ ​ຄ​ຣິ​ສ​ຕິ​ນາ ແວ​ສ​ເຕັນ​ເບີ​ກ​ເກີ (Christina Westenberger) ໃນ​ພະ​ແນກ​ການສຶກ​ສາ​ຫໍພິ​ພິດ​ທະ​ພັນ ​ຢູ່​ໃນຫໍພິ​ພິດ​ທະ​ພັນ​ດ້ານ​ສິນ​ລະ​ປະ​ ຂອງເມືອງ​ສະ​ໄໝອາ​ນາ​ນິ​ຄົມວິນ​ລຽມ​ສ໌​ເບີກ ກ່າວ​ວ່າ:
"ຕົ້ນຄ​ຣິ​ສ​ມາ​ສນ້ອຍໆ​ທີ່​ຕັ້ງ​ໄວ້ເທິງຖືກປະ​ດັບ​ປະ​ດາ​ດ້ວຍໝາກກໍ່ ຫລື walnut ເຄືອບ​ສີ​ທອງ ຫໍ່​ໃສ່ຜ້າ​ສີ​ແດງ ແລະໃຕ້​ທຽນ​ໄຂ​ໃສ່ໃຫ້​ຮຸ່ງ."

ທຸກມື້ນີ້ ຕົ້ນຄ​ຣິ​ສ​ມາ​ສອັນ​ນີ້ຢູ່​ໃນ​ພິ​ພິດ​ທະ​ພັນ​ສິນ​ລະ​ປະພື້ນ​ເມືອງ ມີ​ເຄື່ອງ​ປະ​ດັບ​ປະ​ດາ ທີ່​ເຮັດ​ດ້ວຍ​ມືຫ້ອຍຢູ່​ 2,000 ອັນ ໂດຍ​ເບິ່ງ​ແລ້ວ​ເປັນ​ໜ້າ​ສະ​ອອນ​ນຳການ​ເກັບ​ທ້ອນ​ເອົາ​ເຄື່ອງ​ເກົ່າ​ໄວ້.

ເດັກ​ຊາຍ​ນ້ອຍ​ຄົນ​ນີ້​ເວົ້າ​ວ່າ: "ຂ້ອຍເຫັນ​ນົກ​ໂຕ​ນຶ່ງ​ຢູ່​ເທິງໆ ພຸ້ນ."

ທ່ານ​ນາງ ແວ​ສ​ເຕັນ​ເບີ​ກ​ເກີ (Westenberger) ເວົ້າ​ອີກວ່າ:
"ສິ່ງ​ຂອງ​ອັນ​ນີ້ ​ເປັນສິ່ງ​ທີ່ເກັບ​ທ້ອນ​ໄວ້ ທີ່​ຕັດ​ໂດຍ​ແມ່​ຍິງ​ຄົນ​ນຶ່ງຜູ້ທີ່​ເກີດ​ມາບໍ່​ມີ​ແຂນ​ຈັກເບື້ອງ ແລະ​ລາວ​ໄດ້​ຕັດ​ມັນ​ດ້ວຍ​ການ​ໃຊ້​ແຂ້ວ​ກັດ ແລະ​ໃຊ້​ນີ້ວ​ຕີນ​ຈັບ ເອົາ."

ໃນ​ຂະ​ນະ​ທີ່ສິ່ງສຳ​ລັບສະ​ຫລອງ​ບຸນ​ເຫລົ່າ​ນີ້ ໄໝ້ຢູ່​ໃນກະ​ຕ່າເຫລັກ ​ທີ່​ເປັນ​ຮູບ​ເຄິ່ງດວງ​ຈັນ ທ່າມ​ກາງ​ສຽງຂຸ່ຍ ແລະ​ສຽງ​ກອງ​ດັງກ້ອງ​ກັງ​ວານ​ຢູ່​ຖະ​ໜົນ ​ໃນ ສະ​ໄໝ​ອາ​ນາ​ນິ​ຄົມ​ສາຍ​ນຶ່ງ, ພວກ​ທີ່​ໄປ​ຊົມ​ງານ​ບຸນ​ ກໍ​ຖືກຊັກ​ຊວນ​ໃຫ້​ຫວນ​ເຖິງ ຊ່ວງ​ເວ​ລາ ​ທີ່​ມີ​ການ​ສະ​ຫລອງ​ແບບ​ງ່າຍໆ​ກວ່າ ແລະ​ກົກ​ເຄົ້າ​ຂອງ​ປະ​ເພ​ນີສະ​ຫລອງວັນວັນ​ບຸນຄ​ຣິ​ສ​ມາ​ສ ທີ່​ສືບ​ສານ​ມາ​ເປັນ​ເວ​ລາຍາວ​ນານ​ຂອງ​ອາ​ເມ​ຣິ​ກາ.

ອ່ານ​ຂ່າວນີ້​ເພີ້​ມ​ເປັນ​ພາ​ສາ​ອັງ​ກິດ​ຢູ່​ລຸ່ມນີ້:

The Christmas spirit encompassing the old and the new is alive in historic Williamsburg, Virginia. The colonial town dates back to the 16-hundreds, while nearby Busch Gardens amusement park opened in the 1970's. Both places are displaying different but unique holiday decorations, making Williamsburg one of the best places in the United States to visit during the Christmas season. VOA's Deborah Block takes us on a tour.

Christmas came in with a bang in colonial Williamsburg, Virginia where a fife and drum corps brought in the holiday spirit.

And at nearby Busch Gardens' Christmas Town, an eye-popping lights show illuminates a German village. During the holiday season the theme park turns into a winter wonderland decorated with 11 million lights, making it one of the largest Christmas displays in North America.

This mother and daughter say Christmas Town is magical.
"Everything's lit up and festive and bright and just makes you happy."

"It's really nice and fun. There's a lot of things to do. On the train, look at the lights and the lights are really pretty."

This visitor enjoys Christmas Town's recreated European villages.

Kate Withers, Visitor:
"Experiencing the different cultures, even though you're not there you feel like you're there. The different architecture and the food too."

Here in this Irish pub, visitors are getting a dark beer called stout. And in this old German village the sweet smell of gingerbread brings people into a cookie shop.

Colonial Williamsburg also feels like another place and time. Williamsburg became the capital of the Virginia Colony in 1699. Some 18th century buildings have been restored, while others were reconstructed on their original foundations. Today the town is a living historic museum.

tourist: -- "Merry Christmas." Townsperson -- "Merry Christmas friends."

Christmas in colonial Williamsburg was much simpler than it is today.

Laura Viancour, Art Museums of Colonial Williamsburg Landscape Director:
"Christmas was more a celebration of going to church, feasting, parties and dances. They would tuck holly sprigs in the windowpane or some evergreen."
In 1842 Williamsburg became the first town in the American colonies to have a decorated Christmas tree.

Christina Westenberger, Art Museums of Colonial Williamsburg Museum Education:
"A small table top tree decorated with gilded walnuts and balls surrounded by red gauze and lit with candles."

Today, this Christmas tree in the folk art museum contains 2,000 handmade ornaments inspired by pieces in the collection.

little boy: "I see a bird all the way up there."

Christina Westenberger, Art Museums of Colonial Williamsburg Museum Education:
"This object is traced from a piece in the collection that was cut by a woman who was born without any arms and she cut with her teeth and her toes."

As these holiday iron basket cressents burn while the fife and drums play on a colonial street, visitors are invited to think about a simpler time and the roots of America's enduring Christmas traditions.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG