ລິ້ງ ສຳຫລັບເຂົ້າຫາ

ວັນອັງຄານ, ໒໓ ເມສາ ໒໐໒໔

ການລົງໂທດ ຄັ້ງໃໝ່ ຕໍ່ເກົາຫຼີເໜືອ ຈະມີຜົນ ທີ່ແຕກຕ່າງ ອອກໄປແທ້ບໍ່?


ບັນດາສະມາຊິກນັກລົບເກົ່າ ພາກັນໂຮ່ຮ້ອງໃນການໂຮມຊຸມນຸມ ປະນາມ ໂຄງການນິວເຄລຍແລະການເກາະຜິດຂອງເກົາຫຼີເໜືອ ທີ່ໂຊລ, ເກົາຫຼີໃຕ້, 12 ກັນຍາ, 2017.
ບັນດາສະມາຊິກນັກລົບເກົ່າ ພາກັນໂຮ່ຮ້ອງໃນການໂຮມຊຸມນຸມ ປະນາມ ໂຄງການນິວເຄລຍແລະການເກາະຜິດຂອງເກົາຫຼີເໜືອ ທີ່ໂຊລ, ເກົາຫຼີໃຕ້, 12 ກັນຍາ, 2017.

ປະຕິກິລິຍາ​ໃນ​ເອ​ເຊຍ ຕໍ່​ການ​ລົງ​ໂທດ​ຂອງ​ປະຊາ​ຄົມນາໆ​ຊາດຮອບ​ຫລ້າ​ສຸດ​ຕໍ່​ເກົາຫຼີ
ເໜືອ ນັ້ນ ​ແມ່ນ​ເປັນ​ໄປ​ໃນ​ທາງ​ບວກ ​ແຕ່​ວ່າມີ​ຫຼາຍ​ປະ​ເທດ ຍັງ​ລັງ​ເລໃຈ​ຢູ່ວ່າ ການ​ລົງ​
ໂທດ​ທີ່​ວ່າ​ນີ້ ຈະ​ມີ​ຜົນ​ຢ່າງ​ແທ້​ຈິງ​ໃດໆ​ຫຼືບໍ່.

ສະພາ​ຄວາມ​ໝັ້ນຄົງ​ອົງການ​ສະຫະ​ປະຊາ​ຊາດ ​ໄດ້​ຮັບຮອງ​ເອົາ​ຢ່າງ​ເປັນ​ເອກ​ກະສັນ
​ໃນ​ວັນ​ຈັນ​ວານ​ນີ້ ຕໍ່ການ​ລົງ​ໂທດ​ຢ່າງ​ໜັກ​ຮອບ​ໃໝ່​ທາງ​ດ້ານ​ເສດຖະກິດ ຕໍ່ເກົາຫຼີເໜືອ ​
ເພື່ອ​ເປັນ​ການ​ຕອບ​ໂຕ້​ຕໍ່​ການທົດ​ລອງ​ນິວ​ເຄລຍ​ເມື່ອ​ວັນ​ທີ 3 ກັນຍາ​ຜ່ານ​ມາ​ນີ້ ຊຶ່ງ​ອາດ
​ຈະເປັນ​ລະ​ເບີດ hydrogen ນັ້ນ.

“ມື້​ນີ້ ພວກ​ເຮົາ​ສາມາດ​ເວົ້າ​ໄດ້​ວ່າ ​ໂລກ ຈະ​ບໍ່​ຍອມ​ຮັບ​ເອົາເດັດຂາດ ​ໃຫ້​ເກົາຫລີ​
ເໜືອ​ເປັນປະ​ເທດ​ທີ່​ມີອາວຸດ​ນິວ​ເຄລຍ,”
ນັ້ນຄື​ຄຳ​ເວົ້າຂອງ​ທ່ານນາງ Nikki Haley ​
ເອກ​ອັກຄະ​ລັດ ຖະທູດ​ສະຫະລັດ ປະຈຳ​ອົງການ​ສະຫະ​ປະຊາ​ຊາດ ​ໄດ້​ກ່າວ​ຕໍ່ສະພາ​
ຄວາມ​ໝັ້ນຄົງ​ ​ໃນ​ແລງ​ວັນ​ຈັນ​ວານ​ນີ້ ​ແລະ​ທ່ານ​ນາງກ່າວຕື່ມ​ວ່າ “​ແລະ​ມື້​ນີ້ ສະພາ​
ຄວາມ​ໝັ້ນຄົງ​ອົງການ​ສະຫະ​ປະຊາ​ຊາດ ​ແມ່ນ​ກ່າວ​ວ່າ ຖ້າ​ຫາກ​ວ່າອຳນາດ​ການ​
ປົກ​ຄອງ​ເກົາຫຼີ​ເໜືອ ບໍ່​ຍຸຕິ​ໂຄງ ການນິວ​ເຄລຍນີ້​ແລ້ວ ພວກ​ເຮົາ​ກໍ​ຈະ​ເອົາ​ບາດກ້າວ
ເພື່ອຈະ​ຍຸຕິດ້ວຍ​ພວກ​ເຮົາ​ເອງ.”

ທ່ານນາງ Nikki Haley ​ເອກ​ອັກຄະ​ລັດຖະທູດ​ສະຫະລັດ ປະຈຳ ​ອົງການ​ສະຫະ​ປະຊາ​ຊາດ ກ່າວຫຼັງຈາກທີ່ໄດ້ຮັບ ມະຕິການລົງໂທດຄັ້ງໃໝ່ຕໍ່ເກົາຫຼີເໜືອ ໃນກອງປະຊຸມ ທີ່ສຳນັກງານໃຫຍ່ ຂອງສະພາຄວາມໝັ້ນຄົງ ອົງການສະຫະປະຊາຊາດ, 11 ກັນຍາ 2017.
ທ່ານນາງ Nikki Haley ​ເອກ​ອັກຄະ​ລັດຖະທູດ​ສະຫະລັດ ປະຈຳ ​ອົງການ​ສະຫະ​ປະຊາ​ຊາດ ກ່າວຫຼັງຈາກທີ່ໄດ້ຮັບ ມະຕິການລົງໂທດຄັ້ງໃໝ່ຕໍ່ເກົາຫຼີເໜືອ ໃນກອງປະຊຸມ ທີ່ສຳນັກງານໃຫຍ່ ຂອງສະພາຄວາມໝັ້ນຄົງ ອົງການສະຫະປະຊາຊາດ, 11 ກັນຍາ 2017.

ຖ້າ​ຫາກ​ວ່າ​ຈັດ​ຕັ້ງ​ປະຕິບັດຢ່າງ​ຄົບ​ຖ້ວນນັ້ນ ການ​ລົງ​ໂທດ​ຄັ້ງ​ໃໝ່ນີ້ ຈະ​ສາມາດ​ຫຼຸດຜ່ອນ​ການ​ເຂົ້າ​ເຖິງ​ການ​ເງິນ​ຕ່າງປະ​ເທດ ​ແລະເຊື້ອໄຟທີ່​ຈຳ​ເປັນ ​ໃນ​ການເກືອ​ດຫ້າມ​ກ່ຽວກັບໂຄງການ​
ລູກ​ສອນ​ໄຟຂີ​ປະ​ນາ​ວຸດ ​ແລະ​ອາວຸດ​ນິວ​ເຄລຍ ​ດັ່ງ​ນີ້:

ຈະຕັດ​ການ​ນຳ​ເຂົ້າ​ນ້ຳມັນ​ຂອງ​ເກົາຫຼີ​ເໜືອ ​ໃນ​ອັນ​ທີ່​ທ່ານ​ນາງ Haley ​ເອີ້ນ​ວ່າ “​ເສັ້ນ
​ເລືອດແຫ່ງ​ຊີວິດ”
ຂອງ​ຄວາມ​ພະຍາຍາມ​ທີ່​ຈະ​ສ້າງ​ແລະ​ຍິງອາວຸດນິວ​ເຄລຍ​ນັ້ນ.

ຈະ​ຫຼຸດການ​ນຳ​ເຂົ້າແກັສ ​ເຊື້ອໄຟ​ເຊັ່ນ ນ້ຳມັນກາ​ຊວນ ​ແລະ​ນຳ​ມັນ​ຕ່າງໆ​ຂອງ​ປະ​ເທດ​
ລົງຫຼາຍ​ກວ່າ​ເຄິ່ງນຶ່ງ ​ໃນ​ຂະນະ​ທີ່​ເກືອດ​ຫ້າມ​ການ​ນຳ​ເຂົ້າ​ແກັສທຳ​ມະ​ຊາດ​ທັງ​ໝົດ ​ແລະ
ນ້ຳມັນ​ທີ່​ໃຊ້ແທນ​ແກັສ​ທັງ​ໝົດ.

ຈະ​ເກືອດ​ຫ້າມ​ການສົ່ງ​ອອກແຜ່ນ​ແພ​ຕ່າງໆ ຊຶ່ງໃນ​ປັດຈຸ​ບັນ​ນີ້ ​ແມ່ນ​ທຸລະ​ກິດ​ທີ່​ມີ​ກຳ​ໄລ​
ງາມ​ເປັນອັນ​ດັບ​ສອງ​ຂອງ​ປະ​ເທດ ຊຶ່ງທ່ານ​ນາງ Haley ໄດ້​ກ່າວ​ວ່າ ມັນຈະ​ເຮັດ​ໃຫ້​ພຽງ​ຢາງໄດ້ຮັບ​ຄວາມ​ເສຍ​ຫາຍ ​ປະມານ​ເກືອບ 800 ລ້ານ​ຕໍ່​ປີ.

ຈະເກືອດ​ຫ້າມ ບໍ່​ໃຫ້​ປະ​ເທດ​ໃດ​ອອກ​ອະນຸຍາດໃໝ່ ​ໃຫ້​ແກ່ພວກ​ຄົນ​ງານ​ຊາວ​ເກົາຫຼີ​ເໜືອ
ຊຶ່ງ​ເປັນແຫ​ລ່ງລາຍ​ໄດ້ຂອງ​ເງິນຕາ​ທີ່​ສຳຄັນ ຂອງອຳນາດ​ການ​ປົກຄອງ​ພຽງ​ຢາງ​ແຂງນັ້ນ.

ການ​ລົງ​ໂທດ​ຮອບ​ກ່ອນ​ຂອງ​ອົງການ​ສະຫະ​ປະຊາ​ຊາດ ​ຕໍ່​ເກົາຫຼີ​ເໜືອ ​ໃນ​ເດືອນ​ສິງຫາ
ທີ່​ຜ່ານ​ມາ ​ແມ່ນ​ການ​ເກືອ​ດຫ້າມການ​ສົ່ງ​ອອກ​ຖ່ານ​ຫີນ ​ເຫຼັກ ກົ່ວ ​ແລະອຸດສາຫະກຳ​
ອາຫານທະ​ເລ​ທັງ ​ໃນ​ມູນ​ຄ່າ 3 ພັນ​ລ້ານໂດ​ລາ.

ອ່ານ​ຂ່າວ​ນີ້​ເພີ່ມຕື່ມ​ເປັນ​ພາສາ​ອັງກິດ

XS
SM
MD
LG