ລິ້ງ ສຳຫລັບເຂົ້າຫາ

ທຳນຽບຂາວ ປົກປ້ອງ ທ່ານນາງ Ivanka Trump ທີ່ນັ່ງເກົ້າອີ້ ແທນພໍ່ ໃນກອງປະຊຸມ ສຸດຍອດ ກຸ່ມ G-20


ປະທານາທິບໍດີສະຫະລັດ ທ່ານດໍໂນລ ທຣຳ ນັ່ງດ້ານໜ້າ ໃນຂະນະທີ່ທ່ານນາງ Ivanka Trump, ນັ່ງດ້ານຫຼັງ ເພື່ອເຂົ້າຮ່ວມກັບບັນດາຜູ້ຕາງໜ້າອື່ນໆໃນກອງປະຊຸມ ສຸດຍອດ G-20 ເຢຍຣະມັນ Hamburg, northern Germany, 8 ກໍລະກົດ 2017.

ຜົນທີ່ຕິດຕາມມາທີຫຼັງອັນນຶ່ງທີ່ບໍ່ໄດ້ຄາດຄິດໄວ້ ໃນການ​ປາກົດ​ໂຕ​ຂອງ​ປະທານາທິບໍດີ
ສະຫະລັດ ທ່ານ ດໍໂນລ ທຣຳ ​ໃນ​ກອງ​ປະຊຸມສຸດ​ຍອດ​ G-20 ​ໃນ​ນະຄອນ Hamburg ​ປະເທດເຢຍຣະມັນນັ້ນ ໄດ້​ຮື້ຟື້ນຈຸດເພັ່ງ​ເລັງ​ຄືນມາ

ໃໝ່ ​ໃສ່ເສັ້ນ​ແບ່ງທີ່ບໍ່ແຈ້ງຂາວ ​ລະຫວ່າງ​ບົດບາດທາງ​ການ ກັບ​ຄອບຄົວຂອງທ່ານ. ​
ດັ່ງທີ່ນັກ​ຂ່າວ​ຂອງ VOA ​ປະຈຳທຳນຽບຂາວ Steve Herman ​ລາຍ​ງານ​ມານັ້ນ
ກໍແມ່ນ​ວ່າ ທັງນີ້ກໍແມ່ນເປັນຍ້ອນວ່າ Ivanka Trump

​ໄດ້​ຮັບ​ບົດບາດເປັນ​ຜູ້ຕາງໜ້າ​ໃຫ້​ປະທານາທິບໍດີ ຢ່າງ​ໜ້ອຍກໍແມ່ນເທື່ອນຶ່ງ​ ໃນລາຍ
ການສະເພາະຂອງ​ກອງ​ປະຊຸມ​ສຸດ​ຍອດ​ດັ່ງກ່າວ ຊຶ່ງ​ວັນນະ​ສອນ ຈະ​ນຳ​ລາຍ​ລະອຽດ​
ມາສະ​ເໜີທ່ານ.

ສຳ​ຫຼັບ​ທຳນຽບຂາວແລ້ວ ກອງ​ປະຊຸມສຸດຍອດ G-20 ​ບໍ່ແມ່ນ​ເລື່ອງ​ແປກ​ໃໝ່.

ທ່ານ Reince Priebus ຫົວໜ້າພະນັກງານປະຈຳ​ທຳນຽບຂາວ ມອງເຫັນວ່າ
ກອງ​ປະຊຸມ​ດັ່ງກ່າວ​ນີ້​ ​ເປັນໄປໃນທາງສ້າງສັນ ຊຶ່ງ​ທ່ານ ​ໄດ້​ກ່າວ​ໃນ​ການ​ໃຫ້​ສຳພາດ​
ທາງ​ໂທລະພາບໃນ​ລາຍການ Fox News Sunday ວ່າ “ທ່ານປະທານາທິບໍດີ ​
ໄດ້ໄປປາກົດ​ໂຕຢູ່ກາງ​ເວທີ​ໃນ​ຢູ​ໂຣບ. ​ບັນດາ​ຜູ້ນຳ​ຂອງ​ກອງ​ປະຊຸມ​ສຸດ​ຍອດ
G-20 ທັງຫຼາຍໄດ້ພາກັນ ​ເຂົ້າມາ​ພົບທ່ານ​ປະທານາທິບໍດີ. ທ່ານ​ແມ່ນ​ດາວທີ່ເດັ່ນ
ດວງນຶ່ງ​ໃນ​ນະຄອນ Hamburg ​ຊຶ່ງ​ບໍ່ມີ​ຜູ້​ໃດຈະເອົາໜີໄປໄດ້. ຂ້າພະ​ເຈົ້າ​ຄິດ​ວ່າ
ຄວາມ​ຈິງ​ແລ້ວ ແມ່ນທ່ານໄດ້ຍົກເອົາອາ​ເມຣິກາຂຶ້ນໄວ້​ໃຫ້​ເປັນ​ນຶ່ງ ເໜືອ​ກວ່າ​
ສິ່ງອື່ນ​ໃດ.”​

ເຖິງ​ຢ່າງ​ນັ້ນ​ກໍ​ເຖາະ, ກໍ​ມີການມອງ​ເຫັນ​ວ່າ ທ່ານ​ທຣຳ ໄດ້ຍົກ​ເອົາ​ຄອບຄົວ​ເປັນໃຫຽ່.
ທ່ານ​ໄດ້​ຖືກ​ຕຳນິຕິຕຽນ ​ໃນ​ການ​ທີ່ໄດ້ຈັດ​ໃຫ້​ລູກ​ສາວ​ຂອງ​ທ່ານ ຮັບ​ບົດບາດ​ນັ່ງ​ເກົ້າອີ້
ແທນ​ທ່ານ ​ໃນບາງພາກສ່ວນຂອງ​ 3 ລາຍການ ຂອງ​ກອງ​ປະຊຸມ G-20 ຊຶ່ງຢ່າງ
ໜ້ອຍກໍແມ່ນເທື່ອນຶ່ງທີ່ຄວບຄຸມຢ່າງເຕັມສ່ວນ.

ນຶ່ງ​ໃນ​ຫຼາຍໆເລື່ອງຂອງ​ກອງ​ປະຊຸມນັ້ນ ກໍ​ແມ່ນ​ເລື່ອງ​ການ​ພັດທະນາ​ໃນ​ອາ​ຟຣິກາ
ທີ່​ຖືກ​ເປີດ​ເຜີຍ​ທາງ twitter ຈາກ​ສະມາຊິກ​ຕົວ​ແທນ​ຂອງຣັດ​ເຊຍ ຊຶ່ງ​ຂໍ້ຄວາມ​ທີ່​ວ່າ​ນີ້
ໃນທີ່ສຸດກໍ​ໄດ້​ຖືກ​ລຶບຖິ້ມ.

ພວກ​ຕຳ​ນິຕິ​ຕຽນ ​ໄດ້​ເອີ້ນ​ການ​ກະທຳ​ດັ່ງກ່າວ​ນີ້ວ່າ ບໍ່​ເຄີຍ​ມີມາກ່ອນ ​ແລະ​ບິດເບືອນ
​ຈັນ​ຍາ​ບັນ​ທາງດ້ານ​ການ​ທູດ​.

ທ່ານ Lawrence Summers ອະດີດ​ລັດຖະມົນຕີການຄັງ ​ໄດ້​ຂຽນ​ລົງ​ໃນ​ໜັງສືພິມ
Financial Times ​ແລະ ໜັງສືພິມ Washington Post ວ່າ “​ບໍ່​ເຄີຍ​ມີແບບ​ນີ້​ມາ​ກ່ອນ
ທີ່​ລູກຂອງ​ຜູ້ນຳ​ລັດຖະບານ ໄດ້ຮັບ​ບົດບາດ​ນີ້...ນັ້ນ​ແມ່ນ​ເປັນຢຽບຢໍ່າຄົນອື່ນໆທີ່ໄປ
ມີໜ້າຢູ່ ທັງເປັນການ​ສົ່ງ​ສັນຍານຂອງ​ການຫຼຸດ​ອຳ​ນາດຂອງພວກ​ເຈົ້າ​ໜ້າ​ທີ່​ຂັ້ນ​ອະ​ວຸ​ໂສທັງຫຼາຍ​ຂອງ​ລັດຖະບານລົງນຳ.”

ທ່ານປະທານາທິບໍດີ ​ໄດ້​ອອກ​ມາ​ຕອບ​ໂຕ້​ໃນ​ວັນ​ຈັນ​ມື້ກ່ອນ ໂດຍ​ພະຍາຍາມ​ທີ່​ຈະ
​ຫັ​ນເຫ ໂດຍ​ການ​ຂຽນ​ລົງ​ໃນ twitter ເພື່ອໃຫ້​ເພັ່ງ​ເລັງ​ໃສ່​ຄູ່ແຂ່ງໃນການ​ເລືອກ​ຕັ້ງ​ທົ່ວ​
ປະ​ເທດໃນປີກາຍນີ້ ຄືທ່ານນາງ Hillary Clinton ​ຈາກ​ພັກ Democrat ນັ້ນ.
ນາງ ChelseaClinton ​ລູກ​ສາວຂອງອະດີດລັດຖະມົນ​ຕີ​ການ​ຕ່າງປະ​ເທດຄົນ
ດັ່ງກ່າວ ​ໄດ້​ຂຽນຕອບໂຕ້ທາງ twitter ​ຕໍ່ທ່ານທຣຳ ໃນທັນທີ.

ປະທານາທິບໍດີ ແມ່ນຖືກແລ້ວ ທີ່ໃຫ້ຂໍ້ສັງເກດວ່າ ເຈົ້າພາບກອງ​ປະຊຸມ​ສຸດ​ຍອດ G20 ໄດ້ປ້ອງກັນ Ivanka Trump ໃນການຮັບ​ບົດບາດ​ເປັນ​ຕົວແທນຂອງ​ພໍ່ລາວ.

ນາງ Chelsea Clinton ໃນງານສັງສັນ ຮັບປະທານອາຫານ ຂອງວັນໃຫ້ກຽດແລະໃຫ້ອຳນາດຕໍ່ພວກແມ່ຍິງ ຫຼື Power of Women ໃນນະຄອນ New York City, 21 ເມສາ 2017.
ນາງ Chelsea Clinton ໃນງານສັງສັນ ຮັບປະທານອາຫານ ຂອງວັນໃຫ້ກຽດແລະໃຫ້ອຳນາດຕໍ່ພວກແມ່ຍິງ ຫຼື Power of Women ໃນນະຄອນ New York City, 21 ເມສາ 2017.

ທ່ານ​ນາງ Angela Merkel ນາ​ຍົກ​ລັດຖະມົນຕີເຢຍຣະມັນ ກ່າວ​ວ່າ “ບັນດາຕົວ​ແທນ​
ທັງ​ໝົດ​ນັ້ນ​ລະ ​ເປັນ​ຜູ້​ຕັດສິນ ຖ້າ​ຫາກ​ວ່າປະທານາທິບໍດີ​ ບໍ່​ເຂົ້າ​ຮ່ວມກອງ​ປະຊຸມ​ ​
ແມ່ນຜູ້​ໃດ​ຈະ​ເປັນ​ຕົວ​ແທນ​ໄດ້. Ivanka Trump ​ແມ່ນ​ສ່ວນ​ນຶ່ງ​ຂອງ​ການ​ເປັນ​ຕົວ​
ແທນ​ຂອງ​ອາ​ເມຣິກາ ​ເພາະສະ​ນັ້ນ ກໍແມ່ນ​ເລື່ອງ​ທີ່ບັນດາຕົວ​ແທນ​ທັງ​ໝົດ ​ຈະ​ປະ
ຕິບັດຕາມ​ຄື​ກັນ. ນີ້​ແມ່ນ​ເລື່ອງ​ທີ່​ຊາບ​ກັນ​ດີ​ຢູ່​ແລ້ວ​ວ່າ ທ່ານ​ນາງ​ເຮັດ​ວຽກຢູ່ໃນ​
ທຳນຽບຂາວ ​ສະນັ້ນຈຶ່ງ​ກໍຄວນພົວພັນ​ໃນ​ການ​ລິ​ເລີ່ມ​ໂຄງການ​ບາງຢ່າງ.​”

​ໂຄ​ສົກ​ຍິງ​ປະຈຳ​ທຳນຽບຂາວ ທ່ານ​ນາງ Sarah Huckabee Sanders ​ເອີ້ນ​ການ
​ຕຳ​ນິຕິ​ຕຽນ​ຕໍ່​ທ່ານ​ນາງ Ivanka Trump ນັ້ນ​ວ່າ “​ເປັນ​ການ​ໂຈມ​ຕີ​ທີ່​ໂພດເກີນ​ໄປ.”

ນາຍົກລັດຖະມົນຕີເຢຍຣະມັນ ທ່ານນາງ Angela Merkel ກ່າວຕໍ່ກອງປະຊຸມຖະແຫຼງຂ່າວ ກ່ອນມ້ວນທ້າຍກອງປະຊຸມສຸດຍອດ G-20 ໃນນະຄອນ Hamburg, ເຢຍຣະມັນ, 8 ກໍລະກົດ 2017.
ນາຍົກລັດຖະມົນຕີເຢຍຣະມັນ ທ່ານນາງ Angela Merkel ກ່າວຕໍ່ກອງປະຊຸມຖະແຫຼງຂ່າວ ກ່ອນມ້ວນທ້າຍກອງປະຊຸມສຸດຍອດ G-20 ໃນນະຄອນ Hamburg, ເຢຍຣະມັນ, 8 ກໍລະກົດ 2017.

ຮອງ​ໂຄ​ສົກ​ຍິງ​ປະຈຳ​ທຳນຽບຂາວ ທ່ານ​ນາງ Sarah Huckabee Sanders ​ກ່າວ​ວ່າ
“ພວກ​ເຮົາ​ຄວນ​ຈະ​ຊື່ນ​ຊົມ​ຍິນ​ດີ ທີ່​ໄດ້ທ່ານ​ນາງ Ivanka Trump ຮັບ​ບົດບາດ​ນີ້
ໂດຍ​ສະ​ເພາະ​ໃນ​ເລື່ອງ​ຫົວ​ຂໍ້​ທີ່​ຈະ​ຈັດ​ເຂົ້າ​ໃນ​ປະສົບ​ການ​ຕ່າງໆ​ຂອງ​ທ່ານ​ນາງ.
ຖ້າ​ຫາກ​ວ່າ ທ່າ​ນນາງບໍ່​ໃຊ້​ນາມສະກຸນ ທຣຳ​ ແລ້ວ​ນັ້ນ ທ່ານ​ນາງ​ກໍຈະຖືກ​ຈັດວ່າ
ຢູ່​ໃນ​ລະດັບ​ດາລາ ຜູ້​ສຳຄັນ​ຄົນ​ນຶ່ງ​ຂອງ​ແວດ​ວົງ​ສັງຄົມ ແທນທີ່​ຈະ​ຖືກ​ໂຈມ​ຕີ.”

ທ່ານ Steve Herman ກ່າວວ່າ “ລູກ​ສາວ​ຂອງ​ທ່ານ​ທຣຳ ​ແລະ​ສາມີ​ຂອງ​ທ່ານ​ນາງ
ທ່ານ Jared Kushner ນັ້ນ​ແມ່ນ​ເປັນ​ເຈົ້າ​ໜ້າ​ທີ່ ​ທີ່​ປຶກສາ​ຂັ້ນ​ອາ​ວຸ​ໂສ​ໃຫ້ປະທານາ
ທິບໍດີ ​ແຕ່​ວ່າ ການ​ທີ່​ໄດ້​ສ້າງ​ຄວາມ​ຍຸ້ງຍາກ​ລຳບາກຕໍ່ການ​ຕຳ​ນິຕິ​ຕຽນ​ຕໍ່​ປະທານາ
ທິບໍດີແລະ​ບາງ​ພວກ​ທີ່​ສະໜັບສະໜຸນ​ທ່ານ​ນັ້ນ ​ແມ່ນ​ບໍ່​ແຈ້ງຂາວໃນ​ເສັ້ນແບ່ງ
ລະຫວ່າງ​ບົດບາດ​ຂ​ອງ​ເຈົ້າ​ໜ້າ​ທີ່​ທຳນຽບຂາວ ​ກັບທຸລະ​ກິດ​ອະສັງຫາລິມະ​ສັບ
​ຂອງ​ຄອບຄົວຊຶ່ງ​ນັ້ນ​ໄດ້​ສ້າງ​ຄວາມ​ຂຸ່ນໝອງ​, ຄວາມ​ເປັນ​ຫ່ວງ ​ແລະເກີດ​ໃຫ້​ມີ​
ຄຳ​ຖາມ ກ່ຽວ​ກັບ​ຄວາມ​ໂປ່​ງ​ໃສ.”

ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

Ivanka Trump, ລູກສາວແລະຜູ້ຊ່ອຍທ່ານທຣຳ ພ້ອມດ້ວຍສາມີຂອງທ່ານນາງ ທ່ານ Jared Kushner ກຳລັງຂຶ້ນເຮືອບິນເຮລິຄອບເຕີ ມາຣີນເພື່ອຮ່ວມກັບທ່ານ ດໍໂນລ ທຣຳ, 19 ພຶດສະພາ, 2017.
Ivanka Trump, ລູກສາວແລະຜູ້ຊ່ອຍທ່ານທຣຳ ພ້ອມດ້ວຍສາມີຂອງທ່ານນາງ ທ່ານ Jared Kushner ກຳລັງຂຶ້ນເຮືອບິນເຮລິຄອບເຕີ ມາຣີນເພື່ອຮ່ວມກັບທ່ານ ດໍໂນລ ທຣຳ, 19 ພຶດສະພາ, 2017.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG