ນ້ຳທີ່ໃຊ້ໃນບໍ່ແຮ່ ບໍ່ສາມາດຈະນຳກັບມາໃຊ້ໃໝ່ ໃນທາງຊົນລະປະທານ ໄດ້ ຈົນກ່ວາວ່າ ມັນໄດ້ຖືກສຳລະສະສາງ ແຍກເອົາທາດໂລຫະທີ່ເປັນພິດເຊັ່ນ lead chromium ຊຶ່ງເປັນຂັ້ນຕອນ ທີ່ມີລາຄາແພງ. ແຕ່ວ່າ ເຊື້ອຈຸລິນຊີ ຫລື microbes ສາມາດຫັນປ່ຽນໃຫ້ອາຕ໋ອມ ທີ່ມີພິດຂອງໂລຫະ ໄປສູ່ການປາສະຈາກພິດ ໂດຍການທີ່ແຍກສິ່ງໂສໂຄກແລະພິດນັ້ນ ອອກຈາກນ້ຳ ທີ່ຈະສາມາດນຳໄປໃຊ້ສຳຫຼັບການປູກຝັງໄດ້ ຊຶ່ງວັນນະສອນ ຈະນຳເອົາລາຍລະອຽດ ຈາກນັກຂ່າວຂອງ VOA George Putic ມາສະເໜີທ່ານ ໃນອັນດັບຕໍ່ໄປ.
ການປະກອບກິດຈະກຳບໍ່ແຮ່ຕ່າງໆໂດຍທົ່ວໄປ ແມ່ນຕ້ອງໃຊ້ນ້ຳເປັນຈຳນວນຫຼວງຫຼາຍທີ່ໄດ້ກາຍມາເປັນຂອງແຫຼວທີ່ປະປົນດ້ວຍໂລຫະຕ່າງໆ ທີ່ລະລາຍໃນນ້ຳນັ້ນ ເພາະສະນັ້ນ
ຈຶ່ງເຮັດໃຫ້ນ້ຳພວກນີ້ບໍ່ປອດໄພທີ່ຈະໃຊ້ກິນດື່ມ ຫຼືແມ້ນແຕ່ນຳໄປໃຊ້ ໃນການຊົນລະປະ
ທານ ແລະກະສິກຳໄດ້. ນ້ຳທີ່ປ່ອຍຖິ້ມພ້ອມກັບຖ່ານຫີນ ໃກ້ໆກັບໂຮງໄຟຟ້ານັ້ນ ແມ່ນມີບັນຫາຄືກັນ.
ແຕ່ວ່າພວກໂລຫະຕ່າງໆເຫຼົ່ານີ້ ແມ່ນຢູ່ໃນຫລາຍຮູບແບບ ຕົວຢ່າງເຊັ່ນທາດ chromium 6 ທີ່ຈະສາມາດລະລາຍໄດ້ ແລະ ເປັນພິດທີ່ຮ້າຍແຮງນັ້ນ ໃນຂະນະທີ່ທາດ chromium 3 ບໍ່ເປັນພິດ ແຕ່ວ່າບໍ່ສາມາດສະລາຍໃນນ້ຳໄດ້.
ອາຈານສອນຊີວະວິທະຍາດ້ານສະພາບແວດລ້ອມ ທ່ານ Victor Ibeanusi ໃນມະຫາ
ວິທະຍາໄລ Florida A&M ກ່າວວ່າ ກຳມະວິທີ ທີ່ຈົດທະບຽນເພື່ອທຳຄວາມສະອາດ
ນ້ຳໂດຍໃຊ້ເຊື້ອຈຸລິນຊີຊ່ອຍນັ້ນ ສາມາດບຳບັດນ້ຳທີ່ຈະປອດໄພ ໃນການກຳສິກຳໄດ້.
ທ່ານ Ibeanusi ກ່າວວ່າ: “ກົນໄກຂອງລະບົບໃຊ້ເຊື້ອຈຸລິນຊີຊ່ອຍ ແມ່ນການປ່ຽນການບຳບັດຂອງນ້ຳເສຍ ທີ່ເຈືອປົນດ້ວຍສິ່ງໂສໂຄກ ທີ່ປາສະຈາກສິ່ງທີ່ບໍ່ມີຊີວິດຢູ່ໃນນ້ຳນັ້ນໄດ້ ນັ້ນໝາຍຄວາມວ່າ ພວກເຮົາສາມາດແຍກເອົາໂລຫະອອກຈາກນ້ຳ.”
ເພາະວ່າ ກຳມະວິທີໃນການໃຊ້ເຊື້ອຈຸລິນຊີ ທີ່ສາມາດແຍກທາດຕ່າງໆອອກມາ ໄດ້ຢ່າງໄວໆນັ້ນ ບັນດານັກວິທະຍາສາດ ຈັດສັນທີ່ຈະສ້າງສາຍພັນໃໝ່ທີ່ສາ ມາດໃສ່ລົງໄປໃນນ້ຳ ທີ່ມີສ່ວນປະສົມຂອງທາດໂລຫະອື່ນ ທີ່ລະລາຍໃນນ້ຳໄດ້. ດ້ວຍການໄດ້ຮັບເງິນອຸບປະຖຳຈາກກະຊວງພະລັງງານຂອງລັດຖະບານສະຫະ ລັດ ທ່ານ Ibeanusi ໄດ້ທົດລອງ ໃນຫ້ອງແລັບຂອງທ່ານ ແລະເກັບນ້ຳດັ່ງກ່າວໄປທົດລອງໃນຮ່ອງລະບາຍນ້ຳເສຍຂອງບໍ່ແຮ່ ໃນລັດ Alabama.
ການບຳບັດນ້ຳເສຍ 1 ພັນ ລິດ ຕ້ອງການພວກເຊື້ອຈຸລິນຊີທີ່ລ້ຽງໄວ້ ປະມານ 1 ມິລລີລິດ ແລະປະມານ 23 ກຣາມ ຂອງນ້ຳທີ່ອຸດົມສົມບູນໄປດ້ວຍໂປຣຕີນ ເພາະວ່າ ພວກເຊື້ອຈຸລິນ
ຊີແມ່ນຈະເຕີບໃຫຍ່ ຂະຫຍາຍຕົວຢ່າງໄວວາ ພາຍໃນ 24 ຊົ່ວໂມງ ພວກເຂົາກໍຈະເຮັດໄມ້ກວດ ທີ່ຈະບຳບັດແລະປ່ຽນແປງ ໂລຫະທີ່ເປັນພິດ.
ການທົດລອງອີກອັນນຶ່ງຕ່າງຫາກ ແມ່ນທົດລອງໃນກະແສນ້ຳໄຫຼ.
ທ່ານ Ibeanusi ກ່າວວ່າ: "ການທົດລອງທີ່ເຂື່ອນ Russell ບ່ອນທີ່ພວກເຮົາໄດ້ຕິດ
ຕາມຮ່ອງທາງນ້ຳຂອງນ້ຳເສຍ ດ້ວຍເຊື້ອຈຸລິນຊີ ພວກເຮົາພົບເຫັນວ່າ ພາຍໃນ 3 ມື້ ທ່ານກໍສາມາດເຫັນປະຕິກິລິຍາທີ່ສູງສຸດ ທີ່ຕອບຮັບທີ່ດີທີ່ສຸດ ພາຍໃນ 3 ມື້ເທົ່ານັ້ນ. ພຽງແຕ່ 3 ມື້ເທົ່ານັ້ນ ພວກໂລຫະຕ່າງໆນັ້ນ ກໍເລີ້ມຕົກຕະກອນ.”
ການວິໄຈດ້ວຍ X-ray ໄດ້ສະແດງໃຫ້ເຫັນວ່າ ໂລຫະ ບໍ່ໄດ້ປະປົນຢູ່ໃນນ້ຳ ຫຼັງຈາກນັ້ນ ອີກບໍ່ດົນປານໃດ ສິ່ງທີ່ມີຊີວິດ ກໍກັບຄືນມາຢູ່ໃນນ້ຳນັ້ນ.
ທ່ານ Ibeanusi ແລະຄະນະຂອງເພິ່ນ ແມ່ນກຳລັງເຮັດວຽກ ກ່ຽວກັບເຊື້ອຈຸລິນຊີ ທີ່ສາມາດ
ສັງເຄາະທາດໂປຣຕີນ ທີ່ສາມາດນຳມາໃຊ້ໃນການບຳບັດນ້ຳທີ່ເປີເປື້ອນໄດ້.
