ລິ້ງ ສຳຫລັບເຂົ້າຫາ

logo-print

ໂຄງການສ້າງຮູບເງົາ ການເກັບກູ້ລະເບີດ ບໍ່ທັນແຕກ ຢູ່ ລາວ ຂອງ ນ.ສ. Erin McGoff


ນາງສາວ Erin McGoff ນັກສ້າງຮູບເງົາ ເກັບກູ້ລະເບີດ ຢູ່ໃນ ສປປ ລາວ.

ທ່ານຜູ້ຟັງທີ່ເຄົາລົບທັງຫຼາຍ ໃນລາຍການຊີວິດຊາວລາວຂອງ ວີໂອເອ ແລງວັນພະ
ຫັດມື້ນີ້ ເຮົາຈະພາທ່ານໄປພົບກັບ ນາງ Erin McGoff ນັກສຶກສາອາ​ເມຣິກັນຈາກ
ມະຫາວິທະຍາໄລ American University ນະຄອນຫຼວງວໍຊິງຕັນ ທີ່​ກຳລັງ​ຈະ​ສ້າງ​
ຮຸູບ​ເງົາກ່ຽວ​ກັບ ລະ​ເບີດ​ທີ່​ຍັງ​ຕົກ​ຄ້າງ​ບໍ່​ທັນ​ແຕກ​ ຫຼື UXO ຈາກ​ປາງ​ສົງຄາມ​ໃນ​ລາວ.
ໃນ​ປີ 2012 ນາງ McGoff ໄດ້​ເດີນ ທາງ​ໄປ​ຢ້ຽມຢາມຂົງ​ເຂ​ດເອ​ເຊຍ​ອາຄະ​ເນ ອັນ
ລວມທັງ​ປະ​ເທດ​ລາວນຳ. ນາງ McGoff ຕິດ​ອົກຕິດໃຈ ກັບຄວາມເປັນ​ມິດ ແລະ​ອ່ອນ
ນ້ອມຂອງ​ຄົນ​ລາວ​ ​ແລະໄດ້​ຄົ້ນພົບກ່ຽວກັບ​ລະ​ເບີດ​ທີ່ຕົກ​ຄ້າງ​ບໍ່​ທັນ​ແຕກຢູ່ໃນລາວ.
ຄວາມ​ເປັນມາ​ຂອງ​ນາງ McGoff ​ເປັນໝ້າສົນໃນ​ຢ່າງ​ໃດ​ນັ້ນ ກິ່ງ​ສະຫວັນ ຈະ​ນຳ​ມາ
ສະເໜີ​ທ່ານໃນ​ອັນ​ດັບ​ຕໍ່​ໄປ.

ນາງສາວ Erin McGoff ແລະກິ່ງສະຫວັນ ທີ່ຫ້ອງຂ່າວ ວີໂອເອ.
ນາງສາວ Erin McGoff ແລະກິ່ງສະຫວັນ ທີ່ຫ້ອງຂ່າວ ວີໂອເອ.

ສະບາຍດີທ່ານຜູ້ຟັງທີ່ເຄົາລົບ ໃນລາຍການຊີວິດຊາວລາວມື້ນີ້ ຂ້າພະເຈົ້າຈະຂໍແນະ
ນຳທ່ານໃຫ້ຮູ້ຈັກກັບ ນາງສາວ Erin McGoff ອາຍຸ 21 ປີ ນັກສຶກສາອາເມຣິກັນ ທີ່ມະຫາວິທະຍາໄລ American University ທີ່ເຂດນະຄອນຫລວງ ວໍຊິງຕັນ. Erin ເປັນສະຕີໜຸ່ມນ້ອຍ ທີ່ໜ້າຮັກ ສະຫລຽວສະຫລາດ ແລະວ່ອງໄວ. ນາງເປັນລູກສາວ
ຫລ້າ ຜູ້ທີຫົກຂອງຄອບຄົວທີ່ມີຖານະສູງ ແລະໄດ້ເຂົ້າໂຮງຮຽນເອກກະຊົນມາຕະ
ຫລອດ. ແຕ່ລະປີຄອບຄົວຂອງ Erin ຈະພາກັນເດີນທາງໄປຢ້ຽມຢາມແຫ່ງໃດແຫ່ງ
ນຶ່ງຂອງທະວີບຕ່າງໆ ແລະ​ໄດ້ໄປຢ້ຽມຢາມມາແລ້ວ ເກືອບທົ່ວໂລກ. ໃນປີ 2012
ຄອບຄົວຂອງ Erin ໄດ້ໄປຢ້ຽມຢາມເຂດເອເຊຍອາຄະເນເປັນເທື່ອທຳອິດຄື ປະເທດ
ໄທ ຫວຽດນາມ ລາວ ແລະກໍາປູເຈຍ. Erin ໄດ້ກ່າວເຖິງຄວາມຕື່ນເຕັ້ນແລະປະສົບ
ການກ່ຽວກັບປະເທດລາວດັ່ງນີ້:

ຣູບພາບໂດຍ UXO Laos.
ຣູບພາບໂດຍ UXO Laos.

ລິງໂດຍກົງ

"ຂ້າພະ​ເຈົ້າ​ໄດ້​ໄປ​ເມືອງ​ລາວ​ເທື່ອ​ທຳ​ອິດ​ເມື່ອຫ້າປີ​ກ່ອນ ພໍ່​ແມ່​ຂອງ​ຂ້າພະ​ເຈົ້າ​ມັກ
ພະຈົນ​ໄພ ພວກ​ເຮົາ​ໄດ້​ໄປ​ເອ​ເຊຍ​ອາ​ຄະ​ເນ ​ຮວມທັງ ຫວຽດນາມ ລາວ ກຳປູ​ເຈຍ
ແລ​ະໄທ. ຂ້າພະ​ເຈົ້າ​ຮັກເມື​ອງລາວຫຼາຍ ມັນມີ​ແນວ​ໃດແນວ​ນຶ່ງ​ທີ່ແປກໆ​ກ່ຽວກັບ​
ເມືອງລາວ ຄົນ​ຢູ່​ຫັ້ນຕ້ອນ​ຮັບ​ດີ ອາຫານ​ແຊບ​ອີ່ຫລີ ​ມ່ວນ​ຊື່ນ ​ແລະ​ງາມ ​ແລະ​ຂ້າ
ພະ​ເຈົ້າ​ມັກ​ວັດວາອາ​ຮາມ ​ແລະ​ຄູ​ບາ​ອາຈາ​ນ ຊຶ່ງຂ້າພະ​ເຈົ້າ​ບໍ່​ເຄີຍ​ໄດ້​ຍິນ​ໄດ້ເຫັນ
ມາ​ກ່ອນ. ສ່ວນ​ຫລາຍຄົນ​ມັກ​ເວົ້າ​ເຖິງແຕ່​ຫວຽດນາມ ​ໄທ ​ແຕ່​ບໍ່​ໄດ້ເວົ້າເຖິງ​
ເມືອງ​ລາວ."

ຫລັງຈາກ Erin ໄດ້ກັບມາຈາກການພັກຜ່ອນປະຈຳປີກັບຄອບຄົວ ແລະກັບຄືນມາ
ມະຫາວິທະຍາໄລແລ້ວ ບັດນີ້ Erin ກໍແມ່ນຜູ້ນຶ່ງ ໃນຈຳນວນໝູ່ຄະນະນັກສືກສາ
ດ້ວຍກັນ ພ້ອມກັບຄູອາຈານ ທີ່ໄດ້ຖືກສົ່ງໄປຄົ້ນຄວ້າກ່ຽວກັບເສດຖະກິດ ແລະລູກ
ລະເບີດທີ່ຕົກຄ້າງບໍ່ທັນແຕກຢູ່ໃນລາວເປັນເວລາສາມອາທິດ. ການເດີນທາງໄປ
ປະເທດລາວ ເທື່ອທີສອງໃນນາມນັກຄົ້ນຄວ້າ ໄດ້ສ້າງຄວາມສະທ້ານ ຕື່ນຕົກໃຈ
ໃຫ້ແກ່ Erin ຊຶ່ງນາງບໍ່ເຄີຍ​ຮູ້ກ່ຽວກັບສົງຄາມຫວຽດນາມ ແລະສົງຄາມລັບໃນລາວ ທີ່ສະຫະລັດໄດ້ຖີິ້ມລະເບີດມາກ່ອນທີ່ຍັງຕົກຄ້າງເຫຼືອຫຼໍຢູ່ ຈາກປາງສົງຄາມຊຶ່ງ
Erin ໄດ້ກ່າວດັ່ງນີ້:

ຮູບພາບໂດຍ UXO Laos.
ຮູບພາບໂດຍ UXO Laos.

ລິງໂດຍກົງ

"ຂ້າພະ​ເຈົ້າ​ ໄດ້ໄປ​ຢ້ຽມຢາມ​ເມືອງ​ລາວ​ເທື່ອທີ​ສອງ​ ກັບ​ໝູ່​ນັກ​ສຶກສາດ້ວຍກັນ ໄປ
ໂ​ພນ​ສະຫວັນ ​ແລະ​ວຽງຈັນ. ຂ້າພ​ະ​ເຈົ້າບໍ່​ຮູ້ຫຍັງໝົດ​ກ່ຽວ​ກັບລະ​ເບີດ​ທີ່ຕົກ​ຄ້າງບໍ່​
ທັນ​ແຕກ​ຢູ່​ໃນ​ເມືອງ​ລາວ. ​ເວລາຂ້າພະ​ເຈົ້າ​ໄປ​ກັບ​ຄອບຄົວເທື່ອ​ທຳ​ອິດນັ້ນ ທຸກ​ຄົນຕ້ອນຮັບພວກ​ຂ້າພະ​ເຈົ້າດີ ​ຄົນ​ລາວ​ບໍ່​ໄດ້ເບິ່ງ​ຂ້າພະ​ເຈົ້າ​ແບບ​ກຽດ​ຊັງ. ເວລາຂ້າ
ພະ​ເຈົ້າ​ກັບ​ຄືນມາ​ໂຮ​ງຮຽນ ​ຂ້າພະເຈົ້າຈຶ່ງໄດ້​ຮຽນ​ຮູ້​ວ່າ ມີທືນ​ໄປຄົ້ນຄວ້າຢູ່​ເມືອງ​
ລາວ ກ່ຽວກັບເສດຖະກິດ ​ແລະ UXO. ພວກຂ້າພະ​ເຈົ້າ​ໄດ້​ໄປ​ຢ້ຽມຢາມ​ເຂື່ອນ​ໄຟ
ຟ້າ ຢ້ຽມ​ຢາມ​ເອກ​ອັກຄະ​ລັດ​ຖະທູດ​ສະຫະລັດ ​ແລະ​ນະຄອນຫລວງ​ວຽງ​ຈັນ. ພວກ​
ຂ້າພະ​ເຂົ້າ​ໄດ້​ໄປຫາ​ພວກ​ເກັບ​ກູ້ລະ​ເບີດ ​ແລະ​ທຳ​ລາຍ​ລູກລະ​ເບີດ​ຊຶ່ງ​ເປັນ​ໜ້າ​ສົນ​
ໃຈ​ທີ່​ສຸດ. ພວກ​ເຮົາ​ໄດ້​ເດີນທາງ​ໄປ​ນຳກັນ​ເກົ້າ​ຄົນ ​ແລ​ະທີ່​ປຶກສາຄົນ​ນຶ່ງ ພວກ​ເຮົາ​
ໄດ້ໃຊ້​ເວລາ​ສາມ​ອາທິດຢູ່ ວຽງ​ຈັນ ​ໂພນສະຫວັນ ​ແລະ​ຫລວງພະ​ບາງ."

ໃນ​ເດືອນກັນຍາທີ່​ຈະ​ມາ​ເຖິງ​ນີ້ Erin ຈະ​ເດີນທາງ​ໄປ​ເມືອງ​ລາວອີກ ​ເພື່ອ​ຖ່າຍ​ທຳຮູ​ບ​ເງົາ ​ຈະ​ເຮັດ​ວຽກ​ປະສານ​ງານ​ກັບຫລາຍໆ​ອົງການ​ທີ່ເກັບ​ກູ້​ລະ​ເບີດ ແລະ​ໃນ​ຂະນະ​ດຽວ​ກັນ ນາງຈະ​ຊອກ​ຫາ​ນັກສະ​ແດງ​ທີ່​ເປັນ​ຄົນ​ລາວ ​ເພື່ອ​ປະກອບເປັນ​ເລື່ອງບອກ​ເລົ່າ​ຢູ່ກັບ​ຮູບ​ເງົາ ຊຶ່ງ Erin ກ່າວ​ຕໍ່​ໄປ​ອີກ​ວ່າ: ​

ລິງໂດຍກົງ

"ໂຄ​ງການຖ່າຍຮູບ​ເງົາ​ດັ່ງກ່າວ​ນີ້ເປັນ​ເລື່ອງ​ສ່ວນໂຕ ​ໃນ​ຂະນະ​ທີ່ຂ້າ​ພະເຈົ້າ​ຍັງ​ຮຽນ
​ຢູ່ ຂ້າພະ​ເຈົ້າ​ຈະໃຊ້ຊັບພະຍາກອນຈາກມະຫາວິທະຍາ​ໄລ ​ໂດ​ຍສະ​ເພາະ​ບັນດາ​ຄູ​
ອາຈານ​ຜູ້ໃຫ້​ຄຳ​ແນະນຳ ການວາງ​ແຜນບັນທຶກ​ຮູບ​ພາບ​ ແມ່ນ​ມີ​ວຽກ​ຫລາຍ​ທີ່​ຕ້ອງ​
ໄດ້​ກະກຽມ​ເຊັ່ນ ວາງ​ແຜນ ຂຽນເລື່ອງ ​ແລະ​ຊອກ​ຫາ​ທືນຊຶ່ງ​ ຂ້າພະ​ເຈົ້າ​ກຳລັງ​ປະຕິ
ບັດ​ຢູ່​ໃນ​ຂະນະ​ນີ້​ ເພື່ອ​ໃຫ້​ເປັນ​ທີ່ຮຽບຮ້ອຍກ່ອນ​ທີ່​ຂ້າພະ​ເຈົ້າ​ຈະ​ຮຽນ​ຈົບ​ໃນ​ເດືອນ
​ພຶດສະພາ​ຈະ​ມາ​ເຖິງ​ນີ້. ຫລັງ​ຈາກ​ນັ້ນ​ ກໍ​ຈະ​ໄດ້​ເດີນທາງ​ໄປ​ເມືອງ​ລາວ ​ເພື່ອ​ຖ່າຍ
​ທໍ​າ. ຂ້າພະ​ເຈົ້າ​ໄດ້​ເຫັນ​ຮູບ​ເງົາ​ກ່ຽວກັບ​ການ​ເກັບ​ກູ້​ລະ​ເບີດ​ຢູ່​ໃນ​ລາວ ​ແຕ່​ປາກົດ​
ວ່າ​ບໍ່​ມີ​ຫລາຍ ​ເພາະສະ​ນັ້ນ ຂ້າພະ​ເຈົ້າ ​ຈຶ່ງ​ຢາກສ້າງ​ຮູບ​ເງົາ​ດັ່ງກ່າວ​ນີ້ຂຶ້ນມາ.
ນອກ​ນັ້ນ​ຂ້າ​ພະ​ເຈົ້າໄດ້ເຫັນ​ບັນທຶກ​ຂອງ​ອອສ​ເຕຣ​ເລຍ ​ແລະ​ອັງກິດ​ຊຶ່ງ​ເປັນ​ທີ່​ໜ້າ
​ສົນ​ໃຈທີ່​ສຸດ."

ການຖ່າຍ​ທຳ​ຮູບ​ເງົາ​ຈະ​ໃຊ້​ເງີ​ນຢູ່ປະມານ 50,000 ​ໂດ​ລາ ຫລັງ​ຈາກ​ເສັດ​ສິ້ນ​ແລ້ວ ຜົນງານ​ດັ່ງກ່າວ​ຈະ​ນຳ​ອອກ​ເຜີ​ຍ​ແຜ່​ຢູ່​ຕາມບຸນ​ຮູບ​ເງົາຕ່າງໆ ​ແລະ​ ແຫ​ລ່ງສື່​ມວນຊົນ​ເພື່ອ​ໃຫ້​ຄົນ​ໄດ້​ເຫັນ ​ແລະໄດ້​ຮຽນ​ຮູ້ນຳ ຊຶ່ງ Erin ​ໄດ້ກ່າວ​ເຖິງ​ຕອນ​ນີ້ວ່າ: ​

ຣູບພາບໂດຍ UXO Laos.
ຣູບພາບໂດຍ UXO Laos.

ລິງໂດຍກົງ

"ຫລັງ​ຈາກ​ການຖ່າຍ​ທຳ​ເສັດ​ສິ້ນ​ແລ້ວ ບັນທຶກ​ຊີວິດ ​ແລະ​ການ​ເກັບ​ກູ້​ລະ​ເບີດ ຈະ​
ຖືກ​ນຳໄປ​ແຈກ​ຢາຍ​ຢູ່​ຕາມ​ລະ​ບົບຂ່າວ​ຕ່າງໆ ​ແລະ​ນຳ​ໄປສາຍຢູ່​ງານ​ສະ​ແດງ ຮູບ​
ເງົາ​ຫຼາຍແຫ່ງ. ງົບປະມານ​ການ​ສ້າງ​ຮູບ​ເງົາ​ນີ້​ກະ​ໄວ້ປະມານ 50,000 ​ໂດ​ລາ ທືນ
​ເຫລົ່າ​ນີ້​ຈະ​ໄດ້ມາ​ຈາກ​ຫລາຍ​ແຫຼ່ງ ​ເຊັ່ນ​ວ່າ ​ຈາກສ່ວນ​ບຸກຄົນ ​ຈາກ​ອົງການຕ່າງໆ
​ແລະ​ທຶນພິ​ເສດ​ສຳລັບ​ສ້າງ​ຮູບ​ເງົາ. ປັດ​ຈຸ​ບັນ​ນີ້​ຂ້າພະ​ເຈົ້າ​ກຳລັງ​ຊອກ​ຫາ​ນັກສະ​
ແດງ​ທີ່​ດີ ຊຶ່ງ​ຈະ​ເປັນ​ຄົນ​ລາວທັງ​ໝົດ ທີ່​ຈະບ​ອກ​ເລົ່າ​ເຖິງ​ຊີວິດ​ການ​ເປັນ​ຢູ່​ພາຍ​ໃຕ້​
ສົງຄາມ. ຄົນ​ອາ​ເມ​ຣິກັນບໍ່​ຮູ້​ກ່ຽວ​ກັບ​ເລື່ອງນີ້ ​ແລ​ະຂ້າພະ​ເຈົ້າ​ກໍ​ບໍ່​ຮູ້​ກ່ຽວ​ກັບ​ເລື່ອງ​ນີ້
​ເພາະສະ​ນັ້ນ​ ຂ້າພະ​ເຈົ້າຈຶ່ງ​ຢາກ​ໃຫ້​ຊາວ​ອາ​ເມຣິກັນໄດ້ຮຽນ​ຮູ້​ກ່ຽວ​ກັບ​ເລື່ອງ​ນີ້ ​ແລະ
​ຂ້າພະເຈົ້າ​ ຢາກ​ໃຫ້​ຄົນ​ເຫັນ​ລູກ​ລະ​ເບີດທີ່ຍັງ​ຕົກ​ຄ້າງ​ລີ້​ຊ່ອນ​ຢູ່​ໃນ​ພື້ນ​ດິນ ​ວ່າ​ເຂົາ​
ເຈົ້າ​ເຮັດຢ່າງໃດກັບ​ມັນ. ​ເພາະສະ​ນັ້ນ​ລະ ຂ້າພະ​ເຈົ້າ​ຈຶ່ງ​ຢາກ​ຊອກ​ຫາ​ນັກສ​ະ​ແດງ​
ດີໆທີ່​ເປັນ​ຄົນ​ລາວ ທຸກໆ​ຄົນ​ຢູ່​ໃນ​ຮູ​ບ​ເງົາ​ເລື່ອງ​ນີ້​ຕ້ອງ​ແມ່ນ​ຄົນ​ລາວ​ທັງ​ໝົດ. ​ຮູ​ບ​
ເງົາ​ເລື່ອງ​ນີ້​ ຈະ​ອະທິບາຍ​ວ່າ​ ມັນ​ເກີດ​ຂຶ້ນມາ​ຢ່າງ​ໃດ​ລະຫວ່າງ​ສົງຄາມ​ລັບຢູ່​ໃນ​ລາວ.
ຊາວ​ອາ​ເມຣິກັນ​ບໍ່​ຮູ້​ກ່ຽວ​ກັບ​ເລື່ອງ​ນີ້ ​ແມ່ນ​ແຕ່​ຂ້າພະ​ເຈົ້າ​ເອງ ທີ່ໄດ້​ໄປ​ເມືອງ​ລາວ​ເຖິງ
ສອງ​ເທື່ອ. ຢາກ​ໃຫ້​ຜູ້​ທີ່​ໄດ້​ຮັບ​ເຄາະ​ຮ້າຍ​ແຂນ​ກຸດ​ຂາ​ຂາດ ຜູ້​ທີ່​ລອດ​ຊີວິດ​ ຈາກ​ລູກ​
ລະ​ເບີດ​ທີ່​ບໍ່​ທັນ​ແຕກ ບາງ​ທີອາດ​ເປັນ​ທະຫານ​ຜ່ານ​ເສິກ​ອາ​ເມຣິກັນທີ່​ໄດ້​ສູ້​ລົບມາ​ຢູ່
​ໃນ​ລາວ. ຂ້າພ​ະ​ເຈົ້າ​ຢາກ​ສະ​ເໜີໃຫ້​ເຫັນ​ໃນທຸກໆ​ແງ່​ ເພື່ອ​ໃຫ້ການ​ເກັບ​ກູ້​ລະ​ເບີດນີ້
​ໄວ​ຂຶ້ນ."

ເຖິງແມ່ນວ່າສົງຄາມຫວຽດນາມ ແລະສົງຄາມລັບຢູ່ໃນລາວ ໄດ້ສິ້ນສຸດລົງ ໃນປີ
1975 ​ເມື່ອກວ່າສີ່ທົດສະວັດມາແລ້ວກໍຕາມ ແຕ່ຄວາມລີ້ລັບຂອງສົງຄາມຢູ່ໃນ
ລາວກໍຍັງຖືກປົກປິດໄວ້ຈົນເທົ່າທຸກວັນນີ້. ບັນດາລູກຫລານລາວຜູ້ເກີດໃໝ່ໃຫຍ່ລຸນ
ຢູ່ໃນແລະນອກປະເທດ ໂດຍສະເພາະຜູ້ທີ່ບໍ່​ແມ່ນເຊື້ອສາຍລາວ ກໍຍິ່ງບໍ່ຮູ້ຫຍັງ ກ່ຽວ ກັບຄວາມເປັນມາຂອງສົງຄາມລັບຢູ່ໃນປະເທດລາວ. ບາດແຜທີ່ເປັນຫລັກຖານ
ຂອງສົງຄາມ​ໄດ້ຖືກປະປ່ອຍໄວ້ໃຫ້ເຫັນເທົ້າທຸກວັນນີ້ ນັ້ນກໍຄື ລູກລະເບີດທີ່ຕົກຄ້າງ
ບໍ່ທັນແຕກຢ່າງຫລວງຫລາຍຢູ່ໃນລາວ ຊຶ່ງບໍ່ມີປະຫວັດສົງຄາມການ​ຖີ້ມລະ​ເບີດໃດໆ
ຢູ່ໃນໂລກສາມາດປຽບທຽບໄດ້. ນາງ Erin McGoff ໄດ້ພົບເຫັນປະເທດລາວ ມັກ
ຈິດໃຈຄວາມອ່ອນນ້ອມຂອງຄົນລາວ ມັກອາຫານລາວ ແລະວັດວາອາຮາມອັນງົດ
ງາມຂອງລາວ. ອີກບໍ່ດົນ Erin ຜູ້​ບໍ່​ແມ່ນ​ຄົນ​ລາວ ກໍຈະນຳເອົາການຄົ້ນຄວ້າ ຄວາມ
​ຄິດ​ເຫັນ​ຂອງ​ນາງມາສະເໜີ ທ່ານກ່ຽວກັບການດຳລົງ​ຊີວິດຢູ່ພາຍ​ໃຕ້​ລະ​ເບີດຝັງ​ດິນ ແລະປະສົບການຊີວິດຂອງສົງຄາມ ມາສະເໜີທ່ານ ​ໃນອະນາຄົດອັນໃກ້ນີ້.

ເບິ່ງຄວາມເຫັນ (9)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG