ລິ້ງ ສຳຫລັບເຂົ້າຫາ

ວັນສຸກ, ໐໑ ມີນາ ໒໐໒໔

ວີໂອເອ ສຳພາດ ທ່ານເຄ ມະນີວົງ ນັກແຕ້ມຮູບ graffiti


ທ່ານເຄ ມະນີວົງ ນັກແຕ້ມຮູບ graffiti ທີ່ເມືອງ Rochester ລັດ New York.
ທ່ານເຄ ມະນີວົງ ນັກແຕ້ມຮູບ graffiti ທີ່ເມືອງ Rochester ລັດ New York.

ໃນລາຍການຊີວິດຊາວລາວຂອງ ວີໂອເອ ມື້ນີ້ ເຮົາຈະນຳເອົາການສຳພາດກັບ ທ່ານ​
ເຄ ມະນີ​ວົງ ນັກສິນລະປິນ ​graffiti ອອກແບບເສື້ຶອຍືດ ຖົງ​ເປ້ ແລະ​ແຕ້ມໃສ່ຝາດ້ວຍ
ການພົ່ນ​ສີໃສ່ ຫຼື spray ບ່ອນໄວ້ອາໄລ​ໃຫ້ແກ່ຜູ້ທີ່ໄດ້ລ່ວງລັບໄປແລ້ວ. ທ່ານ​ເຄ ​ໄດ້
ເຂົ້າ​ມາ​ຕັ້ງ​ຖິ່ນ​ຖານ​ຢູ່​ໃນ​ສະຫະລັດ ໃນ​ປີ 1978 ກັບ​ຄອບຄົວ​. ເວລາ​ນັ້ນ ອາຍຸໄດ້ພຽງ
ນຶ່​ງ​ຂວບ. ປັດຈຸບັນ​ນີ້ ​ທ່ານ ດ້ວຍ​ພັນ​ລະ​ຍ​າ ມີ​ທຸລະ​ກິດເປັນຂອງ​ຕົ​ນ​ເອງ ເຮັດວຽກຢູ່​
ບ້ານ. ສ່ວນວ່າຄວາມ​ເປັນ​ມາ​ຂອງ​ທ່ານ​ເຄ ມະນີ​ວົງ ​ເປັນຢ່າງ​ໃດ​ນັ້ນ ກິ່ງ​ສະຫວັນຈະ​
ນຳ​ເອົາລາຍລະອຽດມາສະເໜີ​ທ່ານ.

ລິງໂດຍກົງ

ສະບາຍດີທ່ານຜູ້ຟັງທີ່ເຄົາລົບ ໃນລາຍການຊີວິດຊາວລາວປະຈຳແລງວັນ ພະຫັດມື້ນິີ້ ເຮົາຈະນຳພາທ່ານ ໄປຟັງການສຳພາດກັບ ທ່ານ​ເຄ ມະນີ​ວົງ ນັກສິນລະປິນ graffiti
ອອກແບບ​ແຕ້ມ​ໃສ່ເສື້ອຍືດ ແລະແຕ້ມໃສ່ຝາ​ທີ່ເປັນບ່ອນໄວ້ອາໄລເຖິງດວງວິນຍານ
ຂອງຍາດຕິພີ່ນ້ອງ ​ແລະ​ໝູ່​ຄູ່ ຜູ້ທີ່ໄດ້ລ່ວງລັບຈາກໂລກນີ້ແລ້ວ.

ຢູ່ໃນປະເທດອຸດສາຫະກຳ ​ເຊັ່ນ​ວ່າຢູ່ໃນ​ສະຫະລັດ​ອາ​ເມຣິການີ້ ພວກເຂົາເຈົ້າຈະມີນັກ
ສິນລະປິນຫລາກຫລາຍ ໃນຂະແໜງການຕ່າງໆຈົນນັບບໍ່ຖ້ວນ ທີ່​ພາກັນປະດິດຄິດສ້າງ​ແຂ່ງຂັນກັນ ໃຊ້ເທັກນິກ ທີ່ເປັນມະໂນພາບຂອງ​ເຂົາ​ເຈົ້າ ​ລະບາຍ​ອອກ​ມາໃຫ້ເຫັນ. ສິນ
ລະປະການແຕ້ມທີ່​ຮ້ອງ​ວ່າ graphic design ​ແລະ graffiti ​ແມ່ນ​ຂະ​ແໜງ​ການຂອງ​
ທ່ານ​ເຄ ທີ່ອອກແບບອັນເປັນຈີນຕະນາການ ທີ່ສະຫລຽວສະຫລາດ ໃຊ້ເປັນເຄື່ອງສື່
ສານກັບທ່ານ​ຜູ້​ຊົມທັງຫຼາຍ.

ນັກສິນລະປິນຝ່າຍ graphic design​ ​ແມ່ນນັກສິນລະປິນອອກແບບໂຄສະນາຢູ່ໜ້າ
ເວັບໄຊ ນິດຕິຍະສານຕ່າງໆ ຊຶ່ງວິຊາດັ່ງກ່າວນີ້ ມີຫລັກສູດການຮຽນຢູ່ຂັ້ນມະຫາວິທະ
ຍາໄລ. ກ່ອນທີ່ທ່ານ​ເຄ ຈະໄດ້ກາຍມາປະກອບວິຊາອາຊີບເຮັດທຸລະກິດຂອງຕົນເອງ ທ່ານເຄີຍໄດ້ປະກອບ​ວິຊາ​ອາ​ຊີ​ບຫລາຍໆຢ່າງມາ​ກ່ອນ. ບັດນີ້ ທ່ານ​ໄດ້ໃຊ້ສະຕິປັນ
ຍາຄວາມຊໍານິຊໍານານ ທີ່​ໄດ້ຮຽນມານັ້ນ​ໃຫ້ເປັນປະໂຫຍດ ​ແລະ​ທຳໃນ​ສິ່ງ​ທີ່​ຕົນ​ມັກ ໂດຍເນັ້ນໃສ່ການອອກແບບເສື້ອຍືດຂາຍ. ຜົນງານຂອງທ່ານ ໄດ້​ແຜ່​ຂະຫຍາຍ​ໄປ​ສູ່​
ສາຍຕາ​ຂອງ​ປວງ​ຊົນ​ຢ່າງເປັນທີ່ຈັບໃຈ ຈົນ​ໄດ້ຖືກຮຽກຮ້ອງໃຫ້ແຕ້ມໃສ່ຝາ ເພື່ອລະ
ນຶກເຖິງຍາດຕິພີ່ນ້ອງຜູ້ທີ່ໄດ້ລ່ວງ​ລັບຈາກໂລກນີ້ໄປ. ທ່ານ​ເຄ ໄດ້ກ່າວເຖິງຄວາມເປັນ
ມາຂອງການປະກອບວິຊາອາຊີບດັ່ງກ່າວ​ນີ້ວ່າ:

ສັນຍາລັກ ຊ້າງສາມຫົວ
ສັນຍາລັກ ຊ້າງສາມຫົວ

ລິງໂດຍກົງ

ຢູ່ໃນສະຫະລັດອາ​ເມຣິກາ ​ໂດຍ​ສະ​ເພາະ​ຢູ່​ສະຖານ​ທີ່ທ່ອງ​ທ່ຽວ ເຮົາຈະສັງເກດເຫັນ
ພວກ​ພໍ່ຄ້າ​ແມ່​ຄ້າ ​ແລະ​ນັກ​ສິນລະປິນພາກັນຕັ້ງ​ຮ້ານຂາຍ​ເຄື່ອງ​ອະນຸສອນ​ຕ່າງໆ ​ໂດຍ​
ສະ​ເພາະ​ຂາຍເສື້ອຍືດຢູ່ຕາມ​ລົດຕູ້​ ຈອດຢູ່ຕາມຖະໜົນຫົນທາງ ບ່ອນທີ່​ມີນັກທ່ອງ
ທ່ຽວພາກັນມາຢ້ຽມຢາມ.​ ສິນລະປະການອອກແບບຂອງທ່ານ​ເຄ ມີ​ຄວາມແຕກຕ່າງ
ໄປຈາກນັກສິນລະປິນຄົນອື່ນໆ ເພາະເປັນຮູບພາບ abstract ຫລື​ເທັກ​ນິກການ​ແຕ້ມ ການອອກ​ແບບ​ທີ່​ເຮັດ​ໃຫ້ຜູ້​ຊື້ນັ້ນຕ້ອງໄດ້ໃຊ້ຈີນ​ຕະນາ​ການ​ຂອງ​ຕົນເອງ ຈຶ່ງຈະເຂົ້າໃຈ.
ທ່ານ​ເຄ​ໄດ້​ເຂົ້າມາຕັ່ງ​ຖິ່ນ​ຖານ​ຢູ່​ໃນ​ສະຫະລັດກັບ​ຄອບຄົວ​ໃນ​ປີ 1978 ​ເວລານັ້ນ​ອາ​ຍຸ​ໄດ້ພຽງນຶ່ງ​ຂວບ. ທ່ານ​ເຄ ສາມາດ​ປາກເວົ້າ​ພາສາ​ລາວໄດ້ດີ ​ດ້ວຍ​ສຳນຽງ​ປາກ​ເຊ ແລະ
​ຮູ້​ຈັກ​ຂະ​ນົບ​ທຳນຽມ​ລາວ​ດີ ​ແຕ່​ບໍ່ສາມາດຂຽນ​ອ່ານ​ພາສາ​ລາວ​ໄດ້. ດ້ວຍ​ເຫດ​ນີ້ ສີນ​ລະ
​ປະຂອງ​ທ່ານ​ເຄ ​ຈຶ່ງໄດ້​ສະ​ແດງ​ອອກ​ມາ​ໃຫ້​ເຫັນ​ເຖິງ​ອິດທິພົນ​ທາງດ້ານປະຫວັດ​ສາດ​
ລາວທີ່ແອບແຝງຢູ່​ໃນ​ແນວ​ຄິດ​ຂອງ​ທ່ານ​ເຄ ທີ່​ໄດ້ສະ​ແດງ​ອອກມາ​ໃຫ້​ເຫັນ ເຊັ່ນອະດີດ​
ທຸງຊາດ​ລາວຊ້າງ​ສາມຫົວ​ ຊຶ່ງທ່່ານ​ເຄໄດ້ກ່າວກ່ຽວກັບເລື່ອງນີ້ວ່າ.

ສັນຍາລັກ ອະດີດທຸງຊາດຊ້າງສາມຫົວ ແຫ່ງພະລາຊະອນາຈັກລາວ
ສັນຍາລັກ ອະດີດທຸງຊາດຊ້າງສາມຫົວ ແຫ່ງພະລາຊະອນາຈັກລາວ

ລິງໂດຍກົງ

ຢູ່ໃນສະຫະລັດອາ​ເມຣິກາ ​ໃນ​ຫລາຍໆເຂດຂອງລັດຕ່າງໆ ທາງການໄດ້ອະນຸຍາດ
ໃຫ້ປະຊາຄົມແຕ້ມຮູບຕ່າງໆໃສ່ຝາກຳ​ແພງ ທີ່​ເປັນຝາຫວ່າງເປົ່າ ເພື່ອໃຫ້ໂອກາດແກ່
ບັນດານັກສິນລະປິນ ໃຊ້ເປັນບ່ອນລະບາຍອາລົມຂອງເຂົາເຈົ້າ. ນອກຈາກນັ້ນກໍເພື່ອ
ເປັນ​ການປະດັບປະດາໃຫ້ງາມຫູ​ງາມຕາແກ່ສາທາລະນະ ແທນທີ່ຈະປ່ອຍປະໃຫ້ຝາ
ແປນເປົ່າ. ​ດ້ວຍ​ເຫດ​ນີ້​ເອງ ທ່ານ​ເຄ ຈຶ່ງໄດ້ຖືກຈ້າງຈາກຄອບຄົວ ​ແລະໝູ່ຄູ່ໄປ​ແຕ້ມ
ຮູບ​ໜ້າ​ຂອງຜູ້ທີ່ຕາຍນັ້ນໃສ່່ຝາໄວ້ ເພື່ອໃຫ້ເປັນທີ່ລະລຶກ ແລະ​ເປັນ​ບ່ອນໄວ້ອາໄລຊຶ່ງ
ທ່ານ​ເຄ ໄດ້ກ່າວເຖິງສິນລະປະຕອນນີ້ວ່າ:

ຜົນງານສິນລະປະການແຕ້ມຂອງ ທ່ານເຄ ໄວ້ອາໄລໃຫ້ແກ່ ທ້າວ Derik ມະນີວົງ.
ຜົນງານສິນລະປະການແຕ້ມຂອງ ທ່ານເຄ ໄວ້ອາໄລໃຫ້ແກ່ ທ້າວ Derik ມະນີວົງ.

ລິງໂດຍກົງ

ຊີວິດ​ການ​ປະກອບ​ວິຊາ​ອາຊີບ​ຂອງ​ຊາວ​ອາ​ເມຣິກັນ​ເຊື້ອສາຍ​ລາວ ​ໃນ​ໄລຍະ 4 ​ທົດ
​ສະ​ວັດກວ່າຜ່ານ​ມາ ໄດ້ກາຍເປັນເລື່ອງທີ່​ໜ້າ​ສັນລະ​ເສີນ. ບັນດາ​ຜູ້​ທີ່​ໄດ້​ມາ​ເກີດ​ໃຫຍ່
​ຢູ່​ໃນ​ສະຫະລັດ ​ໄດ້​ກາຍ​ມາ​ເປັນ​ພົນລະ​ເມືອງດີຂອງ​ຊາດ​. ປັດຈຸ​ບັນ​ນີ້ ​ທ່ານ​ເຄ ອາຍຸ​
ໄດ້​ 40 ປີ​ ມີ​ຄອບຄົວ ແລະລູກຜູ້ກົກ​ກຳລັງ​ຈະ​ສຶກສາ​ຕໍ່​ທາງດ້ານ​ກົດໝາຍ. ພາຍ​ໃຕ້
ຊີວິດ​ການ​ປົກຄອງ​ຂອງ​ພໍ່​ແມ່ ທ່ານ​ເຄ ກ່າວ​ວ່າ ​ພໍ່​ແມ່​ຢາກ​ໃຫ້​ຮຽນ​ຝ່າຍໝໍ ​ແຕ່​ທ່ານ​
ເຄບໍ່​ມັກ ​ແລະ​ໄດ້​ເລືອກ​ເອົາ​ການ​ຮຽນ​ດ້ານ​ສິນລະປະ. ປັດຈຸບັນ​ນີ້ ທ່ານ​ເຄ ສາມາດ​
ສ້າງ​ລາຍ​ໄດ້ລ້ຽງ​ດູຄອບຄົວເປັນ​ຢ່າງ​ດີ ​ແລະ​ໄດ້​ກ່າວ​ມ້ວນທ້າຍ​ຕໍ່ ວີ​ໂອ​ເອ ດັ່ງ​ນີ້.

ຮູບສັນຍາລັກລາວ ຢູ່ເສື່່ອຍືດ.
ຮູບສັນຍາລັກລາວ ຢູ່ເສື່່ອຍືດ.

ລິງໂດຍກົງ

ທ່ານ​ສາມາດ​ຊົມຜະລິດ​ທະພັນ​ສິນລະປະກັມຂອງ​ທ່ານ​ເຄ​ໄດ້​ທີ່​ ໜ້າ​ເວັບ​ໄຊ
ຂອງ​ວີ​ໂອ​ເອ.

XS
SM
MD
LG