ລິ້ງ ສຳຫລັບເຂົ້າຫາ

ການຄ້າ ແລະ ສິດທິມະນຸດ ຈະເປັນຫົວຂໍ້ ໃນ ການສົນທະນາ ເວລາ ປ. ໂອບາມາ ຢ້ຽມຢາມ ຫວຽດນາມ


ປະທານາທິບໍດີ Barack Obama ກ່າວທີ່ທຳນຽບຂາວ.

ການ​ເດີນທາງ​ ໄປ​ຢ້ຽມຢາມ​ຫວຽດນາມ ​ເປັນ​ເວລາ 3 ມື້ ຂອງ​ປະທານາທິບໍ​ດີ​ສະຫະລັດ ທ່ານ​ບາຣັກ ​ໂອ​ບາ​ມາ​ ຊຶ່ງຈະ​ເລີ້ມຂຶ້ນ​ໃນ​ວັນ​ຈັນ​ນີ້ ຄາດ​ວ່າ ​ຈະ​ເປັນ​ຂີດໝາຍ​ທີ່​ມີ​ຄວາມ​ສຳຄັນ​ປະຫວັດສາດ ​ໃນ​ຄວາມ​ສຳພັນ ​ທາງ​ດ້ານ​ເສດຖະກິດ​ ແລະຍຸດ​ທະ​ສາດ ​ທີ່​ພວມ ​ເຕີບໃຫຍ່​ຂະຫຍາຍ​ໂຕ​ລະຫວ່າ​ງປະ​ເທດ​ທັງ​ສອງ​ຊຶ່ງ​ເຄີຍ​ພົວພັນ​ ໃນ​ການ​ສູ້​ລົບ​ເປັນ​ເວ ລາ​ຫຼາຍກວ່າ​ນຶ່ງ​ທົດ​ສະ​ວັດ​ນັ້ນ.

ອະດີດ​ຄູ່​ປໍ​ລະ​ປັກ​ເກົ່າ​ທັງ​ສອງ​ໄດ້​ມີ​ຄວາມ​ກ້າວໜ້າ​ທາງ​ດ້ານ​ເສດຖະກິດທີ່​ສຳຄັນ​ຢູ່​ແລ້ວ ນັບ​ແຕ່​ໄດ້​ມີການ​ສ້າງ​ຕັ້ງສາຍ​ພົວພັນ​ທາງ​ດ້ານ​ການ​ທູດ​ລະຫວ່າງຮາ​ໂນ່ຍ ແລະວໍ​ຊິງຕັນ​ ​ເມື່ອ​ປີ 1995. ການ​ສົ່ງ​ອອກ​ຂອງ​ຫວຽດນາມ​ມາ​ຍັງ​ສະຫະລັດ​ ໃນເວລາ​ນີ້​ ​ແມ່ນ​ກາຍ​ລະ ດັບ​ຂອງ​ປະ​ເທດ​ສະມາຊິກ​ອາ​ຊ່ຽນ​ອື່ນໆ ​ໃນ​ຂະນະ​ທີ່​ການສົ່ງ​ອອກ​ຂອງ​ສະຫະລັດ​ໄປ​ຍັງ​ຫວຽດນາມ ກໍ​ມີ​ການ​ເພີ້ມຂຶ້ນຢ່າງ​ຫຼວງຫຼາຍ.

ຫວຽດນາມ ຊຶ່ງ​ເປັນ​ນຶ່ງ​ໃນ​ຈຳນວນ​ສິບ​ກວ່າ​ປະ​ເທດ​ທີ່​ໄດ້​ລົງ​ນາມ​ຂໍ້​ຕົກລົງ​ພາຄີ​ຂ້າມ​ມະ ຫາ​ສະມຸດ​ປາຊີ​ຟິກ ຫຼື TPP ທີ່​ຢູ່​ພາຍ​ໃຕ້​ການ​ນຳພ າ​ຂອງ​ສະຫະລັດ​ນັ້ນ ​ແມ່ນເຮັດ​ໃຫ້​ຫວຽດນາມມີ​ທ່າ​ທີ​ເຂັ້ມ​ແຂງ​ລື່ນ​ປະ​ເທດ​ອື່ນໆ ​ໃນ​ເຂ​ດ​ເອ​ເຊຍ​ຕາ​ເວັນ​ອອກສຽງ​ໃຕ້ເຊັ່ນ​ອິນ​ໂດ​ເນ​ເຊຍ ​ແລະ​ໄທ ທີ່​ບໍ່​ໄດ້​ເປັນ​ພາຄີ​ຂອງ​ຂໍ້​ຕົກ​ລົງດັ່ງ​ກ່າວ.

ພາຄີ​ຂ້າມ​ມະຫາ​ສະມຸດ​ປາຊີ​ຟິກ ​ແມ່ນ​ກະ​ແຈ​ສຳຄັນ​ເພື່ອ​ຊ່ອຍ​ຫວຽດນາມ​ໃຫ້​ເລີ້ມບົດ​ຕອນ​ໃໝ່​ແລະ​ໜີ​ອອກ​ໄປ​ຈາກ​ວົງ​ໂຄ​ຈອນ​ຂອງ​ຈີນ ອີງ​ຕາມ​ຄຳ​ເວົ້າຂອງ​ທ່ານ Tuong Lai ທີ່​ປຶກສາ​ຂອງ​ອະດີດ​ປະທານ​ປະ​ເທດ​ຫວຽດນາມ.

ແຕ່​ວ່າ ຂໍ້​ຕົກລົງ TPP ກຳ​ລັງປະ​ເຊີນກັບ​ການ​ຄັດຄ້ານ​ຢູ່​ໃນ​ລັດຖະສະພາ​ທີ່​ວໍ​ຊິງຕັນບ່ອນ​ທີ່​ພວກ​ບໍ່​ເຫັນ​ພ້ອມ​ບາງ​ຄົນສະ​ແດງ​ການ​ຄັດຄ້ານ​ຕໍ່​ອັນ​ທີ່​ພວກ​ເຂົາ​ເຈົ້າຖື​ວ່າ​ອຳນາດ​ການ​ປົກຄອງ​ຜະ​ເດັດ​ການ​ແມ່ນ​ຮວມຢູ່​ໃນ​ຂໍ້​ຕົກ​ລົງການ​ຄ້າ​ທີ່​ຍັງ ​ເປັນ​ບັນຫາ​ຖົກ​ຖຽງ​ນັ້ນ.

ຫວຽດນາມ​ຕ້ອງການ​ຢາ​ກ​ໃຫ້​ມີ​ການ​ຂະຫຍາຍ​ຄວາມ​ສຳພັນ​ທາງ​ດ້ານ​ການ​ຄ້າ​ເພີ້ມຕື່ມ ​ແລະ​ຮວມທັງ​ພາກສ່ວນ ຊຶ່ງ​ຈົນ​ເທົ່າ​ບໍ່​ເທົ່າ​ໃດ​ປີຜ່ານມາ​ນີ້​ຍັງ​ເປັນ​ສິ່ງທີ່​ຄາດ​ຄິດ​ບໍ່​ເຖິງນັ້ນ ກໍ​ຄື​ເລື້ອງອາວຸດຍຸດທະ​ພັນ.

ນັກຂຽນຂ່າວອິນເຕີແນັດ ທີ່ມີຊື່ສຽງ ທ່ານ Nguyen Huu Vinh, ກຳລັງຖືກດຳເນີນຄະດີຢູ່ສານ ໃນນະຄອນ Hanoi ປະເທດ Vietnam.
ນັກຂຽນຂ່າວອິນເຕີແນັດ ທີ່ມີຊື່ສຽງ ທ່ານ Nguyen Huu Vinh, ກຳລັງຖືກດຳເນີນຄະດີຢູ່ສານ ໃນນະຄອນ Hanoi ປະເທດ Vietnam.

ອ່ານຂ່າວນີ້ເພີ້ມເປັນພາສາອັງກິດ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

ຖ່າຍທອດສົດ ປ. ດໍໂນລ ທຣຳ ກ່າວຄຳປາໄສ ຕໍ່ ອົງການສະຫະປະຊາຊາດ

XS
SM
MD
LG