ລິ້ງ ສຳຫລັບເຂົ້າຫາ

logo-print

ປະເທດຮັ່ງມີ ຕ້ອງການ ພະຍາບານ ສໍາລັບ ຄົນສູງອາຍຸ ຈາກຫວຽດນາມ


ທ່ານ Lucien Blanchard, ຜູ້ຈັດການໂຮງໝໍຫວຽດນາມ-ຝຣັ່ງເຊັນ ຟອມໃຫ້ພະຍາບານຜູ້ນຶ່ງຢູ່ນອກໂຮງໝໍດັ່ງກ່າວ ຢູ່ນະຄອນຫລວງຮ່າໂນ້ຍ ໃນເດືອນມີນາ 2003.
ສອງປະເທດໃນໂລກ ທີ່ມີພົນລະເມືອງອາຍຸແກ່ຫລາຍກວ່າໝູ່
ທີ່ສຸດໃນໂລກ ກໍຄືຍີ່ປຸ່ນ ແລະເຢຍຣະມັນ ກໍາລັງຝຶກອົບຮົມພະ
ຍາບານສໍາລັບຄົນສູງອາຍຸຢູ່ໃນຫວຽດນາມ ເພື່ອຊ່ວຍລົບລ້າງ
ຊ່ອງຫວ່າງໃນການດູແລສຸຂະພາບທີ່ສໍາຄັນສຸດ ຢູ່ຕາມບ້ານ
ເຮືອນ. Marianne Brown ຜູ້ສື່ຂ່າວວີໂອເອ ສົ່ງລາຍງານເລື້ອງ
ນີ້ ມາຈາກຮ່າໂນ້ຍ ຊຶ່ງບົວສະຫວັນ ຈະນໍາມາສະເໜີທ່ານໃນອັນ
ດັບຕໍ່ໄປ:



ໃນເດືອນນີ້ ຊາວໜຸ່ມຫວຽດນາມ 100 ຄົນກໍາລັງເດີນທາງໄປຍັງ
ເຢຍຣະມັນ ໃນນາມພາກສ່ວນນຶ່ງຂອງໂຄງການໃໝ່ ເພື່ອຝຶກອົບ
ຮົມພະຍາບານສໍາລັບຄົນສູງອາຍຸ ທີ່ຈະໄປເຮັດວຽກຢູ່ໃນທະວີບ
ຢູໂຣບ. ຜູ້ເຂົ້າຮ່ວມການຝຶກອົບຮົມ ຫາກໍ່ສໍາເລັດຫລັກສູດການຮຽນ ກ່ຽວກັບພາສາ ແລະ
ວັດທະນະທໍາ ເປັນເວລາຫົກເດືອນຢູ່ນະຄອນຫລວງຮ່າໂນ້ຍ ແລະພວກເຂົາເຈົ້າຈະໄປ ຮັບການຝຶກອົບຮົມດ້ານວິຊາຊີບອີກເປັນເວລາສອງປີ ຢູ່ເຢຍຣະມັນ. ຖ້າຫາກເຂົາເຈົ້າ
ເສັງຜ່ານໃນການສອບເສັງບັ້ນສຸດທ້າຍ ເຂົາເຈົ້າກໍສາມາດທີ່ຈະເຮັດວຽກຢູ່ເຢຍລະມັນໄດ້
ໃນນາມພະຍາບານສໍາລັບຜູ້ເຖົ້າ ທີ່ມີຄຸນນະວຸດທິຢ່າງເຕັມສ່ວນ.

ນຶ່ງໃນນັ້ນກໍຄືນາງ ຫວ່ງຖິ ຖິ ອາຍຸ 24 ປີ. ລາວເວົ້າວ່າລາວມີຄວາມຕື່ນເຕັ້ນສໍາລັບການ
ຍົກຍ້າຍດັ່ງກ່າວ. ນາງ ຫວ່ງ ຖິ ຖິ ເວົ້າວ່າ:

"ຢູ່ເຢຍລະມັນມີລະບົບການແພດ ແລະພະ ຍາບານທີ່ທັນສະໄໝ. ສໍາລັບຢູ່ ຫວຽດນາມ ໂດຍສະເພາະການດູແລເບິ່ງແຍງຜູ້ເຖົ້າເປັນເລື້ອງໃໝ່ຫລາຍ. ຂ້ອຍຢາກມາເຢຍຣະມັນ ເພື່ອຮຽນເອົາຄວາມຮູ້ ແລະປະສົບການເພີ້ມຂຶ້ນ
ໃນການດູແລຄົນສູງອາຍຸ.”


ເຢຍຣະມັນເປັນປະເທດທີ່ມີເສດຖະກິດໃຫຍ່ທີ່ສຸດຢູ່ໃນຢູໂຣບ ແຕ່ກໍປະເຊີນກັບວິກິດການ
ດ້ານປະຊາກອນ ຍ້ອນອັດຕາການເກີດຕໍ່າ ບວກກັບຄົນມີອາຍຸຍືນຂຶ້ນ. ຫລາຍກວ່າ 1 ສ່ວນ 5 ຂອງພົນລະເມືອງ ແມ່ນມີອາຍຸເກີນກວ່າ 65 ປີ ແລະອັດຕາສ່ວນນັ້ນ ຄາດວ່າຈະ
ເພີ້ມສູງຂຶ້ນອີກໃນຊຸມປີຈະມາເຖິງນີ້.

ດ້ວຍເຫດຜົນດັ່ງກ່າວ ຈໍານວນຄົນອາຍຸແກ່ ທີ່ຕ້ອງການການດູແລສຸຂະພາບ ຈຶ່ງຄາດວ່າ
ຈະເພີ້ມຂຶ້ນ ຫຼາຍກວ່ານຶ່ງລ້ານຄົນໃນປີ 2030, ອີງຕາມອົງການພັດທະນາສາກົນຂອງ
ເຢຍຣະມັນ ຫລື GIZ.

ທ່ານ Dominik Ziller, ຜູ້ອໍານວຍການດ້ານແຮງງານເຄື່ອນທີ່ຂອງອົງການພັດທະນາ ສາກົນຂອງເຢຍຣະມັນເວົ້າວ່າ:

“ພວກເຮົາຮູ້ວ່າ ພວກເຮົາຂາດກໍາລັງ ແຮງງານທີ່ມີຄຸນນະວຸດທິ ທີ່ຈະເຮັດວຽກ
ຢູ່ໃນຂະແໜງການດ້ານການ ແພດໃນທຸກມື້ນີ້ ແລະພວກເຮົາຍັງຮູ້ອີກວ່າ ຢູ່ໃນ
ສັງຄົມຄົນສູງອາຍຸ ຂອງພວກເຮົາໃນເຢຍຣະມັນ ຈໍານວນຄົນທີ່ຕ້ອງການຜູ້ດູ
ແລເຫລົ່ານີ້ ແລະພະຍາບານ ຕະຫຼອດທັງພະຍາບານຜູ້ເຖົ້າ ຈະເພີ້ມຂຶ້ນຢ່າງ
ຫລວງຫລາຍ.”


ກົງກັນຂ້າມ 60 ເປີເຊັນຂອງຄົນຫວຽດນາມ ແມ່ນເກີດຫລັງສົງຄາມສິ້ນສຸດລົງໃນປີ 1975 ແລະປະເທດດັ່ງກ່າວແມ່ນ ບໍ່ສາມາດທີ່ສະ ໜອງວຽກງານໃຫ້ແກ່ກໍາລັງແຮງງານ
ຂອງຕົນທັງໝົດໄດ້. ເດັກນ້ອຍສ່ວນໃຫຍ່ ແມ່ນຄາດກັນວ່າ ຈະດູແລພໍ່ແມ່ ຫລື ພໍ່ປູ່ ແມ່ຍ່າ
ຂອງເຂົາເຈົ້າຢູ່ເຮືອນ ເມື່ອເຂົາເຈົ້າເຖົ້າແກ່ຊະລາລົງ.

ທ່ານ Ziller ກ່າວວ່າ ໂຄງການທົດລອງດັ່ງກ່າວ ແມ່ນເປັນການແກ້ໄຂບັນຫາສະເພາະ
ໜ້າ ແລະໂຄງການນີ້ ຍັງຢູ່ໃນໄລຍະຕົ້ນໆຂອງມັນ ສະນັ້ນ ຜົນສໍາເລັດຂອງມັນ ຍັງບໍ່
ສາມາດທີ່ຈະຄາດຄະເນໄດ້ເທື່ອ. ແຕ່ຢ່າງໃດກໍຕາມ ບັນຫາທີ່ອາດມີອັນນຶ່ງ ອາດຈະ
ແມ່ນອຸບປະສັກໃນ ດ້ານພາສາ. ທ່ານ Dominik ເວົ້າອີກວ່າ:

“ມັນເປັນການຍາກສໍາລັບຄົນຫວຽດນາມ ທີ່ຈະເວົ້າພາສາເຢຍຣະມັນ ຫລາຍ
ກວ່າຄົນທີ່ເວົ້າພາສາຂອງປະເທດ ຢູໂຣບພາສາໃດພາສານຶ່ງ ທີ່ມີໄວຍະກອນ
ຄ້າຍຄືກັນ. ພວກເຮົາຮູ້ດີວ່າ ຊາວໜຸ່ມທີ່ໄດ້ຜ່ານການຝຶກອົບຮົມ ດ້ານພາສາ
ຢູ່ທີ່ນີ້ ຍັງຕ້ອງການການຝຶກອົບຮົມດ້ານພາສາອີກຢູ່.”


ນີ້ກໍຄືບັນຫານຶ່ງທີ່ຍີ່ປຸ່ນ ປະເທດທີ່ມີຄົນອາຍຸແກ່ ເພີ້ມຂຶ້ນໄວທີ່ສຸດໃນໂລກ ກໍາລັງປະເຊີນ
ຢູ່ ໃນການຝຶກອົບຮົມພະຍາບານຕ່າງປະເທດ. ທ້າຍປີນີ້ ຈະເປັນຄັ້ງທໍາອິດ ທີ່ຜູ້ຝຶກອົບຮົມ
ຊາວຫວຽດນາມ 150 ຄົນຈະເດີນທາງໄປຍີ່ປຸ່ນ ເພື່ອເຂົ້າຮ່ວມການຝຶກອົບຮົມເປັນເວລາ
ສອງປີ ຢູ່ຕາມໂຮງໝໍຕ່າງໆຂອງຍີ່ປຸ່ນ ຊຶ່ງຫລັງຈາກນັ້ນ ເຂົາເຈົ້າຈະໄດ້ເຂົ້າຮ່ວມການ
ສອບເສັງເອົາພະຍາບານແຫ່ງຊາດ.

ປັດຈຸບັນນີ້ ຍີ່ປຸ່ນກຳລັງຝຶກອົບຮົມພະຍາບານຈາກຟີລີບປີນ ແລະອິນໂດເນເຊຍ ແຕ່ການ
ຝຶກອົບຮົມນີ້ໄດ້ຮັບການຕຳໜິຕິຕຽນວ່າ ເຂັ້ມງວດເກີນໄປ.

ທ່ານນາງ Yoko Tsuruya ເລຂາເອກ ຢູ່ສະຖານທູດຍີ່ປຸ່ນປະຈໍາກຸງຮ່າໂນ້ຍເວົ້າວ່າ ຜູ້
ສະໝັກເຂົ້າຮັບການຝຶກອົບຮົມທຸກຄົນ ຈະຕ້ອງໄດ້ຜ່ານການສອບເສັງອັນດຽວກັນ ເປັນພາ
ສາຍີ່ປຸ່ນ ແຕ່ວ່າ ມັນຍາກສໍາລັບຜູ້ສະໝັກທີ່ເປັນຄົນຕ່າງປະເທດ ຍ້ອນອຸບປະສັກດ້ານ ພາສາ.

ທ່ານນາງເວົ້າວ່າ ເຖິງຢ່າງໃດກໍຕາມ ຊາວຕ່າງປະເທດ ກໍໄດ້ຮັບການຊ່ວຍເຫລືອບາງ
ຢ່າງ ເພື່ອທໍາການສອບເສັງໃຫ້ສໍາເລັດ. ຍົກຕົວຢ່າງພວກເຂົາເຈົ້າໄດ້ຮັບເວລາຫລາຍກວ່າ
ແລະພາສາຍີ່ປຸ່ນ ກໍຂຽນຕາມການອອກສຽງຂອງສາກົນ.

ເພື່ອປັບປຸງລະບົບດັ່ງກ່າວ ແທນທີ່ຈະສືບຕໍ່ຮຽນໃນຫລັກສູດສອນພາສາຂອງເຂົາເຈົ້າ ເມື່ອໄປເຖິງຍີ່ປຸ່ນ ໃນນາມທີ່ເປັນຜູ້ສະໝັກຈາກປະເທດອື່ນ ຜູ້ເຂົ້າຮ່ວມການຝຶກອົບຮົມ ຈາກຫວຽດນາມ ຈະໄປທີ່ບ່ອນຈັດໃຫ້ເຂົາເຈົ້າໃນໂຮງໝໍ ແລະເອົາການຮຽນພາສາໄປ
ພ້ອມໆ ກັບປະສົບການຕົວຈິງ.

ເຖິງແມ່ນວ່າ ຍີ່ປຸ່ນ ຈະມີພົນລະເມືອງທີ່ມີອາຍຸສູງຂຶ້ນຢ່າງວ່ອງໄວ ກໍຕາມ ການຮັບເອົາ
ຄົນງານຕ່າງວປະເທດໄປເຮັດວຽກໃນບາງຂະແໜງອຸດສະຫະກໍາ ຍັງເປັນບັນຫາ ທີ່ຍັງ
ຖົກຖຽງກັນຢູ່. ພວກຕໍາໜິໃນເລື້ອງນີ້ເວົ້າວ່າ ການຮັບເອົາແຮງງານຕ່າງປະເທດ ອາດນໍາໄປ
ສູ່ການເຮັດວຽກທີ່ມີມາດຕະຖານຕໍ່າ ຫລືເຮັດໃຫ້ມີໄພຫວ່າງງານເພີ້ມຂຶ້ນ.

ຢ່າງໃດກໍຕາມ ມີການຄັດຄ້ານບໍ່ຫລາຍໃນການນໍາເອົາພະຍາບານເຂົ້າໄປເຮັດວຽກຢູ່ທີ່ນັ້ນ.

ທ່ານນາງ Tsuruya ເວົ້າວ່າ ຄົນທີ່ີອາດຈະເສັງຜ່ານການສອບເສັງ ດ້ານພະຍາບານ
ແມ່ນບໍ່ຫລາຍປານໃດ ສະນັ້ນການຄັດຄ້ານຕໍ່ໂຄງການ ປະເພດນີ້ແມ່ນມີໜ້ອຍກວ່າ ການ
ຄັດຄ້ານຕໍ່ພວກໃຊ້ແຮງງານ.

ເຖິງແມ່ນວ່າ ຫວຽດນາມຈະເຕັມໄປດ້ວຍພົນລະເມືອງໜຸ່ມກໍຕາມ ການຂະຫຍາຍຕົວ
ຢ່າງວ່ອງໄວຂອງຫວຽດນາມ ໄດ້ນໍາໄປສູ່ການປ່ຽນແປງ ທາງດ້ານພົນລະເມືອງຂອງຕົນ
ເຊັ່ນກັນ. ການປ່ຽນແປງໃນແບບແຜນ ດໍາລົງຊີວິດ ກໍໝາຍຄວາມວ່າ ມີຄົນໜ້ອຍເຂົ້າໄປ
ນັບມື້ ທີ່ຢາກຈະດູແລເບິ່ງແຍງພໍ່ແມ່ຢູ່ເຮືອນ. ນາງຮ່ວງ ທີ່ເປັນຜູ້ເຂົ້າຝຶກອົບຮົມດ້ານພະ ຍາບານຄິດວ່າ ໃນອະນາຄົດ ຫວຽດນາມຈະຕ້ອງການໂຮງໝໍ ເພີ້ມຂຶ້ນສໍາລັບຄົນສູງອາຍຸ
ແຕ່ກໍເວົ້າວ່າ ການຮຽນເອົາຄວາມຮູ້ ຄວາມຊໍານານ ຢູ່ຕ່າງປະເທດ ສາມາດທີ່ຈະຊ່ວຍ
ຄົນຫວຽດນາມ ພັດທະນາຂະແໜງນີ້ ໃຫ້ແກ່ຕົນເອງອີກດ້ວຍ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG