ການຊ້ອມລົບຮ່ວມຂອງ ຮ່າໂນ່ຍ ກັບ ຟີລິບປິນ ຢູ່ບໍລິເວນທະເລຈີນໃຕ້ ແລະ ຄວາມພະຍາຍາມເພື່ອກຳນົດ ພ້ອມທັງສົ່ງເສີມເຂດແດນ ກັບບັນດາປະເທດ ເພື່ອນບ້ານໃນເອເຊຍຕາເວັນອອກສ່ຽງໃຕ້ ແມ່ນຄວາມພະຍາຍາມຕ້ານການ ຮຸກຮານຂອງປັກກິ່ງ ໃນຂົງເຂດນ່ານນ້ຳທີ່ມີການປະທະກັນຢ່າງຮ້ອນແຮງ, ອີງຕາມການກ່າວຂອງບັນດານັກວິເຄາະ.
ກຳປັ່ນຍາມຝັ່ງຂອງຫວຽດນາມລຳນຶ່ງ ໄດ້ເດີນທາງໄປຮອດນະຄອນຫຼວງມະນີລາໃນວັນທີ 5 ສິງຫາ ທີ່ຜ່ານມາ ເພື່ອຢ້ຽມຢາມແບບໄມຕີຈິດເປັນເວລາ 4 ມື້ ແລະເພື່ອດຳເນີນການຊ້ອມລົບຮ່ວມກັນຢູ່ໃນບໍລິເວນທະເລຈີນໃຕ້. ທ່ານ ເຣ ພາວ (Ray Powell) ຜູ້ອຳນວຍການສູນ Gordian Knot ສຳລັບນະວັດຕະ ກໍາດ້ານຄວາມໝັ້ນຄົງແຫ່ງຊາດຂອງມະຫາວິທະຍາໄລ Stanford ກ່າວວ່າ ເຖິງແມ່ນສອງປະເທດຈະມີຂໍ້ຂັດແຍ້ງດ້ານດິນແດນຂອງຕົນເອງຢູ່ໃນທະເລຈີນໃຕ້ ເຊິ່ງເປັນເສັ້ນທາງການຄ້າ ແລະເສັ້ນທາງດ້ານຄວາມໝັ້ນຄົງທີ່ສໍາຄັນກໍຕາມ, ແຕ່ມັນກໍຢູ່ໃນຄວາມສົນໃຈຂອງທັງສອງປະເທດທີ່ຈະປະຕິບັດງານຮ່ວມກັນ.
ທ່ານໄດ້ຂຽນຫາ VOA ໂດຍຜ່ານການສົ່ງຂໍ້ຄວາມທາງ WhatsApp ໃນວັນທີ 11 ສິງຫາວານນີ້ວ່າ “ທັງ ຮ່າໂນ່ຍ ແລະ ມານີລາ ຮັບຮູ້ວ່າ ໃນຂະນະທີ່ຂໍ້ອ້າງທີ່ກ່ຽວເນື່ອງກັນເປັນບັນຫາຂອງພວກເຂົາເຈົ້າ, ມີພຽງແຕ່ປັກກິ່ງເທົ່ານັ້ນ ທີ່ຈະມີວິທີ ແລະມີເຈດຕະນາທີ່ຈະແຈ້ງໃນການບັງຄັບໃຊ້ຄຳຮຽກຮ້ອງຂອງຕົນ, ພວກເຂົາມີການຕັດສິນໃຈທີ່ສະຫຼາດສໍາລັບການຈັດການ ຄວາມຂັດແຍ້ງສອງ ຝ່າຍແບບກັນເອງ ເພື່ອເຮັດໃຫ້ພວກເຂົາສາມາດແນເປົ້າໝາຍໃສ່ໄພຂົ່ມຂູ່ ອັນຍິ່ງໃຫຍ່ ທີ່ຖືກກໍານົດອອກມາໂດຍຈີນເອງ.”
ຜູ້ນຳຄະນະຜູ້ແທນໜ່ວຍຍາມຝັ່ງຂອງຫວຽດນາມ ປະຈຳນະຄອນຫຼວງ ມະນີລາ, ພັນເອກ ຮ່ວາງ ກັວກ ດັດ (Hoang Quoc Dat) ກ່າວໃນລະຫວ່າງ ກ່າວຄໍາປາວ່າ ການຮຽກຮ້ອງແມ່ນວິທີເພື່ອເສີມສ້າງຄວາມເຂັ້ມແຂງໃຫ້ແກ່ການພົວພັນ “ມິດຕະພາບສໍາລັບຜົນປະໂຫຍດຮ່ວມກັນຂອງທັງສອງປະເທດ” ແລະເພື່ອຊ່ວຍ “ປົກປ້ອງ ແລະຮັກສາຄວາມໝັ້ນຄົງ ແລະຄວາມປອດໄພທາງທະເລຢູ່ໃນພາກພື້ນ.”
ຈີນ ອ້າງເອົາຂົງເຂດທະເລຈີນໃຕ້ສ່ວນໃຫຍ່ທີ່ມີເສັ້ນທາງເກົ້າຂີດຂອງຕົນ, ເຊິ່ງເປັນຂໍ້ພິພາດກ່ຽວກັບແຜນທີ່ ທີ່ບໍ່ໄດ້ອີງໃສ່ພື້ນຖານທາງດ້ານກົດໝາຍ. ໃນເດືອນເມສາທີ່ຜ່ານມາ, ໜ່ວຍຍາມຝັ່ງຂອງຈີນໄດ້ໃຊ້ທໍ່ສີດນ້ຳຂະໜາດສີດໃສ່ກຳປັ່ນຂອງຟີລິບປິນ ໃນຂະນະທີ່ໄດ້ປະຕິບັດການລາດຕະເວນໃກ້ກັບຊາຍຫາດ ທີ່ເປັນຫິນ ສກາໂບໂຣ ທີ່ຄວບຄຸມໂດຍຈີນ, ເຊິ່ງມີໄລຍະຫ່າງຈາກເກາະ ລູຊອນ (Luzon) ຂອງຟີລິບປິນ ໄປທາງທິດຕາເວັນຕົກປະມານ 130 ກິໂລແມັດ.
