ລິ້ງ ສຳຫລັບເຂົ້າຫາ

logo-print

ຫວຽດນາມກ່າວວ່າ ດໍາລັດໃໝ່ຂອງຕົນ ກ່ຽວກັບອິນເຕີແນັດ ແມ່ນດີ ສໍາລັບທຸລະກິດ


ຊາຍຄົນນຶ່ງ ອ່ານຂ່າວທາງ ອອນລາຍ ຈາກຄອມພິວເຕີ້ ໜ້າຕັກ ຫລື ແລປທອັປ ຂອງລາວ ຢູ່ຮ້ານກາເຟແຫ່ງນຶ່ງ ໃນະຄອນຫລວງຮາໂນ່ຍ.
ກົດໝາຍຄວບຄຸມອິນເທີເນັດຂອງ​ຫວຽດນາມ
ທີ່​ເປັນ​ຫົວຂໍ້ໂຕ້ແຍ້ງກັນນັ້ນ ເລີ່ມມີຜົນບັງຄັບໃຊ້ ເມື່ອວັນທີ
1 ເດືອນນີ້ ຊຶ່ງບັນດານັກວິຈານເວົ້າວ່າ ກົດໝາຍໃໝ່ດັ່ງກ່າວ
ແມ່ນແນເປົ້າໝາຍໃສ່ ປາບປາມການຂຽນຂໍ້ຄວາມລົງທາງ
ອິນເທີເນັດ ແລະອາດສາມາດ​ເຮັດໃຫ້ບໍລິສັດ​ຕ່າງໆ​ ບໍ່​ມີ​ກໍາ
ລັງ​ໃຈ​ທີ່​ຈະ​ເຂົ້າ​ໄປ​ລົງທຶນ​ໃນຫວຽດນາມໄດ້. ແຕ່ລັດຖະບານ
ຫວຽດນາມເວົ້າວ່າ ກົດໝາຍນີ້ມີເປົ້າໝາຍເພື່ອພິທັກປົກປ້ອງ
ຊັບສິນທາງປັນຍາ ແລະປາບປາມການລັກລອບຄັດສໍາເນົາ
ຫລື​ກອບ​ປີ້ຜົນງານແລະບົດປະພັນ. Marianne Brown ຜູ້ສື່
ຂ່າວວີໂອເອ ມີລາຍງານເລຶ່ອງນີ້ຈາກຮາໂນ່ຍ ຊຶ່ງດາຣາຈະ
ນໍາມາສະເໜີທ່ານ ໃນອັນດັບຕໍ່ໄປ.


ບັນດາລັດຖະບານຕ່າງປະເທດ ພ້ອມດ້ວຍນັກເຄື່ອນໄຫວດ້ານສິດທິ ແລະບໍລິສັດອິນເຕີ
ເເນັດ ໄດ້ກ່າວໂຈມຕີກົດໝາຍຊຸດໃໝ່ຂອງຫວຽດນາມທີ່​ຈໍາກັດ​ຮັດແຄບຂໍ້ຄວາມໃນອິນເຕີ
ເເນັດ ຊຶ່ງພວກເຂົາເຈົ້າເວົ້າວ່າ ເປັນການຂົ່ມຂູ່ຕໍ່ເສລີພາບໃນການປາກເວົ້າຢູ່ໃນປະເທດ
ຄອມມີວນີສ​ແຫ່ງ​ນັ້ນ.

ກົດໝາຍນັ້ນລະບຸວ່າ ບົດຂຽນ​ໃນ​ອິນ​ເຕີ​ເນັດ ແລະເວັບໄຊ້ສື່ສັງຄົມອື່ນໆ ຈະຕ້ອງເປັນຂໍ້
ຄວາມໃນທາງສ່ວນຕົວເທົ່ານັ້ນ. ນອກນີ້ແລ້ວ ກົດໝາຍຍັງບັງຄັບໃຫ້ບໍລິສັດທ້ອງ​ຖິ່ນຕິດ
ຕາມ​ເບິ່ງອິນເທີເນັດ​ໄຊ້ຕ່າງໆ​ເພື່ອ​ຊອກ​ຫາ ຂໍ້ຄວາມຜິດກົດໝາຍ. ບັນຊີຂໍ້ສັ່ງຫ້າມຕ່າງໆ
ອັນຍາວຢຽດນັ້ນ ມີໂຮມທັງ “ການປະຕິບັດທີ່ໜ້າສົງ​ໄສ ແລະທີ່​ເປັນການໝິ່ນປະໝາດ ຂະນົບທໍານຽມ ແລະປະເພນີຂອງປະເທດ.”

​ແຕ່ໂທດທັນ​ສໍາລັບການລະເມີດຕ່າງໆ ຍັງກໍາລັງຮ່າງກັນຢູ່ ໃນເວລານີ້.

ບັນດານັກວິຈານເວົ້າວ່າ ມາດຕະການ​ເຫລົ່າ​ນັ້ນ​ຂຽນ​ອອກ​ມາ​ຢ່າງຄຸມເຄືອບໍ່ຊັດເຈນ ແລະ
ໃນຂອບເຂດກວ້າງຂວາງເກີນໄປ ຊຶ່ງ​ເຂົາເຈົ້າເວົ້າວ່າ ເປັນຮ່ອງຮອຍທີ່ສະແດງວ່າ ກົດ
ໝາຍນັ້ນ ມີເປົ້າໝາຍ​ເພື່ອປິດປາກປິດສຽງ ພວກທີ່ໂຈມຕີລັດຖະບານທາງອິນເທີເນັດ.

Adam Sitkoff ປະຈໍາສະພາການຄ້າອາເມຣິກັນ ຫລື American Chamber of Commerce ມີ​ຄວາມ​ເຫັນ​ວ່າ:

“ຂັ້ນຕອນການຮ່າງກົດໝາຍໃນຫວຽດນາມ ມັກຈະບໍ່ຊັດເຈນແຈ່ມແຈ້ງປານໃດ.
ແລະ​ເຖິງ​ແມ່ນ​ມີການປຶກສາຫາລືກັບພວກ ມີສ່ວນໄດ້ສ່ວນເສຍຜູ້ສໍາຄັນກໍ​ຕາມ
ແຕ່
ບາງເທື່ອພວກກົດໝາຍເຫຼົ່ານັ້ນ ກໍ​ສົ່ງຜົນຮັບທີ່ບໍ່ໄດ້ຕັ້ງໃຈຕິດຕາມມາ ທີ່
ສ້າງຄວາມເສຍຫາຍໃຫ້ແກ່
ບັນຍາກາດດ້ານທຸລະກິດ ແລະການລົງທຶນຂອງ
ຫວຽດນາມ.”


ລັດຖະບານຮາໂນ່ຍໄດ້ຕອບໂຕ້ຕໍ່ການຈົ່ມ​ວ່າ​ຕ່າງໆ ໂດຍການກ່າວປ້ອງກັນກົດໝາຍນັ້ນ.

ບົດຄວາມບົດນຶ່ງທີ່ລົງພິມໃນໜັງສືພິມ Nhan Dan ຂອງພັກຄອມມີວນີສຫວຽດນາມ ເມື່ອວັນທີ 8 ສິງຫາຜ່ານມາ ເວົ້າວ່າ ເຖິງແມ່ນວ່າພວກຊົມໃຊ້ອິນເຕີເເນັດສ່ວນຫຼາຍໃນ
ຫວຽດນາມ ຈະສື່ສານກັນໃນລັກສະນະທີ່​ສີວິ​ໄລ​ກໍ​ຕາມ ແຕ່ມີພວກອື່ນໆທີ່ໃຊ້ສື່ສັງຄົມ ເພື່ອທໍາລາຍກຽດສັກສີ​ແລະຊື່ສຽງ ຂອງ​ຄົນ​ອື່ນ ແລະຍຸຍົງສົ່ງ​ເສີມ​ໃຫ້ຕໍ່ຕ້ານລັດຖະບານ. ບົດຄວາມເວົ້າອີກ ວ່າ ເພາະສະນັ້ນ ມັນຈຶ່ງຈໍາເປັນທີ່​ຈະຄວບຄຸມອິນເທີເນັດດ້ວຍການ ໃຊ້ກົດໝາຍບັງຄັບ.

ຫວຽດນາມບໍ່​ມີ​ກົດໝາຍພິທັກປົກປ້ອງລິຂະສິດ ແລະພວກ​ທີ່ປ້ອງກັນມາດຕະການໃໝ່
ເວົ້າວ່າ ​ເປົ້າ​ໝາຍ​ຂອງມັນ​ແມ່ນເພື່ອຊ່ວຍເຫຼືອບັນດາຜູ້ພິມ ແລະພວກເຮັດຊອຟແວ
ຂອງປະເທດ.

Anh Minh Do, ບັນນາທິການເວັບໄຊ້ Tech in Asia ເວົ້າວ່າ ກົດໝາຍໃໝ່ດັ່ງກ່າວນີ້ ສ່ວນນຶ່ງແມ່ນເປັນຜົນສືບ​ເນື່ອງ​ມາ​ຈາກສອງຄະດີທາງກົດໝາຍ. ຄະດີທີ່ນຶ່ງແມ່ນກ່ຽວກັບ
ເວັບໄຊ້ຂ່າວ Bao Moi ທີ່ໄດ້​ເອົາຂ່າວ ຕ່າງໆຈາກສື່ມວນຊົນທ້ອງຖິ່ນລົງໃນເວັບໄຊ້ຂອງ
ຕົນໂດຍບໍ່ໄດ້ຂໍອະນຸຍາດ.

ທ່ານ ມິນ ເວົ້າວ່າ: “ພວກໜັງສືພິມກໍ​ເລີຍລວມຕົວກັນຟ້ອງຮ້ອງ Bao Moi
ແລະ​ນັ້ນ​ກໍ​ແມ່ນ​ຜົນ​ຈາກ​ການ​ລອບ​ບີ້​ ຂອງ​ຝ່າຍ
ໜັງສືພິມ.”

ສ່ວນຄະດີທີ່ສອງ ກໍຄືຄະດີ​ຂອງ​ເວັບໄຊ້ທ໌ Nhac Cua Tui ຊຶ່ງໝາຍຄວາມວ່າ “ດົນຕີຂອງຂ້ອຍ” ໃນພາສາຫວຽດນາມ.

​ເວັບ​ໄຊ້ທ໌ NCT.VN ເປັນເວທີບ່ອນ​ທີ່ພວກອອກແບບເກມ ແລະພວກຫຼິ້ນເກມທັງຫຼາຍ ແບ່ງປັນເກມຂອງພວກເຂົາເຈົ້າທາງອິນເຕີເເນັດ ແຕ່ປະກົດວ່າເວັບໄຊ້ທ໌ດັ່ງກ່າວ​ໄດ້ກໍ່ໃຫ້​
ເກີດຂໍ້ຂັດແຍ້ງເມື່ອຕົ້ນປີນີ້ ຍ້ອນວ່າເກມຫຼາຍໆອັນ​ທີ່​ເອົາ​ມາ​ແບ່ງປັນ​ກັນ​ຫຼິ້ນນັ້ນ ຖືກລັກ
ຂະໂມຍ ຫຼື​ກອບ​ປີ້​ມາ. ທ່ານ ມິນ ເວົ້າວ່າ ຂໍ້ຈໍາກັດຮັດແຄບກ່ຽວກັບວ່າ ເນື້ອຫາຫຼືບົດຂຽນ​
ແບບ​ໃດ ສາມາດເອົາລົງເວັບໄຊ້ໃໝ່ນັ້ນ ແມ່ນຈະຊ່ວຍປົກປ້ອງການລັກຂະໂມຍໄດ້.

ທ່ານມິນເວົ້າອີກວ່າ: ຂ້າພະເຈົ້າໄດ້ໂອ້ລົມກັບເພື່ອນສອງສາມຄົນ ທີ່ຢູ່ໃນວົງການ ເກມທາງອິນເຕີເເນັດຊຶ່ງສໍາລັບພວກເຂົາເຈົ້າແລ້ວ ຖືວ່າເປັນການດີ ຄືພວກເຂົາ ເຈົ້າຈະມີຕົວຢ່າງທາງກົດໝາຍຫຼາຍຂຶ້ນ ສໍາລັບລິຂະສິດຂອງເກມຂອງພວກເຂົາ
ເຈົ້ານັ້ນ.”


ນັກຮຽນຫວຽດນາມສອງຄົນ ເຂົ້າເບິ່ງ Facebook ຢູ່ຮ້ານອິນເຕີແນັດ ແຫ່ງນຶ່ງ ໃກ້ໆຫໍພັກຂອງເຂົາເຈົ້າ ຢູ່ຮາໂນ່ຍ.
ນັກຮຽນຫວຽດນາມສອງຄົນ ເຂົ້າເບິ່ງ Facebook ຢູ່ຮ້ານອິນເຕີແນັດ ແຫ່ງນຶ່ງ ໃກ້ໆຫໍພັກຂອງເຂົາເຈົ້າ ຢູ່ຮາໂນ່ຍ.

ຫວຽດນາມ ມີຄົນຫຼິ້ນເກມທາງອິນເຕີເເນັດຫຼາຍກວ່າ 13 ລ້ານຄົນ
ແລະອຸດສາຫະກໍາ ເກມທາງອິນເຕີເເນັດກໍກໍາລັງເຕີບໂຕຂຶ້ນໄປ
ຢ່າງວ່ອງໄວ. Nguyen Tuan Huy ເປັນຜູ້ກໍ່ຕັ້ງບໍລິສັດ​ຜະລິດ
ເກມ Emobi ຫຼື Emobi Games ຊຶ່ງເປັນຜູ້ອອກແບບເກມ ທີ່ຢູ່
ໃນລະດັບໜ້າລາຍນຶ່ງ ຂອງຫວຽດນາມ. ລາວເວົ້າວ່າ ລາວບໍ່ເຫັນ
ພ້ອມກັບໝົດທຸກເນື້ອໃນຂອງກົດໝາຍໃໝ່ນັ້ນ ແຕ່ມັນມີຄວາມ
ສາມາດບົ່ມຊ້ອນສູງ ທີ່ຈະຊ່ວຍອຸດສາຫະກໍານີ້ໄດ້.

ຫງຽນ ຕວນ ຮຸຍ ເວົ້າວ່າ: ມັນ​ກໍດີຢູ່ ຍ້ອນວ່າໃນຕອນນີ້ ສິ່ງໃດ
ກໍຕາມທີ່ລັດຖະບານເຮັດ
ໄປ ກໍຍັງດີກວ່າ ບໍ່ເຮັດຫຍັງເລີຍ.
ເມື່ອສາມປີ
ກ່ອນ​ນີ້ ລັດຖະບານບໍ່ໄດ້ເຮັດຫຍັງເລີຍໃຫ້ແກ່ວົງການອຸດສາຫະກໍາເກມ ຊຶ່ງເຮົາຕົກຢູ່ໃນຖານະລໍາບາກແທ້ໆໃນເວລານັ້ນ.”

ຂະນະນີ້ ຫວຽດນາມຢູ່ໃນລະຫວ່າງກາງການເຈລະຈາຕໍ່ຮອງ ເລື້ອງການ​ເຂົ້າ​ຮ່ວມອົງ
ການຄ້າເສລີທີ່ນໍາໂດຍສະຫະລັດ ກໍຄືອົງການພາຄີຂ້າມ ແປຊິຟິກ ຫຼື Trans-Pacific Partnership ​ເອີ້ນ​ຫຍໍ້​ວ່າ TPP ນັ້ນ. ບໍ່​ເປັນ​ທີ່ແຈ້ງຂາວວ່າ ຂໍ້ຈໍາກັດຮັດແຄບຊຸດໃໝ່
ກ່ຽວກັບເສລີພາບ​ໃນການປາກເວົ້າຫຼືການປົກປ້ອງລິຂະສິດນັ້ນ ຈະສົ່ງຜົນກະທົບແນວ
ໃດ ຕໍ່ການເຈລະຈາຕໍ່ຮອງດັ່ງກ່າວ.

ທ່ານ Adam Sitkoff ແຫ່ງສະພາການຄ້າອາເມຣິກັນ ໃຫ້ຄໍາເຫັນອີກວ່າ:

ການເຈລະຈາກໍາລັງ​ດໍາ​ເນີນ​ໄປ​ໃນ​ທາງສ່ວນໂຕ ສະນັ້ນມັນກໍຍາກທີ່ຈະເວົ້າ
ໄດ້ວ່າ ຫວຽດນາມຈະຕ້ອງໄດ້ເຮັດຫຍັງ​ແດ່ ກ່ຽວກັບເລື້ອງຊັບສິນທາງປັນຍາ ຫຼືບັນຫາອື່ນໆແບບດຽວກັນນັ້ນ. ຂ້າພະເຈົ້າຄິດວ່າ ສິ່ງທີ່ຜູ້​ຄົນຮູ້​ກັນດີນັ້ນ ກໍຄື
ວ່າ ໃນຈໍານວນ 12 ປະເທດທີ່ກໍາ
ລັງເຈລະຈາເລຶ່ອງ TPP ຢູ່ໃນຂະນະນີ້
ຫວຽດນາມ
ແມ່ນເປັນປະເທດດ້ອຍພັດທະນາທີ່ສຸດ ແລະກໍເປັນປະເທດທີ່ມີ
ວຽກ​ທີ່​ຈະຕ້ອງໄດ້ເຮັດ​ ຫຼາຍທີ່​ສຸດ.

ຄາດວ່າ ບັນດາປະເທດສະມາຊິກຂອງ TPP ຈະພິທັກປົກປ້ອງຊັບສິນທາງປັນຍາຂອງ​ເພື່ອນສະມາຊິກດ້ວຍ​ກັນ. ໃນຄໍາຖະແຫຼງສະບັບນຶ່ງທີ່ສົ່ງໃຫ້ວີໂອເອນັ້ນ ສະຖານທູດ
ສະຫະລັດທີ່​ຮາ​ໂນ່ຍເວົ້າວ່າ ລັດຖະບານຫວຽດນາມໄດ້ວາງພື້ນຖານໄວ້ແດ່ແລ້ວ ສໍາລັບ
ການບັງຄັບກົດໝາຍ​ປົກ​ປ້ອງສິດທິດ້ານຊັບສິນທາງປັນຍາ ແຕ່ກໍຍັງມີ​ອີກ​ຫຼາຍຢູ່​ທີ່ຈະ
ຕ້ອງ​ໄດ້​ເຮັດຕື່ມ ເພື່ອປ້ອງກັນການລັກຂະໂມຍລິຂະສິດ ໃນລະດັບການຄ້າ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG