ລິ້ງ ສຳຫລັບເຂົ້າຫາ

ວັນພະຫັດ, 08 ທັນວາ 2022

ຜູ້ອອກແຮງງານ ໃນລາວ ຍັງຖືກເອົາປຽບ ເລື້ອຍມາ


ທ່ານຄໍາຫລ້າ ລໍລອນສີ ຫົວໜ້າ ສະຫະພັນກໍາມະບານລາວ
ຮອງປະທານປະເທດລາວເນັ້ນໜັກວ່າຊາວກໍາມະກອນໃນລາວ
ຈະຕ້ອງສຶກສາອົບລົມເພື່ອຍົກສູງແນວຄິດການເມືອງ ໃນຂະນະ
ທີ່ແຮງງານລາງຍັງຕ້ອງປະເຊີນກັບ ການຖືກເອົາຮັດເອົາປຽບ
ຫຼາຍຂຶ້ນນັບມື້.

ທ່ານບຸນຍັງ ວໍລະຈິດ ຮອງປະທານປະເທດລາວໄດ້ກ່າວເນັ້ນ
ໜັກໃນໂອກາດການ ສະເຫຼີມສະຫຼອງວັນແຮງງານສາກົນຄົບ
ຮອບ 127 ປີ ຊຶ່ງໄດ້ຈັດຂຶ້ນຢ່າງເປັນທາງການໃນວັນທີ 30 ເມ
ສາທີ່ຜ່ານມານີ້ວ່າສິ່ງສໍາຄັນທີ່ສຸດທີ່ສູນກາງສະຫະພັນກໍາມະ ບານລາວຈະຕ້ອງເລັ່ງດໍາເນີນການປະຕິບັດຈັດຕັ້ງໃຫ້ໄດ້ຢ່າງ
ແທ້ຈິງໃຫ້ໄວທີ່ສຸດກໍຄືການສຶກສາອົບລົມເພື່ອຍົກສູງແນວຄິດ
ແລະທັດນະນະທາງການເມືອງຂອງບັນດາຜູ້ອອກແຮງງານໃຫ້
ເປັນໄປຕາມທິດນໍາທີ່ພັກປະຊາຊົນປະຕິວັດໄດ້ວາງອອກ.

ທັງນີ້ໂດຍສະເພາະແມ່ນການເອົາໃຈໃສ່ໃນການຄົ້ນຄວ້າເພື່ອຫັນເອົາແນວທາງນະໂຍ
ບາຍຂອງພັກ-ລັດໄປສູ່ການປະຕິບັດຕົວຈິງໃຫ້ໄດ້ຢ່າງເປັນຮູບປະທໍາພາຍໃຕ້ເປົ້າໝາຍ
ເພື່ອສ້າງເງື່ອນໄຂໃຫ້ກໍາມະກອນໄດ້ຮັບການຍົກລະດັບຄວາມຮູ້ຄວາມສາມາດທັງໃນ
ດ້ານເທກນິກ ວິຊາການ ແລະຝີມືແຮງງານໃຫ້ສູງຂຶ້ນເລື້ອຍໆ ເພື່ອຮອງຮັບການພັດທະ
ນາເສດຖະກິດໄປສູ່ອຸດສາຫະກໍາທີ່ທັນສະໄໝໃຫ້ໄດ້ໃນໄລຍະຕໍ່ໄປ.

ແຕ່ຢ່າງໃດກໍຕາມ ທ່ານຄໍາຫຼ້າ ລໍລອນສີ ປະທານສະຫະພັນກໍາມະບານລາວ ກໍຍອມຮັບ
ວ່າ ບັນຫານີ້ໜ້າເປັນຫ່ວງແລະເປັນອຸບປະສັກຕໍ່ການພັດທະນາເພື່ອຍົກລະດັບຄຸນນະ
ພາບຊີວິດການເປັນຢູ່ຂອງບັນດາຜູ້ອອກແຮງງານໃນລາວໃຫ້ດີຂຶ້ນໃນປັດຈຸບັນກໍຄືບັນ
ຫາກ່ຽວກັບການເອົາຮັດເອົາປຽບແຮງງານໂດຍບັນດານາຍຈ້າງ ທັງທີ່ເປັນຄົນລາວ ແລະຊາວຕ່າງປະເທດ.

ເຖິງແມ່ນວ່າສະຫະພັນກໍາມະບານລາວ ຈະໄດ້ພະຍາຍາມໃຫ້ການຄຸ້ມຄອງຜົນປະໂຫຍດ
ຂອງຜູ້ອອກແຮງງານໃນລາວມາໂດຍຕະຫຼອດ ຊຶ່ງກໍເຮັດໃຫ້ບັນດາ ຜູ້ອອກແຮງງານ
ໃນ
ລາວມີສະພາບຊີວິດການເປັນຢູ່ທີ່ດີຂຶ້ນກວ່າແຕ່ກ່ອນ ແລະໃນ ປີ 2012 ທີ່ຜ່ານມາ ສະ
ຫະພັນກໍາມະບານລາວກໍສາມາດຊຸກຍູ້ໃຫ້ມີການປັບຂຶ້ນອັດຕາຄ່າຈ້າງຂັ້ນຕໍ່າໃຫ້ກັບ
ຜູ້ອອກແຮງງານໄດ້ກໍຕາມ ຫາກແຕ່ການທີ່ຈະກວດກາ ໃຫ້ຮູ້ວ່າບັນດານາຍຈ້າງໄດ້ມີ
ການປະຕິບັດຢ່າງແທ້ຈິງຫຼືບໍ່ນັ້ນ ກໍຍັງເປັນການຍາກຫຼາຍ.

ຊຶ່ງດ້ວຍສະພາບການດັ່ງກ່າວ ຈຶ່ງເຮັດໃຫ້ມີການເອົາຮັດເອົາປຽບບັນດາຜູ້ອອກແຮງ
ງານໂດຍນາຍຈ້າງເກີດຂຶ້ນຢູ່ເລື້ອຍມາ ແລະເຖິງແມ່ນວ່າສະຫະພັນກໍາມະບານລາວ
ຈະໄດ້ດໍາເນີນມາດຕະການກວດກາຢ່າງຕໍ່ເນື່ອງກໍຕາມ ຫາກແຕ່ກໍບໍ່ສາມາດຮັບປະກັນ
ໄດ້ຢ່າງທົ່ວເຖິງ ດັ່ງທີ່ທ່ານຄໍາຫຼ້າ ໄດ້ຊີ້ແຈງວ່າ:
ກໍາມະກອນຍິງ ໃນໂຮງງານຕັດຫຍິບແຫ່ງນຶ່ງຂອງລາວ
ກໍາມະກອນຍິງ ໃນໂຮງງານຕັດຫຍິບແຫ່ງນຶ່ງຂອງລາວ

ທຸກມື້ນີ້ ກະມີປາກົດການແລ້ວ ເປັນຕົ້ນວ່າການໃຊ້
ແຮງງານລ່ວງເກີນເວລາ ການໃຊ້ແຮງງານທີ່ມັນບໍ່ຊອບ
ດ້ວຍກົດໝາຍ ຫຼືວ່າວັນພັກ ຫຼືວັນບຸນຕ່າງໆນີ້ກໍໃຫ້ພັກ
ໃຫ້ເຊົາ ອັນນີ້ກະເປັນການຂູດຮີດແຮງງານ ຫຼືວ່າການ
ສະໜອງຄ່າແຮງງານທີ່ມີມາກ່ອນນີ້ ກະບໍ່ທັນສະໜອງ
ຕອບຕາມຄວາມຮຽກຮ້ອງຕ້ອງການຕາມກົດໝາຍ ຫຼືວ່າ
ຕາມຂໍ້ກໍານົດເງິນເດືອນຕໍ່າສຸດນີ້ບາງບ່ອນກໍຍັງລະເມີດ
ຢູ່.”


ລັດຖະບານລາວໄດ້ອະນຸມັດປັບຂຶ້ນອັດຕາຄ່າຈ້າງຂັ້ນຕໍ່າສຸດສໍາລັບຜູ້ອອກແຮງງານໃນ
ລາວແລະໃຫ້ມີຜົນບັງຄັບຢ່າງເປັນທາງການນັບແຕ່ວັນທີ 1 ມັງກອນ 2012 ເປັນຕົ້ນມາ
ຊຶ່ງເປັນຜົນເຮັດໃຫ້ອັດຕາຄ່າຈ້າງຂັ້ນຕໍ່າປັບຂຶ້ນຈາກ 348,000 ກີບ ມາເປັນ 626,000
ກີບຕໍ່ເດືອນ ຫາກແຕ່ອັດຕາຄ່າຈ້າງຂັ້ນຕໍ່າດັ່ງກ່າວນີ້ ກໍບໍ່ມີຜົນບັງຄັບໃຊ້ກັບລູກຈ້າງ
ຂອງພາກສ່ວນທີ່ເປັນຄູ່ສັນຍາກັບລັດຖະບານ ພັກປະຊາຊົນປະຕິວັດລາວ ອົງການຈັດ
ຕັ້ງຂອງພັກ-ລັດ ພະນັກງານຂອງ ພັກ-ລັດ ອົງການທີ່ບໍ່ຂຶ້ນກັບລັດຖະບານລາວ ແລະ
ພາກສ່ວນຕ່າງໆທີ່ມີພັນທະ ຫຼື ສັນຍາຮ່ວມກັບກະຊວງປ້ອງກັນປະເທດລາວ.

ສ່ວນຜູ້ອອກແຮງງານໃນພາກທຸລະກິດ ພາກບໍລິການ ແລະໂຮງງານຕ່າງໆທີ່ໄດ້ຮັບການ
ປັບຂຶ້ນອັດຕາຄ່າຈ້າງຂັ້ນຕໍ່ານັ້ນ ກໍມີພັນທະທີ່ຈະຕ້ອງອອກແຮງງານເປັນເວລາ 8 ຊົ່ວ
ໂມງຕໍ່ວັນ ແລະໃນແຕ່ລະເດືອນກໍຈະຕ້ອງອອກແຮງງານບໍ່ຕໍ່າກວ່າ 26 ວັນຫຼື ອາທິດ
ລະ 6 ມື້.

ແຕ່ຢ່າງໃດກໍຕາມ ອັດຕາຄ່າຈ້າງດັ່ງກ່າວນີ້ ກໍຍັງຕໍ່າກວ່າຢູ່ໃນໄທເຖິງ 1 ເທົ່າເປັນຢ່າງ
ໜ້ອຍ ຈຶ່ງເຮັດໃຫ້ຜູ້ອອກແຮງງານລາວຈໍານວນບໍ່ໜ້ອຍຍັງນິຍົມພາກັນ ເດີນທາງໄປ
ລັກລອບທໍາງານຢູ່ໃນໄທເພີ່ມຂຶ້ນເລື້ອຍໆ ໂດຍອົງການເຄືອຂ່າຍຄຸ້ມຄອງແຮງງານ
ຕ່າງດ້າວໃນໄທ ເຊື່ອວ່າມີແຮງງານລາວຫຼາຍກວ່າ 5 ແສນຄົນທີ່ ລັກລອບທໍາງານຢູ່ໃນ
ໄທທຸກມື້ນີ້ ສ່ວນແຮງງານລາວທີ່ທໍາງານຢ່າງຖືກຕ້ອງໃນໄທກັບມີພຽງແຕ່ 5 ໝື່ນກວ່າຄົນ
ເທົ່ານັ້ນ.

ທ່ານອາດຈະມັກເລື້ອງນີ້ຄືກັນ

XS
SM
MD
LG