ລິ້ງ ສຳຫລັບເຂົ້າຫາ

logo-print

ທ່ານ​ ພອມ​ພຽວ ກ່າວ​ວ່າ ການມີ​ອິດ​ທິ​ພົນ ຂອງ​ອີ​ຣ່ານ ​​ຕໍ່​ຂົງ​ເຂດ ສົ່ງ​ຜົນ​ກະ​ທົບ ​ທີ່​ຮ້າຍ​ແຮງ​ ທາງ​ດ້ານ​ມະ​ນຸດ​ສະ​ທຳ​ ຕິດ​ຕາມ​ມາ


ລັດ​ຖະ​ມົນ​ຕີ​ການ​ຕ່າງ​ປະ​ເທດສະ​ຫະ​ລັດ ທ່ານ​ໄມ​ຄ໌ ພອມ​ພຽວ ໄດ້ບົ່ງ​ຊື່ອີ​ຣ່ານວ່າ ແມ່ນ​ໄພ​ຂົ່ມ​ຂູ່​ທີ່ໃ​ຫຍ່​ສຸດ ຕໍ່​ຄວາມ​ໝັ້ນ​ຄົງແລະ​ສະ​ຖຽນ​ລະ​ພາບໃນ ​ພ​າກ​ຕາ​ເວັນ​ອອກ​ກາງ. ໃນ​ການ​ກ່າວ​ຄຳ​ປາ​ໄສ ​ຕໍ່​ສະ​ພາ​ຄວາມ​ໝັ້ນ​ຄົງ​ຂອງ​ອົງ​ການ​ສະ​ຫະ​ປະ​ຊາ​ຊາດ ໃນ​ວັນ​ອັງ​ຄານ​ວານ​ນີ້ ທີ່ເວົ້າ​ເຖິງ​ບັນ​ຫາທ້າ​ທາຍສະ​ຫຼັບ​ຊັບ​ຊ້ອນ​ຫຼາຍ​ຢ່າງ​ທີ່​ພາກ​ຕາ​ເວັນ​ອອກ​ກາງ​ກຳ​ລັງ​ປະ​ເຊີນ​ຢູ່ນັ້ນ, ທ່ານພອມ​ພຽວ ໄດ້ຮຽກຮ້ອງໃຫ້ຊອກ​ຫາ “​ແນວຄິດໃໝ່” ເພື່ອ​ແກ້​ໄຂ “ບັນ​ຫາ​ເດີມ.” ​ແຕ່​ພວກ​ທີ່​ເຂົ້າ​ຮ່ວມ​ບາງ​ຄົນ ໄດ້​ຖິ້ມ​ໂທດ​ໃສ່​ ປະ​ເທດ​ມະ​ຫາ​ອຳ​ນາດ​ໃນ​ຂົງ​ເຂດ​ແລະມະ​ຫາ​ອຳ​ນາດໃຫຍ່, ທີ່​ຮວ​ມ​ທັງສະ​ຫະ​ລັດທີ່​ໄດ້​ກໍ່​ໃຫ້​ເກີດ​ຄວາມ​ເຄັ່ງ​ຕຶງ​ເພີ້ມ​ຂຶ້ນ​ໃນຂົງ​ ເຂດ ດ້ວຍ​ການ​ເຄື່ອນ​ໄຫວ​ແຕ່​ພຽງ​ຝ່າຍ​ດຽວ​ທີ່​ເຫັນ​ແກ່​ຕົວ. Zlatica Hoke ມີລາຍ​ງານ​ກ່ຽວ​ກັບ​ເລື້ອງນີ້ ດັ່ງ​ວັນ​ນະ​ສອນ ຈະ​ນຳ​ເອົາລາຍ​ລະ​ອຽດ ມາ​ສະ​ເໜີ​ທ່ານ ໃນ​ອັນ​ດັບ​ຕໍ່​ໄປ.

ໄພຂົ່ມ​ຂູ່ຈາກໂຄງ​ການ​ນິວ​ເຄ​ລຍ​ຂອງ​ອີ​ຣ່ານ, ສົງ​ຄາມ​ທີ່ໄດ້​ຮັບ​ຄວາມ​ເສຍ​ຫາຍ​ຮ້າຍ​ແຮງໃນ​ຊີ​ເຣຍແລະ​ເຢ​ເມນ ບັນ​ຫາ​ຂັດ​ແຍ້ງ​ລະ​ຫວ່າງ​ອິ​ສ​ຣາ​ແອ​ລ ແລະ​ປາ​ແລັສ​ໄຕ​ນ໌ ແລະ​ຄວາມ​ບໍ່​ກ້ຳ​ເກິ່ງ​ທາງດ້ານເສດ​ຖະ​ກິດໃນ​ພ​າກ​ຕາ​ເວັນ​ອອກ​ກາງ ແມ່ນ​ເລື້ອງ​ລາວທີ່​ຄອບ​ງຳ​ໃນ​ການ​ປຶກ​ສາ​ຫາ​ລື​ກັນ ຢູ່ສະ​ພາ​ຄວາມ​ໝັ້ນ​ຄົງ​ຂອງ​ອົງ​ການ​ສະ​ຫະປະ​ຊາ​ຊາດ.

ທ່ານ​ພອມ​ພຽວ ໄດ້ກ່າວ​ວ່າ ໂຄງ​ການ​ນິວ​ເລຍ​ຂອງ​ອີ​ຣ່ານ ແລະ​ການ​ເອົາ​ບາດ​ກ້າວ​ຂອງ​ພວກ​ເຂົາ ຢູ່ທີ່​ຊ່ອງ​ແຄບ​ຮໍ​ມຸ​ສ ແມ່ນເປັນໄພຂົ່ມ​ຂູ່ຕໍ່​ໂລກ​ ແລະການ​ແຊກ​ແຊງ​ເຂົ້າ​ໃນ​ອີ​ຣັກ, ເລ​ບາ​ນອນ ຊີ​ເຣຍ ແລະ​ເຢ​ເມນ ແມ່ນເປັນ “ຜົນ​ກະ​ທົບຢ່າງ​ຮ້າຍ​ແຮງ ທາງ​ດ້ານ​ມະ​ນຸດ​ສະ​ທຳ​ທີ່​ຕິດ​ຕາມ​ມາ” ຢູ່ໃນ​ຂົງ​ເຂດ.

ລັດ​ຖະ​ມົນ​ຕີ​ການ​ຕ່າງ​ປະ​ເທດສະ​ຫະ​ລັດ ທ່ານ ​ໄມ​ຄ໌ ພອມ​ພຽວ ກ່າວ​ວ່າ “ເປັນ​ທີ່​ຈະແຈ້ງ​ ຈາກນະ​ຄອນ​ອາ​ແລັບ​ໂປ ໄປ​ເຖິງ​ເອ​ເດັນ ຈາກຕ​ຣີ​ໂປ​ລີໄປ​ຫາເຕຫະ ຣ່ານ ໃນ​ການ​ປະ​ສານ​ງານເພີ້ມ​ຂຶ້ນ ໃນ​ພາກ​ຕາ​ເວັນ​ອອກ​ກາງ ແມ່ນ​ມີ​ຄວາມ​ຈຳ​ເປັນ​ທີ່​ສຸດ ກວ່າ​ໃນ​ເວ​ລາ​ໃດໆ​ທັງ​ໝົດ. ພວກ​ເຮົາ​ຈຳ​ເປັນ ​ທີ່​ຈະ​ຕ້ອງ​ມີ​ຄວາມ​ຄິດ​ໃໝ່ ເພື່ອ​ແກ້​ໄຂ​ບັນ​ຫາ​ເກົ່າໆ​ພວກ​ນີ້.”

ທ່ານ​ພອມ​ພຽວ ໄດ້ກ່າວ​ວ່າ ສະ​ຫະ​ລັດ ແລະ​ໂປ​ແລນ ໄດ້ສ້າງ​ຕັ້ງ​ກຸ່ມເຮັດ​ວຽກ7 ກຸ່ມ ເພື່ອແກ້​ໄຂ​ບັນ​ຫາ​ຄວາມ​ໝັ້ນ​ຄົງ​ແລະ​ບັນ​ຫາ​ອື່ນໆ ໃນ​ຂໍ້​ລິ​ເລີ້ມ​ສັນ​ຕິ​ພາບ ​ທີ່​ເອີ້ນ​ວ່າ ຂັ້ນ​ຕອນວໍຊໍ.

ຣັດ​ເຊຍ ໄດ້​ປະ​ຕິ​ເສດ ​ຕໍ່ຂັ້ນ​ຕອນ​ດັ່ງ​ກ່າວນັ້ນ​ວ່າ ​ເປັນ​ການ​ເຄື່ອນ​ໄຫວ​ຕາມ​ລຳ​ພັງ​ພຽງ​ຝ່ານ​ດຽວ ແລະ​ບໍ່ແມ່ນ​ການ​ທູດ.

ທ່ານ​ດິ​ມິ​ທ​ຣີ ພໍ​ລີ​ແອນ​ສ​ກີ ຮອງ​ເອກ​ອັກ​ຄະ​ລັດ​ຖະທູດ​ຣັດ​ເຊັຍ ​ປະ​ຈຳ​ອົງ​ການ​ສະ​ຫະ​ປະ​ຊາ​ຊາດ ກ່າວ​ວ່າ “ພວກ​ເຮົາ​ບໍ່ພໍ​ໃຈ ​ກັບສະ​ຖາ​ນະ​ການ ​ທີ່​ຮຽກ​ຮ້ອງ​ໃຫ້​ອີ​ຣ່ານ​ເຂົ້າ​ມາ​ໂຕະ​ເ​ຈ​ລະ​ຈາ ​ທີ່​ແນ່ນອນ ​ມີ​ແຕ່​ການ​ດູ​ຖູກ, ເກາະ​ຜິດ ແລະ​ການ​ລົງ​ໂທດ​ທີ່ເສຍ​ໜ້າຕ່າງໆ.”

ຮອງ​ເ​ອກ​ອັດ​ຄະ​ລັດ​ຖະ​ທູດຂອງ​ຣັດ​ເຊຍ ​ໄດ້​ກ່າວ​ວ່າ ການ​ລົງ​ໂທດ​ຂອງ​ສະ​ຫະ​ລັດ ຕໍ່​ອີ​ຣ່ານ ​ໄດ້​ລະ​ເມີດ​ກົ​ດ​ໝາຍ​ນາໆ​ຊາດ ແລະ​ໄດ້​ນຳ​ພາ​ເສດ​ຖະ​ກິດ​ ຂອງ ​ປະ​ເທດດັ່ງ​ກ່າວໃຫ້​ຢຸດ​ສະ​ງັກ​ລົງ. ທ່ານ​ໄດ້​ກ່າວ​ວ່າ ການ​ເອົາ​ທ່າ​ທີ​ແບບ​ຮຸກ​ຮານ​ ​ຂອງສະ​ຫະ​ລັດ ທີ່​ຮວມ​ທັງການ​ໝິ່ນ​ປະ​ໝາດ ແລະການ​ຍື່ນ​ຄຳ​ຂາດນັ້ນ ໄດ້​ພາໃຫ້​ເກີດ​ຄວາມ​ວຸ້ນ​ວາຍ ຢູ່ໃນ​ຂົງ​ເຂດ​ທັງ​ໝົດ.

​ຜູ້​ຕາງ​ໜ້າຂອງ​ຝ່າຍເຢຍ​ຣະມັນໄດ້​ກ່າວ​ວ່າ ​ການ​ເຄື່ອນ​ໄຫວ​ຕາມ​ລຳ​ພັງ​ໄດ້​ເຮັດໃຫ້​
ຄວາມ​ເຄັ່ງ​ຕຶງ​ເພີ້ມ​ຂຶ້ນ ໃນ​ພາກ​ຕາ​ເວັນ​ອອກ​ກາງ. ທ່ານ​ໄດ້​ຮຽກ​ຮ້ອງ​ໃຫ້ມີ​ການ​ປະ​ສານ​ງານ ​ໃນ​ຄວາມ​ພະ​ຍາ​ຍາມ​ຂອງ​ນາໆ​ຊາດ ແລະ​ຂໍ​ໃຫ້​ພວກ​ຜູ້​ນຳຢູ່ ໃນຂົງ​ເຂດ ໃ​ຫ້​ນັບ​ຖືສິດ​ທິ​ມະ​ນຸດ ຂອງ​ປະ​ຊາ​ຊົນຂອງ​ພວກເຂົາ​ເຈົ້າ.

ທ່ານ​ແອນ​ເດ​ຣຍ​ສ໌ ໄມ​ໂກ​ລິ​ສ (Andreas Michaelis) ​ຜູ້​ຕາງ​ໜ້າ​ຂອງ​ເຢຍ​ຣະມັນ ກ່າວ​ວ່າ “ມັນ​ແມ່ນ​ເພື່ອ​ບັນ​ດາ​ປະ​ເທດ​ທີ່​ຢູ່​ໃນ​ຂົງ​ເຂດ ທີ່​ຈະຕ້ອງ​ສ້າງ​ສະ​ພາບ​ການ​ທາງ​ການ​ເມືອງ ເພື່ອກ​ຈະ​ອຳ​ນວຍໃຫ້ປະ​ຊາ​ຊົນ​ຂອງ​ພວກ​ເຂົາ​ເຈົ້າ​ນຳ​ພາ​ຊີ​ວິດຂອງ​ພວກ​ເຂົາ​ເຈົ້າ​ ໂດຍປາດ​ສະ​ຈາກ​ຄວາມ​ຢ້ານ​ກົວ​ໃດ​ໆ ຕໍ່​ການ​ຖືກ​ກົດ​ຂີ່ ແລະ​ຖືກ​ທໍລະ​ມານ​, ​ຕໍ່​ຄວາມອຶດ​ຫິວ, ແລະ​ຄວາມ​ຮຸນ​ແຮງ ​ແລະໃຫ້​ສະ​ໜອງພວກ​ເຂົາ​ເຈົ້າ​ດ້ວຍ​ຄວາມ​ປອດ​ໄພ ກຽດສັກ​ສີ ແລະ​ອິດ​ສະ​ຫຼະ​ພາບ​ແທນ.”

ພວກ​ນັກການ​ທູດນາໆ​ຊາດ ໄດ້​ຮຽກ​ຮ້ອງ​ໃຫ້ທຸກ​ພັກ​ຝ່າຍ ເຄົາ​ລົບຂໍ້​ຕົກ​ລົງ​ນາໆ​ຊາດ ແລະ​ມະ​ຕິ​ຂອງ​ອົງ​ການ​ສະ​ຫະ​ປະ​ຊາ​ຊາດ, ໂດຍ​ສະ​ເພາະ ແມ່ນ​ມະ​ຕິ​ທີ່​ຮຽກ​ຮ້ອງ​ໃຫ້​ແກ້​ໄຂ​ບັນ​ຫາ​ຂັດ​ແຍ້ງ ລະ​ຫວ່າງ​ອິ​ສ​ຣາ​ເອ​ລ ແລະ​ປາ​ແລັ​ສ​ໄຕ​ນ໌ ແບບ​ມີ​ສອງ​ລັດ. ພວກ​ເຂົາ​ເຈົ້າ ໄດ້ກ່າວ​ຢ້ຳ​ເຖິງຄວາມ​ຈຳ​ເປັນ ສຳ​ລັບ​ການ​ພັດ​ທະ​ນາ​ເສດ​ຖະ​ກິດ ໃນ​ບາງ​ຂົງ​ເຂດ​ຂອງ​ເຂດ​ທີ່ໄດ້​ຮັບ​ຜົນ​ກະ​ທົບ​ຢ່າງ​ຮ້າຍ​ແຮງນັ້ນ ແລະ​ບົ່ງ​ຊີ້​ເຖິງ​ຄວາມ​ຈຳ​ເປັນ ທີ່​ຈະ​ປັບ​ປຸງ​ການ​ສຶກ​ສາ ແລະ​ໂອ​ກາດ​ຫາ​ວຽກ​ເຮັດ​ງານ​ທຳ ສຳ​ລັບ​ພວກ​ແມ່ຍິງ ແລະ ພວກ​ຊາວ​ໜຸ່ມ​ທີ່​ກຳ​ລັງເພີ້ມ​ຂຶ້ນນັ້ນ.

ອ່ານ​ຂ່າວ​ນີ້​ເພີ້ມ​ຕື່ມ​ເປັນ​ພາ​ສາ​ອັງ​ກິດ

U.S. Secretary of State Mike Pompeo has named Iran as the biggest threat to the security and stability of the Middle East. In a speech to the U.N. Security Council on Tuesday addressing complex challenges facing the Middle East, Pompeo called for "fresh thinking" to solve "old problems." Some participants blamed regional and international powers, including the United States, for adding to the tensions in the region with their selfish unilateral moves. VOA's Zlatica Hoke reports.

Iran's nuclear threat, devastating wars in Syria and Yemen, longtime conflict between Israel and the Palestinians, and economic inequality in the Middle East dominated Tuesday discussions at the U.N. Security Council.

Pompeo said Iran's nuclear program and its actions in the Strait of Hormuz are a threat to the world, and that its interference in Iraq, Lebanon, Syria and Yemen is having "devastating humanitarian consequences" in the region.

Mike Pompeo, U.S. secretary of state (English):
"Clearly, from Aleppo to Aden, from Tripoli to Tehran greater cooperation in the Middle East is needed more than ever. We need fresh thinking to solve old problems."

Pompeo said the United States and Poland have formed seven working groups to address security and other issues in a peace initiative called the Warsaw Process.

Russia has rejected the process as a unilateral and undiplomatic move.

Dmitry Polyanskiy, Russian deputy representative at the United Nations
"We cannot be satisfied with a situation where calls for Iran to sit down at a negotiating table are punctuated with direct insults, provocations and demeaning sanctions."

The Russian representative said U.S. sanctions against Iran violate international laws and have brought the country's economy to a standstill.He said the U.S. aggressive stance, including insults and ultimatums contribute to the turmoil in the whole region.

A German representative said a rise of unilateral moves has exacerbate tensions in the Middle East. He called for a coordination of international efforts and also urged regional leaders to respect human rights of their own people.

Andreas Michaelis, German representative
"It is for the nations of the region themselves to create political environments, which allow their people to lead a life without fear of repression and torture, hunger and violence and which instead provides them with safety, dignity and liberty."

International envoys called on all parties to respect international agreements and U.N. resolutions, notably those calling for a two-state solution for the Israeli-Palestinian conflict. They emphasized an urgent need for economic development in some of the most turbulent areas and identified a need for improved education and job opportunities for women and growing young populations.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG