ຊະຕາກຳຂອງຂໍ້ສະເໜີເພື່ອການຢຸດຍິງຊົ່ວຄາວໃນເຂດ ກາຊາ, ຂະຫຍາຍການຊ່ວຍເຫຼືອດ້ານມະນຸດສະທຳ ແລະ ປ່ອຍຕົວປະກັນຈຳນວນນຶ່ງທີ່ຖືກຈັບໂດຍກຸ່ມ ຮາມາສ ແມ່ນຍັງຄົງບໍ່ມີຄວາມແນ່ນອນໃນວັນອັງຄານມື້ນີ້, ດ້ວຍກຸ່ມຮາມາສ ຍັງບໍ່ໄດ້ຕອບຕໍ່ຂໍ້ສະເໜີດັ່ງກ່າວ, ບັນດາເຈົ້າໜ້າທີ່ ອິສຣາແອລ ມີຄວາມສົງໄສໃນລາຍລະອຽດບາງຢ່າງ ແລະ ສະຫະລັດ ຊອກຫາການສະໜັບສະໜູນຈາກສະພາຄວາມໝັ້ນຄົງ ສະຫະປະຊາຊາດ ເພື່ອການຮັບເອົາຂໍ້ຕົກລົງ ແລະ ການປະຕິບັດໃຊ້ມັນ.
ຮ່າງຍັດຕິສະບັບນຶ່ງຂອງ ສະຫະລັດ ທີ່ວີໂອເອໄດ້ເຫັນ ແມ່ນຮຽກຮ້ອງໃຫ້ກຸ່ມ ຮາມາສ ຮັບເອົາ ແລະ ປະຕິບັດຂໍ້ຕົກລົງຢຸດຍິງຢ່າງເຕັມທີ່ “ໂດຍປາສະຈາກການເລື່ອນເວລາ ແລະ ປາສະຈາກເງື່ອນໄຂ.”
ຮ່າງດັ່ງກ່າວເວົ້າວ່າ “ການປະຕິບັດການຢ່າງວ່ອງໄວຂອງຂໍ້ຕົກລົງນີ້ຈະກໍ່ໃຫ້ເກີດການຢຸດຍິງ, ການຖອນກອງກຳລັງ ອິສຣາແອລ ອອກຈາກເຂດທີ່ມີປະຊາກອນໜາແໜ້ນໃນ ກາຊາ, ການປ່ອຍຕົວປະກັນ, ການເພີ່ມຂຶ້ນໃນການຊ່ວຍເຫຼືອດ້ານມະນຸດສະທຳ, ການນຳເອົາການບໍລິການພື້ນຖານກັບຄືນມາ ແລະ ພົນລະເຮືອນ ປາແລສໄຕນ໌ ເດີນທາງກັບໄປພາກເໜືອຂອງເຂດ ກາຊາ.
ຟໍຣັມສະແດງຄວາມຄິດເຫັນ