ລິ້ງ ສຳຫລັບເຂົ້າຫາ

ວັນເສົາ, 20 ສິງຫາ 2022

ນັກຄົ້ນຄ້ວາ ສະຫະລັດ ຫວັງທີ່ຈະ ຄົ້ນພົບ ວິທີເຮັດໃຫ້ ປອດຢູ່ໄດ້ ດົນຂຶ້ນ ກ່ອນທໍາ ການຜ່າຕັດ ໃສ່ໃຫ້ ຄົນເຈັບ (ວີດີໂອ)


US Researchers Hope to Increase Availability of Donor Lungs
please wait

No media source currently available

0:00 0:02:53 0:00
ລິງໂດຍກົງ

ເບິ່ງວີດີໂອ ກ່ຽວກັບລາຍງານນີ້.

ບັນດາ​ນັກວິທະຍາສາດ​ອາ​ເມຣິກັນ ກໍາ
ລັງ​ທໍາ​ການ​ທົດ​ລອງຄົ້ນ​ຄ້ວາ ທີ່​ເຂົາ​ເຈົ້າ​ຫວັງ​ວ່າ ຈະເພິ່ມທະ
ວີຈໍານວນປອດ ທີ່​ຄົນບໍລິຈາກ​ໃຫ້ ພວກຄົນ​ເຈັບ​ທີ່​ຕ້ອງການ
​ຜ່າຕັດປອດ​ໃໝ່​ນັ້ນ.​ ຄື​ເຂົາ​ເຈົ້າ​ກໍາລັງພະຍາ ຍາມ​ຊອກ​ຫາ
​ວິທີ​ທີ່​ດີທີ່​ສຸດ​ເພື່ອ​ເກັບ​ຮັກສາ​ປອດ ທີ່​ເອົາ​ມາ​ຈາກ​ຜູ້​ບໍລິຈາກ
​ທີ່​ຕາຍແລ້ວ​ນັ້ນ ​ໃຫ້​ໄດ້ດີ​ແລະ​ດົນ​ທີ່​ສຸດ ຈົນ​ກ່ວາ​ຈະ​ສາມາດ
​ນໍາ​ໄປຜ່າຕັດ​ໃສ່​ໃຫ້​ຄົນ​ເຈັບ ທີ່​ຕ້ອງການ​ປອດ​ໃໝ່​ນັ້ນ. ດາຣາ
ມີ​ລາຍ​ລະ​ອຽດ ກ່ຽວ​ກັບ​ເລື້ອງ​ນີ້​ມາສະ​ເໜີ​ທ່ານ ຈາກ​ລາຍ​ງານ​
ຂອງ Zlatica Hoke.


ທີ​ມນັກ​ວິທະຍາສາດ ທີ່​ນໍາພາ​ໂດຍ​ Dr. Thomas Egan ​ແຫ່ງ​ມະຫາ​ວິທະຍາ​ໄລ​ລັດ ​
ແຄ​ໂຣລາຍ​ນາ ທີ່​ເມືອງ Chapel Hill ​ເປັນ​ຜູ້​ທໍາ​ການທົດ​ລອງ​ຄົ້ນ​ຄ້ວາທີ່​ວ່າ​ນີ້. ປອດ​
ແມ່ນ​ເປັນອະ​ໄວ​ຍະ​ວະ ທີ່​ຍັງ​ຢູ່​ໃນ​ສະພາບ​ດີ ​ໄດ້​ດົນ​ກ່ວາ​ອະ​ໄວ​ຍະ​ວະ​ອື່ນໆ ​ເພາະວ່າ​
ຍັງ​ມີອາກາດຢູ່​ທາງ​ໃນປອດ ຫລັງ​ຈາກ​ເຈົ້າ​ຂອງ​ປອດ​ໄດ້​ເສ​ຍຊີວິດ​ໄປ​ແລ້ວ. Dr. Egan
ກ່າວ​ວ່າ ພວກ​ນັກ​ຄົ້ນ​ຄ້ວາຫວັງວ່າ ຈະ​ຄົ້ນ​ພົບ​ວິ​ທີ​ທີ່​ຖ່ວງ​ດຶງ​ເວລາການ​ເສື່ອ​ມ​ເສຍ​ຂອງ​
ປອດ​ນັ້ນ ​ໄວ້​ໃຫ້​ໄດ້​ດົນ​ທີ່​ສຸດ.

Dr. Egan ​ເວົ້າ​ວ່າ “ການ​ຄົ້ນ​ພົບວິທີ​ທີ່​ວ່າ​ນີ້ ຈະ​ສົ່ງ​ຜົນໃຫ້ຈໍານວນຂອງ​ປອດ
ທີ່​ຈະ​ມີ​ໄວ້​ສໍາລັບ​ຜ່າຕັດໃຫ້ຄົນ​ເຈັບ​ນັ້ນ ມີ​ເພີ່ມ​ຂຶ້ນ. ​ເວລາ​ນີ້ ຢູ່​ໃນ​ສະຫະລັດ
ພວກ​ເຮົາ​ທໍາ​ການຜ່າຕັດ​ປອດ ປີ​ລະ 1.800 ​ເທື່ອ. ພວກ​ເຮົາ​ຄິດ​ວ່າ ເຮົາ​ສາ
ມາດ​ເຮັດ​ໄດ້​ຮອດ 40 ພັນ​ຫາ 50 ພັນ​ເທື່ອ​ຕໍ່​ປີ.”


ສໍາລັບ​ຫລາຍໆພັນ​ຄົນ​ແລ້ວ ການຜ່າຕັດ​ແມ່ນ​ຄວາມ​ຫວັງ​ອັນ​ດຽວ​ເທົ່າ​ນັ້ນທີ່​ເຂົາ​ເຈົ້າ​ມີ
ທີ່​ຈະ​ເຮັດ​ໃຫ້​ເຂົາ​ເຈົ້າ​ສາມາດ​ຫາຍ​ໃຈ​ໄດ້​ຢ່າງ​ເປັນ​ປົກກະຕິ. ນາງ Lisa Bowman ກໍ​
ເປັນ​ຜູ້​ນຶ່ງ​ໃນ​ນັ້ນ.

ນາງ Lisa ​ເວົ້າ​ວ່າ “ຂ້ອຍ​ບໍ່​ເຄີຍ​ມີ​ມື້​ໃດ ທີ່​ຫາຍ​ໃຈ​ໄດ້​ເປັນ​ປົກກະຕິ ​ເລີຍ.”

​ແຕ່​ວ່າການ​ໄປ​ຜ່າຕັດເອົາ​ອະ​ໄວ​ຍະ​ວະ​ປອດ ມາ​ຈາກ​ຜູ້​ບໍລິຈາກ​ທີ່​ເສຍ​ຊີວິດຢ່າງກະທັນ
ຫັນ ແລະ​ບໍ່​ໄດ້​ຕາຍ​ຢູ່​ໂຮງໝໍ​ນັ້ນ ໂດຍ​ສ່ວນ​ໃຫຍ່​ແລ້ວ ແມ່ນເປັນ​ເລື້ອງທີ່​ຫຍຸ້ງຍາກແລະ
​ເພາະສະ​ນັ້ນ ມີ​ຮອດ 80 ​ເປີ​ເຊັນ​ຂອງ​ປອດ​ທີ່​ໄດ້​ຮັບ​ບໍລິຈາກ​ມາ ​ຈະ​ໃຊ້​ການ​ບໍ່​ໄດ້. ແລະ
​ເຖິງ​ແມ່ນ​ວ່າ ປອດສໍາລັບ​ການຜ່າຕັດ​ນັ້ນ ​ສ່ວນ​ໃຫຍ່​ຈະ​ມາ​ຈາກ​ຜູ້​ບໍລິຈາກ​ທີ່​ເສຍ​ຊີວິດ​
ຢູ່​ໂຮງໝໍ​ກໍ​ຕາມ ​ແຕ່​ປອດ​ເຫລົ່າ​ນັ້ນ​ກໍ​ມັກ​ໄດ້​ຮັບ​ຄວາມ​ເສຍ​ຫາຍ ຍ້ອນ​ພັດ​ລົມ​ແລະ​ອາ
ການ​ແຊກ​ຊ້ອນ​ອື່ນໆໃນ​ລະຫວ່າງ ທີ່​ລໍຖ້າ​ຢູ່​ໂຮງໝໍ. Dr. Egan ຢາກ​ໃຫ້​ໄປ​ຮອດ​ໄປ​
ເຖິງ​ ຜູ້​ບໍລິຈາກ​ທີ່​ຕາຍ​ຢ່າງ​ກະທັນຫັນ ຢູ່​ບ້ານ​ຂອງ​ເຂົາ​ເຈົ້າ ​ຫລື​ແຫ່ງ​ອື່ນ​ໆ​ໃນ​ປະຊາ​ຄົມ ​
ນັ້ນໂດຍ​ໄວ ​ແລ້ວ​ໃຫ້​ພະນັກງານ​ແພດ​ປໍ້າ​ເອົາ​ອາກາດໜ້ອຍ​ນຶ່ງ​ເຂົ້າ​ໃສ່​ໃນ​ປອດຂອງ​
ເຂົາ​ເຈົ້າ ​ເພື່ອ​ຮັກສາ​ປອດ​ນັ້ນ​ໄວ້ ​ໃນ​ຂະນະ​ທີ່​ຍ້າຍ​ສົບ​ໄປ ຍັງ​ໂຮງໝໍ ​ເພື່ອ​ຜ່າຕັດ​ເອົາ​
ປອດ​ອອກ.

​ໃນ​ການ​ທົດ​ລອງ​ນີ້ ທີ​ມງານ​ຂອງ Dr. Egan ຈະປະຕິບັດ​ຂັ້ນ​ຕອນ​ນຶ່ງ​ທີ່​ເອິ້ນ​ວ່າ ex
vivo lung perfusion ​ໂດຍ​ໃຊ້​ເຄື່ອງ​ຈັກ​ອັນ​ນຶ່ງ ​ປໍ້າເອົາອາກາດ​ແລະ​ນໍ້າ​ ຜ່ານເຂົ້າໄປ​
ໃນປອດ​ ​ເພື່ອ​ໃຫ້​ປອດ​ມີ​ຊີວິດ​ຢູ່ໄດ້ ດົນ​ຂຶ້ນ ​ແລະ​ເພື່ອໃຫ້​ສາມາດ​ກວດເບິ່ງ​ໄດ້​ວ່າ ປອດ​
ນັ້ນ ມີ​ພະຍາດຫລື​ບໍ່ ຫລື​ວ່າ​ ໃຊ້​ການ​ບໍ່​ໄດ້​ແລ້ວ.

Dr. Egan ​ເວົ້າ​ວ່າ “​ໂດຍ​ການ​ເຮັດ​ແນວ​ນີ້​ຢູ່​ເລື້ອຍໆ ພວກ​ເຮົາ​ກໍ​ມີ​ທາງ​ທີ່ຈະ
ເຮັດ​ມັນໄດ້ ​ຢ່າງ​ມີ​ປະສິດທິ​ຜົນ​ຫລາຍ​ຂຶ້ນ ຊຶ່ງ​ກໍ​ຈະ​ປັບປຸງ​ໂອກາດ​ໃຫ້​ດີ​ຂຶ້ນ ​
ບໍ່​ພຽງ​ແຕ່ໃນ​ການຜ່າຕັດ​ປອດໃຫ້​ຄົນ​ເຈັບ ​ແຕ່ຍັງ​ຈະ​ມີ​ປອດ​ທີ່​ທໍາງານ​ໄດ້​ດີ​
ຂຶ້ນ ຫລັງ​ຈາກເອົາ​ມາ​ຈາກ​ຜູ້​ບໍລິຈາກ​ທີ່​ຕາຍ​ຢ່າງ​ກະທັນຫັນນັ້ນ.”


ພວກ​ປອດ​ທີ່​ຜ່ານ​ການກວດ​ສຸຂະພາບ​ແລ້ວ​ນັ້ນ ຈະ​ຖືກ​ນໍາ​ໄປ​ຜ່າຕັດ​ໃສ່ ​ໃຫ້​ພວກ​ຄົນ​
ເຈັບ ທີ່​ເຂົ້າ​ຮ່ວມ​ໃນ​ການ​ຄົ້ນ​ຄ້ວາ​ທີ່​ໄດ້​ຮັບ​ທຶນ​ຈາກ​ສະ​ຖາ​ບັນ​ສຸຂະພາບ​ແຫ່ງ​ຊາດ.

ນາງ Lisa Bowman ​ໄດ້​ມີ​ຊື່​ຢູ່​ໃນ​ບັນຊີ​ພວກລໍຖ້າ​ຜ່າຕັດ​ປອດ​ໃໝ່ ມາ​ເປັນ​ເວລາ​ສອງ​
ປີ​ແລ້ວ ຫລັງ​ຈາກ​ທີ່​ພະຍາດ​ກໍາມະພັນ​ທີ່​ຫາ​ຍາກ​ຊະນິດ​ນຶ່ງ ຄ່ອຍໆ​ທໍາລາຍ​ປອດ​ຂອງ​
ນາງ. ນາງ​ຫວັງ​ວ່າ ການ​ຄົ້ນ​ຄ້ວາ​ນີ້​ຈະ​ຊ່ວຍ​ໃຫ້​ນາງ​ພົບ​ຜູ້​ບໍລິຈາກ ທີ່​ມີ​ປອດ​ຄື​ກັນ​ກັບ​
ຂອງ​ນາງ​ໄດ້​ໄວ​ຂຶ້ນ.

ນາງ Lisa ​ເວົ້າ​ວ່າ “ຂ້ອຍ​ບໍ່​ຄິດ​ວ່າ ຈະ​ມີ​ສິ່ງ​ໃດ​ໜ້າ​ຕຶື່ນ​ເຕ້ນ​ຫລາຍ​ໄປ​ກ່ວາ​ນີ້
ອີກ​ແລ້ວ. ຂ້ອຍ​ຄິດ​ວ່າ ການ​ສາມາດ​ຫາຍ​ໃຈ​ໄດ້​ເປັນ​ປົກກະຕິ​ນັ້ນ ​ແມ່ນ​ເປັນ
​ສິ່ງ​ຍອດ​ຍ້ຽມທີ່​ສຸດ.”


ບັນດາ​ນາຍ​ແພດ​ຊ່ຽວຊານ​ດ້ານ​ການຜ່າຕັດ ກໍ​ພາກັນ​ຕິດຕາມ​ເບິ່ງດ້ວຍ​ ຄວາມ​ສົນ​ໃຈ​
ຢ່າງ​ໃຫຍ່ ວ່າ ​ໂຄງການ​ນີ້​ຈະ​ໄດ້ຜົນ​ບໍ່?

ທ່ານອາດຈະມັກເລື້ອງນີ້ຄືກັນ

XS
SM
MD
LG