ລິ້ງ ສຳຫລັບເຂົ້າຫາ

logo-print

ສ​ຫລ ສະ​ເໜີ​ ​ຂາຍ​ອາ​ວຸດ ໃຫ້​​ໄຕ້​ຫວັນ ໂດຍ​ບໍ່​ສ້າງ ​ຄວາມ​ໂກດ​ແຄ້ນ​ ແກ່ຈີນ


ຈາກ​ຊ້າຍ ປະ​ທາ​ນາ​ທິ​ບໍ​ດີ​ໄຕ້​ຫວັນ ທ່ານ​ນາງ​ໄທ ອິງ​ເວັນ ປະ​ທາ​ນາ​ທິບ​ໍ​ດີ ສະ​ຫະ​ລັດ ທ່ານ​ດໍ​ໂນ​ລ ທ​ຣຳ ແລະ ປະ​ທານ​ປະ​ເທດ​ຈີນ ທ່ານ​ສີ ຈິນ​ຜິງ.

ການແຈ້ງ​ການ​ເທືື່ອ​ທີ​ສອງ ຂອງວໍ​ຊິງ​ຕັນ ກ່ຽວ​ກັບການ​ຂາຍ​ອາ​ວຸດ​ໃຫ້​ແກ່​ໄຕ້​ຫວັນ ໃນ
ຮອບ​ສອງ​ປີເພື່ອ​ຊ່ວຍ​ໃຫ້​ປະ​ເທດ​ດັ່ງ​ກ່າວ​ໄດ້​ຮັບ​ອາ​ວຸດ ໂດຍປາ​ສະ​ຈາກ​ກາ​ນ​ເຮັດ​ໃຫ້
ຈີນ ຊຶ່ງ​ເປັນ​ຄູ່​ແຂ່ງ​ທາງ​ທະ​ຫານ​ ມີ​ຄວາມ​ໂກດ​ແຄ້ນຫລືເຮັດ​ໃຫ້ຄວາມ​ສຳ​ພັນ ລະ​ຫວ່າງ
​ຈີນ​ກັບ​ສະ​ຫະ​ລັດ ​ທີ່​ເຄັ່ງ​ຕຶງ​ຢູ່​ແລ້ວ​ນັ້ນ ຮ້າຍ​ແຮງຂຶ້ນ​ຕື່ມ.​

ທຳ​ນຽບ​ຫ້າ​ແຈ​ໄດ້ແຈ້ງ​ໃຫ້​ລັດ​ຖະ​ສະ​ພາ​ຊາບ​ໃນ​ວັນ​ຈັນ​ຜ່ານ​ມາ​ນີ້ ​ກ່ຽວ​ກັບ​ການ​ຂາຍ​ອາ
​ວຸດ​ມູນ​ຄ່າ 330 ລ້ານ​ໂດ​ລາ ຮວມ​ທັງ​ເຄື່ອງ​ອາ​ໄຫລ່​ເຮືອ​ບິນ​ລົບ​ທີ່​ເຮັດ​ຢູ່​ໃນ​ອາ​ເມ​ຣິ​ກາ
F-16 ແລະ F-5. ການ​ຂາຍ​ດັ່ງ​ກ່າວ ​ບໍ່​ໄດ້​ກ່າວ​ເຖິງ​ເຮືອ​ບິນ​ລົບໃໝ່ເຊັ່ນ​ວ່າ F-35 ຫລື
​ເຄື່ອງ​ເທັກ​ໂນ​ໂລ​ຈີ​ເຮືອ​ດຳ​ນ້ຳ ເຖິງ​ແມ່ນ​ວ່າ​ໄຕ້​ຫວັນ​ໄດ້​ຂໍ​ຮ້ອງ​ມາ​ໄດ້​ຫລາຍ​ປີ​. ແຕ່​ວ່າ​
ຂໍ້​ຕົກ​ລົງ​ໄດ້​ພາ​ໃຫ້​ມີ​ການ​ປະ​ທ້ວງແບບທຳ​ມະ​ດາ​ຈາກ​ຈີນ ແທນ​ທີ່​ຈະ​ເປັນ​ຄວາມ​ໂກດ
​ແຄ້ນ ​ທີ່​ຄາດ​ໝາຍກ່ຽວ​ກັບກ​ານ​ຂາຍ​ທີ່​ໃຫຍ່ກວ່ານີ້.

ປະ​ທາ​ນາ​ທິ​ບໍ​ດີ​ໄຕ້​ຫວັນ ທ່ານ​ນາງ​ໄຊ ອິງ​ເວັນ ຜູ້​ແທນ​ສະ​ພາ​ຕ່ຳ​ສະ​ຫະ​ລັດ ທ່າ​ນ​ເອັດ ຣອຍ​ສ໌ ແລະ​ຜູ້​ແທນ​ສະ​ພາ​ຕ່ຳ​ທ່ານ​ນາງຈູ​ດີ ຈູ ທີ​ນະ​ຄອນ​ລອ​ສ​ແອນ​ເຈີລິ​ສ ທີ 12, ສິງ​ຫາ 2018.
ປະ​ທາ​ນາ​ທິ​ບໍ​ດີ​ໄຕ້​ຫວັນ ທ່ານ​ນາງ​ໄຊ ອິງ​ເວັນ ຜູ້​ແທນ​ສະ​ພາ​ຕ່ຳ​ສະ​ຫະ​ລັດ ທ່າ​ນ​ເອັດ ຣອຍ​ສ໌ ແລະ​ຜູ້​ແທນ​ສະ​ພາ​ຕ່ຳ​ທ່ານ​ນາງຈູ​ດີ ຈູ ທີ​ນະ​ຄອນ​ລອ​ສ​ແອນ​ເຈີລິ​ສ ທີ 12, ສິງ​ຫາ 2018.

ຈີນ​ໄດ້ອ້າງ​ເອົ​າອະ​ທິ​ປະ​ໄຕເໜືອ​ເກາະໄຕ້​ຫວັນ ແລະ​ເນັ້ນ​ໜັກ​ວ່າ​ທັງ​ສອງ​ຝ່າຍ​ໃນ​ທີ່​
ສຸດ​ຈະ​ທ້ອນ​ໂຮມ​ກັນ ດ້ວຍ​ກຳ​ລັງ​ຖ້າ​ຫາກ​ມີ​ຄວາມ​ຈຳ​ເປັນ. ຊາວ​ໄຕ້​ຫວັນ​ມັກ​ການ​ປົກ
​ຄອງ​ຕົນ​ເອງ​ມາ​ໄດ້ 70 ປີແລ້ວ​. ເພື່ອ​ຕ້ານ​ຢັນ​ຈີນ ໄຕ້​ຫວັນ​ໄດ້​ຮັກ​ສາ​ຄວາມ​ເຂັ້ມ​ແຂງ
​ທາງ​ທະ​ຫານ ທີ່ຢູ່​ໃນຖານຂໍ້​ມູນ​ທາງ​ອິນ​ເຕີ​ແນັດ GlobalFirePower.com ໃນ​ລະ​
ດັບ​ທີ 24 ​ທີ່​ເຂັ້ມ​ແຂງທີ່​ສຸດຂອງ​ໂລກ. ຄວາມ​ສຳ​ພັນ​ລະ​ຫວ່າງ​ຈີນສະ​ຫະ​ລັດ​ໄດ້​ມີ​
ຄວາມ​ຕຶງ​ຄຽດ​ຢູ່​ແລ້ວ​ຈາກ​ການ​ໂຕ້​ແຍ້ງ​ດ້ານ​ການ​ຄ້າທີ່​ເພີ້ມ​ທະ​ວີ​ຂຶ້ນ.

ທ່ານ​ຊອນ ຄິ້ງ ຮອງ​ປະ​ທານ ​ອົງ​ການ​ພາກ ຍຸດ​ທະ​ສາດ​ປືກ​ສາ​ການ​ເມືອງ​ໃນ​ນະ​ຄອນ​
ນິວຢອກ ກ່າວ​ວ່າ “ຈຳ​ນວນ​ນຶ່ງ​ເຫັນ​ວ່າ ​ການ​ຂາຍ​ເຄື່ອງ​ອາ​ໄຫລ່​ນັ້ນ ​ເປັນ​ການ​ປະ​ຕິ
​ເສດ ເພາະ​ວ່າ​ສິ່ງ​ທີ່​ໄຕ້​ຫວັນ​ຕ້ອງ​ການ​ຈາກ​ສະ​ຫລັດ​ນັ້ນ​ມີ​ຫລາຍ​ຢ່າງ​ທີ່​ໃຫຍ່ກວ່ານັ້ນ.
ແຕ່​ດັ່ງ​ທີ່​ຂ້າ​ພະ​ເຈົ້າ​ເຫັນ ການ​ຂາຍ​ດັ່ງ​ກ່າວ​ນີ້​ ເປັນ​ພຽງ​ບາດ​ກ້າວ​ໃນ​ການ​ພົວ​ພັນ​ຂອງ​
ປະ​ທາ​ນາ​ທິບໍ​ດີ​ທ​ຣ​ຳເພື່ອ​ໃຫ້​ການສະ​ໜັບ​ສະ​ໜູນ​ແກ່​ໄຕ້​ຫວັນ​ໃນຮອບ 15 ເດືອນ​ທີ່​
ຜ່ານ​ມາ.

ອ່ານ​ຂ່າ​ວ​ນີ້ເພີ້ມປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG