ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ສະມາຊິກ ສະພາ ສຫລ ສັນຍາ ທີ່ຈະເອົາ ມາດຕະການ ໜັກຂຶ້ນ ກັບເຕຫະຣ່ານ


ສະມາຊິກສະພາຕໍ່າ ພັກເດໂມແຄຣັດ ທ່ານ Brad Sherman ກ່າວຕໍ່ ວີໂອເອ ພະແນກພາສາເປີເຊຍ.
ສະມາຊິກສະພາຕໍ່າ ພັກເດໂມແຄຣັດ ທ່ານ Brad Sherman ກ່າວຕໍ່ ວີໂອເອ ພະແນກພາສາເປີເຊຍ.

ສະມາຊິກ​ສະພາ​ສະຫະລັດທີ່​ປະກອບ​ດ້ວຍ​ຈາກ​ທັງ​ສອງ​ພັກ​ການ​ເມືອງ ​ໄດ້​ກ່າວ​ຕໍ່​ກຸ່ມ ຝ່າຍ​ຄ້ານ​ອີ​ຣ່ານວ່າ ຕົນ​ຈະ​ກົດ​ດັນ ​ໃຫ້​ສະຫະລັດເອົາ​ບາດກ້າວໜັກ​ຂຶ້ນ ຕໍ່​ບັນດາ​ຜູ້​ປົກ ຄອງສາສະໜາ​ອິສລາມ​ຂອງ​ອີຣ່ານ ​ໃນ​ຂະນະ​ທີ​ອີຣ່ານລໍຖ້າຟັງຢູ່​ວ່າ ປະທານາທິບໍດີ Donald Trump ຈະ​ປະຕິບັດ​ຕາມ​ຄຳ​ເວົ້າ​ ໃນ​ລະຫວ່າງການ​ໂຄສະນາ​ຫາ​ສຽງ ທີ່​ຈະ ​ເອົາ​ທ່າ​ທີ​ຢ່າງ​ເຂັ້ມງວດ​ທີ່​ຄ້າຍຄື​ກັນນີ້.

ບັນດາ​ສະມາຊິກສະພາຕ່ຳ​ພັກຣີພັບ​ບລິ​ກັນ ​ແລະ​ເດ​ໂມ​ແຄ​ຣັດຈຳນວນ​ຫົກ​ຄົນ​ໄດ້​ໃຫ້​ຄຳ​ໝັ້ນສັນຍາຕໍ່​ບັນດາອົງກາ​ນ​ປະຊາ​ຄົມອາ​ເມຣິກັນ​ເຊື້ອສາຍອີຣ່ານ ຫຼື OIAC ​ໃນ​ວັນ​ອັງຄານ​ທີ່​ຜ່່ານມານີ້​. ອົງການ OIAC ​ແມ່ນເປັນ​ພັນທະ​ມິດ​ກັບຂະ​ບວນການ​ພວກ​ຕໍ່ຕ້ານ​ຊາວ​ອີຣ່ານຫລື Mujahedin-e-Khalq ທີ່​ເອີ້ນຫຍໍ້​ວ່າ MEK ​ໄດ້​ເຊີນ​ບັນດາ​ສະມາຊິກ​ສະພາ​ໄປ​ກ່າວ​ຢູ່​ທີ່​ການ​ເຕົ້າ​ໂຮມ​ທີ່ຕຶກ​ຫ້ອງການ Rayburn ໃນ​ນະຄອນຫລວງ​ວໍຊິ​ງຕັນ ອັນ​ເປັນ​ພາກສ່ວນ​ນຶ່ງຂອງ​ກຸ່ມດັ່ງກ່າວ ໃນ​ຄວາມ​ພະຍາຍາມເພື່ອ​ວິ່ງເຕັ້ນຫາ​ການ​ສະໜັບສະໜຸນ​ຈາກ​ສະພາ​ມາ​ເປັນ​ເວ ລາ​ຫລາຍ​ປີ.

ອົງການ OIAC ກ່າວ​ວ່າ ຕົນ​ສະໜັບສະໜູນ​ໃຫ້​ມີ​ “ລັດຖະບານ​ທີ່​ເປັນປະຊາ​ທິປະ​ໄຕ ບໍ່​ເຫັນ​ພ້ອມ​ກັບ​ສາສະໜາ ​ແລະບໍ່​ມີ​ນິວ​ເຄລຍ” ຢູ່​ໃນ​ອີຣ່ານ. ອົງການ MEK ​ຊຶ່ງ​ເປັນ​ຜູ້ ນຳພາ ອົງການສະພາ​ແຫ່ງ​ຊາດ​ຕໍ່​ຕ້ານ​ອີຣ່ານ ຫຼື NCR ທີ່​ມີ​ຫ້ອງການ​ຢູ່​ປະ​ເທດ​ຝຣັ່ງ ​ແມ່ນ​ພວມຊອກ​ຫາ​ທາງ​ “ໂຄ່ນ​ລົ້ມ” ​ໃນອັນ​ທີ່ຕົນຮ້ອງ​ວ່າ “ລະບອບຜະເດັດ​ການ​ທາງ​ສາສະໜາ” ທີ່ປົກຄອງ​ອີຣ່ານຢູ່​ໃນ​ເວລາ​ນີ້. ໃນ​ຖະ​ແຫລ​ງການ ທີ່​ນຳ​ສ​ະ​ເໜີ​ຕໍ່ການ​ເຕົ້າ​ໂຮມກັນນັ້ນ ຫົວໜ້າ​ການ​ເມືອງ​ຂອງ​ອົງ ການ OIAC ທ່ານ Majid Sadeghpour ກ່າວ​ວ່າ ກຸ່ມ​ຂອງ​ທ່ານ​ເບິ່ງ​ໄປ​ໜ້າ​ທີ່​ຈະ​ເຮັດ​ວຽກ​ຮ່ວມກັບປະທານາທິບໍດີ Trump ​ແລະ​ສະພາ​ເພື່ອ​ກຳນົດ “ນະ​ໂຍບາຍ​ທີ່ມີ​ຜົນ​ສຳ​ເລັດ” ​ໄປ​ຍັງ​ອີຣ່ານ ທີ່​ທ່ານ​ຮ້ອງ​ວ່າ “ເປັນໄພ​ຂົ່ມຂູ່ທີ່ໃຫຍ່ທີ່​ສຸດ​ຕໍ່​ຄວາມ​ໝັ້ນຄົງ​ແຫ່ງ​ຊາດ​ສະຫະລັດ.”

ສະມາຊິກສະພາຕໍ່າພັກເດໂມແຄຣັດ ທ່ານ Eliot Engel ກ່າວຕໍ່ບັນດາສະມາຊິກ ອົງກາ​ນ​ປະຊາ​ຄົມອາ​ເມຣິກັນ​ເຊື້ອສາຍອີຣ່ານ.
ສະມາຊິກສະພາຕໍ່າພັກເດໂມແຄຣັດ ທ່ານ Eliot Engel ກ່າວຕໍ່ບັນດາສະມາຊິກ ອົງກາ​ນ​ປະຊາ​ຄົມອາ​ເມຣິກັນ​ເຊື້ອສາຍອີຣ່ານ.

ທ່ານ Trump ຍັງ​ບໍ່​ທັນ​ໄດ້​ວາງ​ແຜນ​ນະ​ໂຍບາຍຂອງ​ທ່ານ​ກ່ຽວ​ກັບ​ອີຣ່ານ ນັບ​ແຕ່​ໄດ້​ເຂົ້າກຳ​ຕຳ​ແໜ່​ງ​ໃນ​ວັນ​ທີ 20 ມັງ​ກອນ. ​ແຕ່​ໃນ​ນາມ​ຜູ້​ສະໝັກ ທ່ານ​ໄດ້​ຕິຕຽນ​ຢ່າງ​ໝັກ​ໃນ​ເວ​ລາ​ນັ້ນ ແມ່ນປະທານາທິບໍດີ Barack Obama ທີ່​ເຂົ້າ ຮ່ວມກັບປະ​ເທດ​ມະຫາ​ອຳນາດ​ໂລ​ກ ​ໃນ​ການ​ບັນລຸ​ຂໍ້​ຕົກລົງ​ນິວ​ເຄລຍກັບອີຣ່ານ ຊຶ່ງ​ເປັນຂໍ້​ຕົກລົງອັນ​ທີ່​ເຕຫະຣ່ານ​ເຫັນ​ພ້ອມ​ ທີ່​ຈະ​ຢຸດ​ເຊົາກິດຈະການຕ່າງໆ ທີ່​ປະ​ເທດ​ມະຫາ​ອຳນາດ​ຕາ​ເວັນ​ຕົກ​ຢ້ານ ທີ່​ຈະ​ນຳ​ໃຊ້ໃນ​ການພັດທະນາ​ອາວຸດນິວ​ເຄລຍ ເພື່ອ​ແລກປ່ຽນ​ກັບ​ການ​ບັນ​ເທົາ​ການ​ລົງ​ໂທດ​ຈາກ ສາກົນ. ທ່ານ Trump ກ່າວ​ວ່າ ຂໍ້​ຕົກລົງ​ປີ 2015 ຈະ​ບໍ່​ໄດ້ຜົນ ​ໂດຍຮ້ອງ​ວ່າ “​ໄພພິບັດ” ​ແລະ​ໃຫ້​ຄຳ ໝັ້ນສັນຍາ ​ທີ່​ຈະ​ທັບ​ມ້າງ ຫລືເຈລະຈາ​ກັນ​ໃໝ່.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG