ລິ້ງ ສຳຫລັບເຂົ້າຫາ

logo-print

ສະຫະລັດຈັດຕັ້ງ ທີມຮັບມື ຢ່າງຮີບດ່ວນ ກັບ​ກໍ​ລະ​ນີ ຕິດເຊື້ອ ອີໂບລາ


US Forms Rapid Response Teams for Ebola
please wait

No media source currently available

0:00 0:02:29 0:00

ສະຫະລັດ ກຳລັງຈັດ​ຕັ້ງທີ​ມການ​ແພດ ທີ່​ຈະ​ສາມາດຖືກສົ່ງ
ຢ່າງຮີບ​ດ່ວນ​ໄປ​ຫາ​ແຫ່ງ​ໃດແຫ່ງ​ນຶ່ງໃນທົ່ວປະ​ເທດໄດ້ ທີ່​ສົງ
​ໄສ​ວ່າ ມີ​ກໍລະນີໃໝ່ໃນການເຊື້​ອ ອີ​ໂບລາ​ເກີ​ດຂື້ນ. ທີມຮັບ
ມືກັບອີ​ໂບລາ ຂອງສູນ​ກາງ​ຄວບຄຸມ​ແລະ​ປ້ອງ​ກັນພະ ຍາດ
ຂອງສະຫະລັດ ທີ່ເອີ້ນຫຍໍ້ວ່າ CERTs ນັ້ນ ແມ່ນປະກອບ​
ດ້ວຍ​ບັນດາ​ຜູ້​ຊ່ຽວຊານ ​ທີ່​ໄດ້​ຮັບ​ການ​ອົບຮົມເປັນພິເສດໃນ

ການກວດ ​ແລະ​ປິ່ນປົວຜູ້ຕິດເຊື້ອອີ​ໂອລາ. ຄະນະກະກຽມທີ່
ຮ້ອງວ່າ ໜ່ວຍສັ່ງ​ຊາ ສະຖານະ​ການ ​ແລະ ​ໃຫ້ການ​ສະໜັບ
ສະໜູນ ຫລື FASTs ນັ້ນ ຈະ​ເປັນ​ຜູ້​ຕິດ​ຕໍ່​ ກວດ​ສອບເບິ່ງ​
ບັນດາໂຮງໝໍ​ຕ່າ​ງໆ ທີ່​ອາສາ​ສະມັກປິ່ນປົວ​ຄົນ​ປ່ວຍຕິດເຊື້ອ
​ອີ​ໂບລາ ​ເພື່ອ​ໃຫ້ເປັນ​ທີ່ແນ່ໃຈວ່າ ​ໂຮງໝໍເຫຼົ່ານີ້​ ສາມາດຮັບ
​ມື ​ກັບກໍລະນີຕິດເ​ຊື້​ອອີ​ໂບລາໄດ້​. Zlatica Hoke ມີລາຍ​ງານ
​ກ່ຽວ​ກັບ​ເລື້ອງ​ນີ້ ຊຶ່ງ​ກິ່ງ​ສະຫວັນ ຈະ​ນໍາ​ ມາສະ​ເໜີ​ທ່ານ.

ທີມ​ການແພດຮັບມືໂດຍດ່ວນກັບອີໂບລາ ແຕ່ລະທີມ ປະ​ກອບ​ດ້ວຍສະມາຊິກປະມານ
20 ຄົນ ຊຶ່ງ​ຈະຕຽມ​ພ້ອມອອກເດີນທາງໄດ້ ພາຍໃນບໍ່ເທົ່າໃດຊົ່ວໂມງ ໄປຍັງແຫ່ງໃດແຫ່ງ​ນຶ່ງຢູ່​ໃນສະຫະລັດ ບ່ອນ​ທີ່​ຄົນ​ປ່ວຍ​ໄດ້​ຖືກ​ກວດ​ພົບວ່າ ຕິດ​ເຊື້ອ ​ອີ​ໂບລາ ຫລືມີຄວາມສົງ
​ໄສ​ເປັນຢ່າງສູງນັ້ນ.

ດອກ​ເຕີ Jordan Tappero ຮອງ​ຫົວໜ້າຄຸ້ມຄອງ ທີມຮັບມືກັບອີໂບລາຂອງ ສູນກາງ
ຄວບຄຸມແລະ​ປ້ອງ​ກັນ​ພະຍາດສະຫະລັດ ກ່າວ​ວ່າ:

“ທີ​ມ​ຮັບມື​ຢ່າງ​ຮີບ​ດ່ວນນີ້ ແມ່ນໝາຍ​ຄວາມ​ວ່າ ເພື່ອ​ໃຫ້ການ​ຊ່ວຍ​ເຫລືອ​ແກ່​ໂຮງ
ໝໍ​ຕ່າງໆ ທີ່​ມີ​ພວກຄົນ​ປ່ວຍ ສົງໄສວ່າ​ຕິດ​ເຊື້ອ​ອີ​ໂບລາ​. ບັນດາ​ທີມຮັບມື​ດັ່ງກ່າວ
ນີ້ ​ປະກອບ​ດ້ວຍ​ຜູ້​ຊ່ຽວຊານດ້ານ​ຄວບ​ຄຸມ​ພະຍາດຕິດຕໍ່ ຢາ​ປົວ​ພະຍາດ​ ການ​ສືບສວນ​ກ່ຽວກັບການລະບາດ​ຂອງອິ​ໂບລາ ການ​ສື່ສານ ​ແລະ​ດ້ານອື່ນໆ ອີກ
ຮວມ​ທັງ​ດ້ານຫ້ອງວິໄຈຫຼືຫ້ອງແລັບນຳດ້ວຍ.”

ປະທານາທິບໍດີ Barack Obama ​ຊຶ່ງໄດ້​ສັ່ງ​ໃຫ້​ສ້າງ​ຕັ້ງ​ ບັນດາ​ທີມພວກນັກ​ຊ່ຽວຊານ
ດັ່ງກ່າວ ຫລັງ​ຈາກໄດ້ກວດພົບ ​ກໍ​ລະ​ນີທຳ​ອິດ​ຂອງອີໂບລາ ຢູ່​ໃນສະຫະລັດ ​ໄດ້​ສະ​ແດງ​
ໃຫ້​ເຫັນ​ວ່າ ສ່ວນ​ໃຫຍ່​ຂອງ​ໂຮງໝໍ ຍັງບໍ່ທັນມີຄວາມ​ພ້ອມ​ເທື່ອ ເພື່ອ​ຮັບ​ມື​ກັບ ເຊື້ອ​ອີໂບ
ລາ. ຄົນ​ປ່ວຍທີ່​ມາ​ຈາກໄລ​ບີ​ເຣຍ ​ໄດ້ຮັບການ​ປິ່ນ ປົວ​ຢູ່​ໂຮງໝໍ​ແຫ່ງ​ນຶ່ງ​ໃນ ນະຄອນ
Dallas ລັດ Texas ​ແຕ່​ໄດ້​ເສຍ​ຊີວິດ​ໃນ​ວັນ​ທີ 8 ​ເດືອນຕຸລາ ຫລັງ​ຈາກ​ໄດ້​ຕິ​ດ​ແປດເຊື້ອ
ໄວຣັສດັ່ງກ່າວໃສ່ນາງພະຍາບານ​ສອງ​ຄົນ ທີ່​ເປັນ​ຜູ້​ດູ​ແລ​ລາວ. ​ກໍລະນີ​ດັ່ງ​ກ່າວ​ໄດ້ພາ​ເຮັດ
​ໃຫ້​ເກີດ​ຄວາມ​ຢ້ານ​ກົວ​ວ່າ ອີ​ໂບລາ ອາດ​ຈະແຜ່​ລະບາດ​ຢູ່​ໃນ ສະຫະລັດ ແລະຊາວອາເມ
ຣິກັນຫຼາຍໆຄົນ ໄດ້ກ່າວຫາພວກເຈົ້າໜ້າທີ່ການແພດວ່າ ບໍ່ທັນມີຄວາມພ້ອມ ເພື່ອຮັບມື
ກັບເຊື້ອ ໄວຣັສນີ້.

ທ່ານ Obama ກ່າວ​ວ່າ ຄະນະທີມຮັບມືຢ່າງ​ຮີບ​ດ່ວນຈະ​ຄໍ້າປະກັນ​ວ່າ ມີການ​ປະຕິບັດ
ຕາມກົດລະບຽບຢ່າງ​ຖືກຕ້ອງຢ່າງ​ເໝາະ​ສົມ​ ກ່ຽວກັບທຸກໆກໍລະນີທີ່ສົງໄສຕິດເຊື້ອ
ອີໂບລາ.

ປະທານາທິບໍດີ Barack Obama ກ່າວ​ວ່າ

“ຖ້າ​ພວກ​ເຮົາ​ຫາກປະຕິບັດ​ຕາມ ລະບຽບການເຫຼົ່ານີ້​ຢ່າງ​ເໝາະ​ສົມ ຖ້າພວກ​ເຮົາ​ຫາກປະຕິບັດຕາມບາດກ້າວຕ່າງໆ ຖ້າພວກ​ເຮົາຫາກ​ນຳ​ເອົາ​ຂໍ້ມູນອອກເປີດເຜີຍ ​ຫລັງຈາກນັ້ນ ການ​ທີ່​ຈະເກີດແຜ່​ລະບາດ​ຂອງ​ເຊື້ອອີ​ໂບລາ ຢູ່​ໃນ​ປະ​ເທດ​ນີ້ ຈະ​ມີ​
ຕໍ່າ​ ທີ່​ສຸດ.

ປະທານາທິບໍດີ ສະຫະລັດ ພວມຊອກ​ຫາ​ຊ່ອງ​ທາງ ທີ່ຈະຊ່ວຍ​ລະ​ງັບ​ຄວາມ​ຢ້ານ​ກົວ ທີ່
ວ່າເຊື້ອ​ໄວຣັສອັນ​ຮ້າຍ​ແຮງ​ນີ້ອາດ​ຈະ​ແຜ່​ລະບາດ​ຢູ່​ໃນສະຫະລັດ. ການ​ຕັດສິນ​ໃຈທີ່ຈະ
​ສົ່ງ​ທີ​ມຮັບມືຮີບດ່ວນກັບອີ​ໂບລາ ໄປຍັງເຂດຕ່າງໆນັ້ນແມ່ນຈະ ຂຶ້ນຢູ່ກັບຜູ້ອຳນວຍການ
ສູນ​ກາງ​ຄວບ​ຄຸມແລະ​ປ້ອງ​ກັນພະຍາດ ​ຕາມ​ຄຳ​ຂໍ​ຮ້ອງ​ຈາກ​ໂຮງໝໍ ຫລືຄລີ​ນິກ ທີ່​ອາດ​ຕ້ອງການ.

"ດອກ​ເຕີີ Tappero ກ່າວວ່າ “ດັ່ງ​ທີ່​ທ່ານ​ຮູ້​ວ່າ ການ​ປະຕິບັດ​ງານ​ສຸກ​ເສີນ​ຂອງ​
ສູນກາງພວກ​ເຮົາໄດ້​ເລີ້​ມຂື້ນ​ແລ້ວ. ຂ້າພະ​ເຈົ້າ​ຄິດ​ວ່າ ພວກເຮົາໄດ້ເລີ້ມມາເປັນ
ມື້ທີ 106. ​ເພາະສະ​ນັ້ນ ການ​ຕັດສິນ​ໃຈ​ທີ່​ຈະ​ສົ່ງທີ​ມຮັບມືສຸກເສີນກັບອີໂບລາ
ຂອງສູນ​ກາງ​ຄວບ​ຄຸມ​ແລະປ້ອງ​ກັນ​ພະ​ຍາດນັ້ນ​ ແມ່ນນອນຢູ່ໃນໂຄງຮ່າງການ
ຄຸມຄອງອຸປະຕິ​ເຫດ. ເວລາ​ນີ້ ສູນ​ກາງ​ປະຕິບັດງານ​ສຸກ​ເສີນຂອງ​ພວກ​ເຮົາແມ່ນ
ຜູ້ອຳນວຍການປະຕິບັດ​ງານຂອງສູນກາງພວກເຮົາ ​ແນ່ນອນ​ ການ​ຕັດສິນ​ໃຈ ​
ທັງ​ໝົດ​ຂື້ນ​ຢູ່​ກັບດອກ​ເຕີ Thomas Frieden.”

ບັນດາ​ສະມາຊິກຂອງທີມເຫຼົ່ານີ້ ​ແມ່ນຖືກຄັດເລືອກຈາກ​ລາຍ​ຊື່ພະນັກງາ​ນການ ​ແພດ
ປະມານ 100 ຄົນ ຢູ່​ໃນທົ່ວ​ປະ​ເທດ. ໜ່ວຍຊັ່ງຊາສະຖານະການ ແລະ​ໃຫ້ການ​ສະໜັບ
ສະໜູນ 3 ທີມ​ໄດ້​ຖືກ​ສົ່ງ​ໄປນະຄອນ New York, Chicago ​ແລະ Washington D.C.
ມາຮອດປັດຈຸບັນຍັງບໍ່​ມີການສົ່ງທີມຮັບມືສຸກເສີນ ໄປຍັງເຂດໃດ​ເທຶ່ອ ​ແຕ່​ວ່າ ກຸ່ມ​ທໍາ ອິດ
20 ຄົນ​ກຳລັງ​ລໍຖ້າ​ພ້ອມ​ດ້ວຍ​ພົກ​ເຄື່ອງ ຂອງເຂົາ​ເຈົ້າ​ຕຽມ​ໄວ້​ແລ້ວ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG