ສະຫະລັດ ໄດ້ຮຽກຮ້ອງໃຫ້ຈີນ ປ່ອຍທະນາຍຄວາມ ທ່ານ
Zhang Kai ແລະກຸ່ມສາສະໜາທີ່ສຳຄັນ ຮວມທັງພວກນັກ
ສອນສາສະໜາຄຣິສ ທີ່ຖືກກ່າວຫາວ່າ ຂົ່ມຂູ່ຕໍ່ຄວາມເປັນ
ລະບຽບຂອງສັງຄົມ ແລະຄວາມປອດໄພຂອງປະເທດ. ນັກ
ຂ່າວ ວີໂອເອ Victor Beattie ລາຍງານວ່າ ເອກອັກຄະ
ລັດຖະທູດສະຫະລັດ ປະຈຳສະຫະປະຊາຊາດ ໄດ້ເລີ້ມປຸກ
ລະດົມໂຄສະນາ ໃຫ້ປ່ອຍນັກໂທດແຫ່ງຈິດສຳນຶກແມ່ຍິງ
20 ຄົນ ຮວມທັງທະນາຍຄວາມຈີນ ທ່ານນາງ Wang Yu
ຊຶ່ງ ກິ່ງສະຫວັນ ຈະນຳເອົາລາຍລະອຽດ ມາສະເໜີທ່ານ.
ກ່ອນໜ້າການມາຢ້ຽມຢາມ ນະຄອນຫລວງ ວໍຊິງຕັນ ຢ່າງເປັນທາການ ເທຶ່ອທຳອິດ ຂອງ
ປະທານປະເທດຈີນ ທ່ານ Xi Jingping ໃນທ້າຍເດືອນນີ້ ເອກອັກຄະລັດຖະທູດສະຫະ
ລັດ ທີ່ຮັບຜິດຊອບກ່ຽວກັບເສລີພາບທາງດ້ານສາສະໜາ ທ່ານ David Saperstein
ກ່າວວ່າ ການກັກຂັງ ບຸກຄົນສຳຄັນທາງ ສາສະໜາ ເມື່ອວັນທີ 25 ເດືອນສິງຫາ ທີ່ຮວມ
ທັງທ່ານ Zhang ນັ້ນ “ເປັນເຫດການທີ່ໜ້າຕົກໃຈເປັນຢ່າງຍິ່ງ.” ມັນໄດ້ເກີດຂື້ນໃນຂະ
ນະທີ່ທ່ານຕຽມຈະພົບກັບເຂົາເຈົ້າ ໃນວັນຕໍ່ມາ ທີ່ປະເທດຈີນ.
ທ່ານ Saperstein ຜູ້ທີ່ໄດ້ພົບປະກັບບັນດາເຈົ້າໜ້າທີ່ລັດຖະບານຈີນ ກ່ຽວກັບ ເສລີພາບທາງສາສະໜາ ກ່າວວ່າ “ບໍ່ສາມາດມີການຂໍໂທດໃດໆ ຕໍ່ການກັກຂັງບັນດານັກສອນສາ
ສະໜາຜູ້ສຳຄັນ ທີ່ໄດ້ພົບກັບຂ້າພະເຈົ້າ ຫລື ພະຍາຍາມທີ່ຈະພົບກັບຂ້າພະເຈົ້າ.” ທ່ານ
ກ່າວເພີ້ມວ່າ “ການກັກຂັງເຫລົ່ານີ້ແມ່ນເຂົ້າກັນດີກັບເສັ້ນທາງຂອງການລົບກວນຈາກ
ການຂົ່ມຂູ່ຂອງລັດຕໍ່ບັນດາທະນາຍຄວາມທີ່ຕໍ່ສູ້ຄະດີໃຫ້ສາທາລະນະຊົນນັກເຄື່ອນໄຫວ
ອິນເຕີແນັດ ນັກໜັງສືພິມ ແລະບັນດາຜູ້ນຳທາງສາສະໜາ.” ທ່ານກ່າວວ່າມັນໄດ້ເນັ້ນຢ້ຳ
ໃຫ້ເຫັນເຖິງ “ຄວາມບໍ່ປອດໄພຂອງຊີວິດທາງສາສະໜາ ຢູ່ໃນປະເທດຈີນ.”
ໂຄສົກກະຊວງຕ່າງປະເທດ ສະຫະລັດ ທ່ານ Mark Toner ກ່າວໃນວັນອັງ ຄານແລ້ວນີ້
ວ່າ ເສລີພາບທາງສາສະໜາ ຢູ່ໃນປະເທດຈີນ ແມ່ນສິ່ງໜຶ່ງທີ່ສະ ຫະລັດ ຈັບຕາເບິ່ງຢ່າງ
ໃກ້ຊິດ:
ທ່ານ Tonner ກ່າວວ່າ “ທ່ານຮູ້ບໍ ຂ້າພະເຈົ້າສາມາດເວົ້າໄດ້ວ່າ ມັນແມ່ນຄວາມ
ເປັນຫ່ວງທີ່ຍັງມີຢູ່ຕໍ່ມາ ແລະ ໂດຍສະເພາະ ພຽງແຕ່ອ້າງເຖິງຄະດີຫວ່າງມໍ່ມານີ້
ທີ່ທະນາຍຄວາມຄົນສຳຄັນດ້ານສິດທິມະນຸດຂອງຊາວຄຣິສຕຽນ ທ່ານ Zhang
Kai ແລະຜູ້ຊ່ວຍຂອງທ່ານ ໄດ້ຖືກກັກຂັງໂດຍບັນດາເຈົ້າໜ້າທີ່ຈີນ. ແນ່ນອນ
ພວກເຮົາຕ້ອງການຢາກເຫັນທ່ານຖືກປ່ອຍໂຕ ແຕ່ນີ້ພຽງແຕ່ຊີ້ບອກໃຫ້ເຫັນ
ເຖິງວິທີການ ທີ່ກຳລັງດຳເນີນຢູ່ ທີ່ພວກເຮົາໄດ້ເຫັນກັນ.”
ທ່ານ Zhang ໄດ້ໃຫ້ຄຳແນະນຳແກ່ໂບດຕ່າງໆຢູ່ໃນແຂວງ Zhejiang ຂອງຈີນ ວ່າ
ໃຫ້ຕ້ານຄຳສັ່ງ ໃນການຍ້າຍໄມ້ກາງເຂນທັງຫລາຍອອກຈາກຫລັງຄາໂບດ. ນັກຄົ້ນ
ຄວ້າຂອງກຸ່ມປົກປ້ອງສິດທິມະນຸດ Human Right Watch ທ່ານນາງ Maya Wang
ຢູ່ທີ່ Hong Kong ກ່າວວ່າ ທ່ານ Zhang ໄດ້ເຮັດວຽກເປັນເວລາຫລາຍປີ ເພື່ອປ້ອງ
ກັນສິດທິມະນຸດ ຢູ່ໃນປະເທດຈີນ.
ທ່ານນາງ Wang ກ່່າວວ່າ “ທ່ານແມ່ນເປັນທີ່ຮູ້ດີ ໃນວຽກການປ້ອງກັນຊາວ ຄຣິສ
ຕຽນ ແລະ ບັນດາຜູ້ປະຕິບັດລັດທິ Falun Gong ແລະເທື່ອນີ້ປາກົດວ່າ ທ່ານ
ໄດ້ພົວພັນຢ່າງເລິກເຊິ່ງກັບຊາວຄຣິສ ຢູ່ໃນແຂວງ Zhejiang ຊຶ່ງໄມ້ກາງເຂນ
ຂອງເຂົາເຈົ້າ ໄດ້ຖືກບັງຄັບໃຫ້ເອົາລົງຈາກຫຼັງຄາ ໂດຍລັດຖະບານ.”
ລະຫວ່າງການຢ້ຽມຢາມຂອງທ່ານທີ່ປະເທດຈີນນັ້ນ ທ່ານ Saperstein ໄດ້ສະແດງຄວາມ
ເປັນຫ່ວງຫລາຍຢ່າງ ທີ່ຍັງດຳເນີນຢູ່ຕໍ່ໄປນັ້ນ ໂດຍຮຽກຮ້ອງໃຫ້ຍຸດຕິການປຸກລະດົມເພື່ອ
ໃຫ້ຍົກຍ້າຍໄມ້ກາງເຂນ ແລະທັບມ້າງໂບດ ແລະຍຸດຕິການຮາວິີລົບກວນຕໍ່ບັນດາສະມາ
ຊິກສາສະໜາ ທີ່ບໍ່ໄດ້ລົງທະບຽນ ແລະຊັ່ງຊາຄືນໃໝ່ ກ່ຽວກັບການຈຳກັດຮັດແຄບຕໍ່ຊາວ
ພຸດທິເບດແລະຊາວມຸສລິມ Uighur ທີ່ທ່ານຮ້ອງວ່າ ເປັນວິທີການທີ່ບໍ່ສ້າງສັນນັ້ນ. ທ່ານ
ນາງ Wang ກ່າວວ່າ ໄດ້ມີການປາບປາມຊາວຄຣິສໃນແຂວງ Zhejiang ຢູ່ເຂດແຄມຝັ່ງທະເລ ທີ່ຖືວ່າເປັນໝາກຫົວໃຈຂອງສາສະໜາຄຣິສ ໃນປະເທດຈີນ.
ທ່ານນາງ Wang ກ່າວວ່າ “ຢູ່ໃນແຂວງດັ່ງກ່າວນີ້ ລັດຖະບານໄດ້ໃຊ້ຂໍ້ອ້າງ ເຊັ່ນວ່າ ການລະເມີດກົດລະບຽບບ້ານເຮືອນ ແລະອຶ່ນໆ ເພື່ອຍົກຍ້າຍໄມ້ກາງເຂນທີ່ຕັ້ງຢູ່
ຕາມໂບດເຫລົ່ານີ້ ໂບດຂອງທາງການ ບັນດາໂບດທີ່ໄດ້ຮັບການ ສະໜັບສະໜູນ
ຂອງລັດຖະບານມາກ່ອນ.”
ນັກຄົ້ນຄຄວ້າຂອງກຸ່ມປົກປ້ອງສິດທິມະນຸດ Human Rights Watch ທ່ານນາງ Maya Wang ຢູ່ທີ່ Hong Kong ກ່າວວ່າ ໄດ້ມີການກີດກັ້ນຫລາຍຂື້ນ ກ່ຽວກັບສິດທິພົນລະເຮືອນ ໃນໄລຍະສອງປີທີ່ຜ່ານມາ ແລະມັນເປັນສິ່ງສຳຄັນທີ່ສຸດແກ່ບັນດາເຈົ້າໜ້າທີ່ສະ
ຫະລັດ ຖືເອົາໂອກາດນີ້ຍົກເອົາບັນຫາປ້ອງກັນສິດ ທິມະນຸດ ໂດຍທາງດ້ານສ່ວນໂຕ ແລະຢ່າງເປີດເຜີຍ ກັບບັນດາເຈົ້າໜ້າທີ່ຈີນ ໃນລະຫວ່າງການຢ້ຽມຢາມຂອງທ່ານ Xi
ຢ່າງເປັນທາງການ.
ໃນບົດຂຽນຢູ່ໃນໜັງສືພິມຂອງລັດຖະບານ China Daily ໃນວັນພຸດທີ່ຜ່ານມານີ້ ເອກ
ອັກຄະລັດທະທູດຈີນ ທີ່ນະຄອນຫຼວງວໍຊິງຕັນ ທ່ານ Cui Tiankai ກ່າວວ່າ ປະເທດທັງ
ສອງໄດ້ຜົນປະໂຫຍດຈາກການຮ່ວມມືກັນເພີ້ມຂຶ້ນ. ທ່ານກ່າວວ່າ ເຖິງມີຄວາມແຕກຕ່າງ
ກັນ ຮວມທັງການຂັດແຍ້ງໃນທະເລຈີນໃຕ້ແລະ ການໂຈມຕີທາງອິນເຕີແນັດກໍຕາມ ການ
ຮ່ວມມື ບໍ່ປະເຊີນໜ້າກັນ ເປັນກະແຈໄປສູ່ການແກ້ໄຂ. ທ່ານກ່າວວ່່າ ຄວາມແຕກຕ່າງ
ເຫລົ່ານັ້ນ ບໍ່ຄວນອະນຸຍາດໃຫ້ມາເປັນເລື້ອງໃຫຍ່ ຕໍ່ລາຍການປະຊຸມຂອງສອງຝ່າຍ.
ໃນຂະນະດຽວກັນ ເອກອັກຄະລັດຖະທູດສະຫະລັດ ປະຈຳອົງການສະຫະປະຊາຊາດ
ທ່ານນາງ Samantha Power ກໍໄດ້ສະຫລອງຂີດໝາຍຄົບຮອບ 20 ປີ ຂອງກອງປະ
ຊຸມ
ນາໆຊາດທີ່ປັກກິ່ງ ວ່າດ້ວຍຄວາມສະເໝີພາບທາງ ເພດແລະສິດທິຂອງພວກແມ່ຍິງ
ຊຶ່ງໄດ້ລິເລີ້ມການປຸກລະດົມໃນວັນອັງຄານແລ້ວນີ້ ເພື່ອເນັ້ນຢ້ຳເຖິງສະຖານະການທີ່
ພວມຊຸດໂຊມລົງຂອງພວກນັກໂທດ ການເມືອງແມ່ຍິງ 20 ຄົນ ຮວມໃນນັ້ນກໍມີ ທະນາຍ
ຄວາມ ນັກເຄື່ອນໄຫວ ອາຍຸ 44 ປີ ທ່ານນາງ Wang Yu.
ທ່ານນາງ Power ກ່າວວ່າ “ສຳລັບວຽກການທ່ານນາງ Wang ໄດ້ຖືກຮາວີ ຂົ່ມຂູ່
ແລ້ວໃສ່ຮ້າຍປ້າຍສີ ຢູ່ໃນສື່ມວນຊົນຂອງລັດ.ໃນວັນທີ 9 ເດືອນກໍລະກົດ ປີ
2015 ນີ້ ທ່ານນາງ Wang ເອງກໍໄດ້ຖືກກັກຂັງ. ພ້ອມທັງສາມີຂອງທ່ານນາງ
ແລະລູກຊາຍອາຍຸ 16 ປີ. ທ່ານນາງ Wang ແລະສາມີຂອງທ່ານ ຍັງຢູ່ໃນຄຸກ
ບ່ອນທີ່ເຂົາເຈົ້າປະຕິເສດເປັນປະຈຳບໍ່ໃຫ້ມີການຕິດຕໍ່ກັບທະນາຍຄວາມ ຢູ່ໃນ
ການຄຸມກຸມ ແລະຍັງບໍ່ທັນໄດ້ມີການກ່າວຫາໃດໆເທື່ອ."
ທ່ານນາງ Power ກ່າວວ່າ 20 ປີຫລັງຈາກຄຳປະກາດປັກກິ່ງ ຊື່ຂອງແມ່ຍິງ ຄົນໜຶ່ງໃນ
ຈຳນວນ 20 ຄົນ ຈະຖືກປ່ອຍໃນແຕ່ລະມື້ຂອງອາທິດ ຈົນເຖິງວັນປະຊຸມນາໆຊາດ ໃນ
ວັນທີ 27 ເດືອນກັນຍານີ້ ຢູ່ທີ່ສຳນັກງານໃຫຍ່ຂອງສະຫະປະຊາຊາດ ທີ່ນະຄອນນິວ
ຢອກ ທີ່ໄດ້ແນໃສ່ເພື່ອເຫັນພ້ອມ ກັບການຕັ້ງຄວາມ ໝາຍໝັ້ນໃໝ່ ເພື່ອຄວາມກ້າວ
ໜ້າຂອງສິດທິແມ່ຍິງສຳລັບໄລຍະ 20
