ລິ້ງ ສຳຫລັບເຂົ້າຫາ

logo-print

ກຳແພງກີດກັນ ຊົນຊາດ ຊົນ​ເຜົ່າ ແລະ ດ້ານ ເພດ ໃນລັດຖະ ສະພາ ສຫລ ຖືກທັບມ້າງ ໃນ​ການ​ເລືອກ​ຕັ້ງ​ ກາງ​ສະ​ໄໝນີ້


US Congress Breaks Race and Gender Barriers
please wait

No media source currently available

0:00 0:01:47 0:00

ເຊີນຊົມ ວີດີໂອ ໃນພາສາອັງກິດ

ການເລືອກຕັ້ງກາງສະໄໝຂອງສະຫະລັດ ທີ່ຫາກໍຜ່ານມານີ້ ໄດ້ສ້າງໃຫ້​ມີ​ເຫດການ
ທີ່​ເກີດ​ຂຶ້ນເປັນເທື່ອທຳອິດໃນ​ປະ​ຫວັດ​ສາດ​ຢູ່​ໃນຫລາຍ​ດ້ານ ຊຶ່ງ​ໄດ້ທັບ​ມ້າງກຳແພງ
ກີດກັນໃນດ້ານຊົນຊາດຊົນ​ເຜົ່າ ແລະດ້ານເພດ ເຊິ່ງມັນຈະເຮັດໃຫ້ລັດຖະສະພາ
ສະຫະລັດ ມີບັນດາສະມາຊິກສະພາທີ່​ມີ​ພື້ນ​ຖານ​ຄວາມ​ເປັນ​ມາ​ອັນ​ຫຼາກຫຼາຍຢ່າງບໍ່
ເຄີຍມີມາກ່ອນ ໃນເວ​ລາ​ທີ່​ລັດ​ຖະສະພານັ້ນ ເປີດກອງປະຊຸມ ໃນເດືອນມັງກອນ ປີ
ໜ້ານີ້. ແຕ່ດັ່ງທີ່ ບຣາຍແອນ ແພດເດັນ ນັກຂ່າວຂອງວີໂອເອ ລາຍງານມາວ່າ ຄວາມ
ຫຼາກຫຼາຍຂອງບັນດາສະມາຊິກສະພາທີ່ເພີ້ມຂຶ້ນນັ້ນ ສ່ວນໃຫຍ່ແລ້ວ ແມ່ນເກີດຂຶ້ນ
ຢູ່ໃນ ພັກເດໂມແຄຣັດ ເທົ່າ​ນັ້ນ ໃນຂະນະທີ່ພວກມີສິດອອກສຽງທີ່ເປັນແມ່ຍິງ ແລະ
ຊົນກຸ່ມນ້ອຍ ໄດ້ຫັນຫລັງໃຫ້ແກ່ ປະທານາທິບໍດີ ດໍໂນລ ທຣຳ ແລະພັກຣີພັບບຣີກັນ
ເຊິ່ງ ໄຊຈະເລີນສຸກ ມີລາຍລະອຽດຂອງລາຍງານ ມາສະເໜີທ່ານ ໃນອັນດັບຕໍ່ໄປ.


ເປັນຄັ້ງທຳອິດໃນປະຫວັດສາດ ທີ່ມີແມ່ຍິງຊາວມຸສລິມ 2 ຄົນ ໄດ້ຖືກເລືອກໃຫ້ເປັນ
ສະມາຊິກ ລັດຖະສະພາ ສະຫະລັດ.

ທ່ານນາງ ອີລຮານ ໂອມາຣ ທີ່ໄດ້ເຂົ້າມາຕັ້ງຖິ່ນຖານຢູ່ໃນລັດມິນເນໂຊຕາ ໃນຖານະ
ເປັນອົບພະຍົບ ຈາກໂຊມາເລຍ ກ່າວວ່າ ການເລືອກຕັ້ງເອົາທ່ານນາງນັ້ນ ເປັນການ
ປະຕິເສດຕໍ່ການຫ້າມພົນລະເມືອງຂອງບັນດາປະເທດ ທີ່ສ່ວນໃຫຍ່ ນັບຖືສາສະໜາ
ອິສລາມນັ້ນ ບໍ່ໃຫ້ເດີນທາງເຂົ້າມາໃນສະຫະລັດ ຂອງປະທານາທິບໍດີ ທຣຳ.

ທ່ານນາງ ໂອມາຣ ສະມາຊິກສະພາຕ່ຳສະຫະລັດ ທີ່ຫາກໍໄດ້ຖືກເລືອກ ເວົ້າວ່າ “ໃນ
ເວລາ ທີ່ຊາວໂຊມາເລຍ ຍັງຢູ່ໃນການຖືກຫ້າມ​ເຂົ້າ​ມາ​ສະ​ຫະ​ລັດ ຢູ່ນັ້ນ ການ​ສົ່ງ
ອົບພະຍົບເຊື້ອສາຍໂຊມາເລຍຄົນນຶ່ງ ໄປປະ​ຈຳ​ຢູ່ລັດຖະສະພາໂດຍ​ຕາງ​ໜ້າ​
ໃຫ້​ລັດມິນເນໂຊຕານັ້ນ ແມ່ນໄດ້ສົ່ງສັນຍານອັນຈະແຈ້ງແລ້ວ.”


ສ່ວນ​ທ່ານນາງ ຣາຊີດາ ທແລບ໌ ຈາກລັດມິຊິແກນ ກໍເປັນຜູ້ທີ່ຕຳໜິຢ່າງແຂງຂັນ ຕໍ່
ນະໂຍບາຍຕ່າງໆ ກ່ຽວກັບຄົນເຂົ້າເມືອງທີ່ມີການຈຳກັດຮັດແຄບ ຂອງ​ປະ​ທາ​ນາ​ທິ
​ບໍ​ດີນັ້ນ.

​ທ່ານນາງ ຣາຊີດາ ທແລບ໌ ທີ່ຖືກເລືອກໃຫ້ເປັນສະມາຊິກສະພາຕ່ຳສະຫະລັດ ເວົ້າວ່າ
“ຂ້າພະເຈົ້າຢາກຈະປ່ຽນແປງໂລກນີ້ ແລະອັນນີ້ຄືສິ່ງທີ່ຂ້າພະເຈົ້າກຳ​ລັງ​ເຮັດ​ຢູ່ ເອີ່
ແມ່ນແລ້ວ ມັນເກີດຄືຈັ່ງຊັ້ນຫລະ ຂ້າພະເຈົ້າ ຈະເຮັດສິິ່ງນັ້ນ ໃນຖານະທີ່ເປັນສະ
ມາຊິກ ລັດຖະສະພາ ຄົນ​ນຶ່ງ.”

ຍັງ​ມີແມ່ຍິງຊາວອາເມຣິກັນ ອິນເດຍແດງ ສອງຄົນ ທີ່ຖືກເລືອກ ເປັນສະມາຊິກ ລັດຖະ
ສະພາ ເປັນເທື່ອທຳອິດເຊັ່ນ​ກັນ.

ໂດຍມີອາຍຸໄດ້ 29 ປີ ນາງ ອາແລກສ໌ແຊນເດຣຍ ໂອຄາຊີໂອ-ຄໍຣເຕັຊ ຊາວນະ​ຄອນ
​ນີວຢອກ ທີ່ມີແມ່ເປັນຊາວເປີຣໂຕ ຣີໂກ ກໍເປັນແມ່ຍິງໄວອ່ອນທີ່ສຸດ ທີ່ໄດ້ຖືກເລືອກໄປ
ປະ​ຈຳ​ຢູ່ລັດຖະສະພາ.

ນາງ ໂອຄາຊີໂອ-ຄໍຣເຕັຊ ເວົ້າວ່າ “ນັ້ນ​ຄືເລື່ອງນີ້ທີ່​ເປັນ​ເຊັນ​ນີ້ ແທ້ໆແຫລະ. ບໍ່ແມ່ນ
ເລື່ອງຂອງການໂຄສະນາຫາສຽງ ຫຼືເປັນ​ມື້ເລືອກຕັ້ງ ແຕ່ມັນເປັນຂະບວນການ. ມັນ​ແມ່ນຂະບວນການອັນນຶ່ງໃນ​ດ້ານສັງຄົມ ເສດຖະກິດ ແລະ ຄວາມຍຸຕິທຳຂອງ​ຄົນ​ທີ່​ມີສີຜິວອື່ນຢູ່ໃນສະຫະລັດອາເມຣິກາ ທີ່ຍິ່ງໃຫຍ່ກວ່າເກົ່າ.”

ຢູ່ໃນລັດຄາລີຟໍຣເນຍ ທ່ານນາງ ຢັງ ກິມ ສັງກັດພັກຣີພັບບຣີກັນ ທີ່ໄດ້ເອົາໂຕຫ່າງຈາກ ນະໂຍບາຍຕ່າງໆຂອງທ່ານທຣຳ ອາດຈະໄດ້ເປັນແມ່ຍິງ ອາເມຣິກັນເຊື້ອສາຍເກົາຫຼີ
ຄົນທຳອິດ ຢູ່ໃນລັດຖະສະພາ ຖ້າຫາກຄະແນນສຽງທີ່ນຳໜ້າພຽງໜ້ອຍດຽວນັ້ນ ໄດ້ຮັບ
ການຢັ້ງຢືນ.

ລັດຖະສະພາທີ່ມີຄວາມຫຼາກຫຼາຍຕື່ມຂຶ້ນອີກນັ້ນ ເປັນການສະທ້ອນໃຫ້ເຫັນເຖິງ ການ
ເຂົ້າມາມີສ່ວນຮ່ວມຂອງ​ຄົນ ​ທີ່​ມາ​ຈາກຫຼາຍໆກຸ່ມຊົນຊາດຊົນ​ເຜົ່າ ເພີ້ມຂຶ້ນ ໂດຍທີ່​ເປັນ
ປະຕິກິລິຍາຕອບ​ໂຕ້​ຄືນ ຕໍ່ນະໂຍບາຍຕໍ່ຕ້ານອົບພະຍົບຕ່າງໆ ຂອງປະທານາທິບໍດີ
ທຣຳ ໃນບາງສ່ວນ.

ທ່ານນາງ ມໍລລີ ໂອຣວກຄ໌ ຈາກມະຫາວິທະຍາໄລ ອາເມຣິກັນ ກ່າວວ່າ “ພັກເດໂມ
ແຄຣັດ ໂດຍສະເພາະ ໄດ້ເຫັນຜົນທີ່ໄດ້ຮັບຢ່າງແທ້ຈິງ ຂອງເຫດ​ການນັ້ນ ໃນມື້
ວານນີ້ ເພາະວ່າ ພັກເດໂມແຄຣັດ ມີພວກສະໝັກເລືອກ​ຕັ້ງທີ່ມີຄວາມຫຼາກຫຼາຍ
ຫຼາຍກວ່າ ແລະ ພວກເຂົາເຈົ້າກໍໄດ້ປະສົບຜົນສຳເລັດ.”

ພວກ​ສັງ​ກັດພັກເດໂມແຄຣັດ ຫວັງວ່າ ການທີ່ມີສິດ ມີສຽງໃນເຂດເລືອກຕັ້ງທັງຈາກ
ຄົນ​ທີ່​ມາ​ຈາກຫຼາກຫຼາຍຊົນ​ເຜົ່າເພີ້ມຂຶ້ນນັ້ນ ດົນ​ໄປກໍ​ຈະມີ​ການຫັນປ່ຽນ ຄວາມກ້ຳເກິ່ງ
ທາງອຳນາດ ຢູ່ໃນວໍຊິງຕັນ ໄປໃນທາງທີ່​ດີ​ຕໍ່ພວກເຂົາເຈົ້າ.

ອ່ານຂ່າວນີ້ຕື່ມ ເປັນພາສາອັງກິດ

A number of historic firsts in the U.S. midterm elections broke ethnic and gender barriers andwill make the U.S. Congress the most diverse ever when it convenes in January. But as VOA's Brian Padden reports, the growing diversity of legislators is primarily happening in the Democratic Party as women and minority voters turn away from President Donald Trump and the Republican Party.

For the first time in history two Muslim woman were elected to the U.S.Congress.

Ilhan Omar, who came to Minnesota as a Somali refugee, says her election is a repudiation of President Trump's travel ban on predominantly Muslim countries.

Ilhan Omar, U.S. Representative-Elect says "when Somalis are on the Muslim ban to be sending a Somali refugee to Congress Minnesota is sending a clear message."

Rashida Tlaib, from Michigan, is also a strong critic of the president's restrictive immigration polices.

Rashida Tlaib, U.S. Representative-Elect says "I want to change the world, and this is what I am doing, and yeah, it so happens I'm going to be doing it as a member of Congress."

Two Native American women were also elected to Congress for the first time.

At 29 years old, New Yorker Alexandria Ocasio-Cortez, whose mother is Puerto Rican, is the youngest woman elected to Congress.

Alexandria Ocasio-Cortez, U.S. Representative-Elect says "that's exactly what this is. Not a campaign or an election day, but a movement. A larger movement for social, economic and racial justice in the United States of America."

And in California Republican Young Kim, who distanced herself from Trump's polices, could become the first Korean-American woman in Congress if her slim electoral lead is confirmed.

The more diverse Congress reflects, in part, the increased involvement by many ethnic minority groups that are reacting to President Trump's anti-immigrant polices.

Molly O'Rourke, at American University says "the Democrats in particular, really saw the benefit of that yesterday because Democrats had more of those diverse candidates and they were successful."

Democrats hope the growing diversity of the electorate will in time shift the balance of power in Washington in their favor.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG