ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຈີ​ນປະນາມການແຊກແຊງ ຂອງຝ່າຍຕາເວັນຕົກ ກ່ຽວກັບບັນຫາທະ​ເລຈີນ​ໃຕ້ (ວີດີໂອລາວ/ອັງກິດ)


China Slams Western Involvement in South China Sea Issue
please wait

No media source currently available

0:00 0:02:40 0:00
ລິງໂດຍກົງ

ຈີນຕອບໂຕ້ຕໍ່ຄໍາກ່າວຫາທີ່ວ່າ ຕົນກໍາລັງທໍາລາຍຄວາມເປັນເອກກະພາບກັນຂອງອາຊ່ຽນ ໃນເລື້ອງການຂັດແຍ້ງ ກ່ຽວກັບດິນແດນໃນເຂດທະເລຈີນໃຕ້ນັ້ນ ໂດຍກ່າວປະນາມອັນທີ່ຈີນເວົ້າວ່າ ເປັນການແຊກແຊງຂອງຝ່າຍຕາເວັນ ຕົກ ໃນລະຫວ່າງພວກປະເທດ ທີ່ຍາດແຍ່ງກັນ ອ້າງເອົາດິນແດນນັ້ນ. ແຕ່ ນັກຂ່າວວີໂອເອ Scott Stearns ລາຍ ງານວ່າ ລັດຖະບານໂອບາມາ ກ່າວວ່າ ຈີນບໍ່ຄວນ ດໍາເນີນນະໂຍບາຍ “ແບ່ງແຍກແລະຄອບຄອງ” ໃນເລື້ອງນີ້.

ການ​ເຂົ້າ​ໄປ​ລາດຕະ​ເວນຂອງຈີນຢູ່​ໃນ​ເຂດ​ນ່ານນໍ້າ​ທີ່​ທັງ​ຫວຽດ
ນາມ​ແລະ​ຟິລິບ​ປິນ ຕ່າງ​ກໍ​ອ້າງ​ເອົາ​ກໍາ​ມະ​ສິດ​ນັ້ນ ​ກໍາລັງເຮັດ​ໃຫ້
ຄວາມ​ຄຽດ​ຊັງ​ກັນ​ ​ເພິ່ມທະວີຮຸ​ນ​ແຮງ​ຂຶ້ນ​ໄປ​ນັບ​ມື້ ​ໃນ​ເຂດ​ທະ​ເລ​
ຈີນ​ໃຕ້​ນັ້ນ.

ທ່ານ​ນາງ ວິກຕໍ​ເຣຍ ນູລັນ ​ໂຄສົກ​ກະຊວງ​ຕ່າງປະ​ເທດ​ສະຫະລັດ ກ່າວວ່າ:

“ສິ່ງ​ທີ່​ພວກ​ເຮົາ​ເປັນ​ຫ່ວງ​ຫຼາຍ​ທີ່​ສຸດ​ໃນ​ເວລາ​ນີ້ ກໍ​ຄື​ຄວາມ​ເຄ່ງ​ຕຶງ​ແມ່ນ​ກໍາ ລັງ​ເພີ່ມທະວີ​ຂຶ້ນ​ໄປ​ນັບ​ມື້​ ໃນ​ກຸ່ມ​ປະ​ເທດ​ທີ່​ມີ​ສ່ວນໄດ້​ສ່ວນ​ເສຍ​ທັງຫຼາຍ. ດັ່ງ​ນັ້ນ​ ພວກ​ເຮົາ​ຈຶ່ງຢາກ​ເຫັນ​ຄວາມ​ມຸ້ງ​ໝັ້ນ​ໃນ​ການ​ແກ້​ໄຂ​ບັນ​ທີ່​ໃຫ້​ປະ​ໂຫຍ​ດ​ແກ່​ໝົດ ທຸກຝ່າຍ”

ວໍ​ຊິງ​ຕັນ​ເຊື່ອ​ວ່າ ການ​ຕົກ​ລົງແກ້​ໄຂ​ບັນຫາ​ນີ້ ຄວນ​ຈະ​ມາ​ຈາກ​ສະມາຄົມ​ອາ​ຊ່ຽນ​ເອງ.

​ແຕ່​ປັກ​ກິ່ງ​ກ່າວ​ວ່າ ​ເຂດ​ທະ​ເລ​ຈີນ​ໃຕ້ ​ເປັນ​ບັນ​ຫາ​ນຶ່ງ​ທີ່​ພວກ​ປະ​ເທດທີ່​ຍາດ ​ແຍ່ງ​ກັນອ້າງ​ເອົາ​ກໍາມະ​ສິດ​ ຄວນຈະ​ເປັນ​ຜູ້​ຕັດສິນ​ໃຈ​ພາຍ​ໃນ​ກຸ່ມ​ພວກ​ເຂົາ​ເຈົ້າ​ເອງ. ​ໃນ​ການ​ເດີນທາງ​ ໄປ​ຢ້ຽມຢາມ ອິນ​ໂດ​ເນ​ເຊຍ ມາ​ເລ​ເຊຍ ​ແລະ​ບຣູ​ໄນ ​ເມື່ອ​ບໍ່​ນານ​ມາ​ນີ້ ທ່ານ Yang Jiechi ລັດຖະມົນຕີ​ຕ່າງປະ​ເທດ​ຈີນ ​ກ່າວ​ວ່າ ສະມາຄົມ​ອາ​ຊ່ຽນ​ຄວນ​ຈະ​ເພ່ງ​ເລັງ​ໃສ່ເປົ້າໝາຍຕ່າງໆ​ທີ່ກວມ​ກວ້າງ​ກວ່າ​ນັ້ນ. ທ່ານ​ຢັງກ່າວ​ວ່າ:

“ສັນຕິພາບ ສະຖຽນ​ລະ​ພາບ ​ແລະ​ການ​ພັດທະນາ​ໃນ ຂົງ​ເຂດ​ເອ​ເຊຍ​ຕາ​ເວັນ​ອອກ ຄື​ຄວາມ​ມຸ້ງ​ມາດ​ປາດ​ຖະໜາ​ທີ່​ພວກ​ເຮົາມີ​ຮ່ວມ​ກັນ. ​ໃນສະຖານ​ະການ​ລະດັບ​ນາໆຊາດ​ທີ່​ສະ​ຫຼັບ​ຊັບຊ້ອນ​ນັ້ນ ພວກ​ເຮົາຕ້ອງ​ຮັກສາ​ສະຖຽນ​ລະ​ພາບ​ລະດັບ​ຂົງ​ເຂດ​ເອົ​າ​ໄວ້ ຊຸກຍູ້​ສົ່ງ​ເສີມຄວາມ​ ໄວ້​ວາງ​ໃຈ​ຊຶ່ງ​ກັນ​ແລະ​ກັນ ​ແລະ​ເລ່ງ​ລັດການ​ເຕີບ​ໂຕ​ທາງ​ເສດຖະກິດຮ່ວມ​ກັນ.”

​ເວລາ​ບັນດາ​ລັດຖະມົນຕີ​ຕ່າງປະ​ເທດ​ຂອງ​ສະມາຄົມ​ອາ​ຊ່ຽນ​ບໍ່ ​ສາມາດ​ຕົກ ລົງ​ກັນ​ໄດ້ ກ່ຽວ​ກັບວິທີ​ການທີ່​ເປັນ​ເອກ​ກະພາບ​ກັນໃນ​ການແກ້​ໄຂ​ບັນ​ຂໍ້​ຂັດ​ແຍ້​ງກັນ​ທາງ​ທະ​ເລ​ນັ້ນ ປາກົດ​ວ່າ ​ຈີນໄດ້ຖືກ​ວິພາກ​ວິຈານ​ຢ່າງ​ຮຸນ​ແຮງ​ວ່າ ​ເຮັດ​ໃຫ້ສະມາຄົມ​ອາ​ຊ່ຽນ​ແຕກ​ແຍກກັນ.

​ແຕ່​ລຸນ​ຫຼັງ​ການ​ຢ້ຽມຢາມ​ຂອງທ່ານ ຢັງນັ້ນ ຊິນ​ຫົວ ອົງການ​ຂ່າວທາງ​ການ​ຂອງ​ຈີນ ໄດ້​ລົງຂ່າວ​ໂຈມ​ຕີ​ພວກທີ່​ກ່າວ​ຫາ​ຈີນ​ນັ້ນ ​ໂດຍ​ກ່າວ​ວ່າຄວາມ​ເປັນ​ເອກ​ກະພາບ​ຂອງສະມາຄົມ​ອາ​ຊ່ຽນ ​ໄດ້ຖືກ​ບັ່ນ​ທອນ​ໃຫ້​ອ່ອນ​ແອ​ລົງໄປ​ໂດຍ​ການ​ເຂົ້າມາ​ແຊກ​ແຊງ​ຂອງ​ຝ່າຍ​ຕາ​ເວັນ​ຕົກ ​ເພື່ອ​ໃສ່​ຮ້າຍ​ປ້າ​ຍສີບົດ ບາດ​ໃນ​ທາງ​ບວກ​ຂອງ​ຈີນ.

​ໂຄສົກ​ຕ່າງປະ​ເທດ​ສະຫະລັດ ທ່ານ​ນາງ​ໂນ​ລັນ ກ່າວ​ວ່າ ບັນດາປະ​ເທດ​ ​ອາ​ຊ່ຽນ​ ​ແມ່ນ​ຕ້ອງການ​ພິທັກ​ປົກ​ປ້ອງຜົນປະ​ໂຫຍ​ດ​ດ້ານຄວາມ​ໝັ້ນຄົງ​ ຂອງ​ຕົນ​ທີ່​ກວ້າງ​ໃຫຍ່​ກວ່າ​ນັ້ນ.
ທ່ານ​ນາງ​ໂນ​ລັນ ກ່າວ​ວ່າ

“ພວກ​ເຂົາ​ເຈົ້າ​ເວົ້າເລຶ່ອງນີ້ກັນ ຈາກ​ທັດສະນະ​ວິ​ໄສ​ທີ່​ແຕກ​ແຕ່ງ​ກັນ ​ແລະແທນ​ທີ່​ຈະປົກ​ປິດ​ບັນຫາ​ນັ້ນ ​ແລະ​ອອກຖະ​ແຫລ​ງ ການ​ສະບັບ​ນຶ່ງ​ທີ່​ອ່ອນ​ແອ​ ບໍ່ເວົ້າ​ຫຍັງ​ຫລາຍນັ້ນ ພວກ​ເຂົາ​ເຈົ້າໄດ້ເລືອກເອົາ ການສືບ​ຕໍ່​ເຈລະຈາ​ກັນ​ກ່ຽວ​ກັບເລື່ອງ​ນີ້.”

ທ່ານ ຢັງ ລັດຖະມົນ​ຕີ​ຕ່າງປະ​ເທດ​ຈີນ ກ່າວ​ວ່າ ສະມາຊິກ​ສະມາຄົມອາ​ຊ່ຽນ​ແມ່ນຫລິ່ງ​ເຫັນ​ຄຸນຄ່າຂອງ​ມິດຕະພາບ​ຂອງ​ພວກ​ເຂົາ​ເຈົ້າກັບ​ຈີນ ຍ້ອນ ວ່າ​ອາ​ຊ່ຽນ​ໄດ້​ກາຍ​ເປັນ​ພາຄີ​ການ​ຄ້າ​ໃຫຍ່ ​ອັນ​ດັບ​ສາມ​ຂອງ​ຈີນ.

ທ່ານ Justin Logan ຜູ້​ອໍານວຍການຝ່າຍ​ການ​ສຶກສາ​ນະ​ໂຍບາຍ​ຕ່າງປະ​ເທດ ປະຈໍາ​ສະ​ຖາ​ບັນ ​ເຄ​ໂຕ ທີ່​ສະຫະລັດ ກ່າວ​ວ່າ ສັນຍາ​ການ​ຄ້າຕ່າງໆ​ທີ່​ໄດ້​ຈາກ​ຈີນ​ຍັງ​ຄົງເປັນ​ສິນ​ຍ້ອມ​ໃຈອັນງົດ​ງາມ​ ສໍາລັບ​ສະມາຊິກ​ສະມາຄົມ​ອາ​ຊ່ຽນ ທີ່​ບໍ່​ໄດ້ອ້າງເອົາກໍາມະສິດ​ໃນຂົງ​ເຂດ​ທະ​ເລ​ຈີນ​ໃຕ້​ນັ້ນ. ທ່ານ ໂລກັນ ກ່າວ​ວ່າ:

“ຂ້າພະ​ເຈົ້າຄິດ​ວ່າ ​ໂອກາດ​ໃນ​ການ​ທີ່​ຈະ​ບັນລຸກົດ​ການ​ປະພຶດປະຕິບັດທີ່​ມີ​ຄວາມ​ໝາຍ​ນັ້ນ ແມ່ນ​ຕໍ່າມາແຕ່​ເລີ່​ມ​ແລກ​ແລ້ວ ​ ແລະ​ດັ່ງ​ນັ້ນ ຂ້າພະ​ເຈົ້າຄິດ​ວ່າ ຜົນ​ຮັບ​ຈາກ​ເລື່ອງ​ນີ້​ນັ້ນ ກໍ​ຄື​ການສ້າງ​ຄວາມ​ແຕກ​ຕ່າງ​ທີ່​ຊັດ​ເຈນ​ຂຶ້ນກວ່​າ​ເກົ່າ ລະຫວ່າງປະ​ເທດ​ສະມາຊິກອາ​ຊ່ຽນ ​ແລະ​ທ່າ​ທີ​ຂອງ​ພວກເຂົາ​ເຈົ້າ ທີ່​ມີຕໍ່​ຈີນ​ນັ້ນ.”

ທ່ານ​ນາງ ​ໂນ​ລັນ ກ່າວ​ວ່າ ການ​ດໍາ​ເນີນ ຍຸດ​ທະ​ສາດ​ໃນ​ແນວ​ “​ແບ່ງ​ແຍກ​ແລະຄອບ​ຄອງ” ໂດຍ​ຝ່າຍ​ຈີນນັ້ນ ​ແມ່ນຈະ​ບໍ່​ດີ.

ຖ້າ​ຫາກວ່າ​ ການ​ດໍາ​ເນີນການ​ທູດ​ແບບ​ສອງ​ຝ່າຍ​ ສາມາດໃຫ້ການສະໜັບ ສະ​ໜຸນ​ ແກ່​ໂຄງ​ຮ່າງ​ການປະ​ຕິ​ບັດ​ງານ​ແບບ​ຫຼາຍ​ຝ່າຍ​ໃນ​ຂັ້ນ​ສຸດ​ທ້າຍໄດ້​ ນັ້ນ ​ມັນ​ກໍ​ຈະ​ດີຢູ່ ​ແຕ່ວ່າ ພວກ​ເຮົາ​ບໍ່​ຄິດ​ວ່າ ການ​ເຈ​ລະ​ຈາ​ຕົກລົງ​ກັນເປັນລາຍປະ​ເທດ​ໄປນັ້ນ​ ຈະ​ໃຊ້​ການ​ໄດ້ ຢ່າ​ວ່າ​ແຕ່​ຈະເປັນ​ວິທີ​ການ​ທີ່​ສະດວກ​ ຫລື​ດີ​ທີ່​ສຸດ​ ພາຍ​ໃຕ້​ກົດໝາຍ​ນານາ​ຊາດ ​ເພື່ອຈະ​ເຮັດ​ໃຫ້​ເລຶ່ອງນີ້​ສໍາ​ເລັດລົງໄດ້ນັ້ນ.”

ທ່ານ​ຢັງ​ກ່າວ​ໃນ​ທີ່​ສຸດ​ວ່າ ຈີນ​ໜຸນຫຼັງ​ບົດບາດ​ການ​ນໍາພາ​ຂອງ​ສະມາຄົມ​ອາ ຊ່ຽນ ​ທີ່​ກອງ​ປະຊຸມ​ສຸດ​ຍອດ​ເອ​ເຊຍ​ຕາ​ເວັນ​ອອກ ​ແລະ​ທີ່​ກອງ​ປະຊຸມສະພາ ຮ່ວມ​ມື​ທາງ​ເສດຖະກິດ​ແຫ່ງ​ພາກ​ພື້ນ​ເອ​ເຊຍ-ປາຊິ​ຟິກ ຫຼື ​ເອ​ເພັກ ​ໃນ​ເດືອນ​ໜ້າ​ທີ່​ຣັດ​ເຊຍ​ນັ້ນ.

ເບິ່ງວີດີໂອ ພາສາລາວ:
XS
SM
MD
LG