ລິ້ງ ສຳຫລັບເຂົ້າຫາ

logo-print

ສະຫະລັດ ກັບ ຈີນ ພົບປະກັນ ໃນການສົນທະນາຍຸດທະສາດ ຄັ້ງທີ 7


ເບິ່ງວີດີໂອ ກ່ຽວກັບລາຍງານນີ້.

ບັນດາ​ເຈົ້າ​ໜ້າ​ທີ່ ​ສະຫະລັດແລະ​ຈີນ ຈະເພັ່ງ​ເລັງ​ໃສ່ເລື່ອງ​ບັນຫາ​
ທ້າ​ທາຍ​ແລະ​ໂອກາດ​ຕ່າງໆທີ່​ມີ​ຮ່ວມ​ກັນ ​ໃນ​ລະຫວ່າງການ​ສົນທະ
ນາ​ດ້ານ​ຍຸດ​ທະ​ສາດ​ແລະ​ເສດຖະກິດ ປະຈຳ​ປີທີ 7 ທີ່ໄຂ​ຂຶ້ນ​ໃນ​ວັນ
ຈັນ​ວານ​ນີ້. ​ໃນ​ລະຫວ່າງ​ກອງ​ປະຊຸມ​ສອງ​ວັນ ທີ່​ນະຄອນຫລວງ​
ວໍ​ຊິງ​ຕັນ​ຄັ້ງ​ນີ້ ບັນດາ​ນັກການ​ທູດ​ຂັ້ນ​ສູງ​ຂອງ​ສະຫະລັດ ຍັງ​ຈະ​
ເວົ້າເຖິງ​ເລື່ອງ​ຄວາມ​ເປັນ​ຫ່ວງ​ຂອງ​ຕົນ ກ່ຽວ​ກັບປະຫວັດດ້ານ​ສິດ
ທິມະນຸດ​ຂອງ​ຈີນ ການ​ພົວພັນ​ຂອງຈີນ​ໃນການລະ​ເມີດ​ຄວາມ​ໝັ້ນ
ຄົງ​ທາງ​ຄອມ​ພິວ​ເຕີ້​ຂອງ​ສະຫະລັດຕາມ​ທີ່​ມີ​ການ​ກ່າວ​ຫາ​ນັ້ນ ​ແລະ
​ເລື່ອງໂຄງການ​ກໍ່ສ້າງທີ່​ເປັນ​ຫົວ​ຂໍ້​ຂັດ​ແຍ້​ງກັນຂອງ​ຈີນ ຢູ່​ທະ​ເລ​
ຈີນ​ໃຕ້ນັ້ນ​ນຳ. Pam Dockins ຜູ້​ສື່​ຂ່າວ​ວີ​ໂອ​ເອ ມີ​ລາຍ​ງານ ຊື່​ງ
ດາຣາຈະ​ນຳ​ມາສະ​ເໜີ​ທ່ານ.


​ໃນ​ຕອນ​ທີ່​ບັນດາ​ນັກ​ການ​ທູດ​ຂັ້ນ​ສູງ​ສຸດ​ ຂອງ​ສະຫະລັດ​ແລະ​ຈີນ ​ໄປ​ເຕົ້າ​ໂຮມ​ກັນ ​ເພື່ອ​ເຂົ້າ​ຮ່ວມ​ການສົນທະນາ​ດ້ານ​ຍຸ​ທະ​ສາດ​ປະຈຳ​ປີທີ 6 ຢູ່​ນະຄອນຫລວງ​ປັກ​ກິ່ງ​ ເມື່ອ​ປີ​ກາຍ​ນີ້ ປະທານ​ປະ​ເທດ​ຈີນ ທ່ານ Xi Jinping ກ່າວ​ວ່າ ​ເວລາ​ປະ​ເຊີນ​ໜ້າ​ກັບ​ບັນຫາ​ຕ່າງໆ​ນັ້ນ ​
ມັນ​ສຳຄັນ​ທີ່​ສຸດ​ທີ່​ປະ​ເທດ​ທັງ​ສອງ ຈະ​ຕ້ອງ​ທຳ​ງານ​ຮ່ວມ​ກັນ ​ເພື່ອ​ແກ້​ໄຂ​ບັນຫາ ​ແທນ​ທີ່​
ຈະ​ເບິ່ງ​ເຫັນ​ມັນ​ວ່າ “ໜ້າ​ຢ້ານ​ກົວ.”

​ໃນ​ຂະນະ​ທີ່​ກ້າວ​ເຂົ້າ​ສູ່ການ​ເຈລະຈາ​ປະຈຳ​ປີ​ນີ້ ​ເຈົ້າ​ໜ້າ​ທີ່​ທ່ານ​ໜຶ່ງ​ຂອງ​ສະຫະລັດ ກ່າວ​ວ່າ ທັງສອງ​ປະ​ເທດ ຈະ​ເພັ່ງ​ເລັງ​ໃສ່​ເລື່ອງ​ ​ຄວາມ​ເປັນ​ຫ່ວງຮ່ວມ​ກັນ​ຕ່າງໆ ​ເປັນ​ຕົ້ນ​ວ່າ ​ເລື່ອງ​ການ​ປ່ຽນ​ແປງ​ຂອງ ດິນ​ຟ້າ​ອາກາດ ​ແລະ​ຈະ​ຫາ​ທາງ​ແກ້​ໄຂ​ເລື່ອງ​ຄວາມ​ເປັນ​ຫ່ວງ​ຮ່ວມ​ກັນ​ກ່ຽວ​ກັບ​ໂຄງການ​ນິວ​ເຄລຍ ຂອງ​ອິຣ່ານ​ແລະ​ເກົາຫລີ​ເໜືອ.

​ແຕ່​ວ່າ ນອກນີ້​ແລ້ວ ກໍຍັງ​ຈະ​ມີ​ການ​ສົນທະນາ​ກັນ​ກ່ຽວ​ກັບເລື່ອງປະຫວັດດ້ານສິດທິ​ມະນຸດ ຂອງ​ຈີນນັ້ນ​ນຳ ອິງ​ຕາມ ທ່ານ Daniel Russel ລັດຖະມົນຕີ​ຊ່ວຍ​ວ່າການ​ກະຊວງ​ການຕ່າງ
ປະ​ເທດ​ສະຫະລັດ ສຳ​ຫລັບ​ກິດຈະການ​ເອ​ເຊ​ຍຕາ​ເວັນ​ອອກ​ແລະ​ປາຊີ​ຟິກ ທີ່​ໄດ້​ຖະ​ແຫລງ
ຕໍ່​ນັກ​ຂ່າວ.

ທ່ານ Russel ກ່າວ​ວ່າ “​ເປັນ​ຕົ້ນ​ວ່າ ການ​ຈຳກັດ​ຮັດ​ແຄບ​ເນື້ອ​ທີ່ ສຳ​ຫລັບ​ໃຫ້​
ສັງຄົມ​ພົນລະ​ເມືອງ​ໄດ້​ປະຕິບັດ​ງານ ຢູ່​ໃນ​ປະ​ເທດ​ຈີນ ການ​ຂັດຂວາງ​ຕ່າງໆ​
ທີ່​ພວກ​ທ່ານ ນັກ​ຂ່າວທັງຫລາຍ ​ໄດ້​ປະ​ເຊີນ ​ໃນ​ການ​ເຮັດ​ວຽກ​ຢູ່​ໃນ​ປະ​ເທດ​
ຈີນ ​ເລື່ອງຮ່າງກົດໝາຍທີ່​ເປັນ​ບັນຫາ​ກ່ຽວ​ກັບ​ພວກ NGO ຫລື​ພວກ​ກອົງການ​
ທີ່ບໍ່​ຂຶ້ນ​ກັບ​ລັດຖະບານ ​ທີ່​ໄດ້​ກໍ່​ໃຫ້​ເກີດ​ຄວາມ​ເປັນ​ຫ່ວງ​ ​ແລະກາ​ນຄັດຄ້ານຢ່າງ​
ໃຫຍ່​ຫລວງ. ຂ້າພະ​ເຈົ້າແນ່​ໃຈວ່າ ​ເລື່ອງ​ເຫລົ່າ​ນັ້ນ​ແມ່ນ​ຈະ​ລວມຢູ່​ໃນ​ບັນຫາ
​ຕ່າງໆທີ່​ຈະ​ຖືກ​ຍົກ​ຂຶ້ນ​ມາ​ເວົ້າ​ກັນ.”

ການ​ກໍ່ສ້າງ​ເກາະ​ດອນ​ຂອງ​ຈີນຢູ່​ໃນ​ເຂດ​ທະ​ເລ​ຈີນ​ໃຕ້ ທີ່​ເປັນ​ຂໍ້​ຂັດ​ແຍ້​ງກັນກັບ​ເພື່ອນ​ບ້ານ
ຂອງ​ຈີນ​ນັ້ນ ກໍ​ຢູ່​ໃນ​ຄວາມ​ເປັນ​ຫ່ວງ​ຂອງ​ສະຫະລັດ​ເຊັ່ນ​ກັນ.

ລັດຖະມົນຕີ​ຊ່ວຍ Daniel Russel ກ່າວ​ວ່າ “ສິ່ງ​ທີ່​ພວກ​ເຮົາ​ຢາກ​ເຫັນ​ນັ້ນ ກໍ​ຄື​
ເຂດ​ທະ​ເລ​ຈີນ​ໃຕ້ ທີ່​ກຳ​ປັ່ນ​ລຳ​ນ້ອຍໆ ຈາກ​ຟີ​ລິບ​ປິນ ຈາກ​ຫວຽດນາມ ຫລື​ວ່າ
ມາ​ເລ​ເຊຍ ຈະ​ສາມາດ​ແລ່ນ​ຢູ່​ໃນ​ເຂດ​ນ່ານນ້ຳ​ສາກົນ​ໄດ້ ດ້ວຍ​ຄວາມໝັ້ນໃຈ
ດັ່ງ​ດຽວ​ກັນ​ກັບ​ທີ່​ກຳ​ປັ່ນ​ລຳ​ໃຫຍ່​ທີ່​ສຸດ​ຂອງ​ສະຫະລັດ ສາມາດ​ແລ່ນ​ຜ່ານ​ໄປ​ໄດ້ ​
ໃນ​ເຂດ​ນ່ານນ້ຳ​ດຽວ​ກັນ.”

ນັກວິ​ເຄາະ​ຂ່າວ​ເອ​ເຊຍ Alison Kaufman ​ໄດ້​ໃຫ້ການ ຕໍ່​ຄະນະ​ກຳມາ​ທິການ​ໜຶ່ງ​ຂອງ
ສະພາ​ຕ່ຳ​ສະຫະລັດ​ວ່າ ບັນດາ​ອຳນາດ​ໃນ​ຂົງ​ເຂດນັ້ນ ພວມ​ລໍຖ້າ​ເບິ່ງ​ວ່າ ສະຫະລັດ​ຈະ
ປະຕິບັດ​ການ ​ເພື່ອ​ສະໜັບສະໜຸນຄຳ​ເວົ້າ​ຂອງ​ຕົນ ທີ່​ວ່າການ​ປະພຶດ​ຂອງ​ຈີນຢູ່​ໃນ​ທະ​ເລ
ຈີນໃຕ້ ​ເປັນ​ທີ່​ຮັບ​ເອົາ​ບໍ່​ໄດ້​ນັ້ນ ຫລື​ບໍ່.

ທ່ານ​ນາງ Alison Kaufman ກ່າວ​ຕໍ່​ໄປ​ວ່າ “ຂ້າພະ​ເຈົ້າ​ມັກ​ຈະ​ຄິດ​ວ່າ ຖ້າ​ຫາກ
ສະຫະລັດ​ບໍ່​ເຮັດ​ຫຍັງ ໝາຍ​ຄວາມ​ວ່າ ​ຖ້າ​ຫາກ​ວ່າຈີນ​ປະຕິບັດ​ໄປ​ຕາມ​ການ​ກ່າວ​
ອ້າງ​ກຳມະສິດ​ມາ​ແຕ່​ດົນ​ນານ​ຂອງ​ຕົນ ​ແລ​ະສະຫະລັດ​ກໍ​ຍັງ​ສືບຕໍ່ສະ​ແຫວ​ງຫາ​
ສາຍ​ພົວພັນ​ກັບ​ຈີນ ​ໃນ​ດ້ານອື່ນ​ຕ່າງໆ ເຫລົ່າ​ນັ້ນ​ແລ້ວ ບັນດາ​ປະ​ເທດ​ທັງຫລາຍ​
ໃນ​ຂົງ​ເຂດ ກໍ​ຈະ​ພາກັນ​ເວົ້າ​ວ່າ ​‘ສະຫະລັດ​ຄົງ​ຈະ​ບໍ່​ໝາຍ​ຄວາມ​ວ່າ​ດັ່ງ​ນັ້ນ​ແທ້ໆ’.”


​ແຕ່​ທີ່​ປຶກສາ​ກ່ຽວ​ກັບ​ເອ​ເຊຍ Bonnie Glaser ຈາກ​ສູນ​ກາງ​ສຶກສາ​ຍຸ​ທະ​ສາດ​ແລະ​ນາໆຊາດ
ມີ​ຄວາມ​ເຫັນ​ວ່າ ສະຫະລັດ ພຽງ​ປະ​ເທດ​ດຽວ ​ແມ່ນ​ມີ​ອຳນາດ​ງັດ​ງ້າງ​ນ້ອຍ​ຫລາຍ​ກັບ​ຈີນ.

ທ່ານ​ນາງ Bonnie Glaser ​ເວົ້າ​ວ່າ “ນີ້​ແມ່ນ​ບັນຫາ​ໂລກ​ແທ້ໆ​ແຫລະ. ຫລາຍໆ​
ປະ​ເທດ​ໃນ​ທົ່ວ​ໂລກ ​ແມ່ນ​ມີ​ສ່ວນ​ໄດ້​ສ່ວນ​ເສຍ​ຢ່າງ​ສຳຄັນ ​ໃນ​ການ​ຮັກສາ​ສະ
ຖຽນ​ລະ​ພາບຢູ່​ໃນ​ເຂດ​ທະ​ເລ​ຈີນ​ໃຕ້​ເອົາ​ໄວ້. ທຸກໆ​ປະ​ເທດ​ແມ່ນ​ມີ​ການຂົນ​ສົ່ງ
ຜ່ານ​ເຂດ​ນັ້ນ.”

ໃນ​ລະຫວ່າງ​ການ​ສົນທະນາ​ຍຸ​ທະ​ສາ​ດນັ້ນ ພວກ​ເຈົ້າ​ໜ້າ​ທີ່​ສະຫະລັດ ຍັງ​ຈະ​ຍົກ​ຂຶ້ນ​ມາ​ເວົ້າ ​ເລື່ອງ​ທີ່​ສະຫະລັດ​ສົງ​ໄສ​ວ່າ ຈີນ​ໄດ້​ມີ​ບົດບາດ​ໃນ ການລະ​ເມີດ​ຄວາມ​ໝັ້ນຄົງ​ດ້ານ​ຂໍ້​ມູນທາງ
ໄຊ​ເບີຂອງ​ສະຫະລັດ ຄື​ກັນ​ກັບ​ອັນ​ທີ່​ໄດ້​ມີ​ການ​ເປີດ​ເຜີຍ​ໃຫ້​ຮູ້​ເມື່ອ​ໄວ​ໆ​ມາ​ນີ້ ທີ່​ວ່າ​ໄດ້​ມີ​ການ​ແຮັກ​ ຫລື​ເຈາະ​ເອົາ​ຂໍ້​ມູນ​ສ່ວນ​ຕົວ ຂອງ​ພະນັກງານ​ປັດຈຸ​ບັນ​ແລະ​ອະດີດຂອງ ລັດຖະບານ
ກາງ​ສະຫະລັດ ຫລາຍ​ລ້ານ​ຄົນ​ນັ້ນ.

ທ່ານ​ນາງ Bonnie Glaser ຈາກ​ສູນ​ກາງ​ສຶກສາ​ ຍຸ​ທະ​ສາດ​ແລະ​ນາໆ​ຊາດ ກ່າວ​ວ່າ
“ຂ້າພະ​ເຈົ້າ​ຄິດ​ວ່າ ​ເລື່ອງ​ນີ້​ແມ່ນ​ເປັນ​ໜຶ່ງ​ໃນ​ບັນຫາ ທີ່​ເລື່ອນ​ໄຫລ​ທີ່​ສຸດ​ໃນ​ສາຍ​
ພົວພັນ​ລະຫວ່າງ​ສະຫະລັດ ກັບ​ຈີນ.”

ທ່ານ​ນາງ Glaser ກ່າວ​ອີກ​ວ່າ ສະຫະລັດ​ກັບ​ຈີນ ​ແມ່ນ​ບໍ່​ໄດ້​ທຳ​ຄວາມ​ກ້າວໜ້າ​ໃດໆ​ເລີຍ
ກ່ຽວ​ກັບ​ບັນຫາ​ນີ້ ​ເຖິງ​ແມ່ນ​ໄດ້​ການ​ສົນທະນາ​ກັນ ​ໃນ​ລະດັບ​ສູງ​ສຸດ​ຂອງ​ລັດຖະບານ​ກໍ​ຕາ​ມ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG