ບັນດາເຈົ້າໜ້າທີ່ສໍາຫຼວດອາວະກາດ ຈາກຫຼາຍກວ່າ 30 ປະ
ເທດ ໄດ້ພົບ ປະກັນທີ່ນະຄອນຫຼວງ ວໍຊິງຕັນ ດີຊີ ເພື່ອບໍ່ດົນ
ມານີ້ ເພື່ອປຶກສາຫາລືກັນກ່ຽວກັບວິທີການທີ່ຈະຊຸກຍູ້ການສໍາ
ຫຼວດ ແລະການຊົມໃຊ້ອາວະກາດໃຫ້ ກ້າວໄກໄປໜ້າ. ກອງ
ປະຊຸມດັ່ງກ່າວແມ່ນຈັດຂຶ້ນໂດຍກະຊວງຕ່າງປະເທດ ສະຫະ
ລັດ ທີ່ໄດ້ເຊື້ອເຊີນເຈົ້າໜ້າທີ່ຈາກອົງການອາວະກາດຂອງຈີນ
ເຂົ້າຮ່ວມນໍາເປັນເທື່ອທໍາອິດ ຊຶ່ງເປັນການເນັ້ນຢໍ້າເຖິງຄວາມ
ສາມາດເປັນໄປໄດ້ໃນການຮ່ວມມືກັນສໍາຫຼວດອາວະກາດ.
George Putic ຜູ້ສື່ຂ່າວວີໂອເອ ມີລາຍງານເລຶ່ອງນີ້ເພີ່ມຕື່ມ
ຊຶ່ງທອງປານ ຈະນໍາມາສະເໜີທ່ານ ໃນອັນດັບຕໍ່ໄປ
ການຮ່ວມມືກັນລະຫວ່າງອົງການອາວະກາດສະຫະລັດ ຫຼື NASA ແລະ ອົງການອາວະກາດຂອງຈີນ ຖືກສັ່ງຫ້າມໂດຍສະພາຄອງແກຣສເມື່ອປີ 2011 ແຕ່ບັດນີ້ປະກົດວ່າເຫັນຮ່ອງຮອຍ ທີ່ອາດຈະມີການປ່ຽນແປງໄດ້.
ຢູ່ທີ່ກອງປະຊຸມນາໆຊາດວ່າດ້ວຍການສໍາຫຼວດອາວະກາດ ທີ່ຈັດຂຶ້ນ ເມື່ອວັນທີ 9 ເດືອນມັງກອນຜ່ານມານີ້ ທ່ານ William Burns ຮອງລັດຖະມົນຕີຕ່າງປະເທດສະຫະ ລັດ ໄດ້ເຊື້ອເຊີນທຸກໆປະເທດ ໃຫ້ເຂົ້າປະກອບ ສ່ວນໃນການສໍາຫຼວດອາວະກາດ.
ທ່ານ ເບີນ ເວົ້າວ່າ: “ບັດນີ້ ມັນເຖິງເວລາແລ້ວທີ່ພວກເຮົາຈະຮ່ວມກັນ ເຮັດໃຫ້ ການສໍາຫຼວດອາວະກາດ ເປັນບຸລິມະສິດຮ່ວມກັນອັນນຶ່ງຂອງໂລກ ເພື່ອເຈາະເອົາຄວາມເລັ້ນລັບຕ່າງໆຂອງລະບົບຈັກກະວານ ແລະເພື່ອເລັ່ງລັດ ຄວາມກ້າວໜ້າຂອງມະນຸດ ຢູ່ໂລກເຮົານີ້.”
Xu Dazhe ຫົວໜ້າອົງການອາວະກາດແຫ່ງຊາດຂອງຈີນ ກໍໄດ້ເຂົ້າຮ່ວມກອງປະຊຸມບັ້ນນີ້ນໍາ. ໜັງສືພິມຈີນລາຍວັນ ຫລື China Daily ໄດ້ອ້າງ ຄໍາເວົ້າຂອງທ່ານ Dazhe ທີ່ກ່າວວ່າ ການປະກອບສ່ວນຂອງທ່ານໃນຄັ້ງນີ້ ຖືວ່າເປັນສັນຍານຢ່າງນຶ່ງທີ່ບອກວ່າ ຈີນເຕັມໃຈທີ່ຈະຮ່ວມມືກັບປະເທດອື່ນໆ ໃນການສໍາຫຼວດອາວະກາດ.
Scott Pace ຫົວໜ້າສະຖາບັນນະໂຍບາຍອາວະກາດ ແລະອາຈານສອນວິຊາກິດຈະ ການສາກົນ ທີ່ມະຫາວິທະຍາໄລ George Washington ເວົ້າວ່າ ຈີນແມ່ນໄດ້ຖືກເຊື້ອເຊີນໂດຍສະເພາະ ໃຫ້ມາຮ່ວມປະກອບສ່ວນໃນການປຶກສາຫາລືລະດັບສາກົນດັ່ງກ່າວ ແຕ່ທ່ານກ່າວຕື່ມວ່າ.
ທ່ານ ເພສ ເວົ້າວ່າ: “ຈິງໆແລ້ວ ກໍຍັງບໍ່ເຫັນມີຄວາມກ້າວໜ້າທາງການເມືອງ ທີ່ ຈະນໍາໄປສູ່ກິດຈະກໍາຮ່ວມມືກັນໂດຍກົງ ໃນຂອບເຂດກວ້າງຂວາງ ແລະເປັນສັນຍາລັກ ນັ້ນເທື່ອ. ແຕ່ກໍມີໂອກາດນ້ອຍໆຈໍານວນນຶ່ງ ທີ່ຂ້າພະເຈົ້າຄິດວ່າ ພວກເຮົາສາມາດທີ່ຈະເຮັດໄດ້ ແລະກໍໜ້າຈະສາມາດດໍາເນີນການຕໍ່ໄປໄດ້.”
ທ່ານ ເພສ ເວົ້າວ່າ ໃນລະຫວ່າງສົງຄາມເຢັນນັ້ນ ສະຫະລັດກໍໄດ້ຮ່ວມມືກັບສະຫະພາບໂຊຫວຽດ ກ່ຽວກັບບາງດ້ານຂອງການສໍາຫຼວດອາວະກາດ.
ທ່ານ ເພສ ເວົ້າວ່າ: “ຄືໃນດ້ານຕ່າງໆທີ່ກ່ຽວກັບວິທະຍາສາດ ໂດຍສະເພາະ ເຊັ່ນ ວິທະຍາສາດໂລກ ລະບົບສຸລິຍະ ຂໍ້ມູນບາງຢ່າງຂອງການຄໍານວນຊີວິດຂອງມະນຸດ. ແລະຂ້າພະເຈົ້າຄິດວ່າ ການຮ່ວມມືໃນລະດັບດຽວກັນນີ້ ສາມາດມີຂຶ້ນກັບຈີນໄດ້ຢ່າງແນ່ນອນ ໃນປັດຈຸບັນນີ້ ແລະກໍຄວນຈະມີຂຶ້ນ.”
ເຂົ້າຮ່ວມໃນກອງປະຊຸມບັ້ນນີ້ນໍາ ກໍມີຫລາຍໆປະເທດ ທີ່ບໍ່ໄດ້ມີສ່ວນພົວ ພັນນໍາການສໍາຫຼວດອາວະກາດເລີຍ ເຊັ່ນ ບຣາຊິລ ຊາອຸດີ ອາເຣເບຍ ແລະ ໄນຈີເຣຍ.
ທ່ານ ເພສ ເວົ້າອີກວ່າ ມີຫຼາຍໆປະເທດທີ່ໃຊ້ອາວະກາດ ເພື່ອວັດຖຸປະສົງ ທີ່ປະຕິບັດໄດ້ ເຊັ່ນ ການເດີນເຮືອ ຫຼືການສື່ສານຕ່າງໆ ແຕ່ບັດນີ້ ພວກ ປະເທດເຫຼົ່ານັ້ນ ຄວນຈະ ຫັນຄວາມສົນໃຈໃນເລຶ່ອງນີ້ຫຼາຍຂຶ້ນ.
ທ່ານ ເພສ ເວົ້າວ່າ: “ຂ້າພະເຈົ້າຄິດວ່າ ດວງຈັນກໍາລັງໂຜ່ໂຕຂຶ້ນມາເປັນຈຸດສຸມດ້ານເທັກນິກ ທີ່ທຸກໆຄົນເຫັນພ້ອມນໍາກັນ ຍ້ອນດວງຈັນສະໜອງໂອກາດອັນດີແກ່ປະເທດຕ່າງໆໃນທຸກລະດັບຂອງການພັດທະນາອາວະກາດ ຈາກຕັ້ງແຕ່ ລະດັບທີ່ໃຫຍ່ທີ່ສຸດ ໄປຫາລະດັບພໍປານກາງທີ່ສຸດ.”
ຍ້ອນວ່າ ສະຖານີອາວະກາດທີ່ໂຄຈອນອ້ອມໂລກຢູ່ເວລານີ້ ເປັນສະຖານທີ່ນາໆຊາດ ແລະອາຍຸການທໍາງານຂອງມັນ ກໍໄດ້ຕໍ່ອອກໄປຈົນເຖິງປີ 2024 ທ່ານເພສ ຈຶ່ງກ່າວວ່າ ຈີນອາດຖືກເຊື້ອເຊີນ ໃຫ້ເຂົ້າຮ່ວມໃນການສຶກສາທົດລອງດ້ານຕ່າງໆ ຢູ່ເທິງສະຖານີອາວະກາດນັ້ນ.
ບ່ອນຕໍ່ໄປ ທີ່ເຮົາອາດຈະໄດ້ເຫັນມີການຮ່ວມມືກັບຈີນນັ້ນ ຈະແມ່ນຢູ່ເທິງດວງຈັນ ເພາະ ວ່າການທີ່ຈະກ້າວໄປເຖິງການສໍາຫຼວດດາວພະອັງຄານ ແລະພວກດາວດວງນ້ອຍ ອື່ນໆ ໃນຈັກກະວານນັ້ນ ແມ່ນຈະເປັນເລຶ່ອງທີ່ຍາກຫລາຍ ແລະສິ້ນເປືອງຄ່າໃຊ້ຈ່າຍຫຼາຍເກີນໄປ ແມ່ນແຕ່ສໍາລັບສະຫະລັດ ແລະຣັດເຊຍ.
ເທດ ໄດ້ພົບ ປະກັນທີ່ນະຄອນຫຼວງ ວໍຊິງຕັນ ດີຊີ ເພື່ອບໍ່ດົນ
ມານີ້ ເພື່ອປຶກສາຫາລືກັນກ່ຽວກັບວິທີການທີ່ຈະຊຸກຍູ້ການສໍາ
ຫຼວດ ແລະການຊົມໃຊ້ອາວະກາດໃຫ້ ກ້າວໄກໄປໜ້າ. ກອງ
ປະຊຸມດັ່ງກ່າວແມ່ນຈັດຂຶ້ນໂດຍກະຊວງຕ່າງປະເທດ ສະຫະ
ລັດ ທີ່ໄດ້ເຊື້ອເຊີນເຈົ້າໜ້າທີ່ຈາກອົງການອາວະກາດຂອງຈີນ
ເຂົ້າຮ່ວມນໍາເປັນເທື່ອທໍາອິດ ຊຶ່ງເປັນການເນັ້ນຢໍ້າເຖິງຄວາມ
ສາມາດເປັນໄປໄດ້ໃນການຮ່ວມມືກັນສໍາຫຼວດອາວະກາດ.
George Putic ຜູ້ສື່ຂ່າວວີໂອເອ ມີລາຍງານເລຶ່ອງນີ້ເພີ່ມຕື່ມ
ຊຶ່ງທອງປານ ຈະນໍາມາສະເໜີທ່ານ ໃນອັນດັບຕໍ່ໄປ
ການຮ່ວມມືກັນລະຫວ່າງອົງການອາວະກາດສະຫະລັດ ຫຼື NASA ແລະ ອົງການອາວະກາດຂອງຈີນ ຖືກສັ່ງຫ້າມໂດຍສະພາຄອງແກຣສເມື່ອປີ 2011 ແຕ່ບັດນີ້ປະກົດວ່າເຫັນຮ່ອງຮອຍ ທີ່ອາດຈະມີການປ່ຽນແປງໄດ້.
ຢູ່ທີ່ກອງປະຊຸມນາໆຊາດວ່າດ້ວຍການສໍາຫຼວດອາວະກາດ ທີ່ຈັດຂຶ້ນ ເມື່ອວັນທີ 9 ເດືອນມັງກອນຜ່ານມານີ້ ທ່ານ William Burns ຮອງລັດຖະມົນຕີຕ່າງປະເທດສະຫະ ລັດ ໄດ້ເຊື້ອເຊີນທຸກໆປະເທດ ໃຫ້ເຂົ້າປະກອບ ສ່ວນໃນການສໍາຫຼວດອາວະກາດ.
ທ່ານ ເບີນ ເວົ້າວ່າ: “ບັດນີ້ ມັນເຖິງເວລາແລ້ວທີ່ພວກເຮົາຈະຮ່ວມກັນ ເຮັດໃຫ້ ການສໍາຫຼວດອາວະກາດ ເປັນບຸລິມະສິດຮ່ວມກັນອັນນຶ່ງຂອງໂລກ ເພື່ອເຈາະເອົາຄວາມເລັ້ນລັບຕ່າງໆຂອງລະບົບຈັກກະວານ ແລະເພື່ອເລັ່ງລັດ ຄວາມກ້າວໜ້າຂອງມະນຸດ ຢູ່ໂລກເຮົານີ້.”
Xu Dazhe ຫົວໜ້າອົງການອາວະກາດແຫ່ງຊາດຂອງຈີນ ກໍໄດ້ເຂົ້າຮ່ວມກອງປະຊຸມບັ້ນນີ້ນໍາ. ໜັງສືພິມຈີນລາຍວັນ ຫລື China Daily ໄດ້ອ້າງ ຄໍາເວົ້າຂອງທ່ານ Dazhe ທີ່ກ່າວວ່າ ການປະກອບສ່ວນຂອງທ່ານໃນຄັ້ງນີ້ ຖືວ່າເປັນສັນຍານຢ່າງນຶ່ງທີ່ບອກວ່າ ຈີນເຕັມໃຈທີ່ຈະຮ່ວມມືກັບປະເທດອື່ນໆ ໃນການສໍາຫຼວດອາວະກາດ.
Scott Pace ຫົວໜ້າສະຖາບັນນະໂຍບາຍອາວະກາດ ແລະອາຈານສອນວິຊາກິດຈະ ການສາກົນ ທີ່ມະຫາວິທະຍາໄລ George Washington ເວົ້າວ່າ ຈີນແມ່ນໄດ້ຖືກເຊື້ອເຊີນໂດຍສະເພາະ ໃຫ້ມາຮ່ວມປະກອບສ່ວນໃນການປຶກສາຫາລືລະດັບສາກົນດັ່ງກ່າວ ແຕ່ທ່ານກ່າວຕື່ມວ່າ.
ທ່ານ ເພສ ເວົ້າວ່າ: “ຈິງໆແລ້ວ ກໍຍັງບໍ່ເຫັນມີຄວາມກ້າວໜ້າທາງການເມືອງ ທີ່ ຈະນໍາໄປສູ່ກິດຈະກໍາຮ່ວມມືກັນໂດຍກົງ ໃນຂອບເຂດກວ້າງຂວາງ ແລະເປັນສັນຍາລັກ ນັ້ນເທື່ອ. ແຕ່ກໍມີໂອກາດນ້ອຍໆຈໍານວນນຶ່ງ ທີ່ຂ້າພະເຈົ້າຄິດວ່າ ພວກເຮົາສາມາດທີ່ຈະເຮັດໄດ້ ແລະກໍໜ້າຈະສາມາດດໍາເນີນການຕໍ່ໄປໄດ້.”
ທ່ານ ເພສ ເວົ້າວ່າ ໃນລະຫວ່າງສົງຄາມເຢັນນັ້ນ ສະຫະລັດກໍໄດ້ຮ່ວມມືກັບສະຫະພາບໂຊຫວຽດ ກ່ຽວກັບບາງດ້ານຂອງການສໍາຫຼວດອາວະກາດ.
ທ່ານ ເພສ ເວົ້າວ່າ: “ຄືໃນດ້ານຕ່າງໆທີ່ກ່ຽວກັບວິທະຍາສາດ ໂດຍສະເພາະ ເຊັ່ນ ວິທະຍາສາດໂລກ ລະບົບສຸລິຍະ ຂໍ້ມູນບາງຢ່າງຂອງການຄໍານວນຊີວິດຂອງມະນຸດ. ແລະຂ້າພະເຈົ້າຄິດວ່າ ການຮ່ວມມືໃນລະດັບດຽວກັນນີ້ ສາມາດມີຂຶ້ນກັບຈີນໄດ້ຢ່າງແນ່ນອນ ໃນປັດຈຸບັນນີ້ ແລະກໍຄວນຈະມີຂຶ້ນ.”
ເຂົ້າຮ່ວມໃນກອງປະຊຸມບັ້ນນີ້ນໍາ ກໍມີຫລາຍໆປະເທດ ທີ່ບໍ່ໄດ້ມີສ່ວນພົວ ພັນນໍາການສໍາຫຼວດອາວະກາດເລີຍ ເຊັ່ນ ບຣາຊິລ ຊາອຸດີ ອາເຣເບຍ ແລະ ໄນຈີເຣຍ.
ທ່ານ ເພສ ເວົ້າອີກວ່າ ມີຫຼາຍໆປະເທດທີ່ໃຊ້ອາວະກາດ ເພື່ອວັດຖຸປະສົງ ທີ່ປະຕິບັດໄດ້ ເຊັ່ນ ການເດີນເຮືອ ຫຼືການສື່ສານຕ່າງໆ ແຕ່ບັດນີ້ ພວກ ປະເທດເຫຼົ່ານັ້ນ ຄວນຈະ ຫັນຄວາມສົນໃຈໃນເລຶ່ອງນີ້ຫຼາຍຂຶ້ນ.
ທ່ານ ເພສ ເວົ້າວ່າ: “ຂ້າພະເຈົ້າຄິດວ່າ ດວງຈັນກໍາລັງໂຜ່ໂຕຂຶ້ນມາເປັນຈຸດສຸມດ້ານເທັກນິກ ທີ່ທຸກໆຄົນເຫັນພ້ອມນໍາກັນ ຍ້ອນດວງຈັນສະໜອງໂອກາດອັນດີແກ່ປະເທດຕ່າງໆໃນທຸກລະດັບຂອງການພັດທະນາອາວະກາດ ຈາກຕັ້ງແຕ່ ລະດັບທີ່ໃຫຍ່ທີ່ສຸດ ໄປຫາລະດັບພໍປານກາງທີ່ສຸດ.”
ຍ້ອນວ່າ ສະຖານີອາວະກາດທີ່ໂຄຈອນອ້ອມໂລກຢູ່ເວລານີ້ ເປັນສະຖານທີ່ນາໆຊາດ ແລະອາຍຸການທໍາງານຂອງມັນ ກໍໄດ້ຕໍ່ອອກໄປຈົນເຖິງປີ 2024 ທ່ານເພສ ຈຶ່ງກ່າວວ່າ ຈີນອາດຖືກເຊື້ອເຊີນ ໃຫ້ເຂົ້າຮ່ວມໃນການສຶກສາທົດລອງດ້ານຕ່າງໆ ຢູ່ເທິງສະຖານີອາວະກາດນັ້ນ.
ບ່ອນຕໍ່ໄປ ທີ່ເຮົາອາດຈະໄດ້ເຫັນມີການຮ່ວມມືກັບຈີນນັ້ນ ຈະແມ່ນຢູ່ເທິງດວງຈັນ ເພາະ ວ່າການທີ່ຈະກ້າວໄປເຖິງການສໍາຫຼວດດາວພະອັງຄານ ແລະພວກດາວດວງນ້ອຍ ອື່ນໆ ໃນຈັກກະວານນັ້ນ ແມ່ນຈະເປັນເລຶ່ອງທີ່ຍາກຫລາຍ ແລະສິ້ນເປືອງຄ່າໃຊ້ຈ່າຍຫຼາຍເກີນໄປ ແມ່ນແຕ່ສໍາລັບສະຫະລັດ ແລະຣັດເຊຍ.
