ລິ້ງ ສຳຫລັບເຂົ້າຫາ

logo-print

ສະຫະລັດ ໃຫ້ກຽດແກ່ ມູນເຊື້ອ ຂອງທ່ານ Martin Luther King, Jr. (ສະໄລດ໌/ວີດິໂອ)


US Honors Legacy of Martin Luther King, Jr.
please wait

No media source currently available

0:00 0:04:15 0:00
ລິງໂດຍກົງ

ເບິ່ງວີດິໂອ ກ່ຽວກັບລາຍງານນີ້.

ໃນເດືອນນີ້ ສະຫະລັດໃຫ້ກຽດແກ່ມູນເຊື້ອຂອງມື້ລາງຜູ້ນໍາ
ສິດທິພົນລະເຮືອນທີ່ຖືກຂ້າຕາຍ ຄຸນພໍ່ Martin Luther King
Jr. ເມື່ອ 50 ປີກ່ອນ ຄື​ໃນວັນທີ 28 ສິງຫາ ປີ 1963, ດຣ.
King ໄດ້ນໍາພາການເດີນຂະບວນ ທີ່ມີຊື່ສຽງຢູ່ນະຄອນ
ຫຼວງວໍຊິງຕັນ ດີຊີ ​ແລະ​ໄດ້ກ່າວຄໍາປາໄສ “I have a
dream”
ທີ່ມີຊື່ສຽງຂອງ​ທ່ານ ຊຶ່ງເປັນຜົນງານເອກ ທີ່ກະ
ຕຸ້ນປະເທດຊາດໃຫ້ສະໜັບ ສະໜຸນສິດທິເທົ່າທຽມກັນ
ສໍາລັບຊາວອາເມຣິກັນເຊື້ອສາຍອາຟຣິກາທັງຫຼາຍ.
Meredith Buel ຜູ້ສື່ຂ່າວວີໂອເອ ມີປະຫວັດຫຍໍ້ຂອງທ່ານ
ຄິງ ແລະການດິ້ນຮົນຕໍ່ສູ້ຂອງທ່ານ ​ເພື່ອ​ໃຫ້​ຄົນ​ເຊື້ອຊາດ
ຕ່າງໆ​ໄດ້ຢູ່ຮ່ວມກັນຢ່າງສະເໝີພາບ ແລະຕໍ່ຕ້ານການ
ຈໍາແນກເຊື້ອຊາດຜິວພັນ ຊຶ່ງທອງປານມີລາຍລະອຽດ
ມາສະເໜີ.

ລິງໂດຍກົງ

ນັ້ນ​ຄື​ຄໍາ​ເວົ້າ​ຕອນ​ນຶ່ງຂອງຄຸນ​ພໍ່ Martin Luther King Jr. ​ຢູ່​ໃນ​ຄໍາ​ປາ​ໄສ “I have a dream” ຫຼື “ຂ້າພະ​ເຈົ້າ​ມີ​ຄວາມ​ຝັນ​ຢ່າງ​ນຶ່ງ” ຂອງ​ທ່ານ ຊຶ່ງ​ທ່ານ ​ເວົ້າວ່າ:

“ໃນມື້ນີ້ ຂ້າພະເຈົ້າຢາກເວົ້າຕໍ່ຊາວອາເມຣິກັນ ແລະ ປະເທດຊາດທັງຫຼາຍ
ໃນທົ່ວໂລກວ່າ ບັດນີ້ພວກເຮົາຢູ່ໃນຂັ້ນເຄື່ອນໄຫວ ​ແລ້ວແລະບໍ່ມີຄື້ນຟອງ
ແຫ່ງການຈໍາແນກເຊື້ອຊາດຜິວພັນອັນ​ໃດ ທີ່ຈະມາຢຸດພວກເຮົາໄດ້.”


ຄວາມສົນໃຈຂອງປະເທດຊາດ​ໄດ້ເລີ່ມຕົ້ນ ສຸມໃສ່ການເຄື່ອນໄຫວເພື່ອສິດທິພົນລະ
ເຮືອນ ໃນກາງຊຸມປີ 1950 ເວລາບຸລຸດໜຸ່ມຜິວດໍາ ຜູ້ສັ່ງ ສອນຫຼັກສາສະນາຄົນນຶ່ງ ກໍຄື
Dr. Martin Luther King Jr. ໄດ້ນໍາພາການຜັກດັນຢ່າງ​ສໍາ​ເລັດ​ຜົນ ເພື່ອກໍາຈັດການ ແບ່ງແຍກສີຜິວຢູ່ເທິງລົດເມ ທີ່ເມືອງ Montgomery ລັດ Alabama ທາງພາກໃຕ້ຂອງ ສະຫະລັດ. ທ່ານຄິງ ໄດ້ຈັດຕັ້ງການປະທ້ວງທີ່ປອດການກໍ່ຄວາມຮຸນແຮງ ຕໍ່ຕ້ານການ ແບ່ງແຍກຜິວສີຢູ່ທາງພາກໃຕ້ ຊຶ່ງເປັນການດິ້ນຮົນຕໍ່ສູ້ເພື່ອຄວາມສະເໝີພາບ ແລະ
ສິດທິ​ໃນການປ່ອນບັດເລືອກຕັ້ງ ຂອງພວກຄົນຜິວດໍາ.

ຮູບທີ່​ຖ່າຍ​ທອດ​ອອກທາງ​ໂທລະພາບ ທີ່​ສະ​ແດງ​ໃຫ້​ເຫັນເຫດການກໍ່ຄວາມຮຸນແຮງຕໍ່ ຕ້ານພວກເດີນຂະບວນປະທ້ວງ​ເພື່ອສິດທິພົນລະເຮືອນ ໄດ້ກໍ່ໃຫ້ເກີດຄື້ນຟອງແຫ່ງ ຄວາມເຫັນອົກເຫັນໃຈໃນຄວາມນຶກຄິດຂອງມະຫາຊົນ.

ທ່ານ Andrew Young ນັກເຄື່ອນໄຫວດ້ານສິດທິພົນລະເຮືອນເປັນເພື່ອນໃກ້ຊິດຂອງ
ທ່ານ ຄິງ.

ທ່ານ ຢັງ ເວົ້າວ່າ: “ທ່ານ ຄິງ ໄດ້ສິດສອນພວກເຮົາວ່າ ພາລະຂອງພວກເຮົາກໍ​ແມ່ນໄຖ່ຖອນຈິດວິນຍານຂອງອາເມຣິກາ ອອກຈາກຄວາມຊົ່ວຮ້າຍສາມຢ່າງ
ກໍຄື ການຈໍາແນກເຊື້ອຊາດຜິວພັນ ສົງຄາມ ແລະຄວາມທຸກຈົນ.”


ພາຍໃນເດືອນສິງຫາປີ 1963 ການຜັກດັນເພື່ອຄວາມສະເໜີພາບກັນ ໄດ້ເຕີບໃຫຍ່
ຂະ ຫຍາຍຕົວຂຶ້ນຢ່າງສໍາຄັນ ແລະມີ 250,000 ຄົນ ທີ່ໄດ້ປະກອບສ່ວນໃນການ
ເດີນຂະບວນທີ່ວໍຊິງຕັນ ຮຽກຮ້ອງ​ເອົາວຽກເຮັດງານທໍາ ແລະ ເສລີພາບ.

ສະມາຊິກສະພາຕໍ່າ John Lewis ເປັນຜູ້ນຶ່ງທີ່ຢູ່ໃນເຫດການຄັ້ງນັ້ນ.

ສສ John Lewis ເວົ້າວ່າ: “ເວລາພວກເຮົາມາເຖິງຂັ້ນ​ໄດຍ່າງຂຶ້ນລົງ ຂອງ
ອະນຸ ສາວະລີ Lincoln ເຮົາຈະເຫັນຫຼາຍຮ້ອຍພັນຄົນອັ່ງອໍກັນຢູ່ບໍລິເວນ
ດັ່ງກ່າວ ມີພວກຄົນໜຸ່ມຫຼາຍຄົນ ພວກຊາຍໜຸ່ມກໍພາກັນປີນຢູ່ເທິງຕົ້ນໄມ້ ເພື່ອຈະໄດ້ເຫັນຝຸງຊົນໄດ້ດີກວ່າ.”


ທ່ານ ຄິງ ໄດ້ສ້າງຄວາມຕືນເຕັ້ນຢ່າງໃຫຍ່ຕໍ່ຝຸງຊົນ.

ທ່ານ ຄິງ ກ່າວດ້ວຍນໍ້າສຽງກ້ອງກັງວານ ວ່າ: “ຂ້າພເຈົ້າມີຄວາມຝັນຢ່າງນຶ່ງວ່າ
ໃນມື້ນຶ່ງ ລູກນ້ອຍທັງສີ່ຄົນຂອງຂ້າພະເຈົ້າ ຈະດໍາລົງຊີວິດຢູ່ໃນປະເທດຊາດນຶ່ງ
ບ່ອນທີ່​ເຂົາ​ເຈົ້າ​ຈະບໍ່ຖືກຕັດສິນຍ້ອນສີຜິວຂອງພວກເຂົາເຈົ້າ ແຕ່ຍ້ອນທາດແທ້
ຂອງບຸກຄະ​ລິກຂອງພວກເຂົາເຈົ້າ ຂ້າພະເຈົ້າມີຄວາມຝັນຢ່າງນຶ່ງໃນມື້ນີ້.”

ສະມາຊິກສະພາຕໍ່າ Lewis ເວົ້າວ່າ ຄໍາປາໄສຂອງທ່ານຄິງ ມີນໍ້າສຽງ ທີ່​ເຕັມ​ໄປ​ດ້ວຍ​
ຈິດ​ວິນ​ຍານ.

ສສ Lewis ເວົ້າວ່າ “ທ່ານຄິງໄດ້ຜັນປ່ຽນ ຂັ້ນ​ໄດຍ່າງຂຶ້ນລົງທີ່ເຮັດດ້ວຍຫິນອ່ອນ ຂອງອະນຸສາວະລີ Lincoln ​ໃຫ້ກາຍເປັນ​ແຖວ​ຕັ່ງ​ນັ່ງ​ພາວະນາ​ກາງ​ແຈ້ງ ສະໄໝ
ໃໝ່ ແລະຂ້າພະເຈົ້າຈື່ໄດ້ວ່າ ທ່ານຄິງເວົ້າວ່າ ຂ້າພະເຈົ້າຈະຝັນມື້ນີ້ ຄວາມຝັນ
ນຶ່ງທີ່ຢັ່ງຮາກເລິກຢູ່ໃນຄວາມຝັນຂອງຊາວອາເມຣິກັນ.”


Julian Bond ນັກເຄຶ່ອນໄຫວເພື່ອສິດທິພົນລະເຮືອນເປັນຜູ້ນຶ່ງທີ່ໄດ້ ຮ່ວມເຮັດວຽກ ຈັດການເດີນຂະບວນຄັ້ງນັ້ນ.

ທ່ານ ບອນ ເວົ້າວ່າ: “ນີ້ຄືການເດີນຂະບວນປະທ້ວງ​ເທື່ອດຽວທີ່ສໍາຄັນທີ່ສຸດ ສໍາລັບ
ພວກຄົນຜິວດໍາແລະພວກສະໜັບສະໜຸນເຂົາເຈົ້າທີ່ເປັນຄົນຜິວຂາວ ພວກທີ່ຕ້ອງ
ການຈະ
​ໃຫ້​ມີ​ການປ່ຽນແປງໃນສິດທິພົນລະເຮືອນ ຄືບໍ່ເຄີຍມີແບບນີ້ມາກ່ອນເລີຍ ແລະຂ້າພະເຈົ້າຮູ້ສຶກດີໃຈຫຼາຍທີ່ໄດ້ປະກອບສ່ວນໃນການປະທ້ວງຄັ້ງນັ້ນ.”

ທ່ານ ຄິງ ຮັບຮູ້ວ່າ ມີພວກຄົນຂາວປະກອບສ່ວນນໍາ ແລະໄດ້ຮຽກຮ້ອງໃຫ້ຝຸງຊົນຈົ່ງສືບ
ຕໍ່ທໍາການປະທ້ວງ​ແບບ​ບໍ່ຮຸນແຮງນັ້ນຕໍ່ໄປ.

ທ່ານ ຄິງ ເວົ້າວ່າ: “ຈົນ​ເຖິງເວລາລູກຫຼານທັງໝົດຂອງພະຜູ້ເປັນເຈົ້າ ບໍ່ວ່າຈະ ເປັນຊາຍຜິວດໍາ ຜິວຂາວ ຊາວຢິວ ແລະທີ່ບໍ່ແມ່ນຊາວຢິວ ຊາວໂປຣແທັສຕັນ ແລະຄາທໍລິກ ກໍຕາມ ຈະສາມາດປະສານມືກັນ ແລະຮ້ອງເພງໃນຄໍາເວົ້າຂອງ ຈິດວິນຍານນີໂກຣອັນເກົ່າແກ່ ທີ່ວ່າ “ມີເສລີພາບໃນທີ່ສຸດ ມີເສລີພາບໃນທີ່ສຸດ ພະຜູ້ເປັນເຈົ້າທີ່ຍີ່ງໃຫຍ່ ທີ່ຊົງພະລັງອໍານາດ ພວກເຮົາມີເສລີພາບ​ແລ້ວໃນທີ່ສຸດ.”

ພາບຈາກການໂຮມຊຸມນຸມ ຄົບຮອບ 50 ປີຂອງການເສຍຊີວິດຂອງທ່ານຄິງ:


ຄໍາປາໄສຂອງທ່ານຄິງ​ໄດ້​ສົ່ງ​ຜົນ​ໃຫ້ ສິ່ງທີ່ເປັນການເຄື່ອນໄຫວຂອງພວກຄົນຜິວດໍາ
ຢູ່​ໃນພາກໃຕ້ຂອງ​ປະ​ເທດ ໂດຍ​ສ່ວນ​ໃຫຍ່​ນັ້ນ ກາຍມາເປັນການປຸກລະດົມເພື່ອສິດທິ ພົນລະເຮືອນ ທີ່​ແຜ່​ລາມອອກໄປທົ່ວປະເທດ.

ໃນປີ 1964 ທ່ານ ຄິງໄດ້ຮັບລາງວັນໂນເບລ ຂະແໜງສັນຕິພາບ ແລະ ປະທານາທິບໍດີ Lyndon Johnson ກໍໄດ້ເຊັນກົດໝາຍສິດທິພົນລະເຮືອນ ທີ່​ເຮັດ​ໃຫ້ການ​ແຍກເຊື້ອ ຊາດຜິວພັນຢູ່ໃນສະຖານທີ່ສາທາລະນະຕ່າງໆນັ້ນ ເປັນສິ່ງທີ່ຜິດກົດໝາຍ.

ໃນປີຕໍ່ມາ ກໍ​ໄດ້​ມີ​ການ​ຮັບ​ຜ່ານກົດໝາຍສິດທິການປ່ອນບັດເລືອກຕັ້ງທີ່ຫ້າມການປະຕິ
ບັດຕ່າງໆ ທີ່ເຄີຍໄດ້ມີ​ການ​ນໍາໃຊ້​ ເພື່ອກີດກັນບໍ່ໃຫ້ພວກຄົນຜິວດໍາ ​ໄດ້ປະກອບສ່ວນ
ໃນການເລືອກຕັ້ງນັ້ນ.

ການປຸກລະດົມບັ້ນສຸດທ້າຍຂອງທ່ານຄິງ ມີຂຶ້ນໃນປີ 1968 ທີ່ເມືອງ Memphis ລັດ Tennessee ​ເວລາທີ່ທ່ານ​ໄປໃຫ້ການສະໜັບສະໜຸນ ​ແກ່ພວກຄົນງານທໍາຄວາມ
ສະອາດ ທີ່​ພາກັນນັດຢຸດງານປະທ້ວງ.ທ່ານຄິງ ໄດ້ຖືກລອບສັງຫານ ຂະນະທີ່​ທ່ານ​
ຢືນ​ຢູ່​ລະບຽງ ໂຮງແຮມທ້ອງຖິ່ນແຫ່ງນຶ່ງ. ເວລານັ້ນ ທ່ານຄິງມີອາຍຸລວມໄດ້ 39​ ປີ.

ນັກເຄື່ອນໄຫວ​ເພື່ອສິດທິພົນລະເຮືອນ ທີ່ເຄີຍລົງສະໝັກເລືອກຕັ້ງ ປະທານາທິບໍດີ
ສອງຄັ້ງ ກໍຄື ທ່ານ Jesse Jackson ໄດ້ຢູ່ທີ່ນັ້ນ ເວລາທ່ານຄິງ ເສຍຊີວິດ.

ທ່ານ Jesse Jackson ເວົ້າວ່າ: “ເຖິງແມ່ນ​ໄດ້ເສຍຊີວິດໄປແລ້ວກໍຕາມ ທ່ານຄິງ
ກໍ​ຍັງກາຍເປັນຜູ້ຍິ່ງໃຫຍ່ກວ່າເກົ່າ ທ່ານໄດ້ຖືກດັບຊີບຢ່າງບໍ່ເປັນທໍາ ຢູ່ທີ່ເມືອງ
Memphis ແຕ່ການຄືນຊີບມາຂອງທ່ານແມ່ນໄດ້ສົ່ງຜົນສະທ້ອນ​ໄປທົ່ວໂລກ.”

ໃນຄືນກ່ອນເສຍຊີວິດນັ້ນ ທ່ານ ຄິງ ໄດ້ກ່າວຄໍາປາໄສ ທີ່​ມີ​ເນື້ອ​ໃນ​ຕອນ​ນຶ່ງວ່າ:

“​ແລະ​ຂ້າພະ​ເຈົ້າ​ກໍ​ໄດ້​ເຫັນ​ດິນ​ແດນ ທີ່​ພະ​ເຈົ້າໄດ້​ໃຫ້​ຄໍາ​ໝັ້ນ​ສັນຍາ​ແກ່​ພວກ​ເຮົາ.
ຂ້າພະ​ເຈົ້າ​ອາດ​ຈະ​ໄປ​ບໍ່​ຮອດ​ດິນ​ແດນ​ແຫ່ງ​ນັ້ນ​ກັບ​ພວກ​ທ່ານ ​ແຕ່​ຂ້າພະ​ເຈົ້າ​ຢາກ​
ໃຫ້​ພວກ​ທ່ານ​ຮູ້​ໄວ້ໃນ​ຄືນ​ນີ້ວ່າ ພວກ​ເຮົາ ​ໃນ​ຖານະ​ຊົນ​ຊາດ​ນຶ່ງ​ນັ້ນ ​ແມ່ນ​ຈະ​ໄປ​
ຮອດ​ຢ່າງ​ແນ່ນອນ.”


40 ປີ ຫຼັງຈາກການເສຍຊີວິດຂອງທ່ານຄິງ ຄວາມຝັນບາງຢ່າງຂອງທ່ານໄດ້​ເປັນຄວາ​ມ
ຈິງ​ຂຶ້ນ​ມາ ໂຮມທັງການເລືອກຕັ້ງໃນປີ 2008 ​ເອົາທ່ານບາຣັກ ໂອບາມາ ເປັນປະທານາ
ທິບໍດີອະເມຣິກັນເຊື້ອສາຍ ອາຟຣິກາຄົນທໍາອິດ ຂອງສະຫະລັດ.

ຄວາມ​ເວົ້າຂອງທ່ານ ມາ​ຕິນ ລູ​ເທີ ຄິງ ຍັງສືບຕໍ່ດົນຈິດດົນໃຈຜູ້ຄົນ ຢູ່ໃນທົ່ວໂລກ ເທົ່າ ເຖິງທຸກວັນນີ້.

ລໍາດັບເຫດການກ່ຽວກັບທ່ານຄິງ: ຄລິກຢູ່ບ່ອນສີຫລ່ຽມຂ້າງລຸ່ມນີ້ ເພື່ອເບິ່ງຮູບ
ແລະ ຄໍາບັນລະຍາຍພາສາອັງກິດ:

ເບິ່ງຄວາມເຫັນ (1)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG