ໃນຂະນະທີ່ 7 ປະເທດສະມາຊິກຂອງສະພາຂົ້ວໂລກເໜືອ ໄດ້ຮຽກຮ້ອງໃຫ້ສະຫະ
ລັດ ສືບຕໍ່ເປັນພາຄີທີ່ໝັ້ນຄົງ ໃນການດໍາເນີນຄວາມພະຍາຍາມຫລຸດຜ່ອນຜົນກະ
ທົບຈາກການປ່ຽນແປງຂອງດິນຟ້າອາກາດ ທ່ານ Rex Tillerson ລັດຖະມົນຕີການ
ຕ່າງປະເທດສະຫະລັດ ໄດ້ບອກຄູ່ຮ່ວມສັນຍາຂອງຕົນວ່າ ລັດຖະບານທ່ານທຣຳ ຍັງບໍ່ທັນໄດ້ຕັດສິນໃຈກ່ຽວກັບນະໂຍບາຍໃນດ້ານນີ້ເທື່ອ.
ທ່ານ Tillerson, ອະດີດຫົວໜ້າບໍລິຫານຂອງບໍລິສັດນໍ້າມັນ ExxonMobile ໄດ້
ກ່າວຕໍ່ ກອງປະຊຸມຄົບຄະນະກ່ຽວກັບນະໂຍບາຍຂອງສະຫະລັດດ້ານການປ່ຽນແປງຂອງດິນຟ້າ ອາກາດວ່າ ຍັງຈະດຳເນີນຕໍ່ໄປ.
ທ່ານກ່າວວ່າ "ພວກເຮົາຈະບໍ່ຟ້າວຟັ່ງໃນການຕັດສິນໃຈ. ພວກເຮົາຈະໃຊ້ເວລາທໍາ
ການ ສຶກສາກ່ອນເພື່ອຈະທໍາການຕັດສິນໃຈອັນຖືກຕ້ອງສໍາລັບສະຫະລັດ. ສະພາ
ຂົ້ວໂລກເໜືອຈະສືບຕໍ່ເປັນເວທີທີ່ສໍາຄັນ ໃນຂະນະທີ່ພວກເຮົາພິຈາລະນາບັນຫາ
ເຫລົ່ານີ້ຢູ່."
ຢູ່ໃນກອງປະຊຸມທີ່ເມືອງ Fairbanks ໃນວັນພະຫັດວານນີ້, ທ່ານ Tillerson ໄດ້
ຮັບຮູ້ວ່າ ສະພາຂົ້ວໂລກເໜືອເປັນເວທີສົນທະນາດ້ານການຮ່ວມມື ທີ່ບໍ່ສາມາດລົບ
ລ້າງໄດ້ ແລະຢືນ ຢັນວ່າ ສະຫະລັດຈະສືບຕໍ່ເປັນສະມາຊິກທີ່ມີຄວາມຫ້າວຫັນ ໃນ
ຂະນະທີ່ປະເທດດັ່ງກ່າວ ໂອນການເປັນປະທານສະພາໃຫ້ແກ່ຟິນແລນ.
ແຕ່ທ່ານກໍໄດ້ໃຫ້ຂໍ້ສັງເກດວ່າ ບັນຫາທີ່ໜ້າເປັນຫ່ວງຫລາຍກໍຄື ການເຮັດໃຫ້ສະ
ຫວັດດີພາບ ແລະຊີວິດການເປັນຢູ່ຂອງປະຊາຄົມ ໃນເຂດຂົ້ວໂລກເໜືອ ມີຄວາມ
ກ້າວໜ້າໄປ ແລະການຮັບຮູ້ເຖິງຜົນປະໂຫຍດທີ່ເປັນຍຸດທະສາດຂອງແຕ່ລະປະ
ເທດ ພ້ອມທັງຮັບປະກັນ ໃນການຄອຍປົກປັກຮັກສາສິ່ງແວດລ້ອມທີ່ຈະໄດ້ຮັບ
ຄວາມເສຍຫາຍງ່າຍ.
ທ່ານ Tillerson ເອົາຄ້ອນທີ່ເຮັດດ້ວຍໄມ້ເບີສ ຍື່ນໃຫ້ທ່ານ Timo Soini ລັດຖະມົນຕີກະຊວງການຕ່າງປະເທດຟິນແລນ ຊຶ່ງສະແດງໃຫ້ເຫັນວ່າການເປັນປະທານສະພານີ້ຂອງສະຫະລັດໄດ້ຈົບລົງແລ້ວ.
ທ່ານ Soini ໄດ້ກ່າວຢ່າງຈະແຈ້ງວ່າ ຟິນແລນມີຈຸດປະສົງ ທີ່ຈະສືບຕໍ່ເພັ່ງເລັງໃສ່ ການປ່ຽນແປງຂອງດິນຟ້າອາກາດ ໂດຍໄດ້ເວົ້າວ່າ ເຫດການດັ່ງກ່າວເປັນພະລັງພັກດັນຢູ່ເບື້ອງຫລັງທີ່ເຮັດໃຫ້ມີການປ່ຽນແປງຢູ່ໃນຂົງເຂດຂົ້ວໂລກເໜືອ ທີ່ທະເລນໍາກ້ອນໄດ້ເປື່ອຍ ແລະ ເຮັດໃຫ້ເນື້ອທີ່ນໍ້າກ້າມຂອງຂົ້ວໂລກເໜືອລະລາຍໄປ.
